Superliga e Kosovës

Më në fund qetësi për Josën, Prishtina mund Gjilanin

Sport Ekspres — Wed, 19 Sep 2018 18:24:01 +0000

Skuadra e Prishtinës është rikthyer te fitorja pas dy barazime radhazi. Kryeqytetasit mundën në shtëpi Gjilanin falë golit të Diar Miftarajt në minutën e 80-të të takimit. Ky tri pikësh vlen shumë për trajnerin Mirel Josa, i cili në takimin e mëparshëm u bë shënjestër fyerjesh nga disa tifozë.

Në fundjavë Prishtina udhëton drejt Gjilanit për t’u përballur me Dritën, ku Josa do të ndeshet me një mik të vjetër si ish-trajneri i Partizanit, Shpëtim Duro, i cili para pak ditësh u emërua në postin e trajnerit te skuadra kampione në fuqi e Kosovës.

Llapi lë Dritën pa trajner, Trepça e Maganit shpërthen në gola

Sport Ekspres — Wed, 12 Sep 2018 16:08:28 +0000

Ipko Superliga e Kosovës vazhdon garimin, ndërkohë që kampionët e Dritës vijojnë të jenë në krizë. Këtë herë i ka mundur në shtëpi Llapi i drejtuar nga Bilbil Sokoli. 1-2 përfundoi ky takim, që në fund i la gjilanasit edhe pa trajneri, pasi Bekim Isufi ka dhënë dorëheqjen. Sigurisht që klubi nuk mund ta refuzojë,pasi nevojitet një ndryshim.

Flamurtari vijon të kryesojë, duke i habitur të gjithë. Në shtëpi kuqezinjtë nuk kanë falur. Ka qenë Liria e Prizrenit klubi që e ka pësuar këtë herë. Feronikeli duket i rilindur. Largimi i Sulejman Starovës i ka bërë mirë ekipi nga Drenasi.

Rikthimi i Zekerija Ramadanit është shoqëruar me një fitore të thellë në transfertë kundër Ferizajt. Dy gola të shënuar nga Feronikeli për të marrë pikët e plota. Fitorja pritej, nisur edhe nga niveli i kundërshtarit. Trepça ’89 e drejtuar nga Gugash Magani ka shënuar një “mal” me gola kundër KEK-ut. 1-5 ka triumfuar klubi nga Mitrovica, që tanimë duhet të mendojë për ndeshjen e radhës.

Superliga e Kosovës, Java 4

DJE

Ballkani – Prishtina 1 – 1

Shënues: Baftiu / Mankenda

Drenica – Gjilani 0 – 0

SOT

Flamurtari – Liria 3 – 1

Shënues: Shillova 2x, Kuansah / Binishi

Drita – Llapi 1 – 2

Shënues: B.Shabani / Hajdari, Alidema

KEK – Trepça 89 1 – 5

Shënues: Mircevski, Bujcevski, Vitija, Shosha (pen), Velinov / Berisha

Ferizaj – Feronikeli 0 – 2

Shënues: Fazlliu, Karioka

Ballkani ndal vrullin e Prishtinës, ngec edhe Gjilani

Sport Ekspres — Tue, 11 Sep 2018 16:41:01 +0000

Janë mbyllur në barazim të dyja ndeshjes e ditës së sotme të Superligës së Kosovoës. Prishtina e Mirel Josës ka barazuar 1-1 në trasnfertën ndaj Ballkanit. Kryeqytetasit shkuan të parët në avantazh falë golit të sulmuesit Mankenda, ndërsa për vendasit, shifrat i barazoi Blend Baftiu.

Në barazim pa gola ka përfunduar dhe takimi midis Drenicës dhe Gjilanit. Katër ndeshjet e tjera të xhiros së katërt do të zhvillohen ditën e nesërme.

Java e 4-t

Sot

Ballkani – Prishtina 1-1

Shënues: Baftiu 72’ / Mankenda 54’

Drenica – Gjilani 0-0

Nesër

Kek-u – Trepaça 89

Ferizaj – Feronikeli

Drita – Llapi

Flamurtari – Lira Prizren

Festival golash në Prizren, Liria zhyt në krizë kampionët

Sport Ekspres — Fri, 31 Aug 2018 17:43:22 +0000

Spektakël dhe gola në ndeshjen e parë të javës së tretë të Superligës së Kosovës. Liria e Prizrenit ka fituar me rezultatin 3-2 përballë ekipit të Dritës. Kampionët në fuqi kaluan të parët në avantazh me golin e Xhevdet Shabanit në minutën e 28-të, ndërsa Liria barazoi me anë të Qëndrim Gashit në minutën e 40-të.

Pjesa e dytë regjistroi dhe tre gola të tjerë. Haxhi Neziraj kaloi miqtë përsëri në avantazh në minutën e 52-të, por Liria gjeti golin e barazimit me anë të Liridon Fetahajt në minutën e 62-të. Bardhezinjtë e Prizrenit nuk u ndalën dhe gjetën përsëri golin pas pesë minutash.

Liridon Fetahaj gjeti golin e dytë personal dhe i dha fitoren ekipit të tij me golin e shënuar në minutën e 67-të. Ndeshja nuk pati më gola dhe u mbyll me fitoren e ekipit vendas. Liria merr kështu fitoren e parë mbas dy humbjeve dhe gjendet në të njëjtën kuotë pikësh me Dritën, që nga ana e saj nuk e ka nisur kampionatin në mënyrë të mirë dhe mbas tre javësh vazhdon të jetë në kuotën e tre pikëve.