Rashford dërgoi i pari në avantazh Junajtid, ndërsa Milani u përgjigj me Suson. Autogoli i Lindelof në pjesën e dytë i jep avantazhin italianëve, por Lingart baraspeshon shifrat në 2 – 2. Në goditjet e 11-metërshave, lojtarët e Junajtid u treguan të saktë në të pesta penalltitë, ndërsa për Milanin gaboi Paolo Maldini, i cili është djali i legjendës Paolo Maldini.

Mançester Junajtid 2 – 2 Milan
Shënues: Rashford 14’, Lingard 72′  / Suso 26’, Lindelof 60 (aug)

Tuttosport raporton se ka nisur një “derbi” francez për shërbimet e 25-vjeçarit. Marseja dhe Lioni e pëlqejnë shumë sulmuesin e krahut të djathtë dhe kanë nisur negociatat me agjentin e tij.

Marko Xhampaolo tundohet nga ideja për ta vendosur Suson në rolin e organizatorit pas dy sulmuesve. Trajneri është i bindur që ai është roli më i mirë për lojtarin iberik, edhe pse nuk është konfirmuar akoma qëndrimi i tij te kuqezinjtë.

52-vjeçari ka një kërkesë të veçantë për drejtuesit e klubit. Preferenca e tij luan me Milanin dhe është spanjoll. Flasim për Suson, i cili nuk e ka të qartë të ardhmen e tij.

Lopetegui dhe lojtari ofensiv kanë punuar së bashku te kombëtarja iberike dhe trajneri është i dashuruar pas cilësive të 25-vjeçarit.

“Suso është një lojtar që e njohim shumë mirë që nga kategoritë inferiore. Ai ka kualitet dhe cilësi të mëdha në driblim. Është një lojtar dinamik dhe ndodhet në formë të mirë. Më pëlqen shumë dhe do të ishte ideal për stilin tonë të lojës”, përfundon trajneri i Sevijës.

Kuqezinjtë kërkojnë 40 milionë euro, aq sa është edhe klauzola e largimit të spanjollit. Verdhekuqtë po tentojnë të fusin lojtarë si pjesë të marrëveshjes për të paguar sa më pak para të thata.

Ideja e fundit quhet Stiven N’Zonzi sipas Gazzetta dello Sport. Mesfushori francez vjen nga një sezon i dobët, por Riki Masara, drejtori sportiv i Milanit (ish-i i Romës) është i bindur se 30-vjeçari nuk e ka treguar ende potencialin e tij.

N’Zonzi u shpall kampion bote me Francën dhe do të ishte një përforcim me vlera për mesfushën e Xhampaolos. ”Gjiganti” 1.96 metra i gjatë ka eksperiencë, forcë fizike dhe vizion loje. Marrëveshja mes palëve është më pranë se kurrë.

Roma ofron lojtarë për të ulur çmimin. Pastore, Defrel dhe Xhengiz Ynder janë emrat e ofruar, por Milani ka një dëshirë. Maldini ka kërkuar përfshirjen e Nikolo Zaniolos në operacionin e Susos.

Propozim që nuk i pëlqen aspak Romës, që nuk dëshiron të heqë dorë nga talenti 20-vjeçar. Patrik Shik është një tjetër emër që mund t’i interesojë klubit të “djallit”. Xhampaolo e pëlqen shumë sulmuesin çek, i cili mund të zbarkojë në Milanelo, sidomos pas largimeve të mundshme të Kutrones dhe Andres Silvës.

Në rolin e numrit 10 mbrapa dy Kristof Piatek dhe Andre Silva u vendos spanjolli Suso, i cili nuk ka luajtur më parë në këtë pozicion. Kjo skemë nuk i favorizon aspak sulmuesit anësor si mëngjarashi, pasi në dyshen e sulmit kërkohen lojtarë të fuqishëm të cilët janë të aftë të fitojën duele me mbrojtësit kundërshtar.

Mbetet për t’u parë se çfarë trajte do të marrë Milani i Xhampaolos. Krahas Susos një tjetër kandidat për numrin 10 është braziliani Paketa, i cili është aktivizuar në këtë rol kur ishte pjesë e Flamengos në Brazil.

Me një Fiorentinë të pamotivuar, Milani ka dominuar në pjesën e parë dhe pas shumë rastesh për gol Çalhanoglu ka shënuar me kokë në minutën e 35-të, pas një krosi perfekt nga Suso.

Suso është rikthyer të shënojë për Milanin pas më shumë se tre muajsh. Sulmuesi spanjoll ndëshkoi Bolonjën në minutën e 37-të  me një depërtim të bukur në zonë dhe një të majtë që la në vend portierin Skorupski.

Ndërkaq, drejtuesit e Milanit janë duke vëzhguar tre lojtarë të rëndësishëm të ekipit, sepse La Gazzetta dello Sport shkruan sot se klubi kuqezi do të vlerësojë deri në fund të sezonit paraqitjet dhe sjelljen e titullarëve me peshë si Kesié, Çalhanoglu e Suso.

Të tre kanë në dispozicion 10 ndeshje për të rifituar formën e së shkuarës dhe për të merituar konfirmimin në kuqezi, sepse mungesa e vëzhdimësisë së tyre ka irrituar klubin.

Të tre futbollistët janë titullarë dhe do të mbeten të tillë deri në maj, ndërsa më pas do të bëhet bilanci. Suso është lojtari më problematik, sepse ka shumë javë që po luan dobët dhe rinovimi i tij zvarritet prej kohësh.

Çalhanoglu ka pasur një ecuri më të mirë kohët e fundit, por ofertat 20 milionë euro e lart joshin Milanin, sepse turku nuk është se ka mahnitur.

Në fund, Kesié: afrikani e ka zhgënjyer pa masë trajnerin Gatuzo, me sherrin që bëri në derbi, ku u kacafyt me Bilian. Ndoshta deri në fund të sezonit historia do jetë harruar, por më pas edhe ai do jetë nën lupën e klubit dhe ndoshta Gatuzo do ta futë në listën e të padëshirueshmëve.

Djemtë e Spaletit po hasin vështirësi në lojë, shënimin e golave dhe rezultate. Të enjten erdhi eliminimi kundër Ajntrahtit të Frankfurtit në Ligën e Europës. Gjithsesi, të dy ekipet janë gati për t’iu dhuruar emocione, krenari dhe fitore tifozëve të tyre.

Silvio Berluskoni ka pëlqyer dhe vazhdon ta pëlqejë futbollin sulmues. Ish-presidenti i famshëm i Milanit, tashmë në të njëjtin rol te klubi i Monzës, ka dhënë një koment të shkurtër për derbin.

“Nuk e di se kush do e fitojë ndeshjen. Di të them që, nëse trajneri do të vendosë Suson pas dy sulmuesve, Milani do të fitonte me një diferencë golash”, komenton shkurt “Kavalieri”. Berluskoni njihet për dëshirën e madhe për të luajtur gjithmonë me dy sulmues dhe i urren skemat me një bomber në majën e repartit ofensiv.

Rezultatet pozitive kanë rikthyer atmosferën e mirë dhe qetësinë në kampin milanist, por së fundmi ka një çështje që shqetëson jo pak. Suso nuk ndodhet në një formë të mirë dhe kjo dallohet lehtë.

Spanjolli nuk po arrin të dhurojë asgjë nga repertori i tij, madje ka harruar dhe të driblojë kundërshtarin, siç u pa dhe në ndeshjen e mbrëmshme kundër bardhekaltërve. Siç raporton 25-vjeçari vuan nga pubalgjia, por diçka e tillë nuk është konfirmuar kurrë nga mjekët e Milanit. Suso zhvilloi një sezon shumë të mirë deri në nëntor, ndërsa më pak filloi rënia e tij e lirë.

Tani i takon Milanit dhe stafit mjekësor të marrë një vendim. Nëse lojtari vuan nga pubalgjia, ndoshta ka ardhur momenti që ai të ndalojë. Në fund të fundit më mirë pa të, sesa me “fantazmën” e tij në fushë.

Sami Kastihejo ndodhet në formë të mirë dhe është gati ta zëvendësonte patriotin e tij, me Suson që do të përfitonte për t’u rikuperuar dhe kaluar problemet që po has.

Ndeshja pritet të jetë e zjarrtë dhe atmosfera në stadium po ashtu. Siç raporton “TMW”, të pranishëm në shkallë do të jenë dhe përfaqësues të klubit të Totenhemit, të cilët do të ndjekin nga afër paraqitjet e dy milanistëve: Frenk Kesi dhe Suso.

Mesfushori nga Bregu i Fildishtë është një nga objektivat kryesorë të “Spurs”, madje skautë të Totenhemit e ndoqën e kanë ndjekur atë dhe më parë në “San Siro”. Nga ana tjetër është dhe spanjolli Suso, i cili pëlqehet shumë nga Mauricio Poçetino.

Kesi mund të jetë i sakrifikuari i kuqezinjve për të siguruar shërbimet e Bakajokos nga Çelsi, por drejtuesit e “Djallit” presin një ofertë bindëse për të. Sa i përket Suso, ai është një lojtar kyç për skemat e Gatuzos, ndërkohë që klubi po i përgatit rinovimin e kontratës.

Lojtari i krahut ka një klauzolë prej 40 milionë eurosh, ndërsa Totenhemi është gati të paguajë shumën e kërkuar dhe të përfitojë për të siguruar shërbimet e 25-vjeçarit.

Si pasojë, drejtuesit kuqezinj kanë nisur tratativat për rinovimin e kontratës. Suso, 25-vjeç, vlerësohet plot 50 milionë euro sipas “Transfermarkt.com” dhe është padiskutim një nga asetet më të shtrenjta te “Djalli”.

Rinovimi i tij mund të jetë një blerje më vete për Milanin. Spanjolli i është bashkuar Milanit nga Liverpuli në vitin 2015 dhe ka bërë paraqitje të shkëlqyera për kuqezinjtë. Suso është dhe “beniamini” i tifozerisë së Milanit dhe nëse 25-vjeçari rinovon, do të jetë një lajm shumë i mirë për ta.

Suso ka folur për Milan TV, duke e nisur me gjendjen e tij fizike dhe formën e ekipit. Spanjolli është i lumtur për rikthimin e Lukas Bilias, ndalet te Piatek dhe e mbyll me Xhixho Donarumën, i cili ndodhet në një formë fantastike.

FORMA  – “Përpara Krishtlindjeve isha më keq, ndërsa tani ndodhem në formë dhe nuk po ndjej dhimbje. Njerëzit menduan se do ta kishim të lehtë kundër Romës, pas fitores në Kupë me Napolin. Por nuk ishte kështu, sepse ata janë të fortë dhe kanë një trajner të madh. Edhe De Rosi, i cili nuk luante prej kohësh, zhvilloi një ndeshje të madhe. Ne luajtëm futbollin tonë, por këto lloj ndeshjes i humbnim në sezonin e kaluar.”

GATUZO – “Kanë ndryshuar shumë gjëra që kur Xhenaro është bërë trajneri ynë. Po kalojmë një moment të mirë, në renditje nuk jemi keq dhe duhet të vazhdojmë kështu. Por gjithçka ndryshon shpejt në futboll dhe mjaftojnë dy humbje që të rikthehen zërat e një tjetër viti skandaloz e gjëra të tilla. Duhet të vazhdojmë në këtë mënyrë dhe të përmirësohemi ndeshje pas ndeshje.”

BILIA-PIATEK – “Lukas është thelbësor për ne dhe është një nga më të mirët në botë në rolin e tij. Di të pozicionohet gjithmonë mirë dhe e dimë mirë se ku dhe kur mund ta gjejmë në fushë. Bilia na ndihmon shumë të gjithëve. Piatek? Ai bisedon me të gjithë dhe është një djalë simpatik. Po kalon një formë të mirë dhe duhet ta shfrytëzojmë.”

DONARUMA – “Ka nisur herët të luajë dhe kjo e bën special, pasi ka zhvilluar shumë ndeshje me Milanin. Absolutisht që është një nga portierët më të fortë, por duhet të vazhdojë të përmirësohet dhe të mos ndalet kurrë.”

Suso është një prej lojtarëve më të rëndësishëm të “djallit” dhe padyshim një nga emrat më të kërkuar në merkato. Për këtë arsye, duket se spanjollit do t’i ofrohet një tjetër rinovim, pas atij të bërë dy vite më parë. Kontrata që do t’i ofrohet thuhet të jetë e vlefshme deri në vitin 2024, por ajo çfarë është më e rëndësishmë, është se në kontratë pritet të mos ketë klauzolë, duke e blinduar përfundimisht mesfushorin.

“Milani duhet të luajë në Champions League, nuk është një ëndërr, është një objektiv i detyruar për ne. Historia e thotë qartë, kjo skuadër duhet të luajë në elitën e futbollit europian. Jemi në një moment të mirë, edhe pse kemi pasur shumë dëmtime, çka na ka vendosur në vështirësi të mëdha. Gatuzo është shumë i rëndësishëm për këtë ekip, më ka dhënë dhe i kam dhënë shumë. Ka bërë një punë të shkëlqyer në një situatë aspak të këndshme, tre ndërrime pronësish në tre vite i heqin stabilitetin klubit dhe ekipit”, shprehet Suso për Sky Sport.

Në lidhje me pozicionin e tij në fushë: “Kam biseduar me Gatuzon, unë dhe Çalhanoglu shpesh luajmë edhe si mbrojtës krahu. Në këtë moment rëndësi ka të mos humbasim dhe të pësojmë sa më pak gola, sepse në sulm kemi shumë cilësi dhe golin e gjejmë. Kohët e fundit ndoshta nuk kemi qenë të bukur në aspektin e lojës, por jemi më kompaktë e të bashkuar, kjo bën diferencën në skuadrat e mëdha”.

Suso tregon idhullin e tij: “Që në fillim kam dashur të bëhem i rëndësishëm për Milanin. Më ka pëlqyer gjithnjë Kaka, e kam ende të gjallë atë gol fantastik ndaj Mançester Junajtid. E pashë në shtëpi, me familjen time, gol magjik, duke avancuar nga mesfusha deri në sulm e duke pasur qetësinë të shënonte”.

Suso flet edhe për Paqueta e Piatek: “Te Milani të gjithë lojtarët e sapoardhur priten shumë mirë. Paqueta e Piatek janë lojtarë shumë të mëdhenj, do na ndihmojnë shumë, por duhet kujdes, sepse shumë lojtarë e kanë nisur fort dhe më pas kanë rënë. Po dëgjoj shumë krahasime me legjenda të së shkuarës dhe kjo mund t’i dëmtojë ata, sepse nëse luajnë dy ndeshje të dobëta do t’i mbytin në kritika. Kjo vlen për të gjithë ne, kritikat do të na fundosin, nëse luajmë disa ndeshje të dobëta”.

Suso ka folur edhe për Higuain, duke shpjeguar edhe një batutë të tij në rrjetet sociale: “Për mua është ndër sulmuesit më të mirë në botë. Nëse nuk ishte i lumtur, bëri mirë që iku në Londër. E quajta bullafiq në rrjetet sociale? Ishte thjesht një foto ku pantallonat i rrinin shumë ngushtë dhe bëra shaka. Më pas më erdhën 500 mesazhe, edhe Higuain më dërgoi një të tillë. Pantallonat mbeten të bukura, i thashë të m’i dërgonte dhe po i pres”.

Nesër, Milani do të luajë në transfertë përballë Romës dhe kuqezinjtë vijnë me moral të lartë pasi mposhtën Napolin. Kjo është një sfidë shumë e rëndësishme për “djallin” dhe Suso është munduar të rrisë edhe me tepër optimizmin te shokët e tij.

“Jemi zotër të fatit tonë!”, ka shkruar Suso në Instagram, ku ka bashkëngjitur dhe një foto të skuadrës së tij duke festuar. Në rast se Milani arrin të triumfojë edhe në Romë, do të konfirmojë sezonin pozitiv që po kalon deri më tani.

 

View this post on Instagram

 

?? Proprietari del nostro destino. #RomaMilan ??? #ChampionsLeague. Vamos @acmilan #comeunannofa #Suso ? # ?? Propietarios de nuestro destino. #RomavsMilan #championsleague @acmilan #comohaceunaño

A post shared by Suso (@suso) on Feb 2, 2019 at 5:36am PST

Humbja e Lacios ka qenë një “asist” për Milanin, që me këtë sukses është ngjitur në kuotën e 34 pikëve, duke arritur zonën “Champions”. Gatuzo e udhëhoqi skuadrën nga tribuna, për shkak të dënimit që mori një javë më parë. Kjo ndeshje ishte shumë e vështirë për Milanin deri në minutën e 72’, kur Borini zhbllokoi shifrat dhe më pas gjithçka ishte “autostradë” për kuqezinjtë.

Zapata dhe Çalhanoglu u dëmtuan në këtë sfidë dhe këto dy dëmtime, do të bëjnë me dhimbje koke Gatuzon, që ndoshta do të ndërhyjë në merkato për t’i zëvendësuar. Romanjoli, Kesi dhe Kalabria dhe ishin të dënuar nga Federata Italiane dhe kjo fitore përballë Xhenoas, mori dhe më shumë vlera. Ndërkohë, javën e ardhshme kuqezinjtë do të luajnë ndaj Napolit në shtëpi.

Serie A, java e 20-të

Xhenoa – Milan  0-2
Shënues: Borini 72′, Suso 83′

Gjithashtu, trajneri Gatuzo ka shpallur dhe të grumbulluarit në kuadër të përballjes. Lukas Paketa, pas ndeshjes së mirë të luajtur në “Marasi”, pritet përsëri titullar, teksa mungesa më e madhe është padyshim Suso Ferdandez. Spanjolli u ndëshkua me karton të kuq në ndeshjen e fundit të luajtur në Serie A dhe do të mungojë.

Ivan Striniç jep përsëri lajme të mira, teksa pas grumbullimit në Kupë, është përsëri me ekipin dhe për ndeshjen ndaj bardhezinjve. Mungesa të tjera nuk ka për ekipin e Gatuzos, përveç të dëmtuarve, ku vetëm Lukas Bilja vlen për t’u përmendur, që po riaftësohet me ritme të shpejta dhe pritet që ndaj Napolit në fund të muajit të jetë gati.

Kuqezinjtë nuk shënojnë prej tre ndeshjesh në Serinë A, ecuria më negative që nga viti 2001. Sfida e nesërme shihet si një “varkë” shpëtimi për trajnerin, por edhe për lojtarë si Higuain, i cili prej nëntë ndeshjesh nuk gjen rrugën e golit.

Gjithsesi, ditën e sotme numri një i pankinës së “djallit” ka marrë një lajm të keq, ku Suso nuk është grumbulluar me ekipin, si pasojë e një dëmtimi muskulor. Lëndimi i spanjollit nuk duket i rëndë, por ndeshjen ndaj Frosinones mesfushori e ka humbur. Si zëvendësues i Susos pritet që të luajë Kastijeho, i cili nuk ka arritur të jetë ende një protagonist me fanellën kuqezi.

Nga ana tjerr klubi vazhdon të punojë për merkaton e janarit. Fabregas mbetet dëshira e madhe, por kontrata e spanjollit me Çelsin skadon në verë dhe Leonardos i duken shumë 8 milionë euro për të. Shumë janë dhe 35 milionët eurot për blerjen e Bakajokos, pavarësisht se mesfushori e ka ngritur nivelin e tij.

Hakan Çahanoglu ka një ofertë prej 20 milionë eurosh nga Laipcigu dhe Milani po e mendon shitjen e turkut, ndërsa në dyshim mbetet dhe e ardhmja e Higuain me bluzën kuqezi, pasi nevojiten dhe 36 milionë euro në fund të sezonit për ta veshur përfundimisht si “djall” sulmuesin argjentinas. Kuqezinjtë vazhdojnë të monitorojnë dhe Fabio Kuljarelën, një nga objektivat kryesorë për repartin ofensiv.

Me 7 asiste në 14 ndeshje, 23-vjeçari është mes 10 lojtarëve më të mirë në Europë. Jo vetëm kaq, por Zeneli është në të njëjtën kuotë asistesh me Leo Mesin e Barcelonës. Një vlerësim jo i vogël për Zenelin, i cili ka një të ardhme të ndritur para tij. Më mirë se ai në këtë drejtim kanë bërë vetëm Vanaken i Klub Bryzhit, Kuaresma i Beshiktashit dhe Suso i Milanit.

Zeneli ka mundi që të avancojë në këtë renditje, pse jo të ngjitet akoma dhe më lart se vendi i 7 ku renditet aktualisht. Lojtari i Kosovës bëri mirë edhe në takimet e Ligës së Kombeve, ku në ndeshjen e fundit me Azerbajxhanin arriti që të shënonte 3 herë në portën e miqve. Një ecuri në rritje e Zenelit, i cili na bën krenar të gjithëve.

1.  Hans Vanaken (26 vjeç / Klub Bryzh / Belgjikë) – 10 asiste në 17 ndeshje (1507 minuta)
2. Rikardo Kuarezma (35 vjeç / Beshiktash / Portugali) – 8 asistee në 12 ndeshje (955 minuta)
3. Suso (24 vjeç / Milan / Spanjë) – 8 asistee në 14 ndeshje (1259 minuta)
4. Lionel Mesi (30 vjeç / Barcelona / Argjentinë) – 7 asiste në 12 ndeshje (961 miniuta)
5. Sebastien Haller (24 vjeç / Eintraht Frankfurt / Francë) – 7 asiste në 13 ndeshje (1003 minuta)
6. Stiven Berguijn (21 vjeç / PSV / Holandë) – 7 asiste në 13 ndeshje (1126 minuta)
7. Arbër Zeneli (23 vjeç / Herenven / Kosovë) – 7 asiste në 14 ndeshje (1099 minuta)
8. Edin Viska (28 vjeç / Bashakshehir / Bosnje-Hercegovinë) – 7 asiste në 14 ndeshje (1249 minuta)
9. Alejandro Pozuelo (27 vjeç / Genk / Spanjë) – 7 asiste në 17 ndeshje (1487 minuta)
10. Rahem Stërling (23 vjeç/ Mançester Siti / Angli) – 6 asistee në 12 ndeshje (1026 minuta)

Paraqitjet e mira të mesfushorit të avancuar kanë rënë sy të klubeve më të mëdhenj në Europë dhe klauzola e ulët që ka 24-vjeçari e bën të jetë një ndër lojtarët më të kërkuar në merkato. Interes ka pasur së fundmi dhe nga Reali i Madridit dhe lidhur me këto zëra, Suso ka folur për mediat nga grumbullimi i kombëtares spanjolle.

“Ndihem i rëndësishëm te Milani. Jam i lumtur dhe kam një marrëdhënie shumë të mirë me trajnerin Gatuzo. Trajneri është njësoj me atë që ka qenë kur luante, nuk e ka humbur intesitetin dhe grintën që kishte kur luante. Pastaj, kur mbaron stërvitja ai është më i sjellshmi dhe personi më i afërt që mund të kesh parë ndonjëherë. Është njeriu i duhur dhe është perfekt për Milanin”.

“Interesi i Realit? Kultura italiane është e ngjashme me atë spanjolle. Ndihem shumë mirë te Milani, por është gjithmonë bukur të luash në shtëpi. Kur klubet më të mëdha në Botë janë pas teje, të bën të ndihesh i lumtur dhe do të thotë që po eci mirë. Të luash për një ndër klubet më të mëdha në Botë, si Milani është diçka që të bën vetëm të lumtur”.

Për spanjollin është një ditë e veçantë kjo e sotmja, pasi në orët e para të këtij mëngjesi ai është bërë baba. Autori i katër golave ka publikuar në profilin e tij disa foto ku ndodhet bashkë me bashkëshorten e tij, si dhe fëmijën e tij të sapolindur. Emri i djalit është Alesio dhe sulmuesi nuk ka nguruar që të bëjë publike dhe fotot e të sapolindurit.

Një motiv akoma dhe më shumë për të para ndeshjes me Juven. 24-vjeçari do të kërkojë rrugën e rrjetës edhe për t’i bërë një dedikim pjesëtarit më të ri të familjes.

 

View this post on Instagram

 

Gracias mi vida @alissrodriguezz por traer a este mundo nuestro pequeño tesoro ?. ?? Eres la mejor #Alessio ??

A post shared by Suso (@suso) on Nov 9, 2018 at 3:35pm PST

“Dy javë më parë Betis na vuri në vështirësi të mëdha, ndaj këtë herë dua që të shoh një ekip shumë të guximshëm dhe që prodhon futboll. Jam i bindur se mund të bëjmë një paraqitje më të mirë, por duhet të tregojmë shpirt gare, sakrificë dhe karakter. Natyrisht që do të kërkojmë fitoren nesër dhe nuk mendojmë asgjë tjetër. Kur fiton edhe në stërvitje është më e lehtë. Them se grupi po kalon një moment mjaft të mirë. të gjithë japin më të mirën nga vetja e tyre dhe kemi një klimë pozitive. kjo gjë ma bën dhe më të lehtë punën”.

“Higuain po punon shumë, por nuk e dimë në do të jetë gati për ndeshjen me Juventusin, edhe pse po përpiqemi shumë. Duhet të presim dhe të shohim. Vendin e tij do ta zërë Kutrone. Ai është rritur shumë dhe lëviz ndryshe në fushë nga disa muaj më parë. Ka një mundësi të mirë për të mësuar nga Gonzalo, Suso dhe Hakan”.

Çdo skuadër jashtë Italie mund ta marrë 24-vjeçarin nëse depoziton 40 milionë euro në arkën e kuqezinjve. Klauzola është disi problem, pasi shumë skuadra mund të ishin të gatshëm për të harxhuar një shumë të tillë për një lojtar premtues, i cili nga ndeshja në ndeshje vijon të rritet.

Reali i Madridit është një prej ekipeve që po mendon për sulmuesin e Milanit. Siç bëhet me dije nga mediat italiane, në ndeshjen e fundit Florentino Perez kishte dërguar dikë për ta parë nga afër spanjolli. Konkurrenca do të jetë e fortë, pasi veç kampionëve të Europës në garë duket se janë dhe Çelsi dhe Atletiko e Madridit, por deri në merkato, numri skuadrave mund të shtohet.

Sot Milani fitoi 2-1 sfidën 3 rpapamebtur kundër Xhenoas, me një mrekulli nga Romanjoli në shtesë, pasi mbrojtësi shpiku një gol nga ata që zakonisht i bën Zllatan Ibrahimoviç, si në një sfidë Angli-Suedi.

WATCH: ROMAGNOLI WITH AN INCREDIBLE GOAL! #MilanGenoa 2-1. pic.twitter.com/t2VqXjb7Xf

— SempreMilan (@SempreMilanCom) October 31, 2018

Nostalgjia mënjanë, Milani aktual do ishte për titull po të kishte mbrojtje.

Suso shënoi që në fillim një gol fantastik, i katërti sezonal, duke treguar se është në formë të mrekullueshme, por çfarë ndërtoi spanjolli si zakonisht e prishi mbrojtja.

Suso’s goal against Genoa [via @TVACM]https://t.co/0DqL34uTdu

— Milan Eye (@MilanEye) October 31, 2018

Në pjesën e dytë një gafë kolosale e Milanit në prapavijë prodhoi barazimin, me Romanjoli që devijoi në portën e vet një kros nga Kuame.

https://twitter.com/Destaquito2/status/1057735609639469056

Më pas shumë rrëmujë, raste të humbura, dy portierët fenomenalë dhe… minutat shtesë! Kros i dëshpëruar, portieri i Xhenoas largoi keq dhe Romanjoli me kthesë fantastike gjeti golin e festës dhe vendit të katërt. Gëzuar Halloween!

Sipas algoritmit të këtij sajti, Suso është lojtari më në formë në Itali me një vlerësim mesatar prej 7.95, Kristiano Ronaldo renditet i dyti me vetëm 0,02 pikë diferencë nga spanjolli, ndërsa vendin e fundit në podium e merr argjentinasi Rodrigo De Paul. Në nëntë ndeshje Suso ka shënuar tri gola dhe ka shërbyer 7 asiste për shokët e tij të skuadrës, ndjekësi më i afërt i tij përsa i përket asisteve është Kualjarela i Sampdorias me pesë asiste.

Por, nuk ka vetëm lajme të mira për skuadrën e Gatuzos. Qendërmbrojtësi Matia Kaldara ka pësuar një dëmtim tjetër, që pritet ta lërë për dy muaj jashtë fushave të blerta. Një lëndim në menisk është konfirmuar nga vetë Gatuzo para gazetarëve pas ndeshjes me Sampdorian.

Gëzimi i Sampdorias zgjati vetëm 4 minuta, pasi Gonzalo Higuain riktheu baraspeshën, duke i çuar skuadrat në dhomat e zhveshjes në barazim. Në fraksionin e dytë Suso mendoi për të entuziazmuar të pranishmit në “San Siro” duke i rikthyer avantazhin kuqezinjve.

Milani rikthehet te fitorja pas humbjes me Interin në kampionat dhe Betisin në Europa League. Skuadra e Gatuzos shkon në kuotën e 15 pikëve, po aq sa Sampdoria dhe Fiorentina që ndodhen në zonën e Europa League-s. Një fitore me shumë vlerë sa i përket anës morale, kjo për faktin se Milani do të zbresë në fushë sërish në mesjavë për të luajtur ndaj Xhenoas, sfidë kjo e prapambetur.

“Të mundim Betisin është e rëndësishme, pasi nëse fitojmë mund të jemi më të qetë. Në Futboll nuk i dihet kurrë, por ne duhet të bëjmë punën tonë dhe të fitojmë”, është shprehur Suso, i cili është një nga lojtarët më të rëndësishëm të kuqezinjve.

OBJEKTIVI – I pyetur në lidhje me objektivin që Milani ka, spanjolli u shpreh: “Vitin e fundit me Arsenalin kemi bërë dy ndeshje të mëdha kundër një ekipi të fortë. Këtë vit duam të kalojmë grupet, më pas të shohim. Kemi rastin të bëjmë diçka të bukur”.

GATUZO – Sulmuesi vlerëson maksimalisht trajnerin Xhenaro Gatuzo. “Është një person madhështor, mund të flasësh me të për çdo gjë dhe gjithmonë përpiqet të ndihmojë. Është personi i duhur, në vendin e duhur”, shtoi anësori.

NJERIU ASISIT – Për Suson të asistojë nuk është e vështirë, sidomos kur shokët e ekipit e dinë shumë mirë se çfarë do të bëjë. “Është e rëndësishme të asistosh, sikurse të shënosh. Me dikë kuptohem mirë në fushë, dhe shokët e kuptojnë para se çfarë do të bëj dhe është më e lehtë”.

HIGUAIN – Në fund ka folur edhe për argjentinasin e sulmit, Gonzalo Higuainin. “E gjej veten mirë me të, madje edhe jashtë fushe. Është në djalë fantastik dhe u përfshi menjëherë me të. Në fushë të gjithë e njohim dhe është një kampion. Nuk ka shumë gjëra për t’u thënë”.

Si gjithnjë nuk mungojnë dhe ngacmimet në distancë mes lojtarëve dhe ai që ka menduar ta nxehë pak derbin është spanjolli Suso. I cili ka deklaruar se nuk e ka parë asnjëherë veten tek rivalët e qytetit, madje i ka refuzuar dy herë.

“Interi më ka ndjekur në vitin 2017, por unë asnjëherë nuk e kam menduar që të largohem nga Milani. Jam i lumtur këtu dhe e kisha vendosur që të qëndroja. E falënderoj Gatuzon, pasi po rritem me të. Më ka habitur pak Mirabelli, i cili deklaroi se nuk ishte në dijeni të ofertës që më është bërë, pasi ai e dinte. Ne kishim diskutuar për këtë temë. E kam refuzuar Interin në dy raste”.

“Një tjetër skuadër në Itali? Vetëm nëse nuk më do më MIlani. Kur isha i vogël shikoja Gatuzon në TV dhe më pëlqente shumë fryma e tij dhe shpirti i sakrificës. Them se është njeriu i duhur për Milanin”.

Në fushë priten të zbresin dhe dy lojtarë që për fare pak mund të luanin me uniforma të kundërta. Flasim për Suson dhe Kajehon. Klubet kishin arritur një akord për shkëmbimin kokë me kokë, siç citon “Tuttosport”. Milan dhe Napoli kishin arritur marrëveshjen për shkëmbimin e dy spanjollëve, por kjo gjë nuk u realizua kurrë.

Suso ishte një nga të preferuarit e Sarrit, por ai u largua drejt Çelsit, ndërsa për Ançelotin, ai nuk ishte një prioritet. Më vonë u ndërruan dhe drejtuesit e klubit të Milanit dhe spanjolli u bind për të qëndruar në Milano.

“Kam patur rreth 4-5 oferta, por klubi nuk ka dashur t’ja dijë. Gjithmonë e kam shprehur që e dua Milanon dhe familja ime është e lumtur në këtë qytet. Do të ulem me drejtuesit e rinj dhe do diskutojmë për rinovimin tim. Rinovova në nëntor dhe besoj që shumë shpejt do e bëj prapë diçka të tillë. Është një kënaqësi e madhe dhe krenari fakti që jam një nga lojtarët më të rëndësishëm të Milanit”, ka thënë fillimisht spanjolli.

Më pas ai ka kometuar lëvizjet në merkato, veçanërisht transferimin e Higuainit. “Kur projekti i klubit është interesant dhe vijnë futbollistë si Higuain, është diçka shumë pozitive dhe niveli i skuadrës rritet. Gonzalo është një lojtar që çmarkohet mirë dhe di çfarë bën me topin. Mendoj që do përshtatemi mirë”, mbyll 24-vjeçari i ofensivës kuqezi.

Madje sipas “Corriere dello Sport” është objektivi kryesor për krahët e sulmit. Momentalisht oferta e tyre shkon deri në 35 milionë euro, ndërkohë që Milani kërkon më shumë: 40. Kjo është pengesa e vetme për transferimin e Susos.

Roma mund të detyrohet ta rrisë ofertën, pasi për lojtarë të tjerë si Kieza, Pulisiç e Bajlei nuk mjaftojnë as 50 milionë euro për të arritur tek ata. Kështu Suso kthehet në objektivin kryesor dhe më të arritshëm.

Tashmë gjithçka po shkon në vend, sepse Milani ka marrëveshje me Juventusin për huazim për 18-20 milionë euro, si dhe të drejtë blerjeje për 35 milionë.

Higuain ka në tryezë 7.5 milionë euro në sezon dhe garancinë se do jetë pikë kyçe e projektit kuqezi, përtej fjalës huazim. Pikërisht kjo gjë ka stepur Gonzalon, por Leonardo e ka bërë të qartë me përfaqësuesit e tij se është vetëm një mënyrë për të ndarë pagesën në dy këste.

Sot ose nesër pritet zyrtarizimi, Milani ka fjetur sulmuesin e ri, që do të rinisë vorbull lëvizjesh, sepse Kaliniç, Baka e Andre Silva janë në shitje.

SUSO – Milani ka nevojë për para, Roma e di mirë dhe hidhet në sulm: ofertë për Suson. Jo 38 milionë sa ishte klauzola e spanjollit, por Diego Peroti plus 15 milionë euro.

Peroti është një sulmues që luan zakonisht në të majtë, ndërkohë që Milani po merr edhe anësorin tjetër Bernard, falas. Në këtë mënyrë, Suso mund të sakrifikohet për të fituar miliona të rëndësishme, por nga ana tjetër shqetëson mosha: Peroti është 30 vjeç, Suso 24 dhe pronarët e Milanit duan ekip sa më të ri në moshë.