Gjatë prononcimit të tij, Ceferin konfirmon faktin që nuk do të krijohet një Superligë europiane. (16 klube, 11 prej të cilëve me ftesë të garantuar për 20 vite). Ai shpjegon se pse është kundër, flet për Botërorin me 48 klube dhe e mbyll me futbollin e femrave.

SUPERLIGA – “Është larguar përfundimisht rreziku i krijimit të Superligës europiane. UEFA ka diskutuar me klubet në mënyrë direkte dhe të ndershme. Klubet ishin gati të shkëputeshin nga UEFA në vitin 2016, por tashmë jemi bashkuar përsëri. Kemi diskutuar, e kemi dëgjuar me njëri-tjetrin dhe jemi marrë vesh.”

“Sa të jem unë president i UEFA-s dhe Andrea Anjeli president i ECA (Shoqata europiane e klubeve), nuk do të krijohet asnjë Superligë. Nuk po e premtoj një gjë të tillë, ky është fakt. Klubet e mëdha do të humbitnin madhështinë e tyre, nëse do të krijohej Superliga. Atyre do u mbetej vetëm e kaluara. Në futboll duhet respektuar më shumë rezultati që ofron fusha, piramida e futbollit, ngjitje-zbritjet nga kategoria. Të gjitha këto kanë më shumë rëndësi se llogaritë financiare.”

BOTËRORI ME 48 EKIPE – “Kemi kundërshtuar FIFA-n për Nations League globale dhe Botërorin e klubeve me 48 ekipe. Ne e respektojmë FIFA-n, e dashurojmë futbollin dhe duam të mbrojmë atë. Shpresojmë që dhe FIFA të ketë respekt për ne dhe ta dëgjojë pikëpamjen tonë.”

FEMRAT – “Futbolli i femrave është i rëndësishëm dhe duhet zhvilluar, jo për modë. Shumë shpejt do t’i kushtojmë futbollit të femrave një pjesë të rëndësishme të buxhetit tonë, pasi është futbolli i së tashmes dhe jo i së ardhmes.”

Një gjë e tillë e shqetëson UEFA-n, që, siç citon “AS”, po mendon të bëjë një revolucion të vërtetë, duke evituar krijimin e Superligës Europiane. Një modifikim të ndeshjeve të kampionatit dhe atyre të Champions-it, me të parat që do të luhen në mesjavë dhe Champions-in… në fundjavë!

Ndryshimi? Rritje ekonomike, më shumë tifozë për “fundjavën” e Champions-it, pasi do të jetë më e thjeshtë për të ftuar njerëzit në stadium. Mbi të gjitha, më shumë fitime nga të drejtat televizive.

Një gjë e tillë kundërshtohet nga katër ligat kryesore në Europë (Seria A, La Liga, Premier Liga dhe Bundesliga). Katërshja nuk dëshiron t’i dhurojë fundjavat UEFA-s për të luajtur ndeshjet e Champions-it.

Ata vazhdojnë t’i kërkojnë Qeverisë Europiane të Futbollit kualifikimin e katër ekipeve direkt në fazën e grupeve në Champions, gjë që kundërshtohet nga klubet e vogla, duke çuar në një pabarazi gjithnjë e më të madhe. Një gjë e tillë do të kthente Champions-in në një farë Superlige Europiane, kështu që rikthehemi në fillim te përplasja FIFA-UEFA.

Sipas artikulli të medies gjermane, në të ardhmen e afërt 16 klube elitare evropiane ndër to dhe Bajerni i Mynihut do t’i dorëzojnë UEFA-s një komunikatë të përbashkët për krijimin e kësaj lige të përbashkët.

Karl-Hainc Rumenige është promotori më i madh i kësaj ideje. Drejtuesi i kampionëve të Gjermanisë i ka kërkuar shefit të departamentit juridik të klubit Mikael Gerlinger të shikojë nëse kjo ide është e mundur nga ana e legjislacioneve ndërkombëtare dhe se Bajerni është ri gatshëm të braktisë Bundesligën për t’u bërë pjesë e këtij kompeticioni.