Idrizi: Ja çfarë kërkoj prej lojtarëve, duam Europën

Sport Ekspres — Wed, 19 Dec 2018 19:23:33 +0000

Sinan Idrizi investon prej vitesh te skuadra e Flamurtarit, por nuk ka arritur që të marrë rezultate që të gjithë në Vlorë presin. Numri një i klubit kuqezi nuk heq dorë dhe këmbëngul që ta bëjë skuadrën e Flamurtarit të suksesshme, por të formojë struktura europiane.

Skuadra vlonjate këtë edicion ëndërron me të drejtë se ,mund të arrijë zonën europiane, diçka që vetë Idrizi e pranon në një prononcim për “Supersport”, ku është shprehur se skuadra po e gëzon për faktin se po shfaqet me dinjitet edh enë përballjet ku është mundur.

“Gjatë 2018-ës kemi humbur në fushë dhe me dinjitet. Në të kaluarën nuk ka ndodhur kështu. Këtë dinjitet kërkoj prej lojtarëve. Besoj se do të kënaqim tifozerinë vlonjate duke u kualifikuar në Kupat e Europës. Te Flamurtari kemi qenë disi ‘leninistë’ në të shkuarën, duke bërë një hap para dhe dy hapa mbrapa. Këtë vit do mundohemi të jemi më ‘kapitalistë’ e racionalë”.