Superkupa

VIDEO | Bajerni e nis mbrapsht, Superkupa i takon Dortmundit

Sport Ekspres — Sat, 03 Aug 2019 20:30:59 +0000

Borusia Dortmund e nis në mënyrën më të mirë të mundshme sezoni e ri duke siguruar trofeun e Superkupës së Gjermanisë. Verdhezinjtë mposhtën Bajernin e Mynihut me rezultatin 2 – 0 falë golave të Alkaser dhe Sanço.

Ky është trofeu i gjashtë i Superkupës për klubin e Dortmundit dhe i pari në pesë vitet e fundit. Përvecc motivimit të shtuar në prag të fillimit të Bundesligës, kjo fitore vlen shumë dhe për të vënë në presion kampionët në fuqi.

SUPERKUPA E GJERMANISË

BORUSIA DORTMUND 2 – 0 BAJERN
Shënues: Alkaser 48′, Sanço 69′

https://twitter.com/SportsAfrica4/status/1157738917124292610?s=20

Të huajt “mollë sherri”, Superkupa sërish në “zheg”

Sport Ekspres — Fri, 05 Jul 2019 15:55:25 +0000

Komiteti Ekzekutiv, i mbledhur sot, ka miratuar strukturën dhe skemë për Kategorinë Superiore. Nga sezoni 2019-2020 do të zbresin direkt dy skuadra (vendi i 9 e 10) dhe vendi 8-të do të luajë një ndeshje play-out me fituesen e play-offit të Kategorisë së Parë.

Vendet e dyta në të Parën përballen mes tyre në një ndeshje finale dhe luajnë me vendin e tetë të Superiores, në fushën e këtyre të fundit. Në këtë ndryshim kjo është ajo çka han diskutim, pasi sikurse kuptohet favorizohen ekipet që garojnë në elitë.

Ndërkohë është përcaktuar edhe se kur nis kampionati: më datë 24 gusht 2019. Java e fundit zhvillohet 23 Maj 2020. Nuk ka ndryshim për Superkupën, që do të luhet më 18 gusht të vitit 2019. Vendim i rëndësishëm ishte edhe rrëzimi i kërkesës së ligës për të çuar në pesë numrin e të huajve që lejohet të luajnë në një ndeshje të Superiore. Sërish do lejohen vetëm katër të huaj.

LICENCIMI – “KE vendosi shtyrjen e mbledhjes se Komisionit të Licencimeve të klubeve për dhënien e licencave të Kategorisë Superiore për edicionin 2019-2020. Afati i fundit për pranimin e dokumentacioni përkatëse konform Rregullores së Licencimit të Klubeve për pjesëmarrjen në veprimtaritë e FSHF-së, Neni 13, dhe Pika V e Aneksit I (Kriteret Financiare) do të jetë data 31 Korrik 2019.

Në rast se edhe pas këtij afati, kriteri financiar nuk do të jetë përmbushur, materialet do t’i paraqiten Komisionit të Licencimit të Klubeve në gjendjen aktuale, çka do të thotë se klubi mund të rrezikojë mosmarrjen e licencës e për rrjedhojë edhe mospjesëmarrjen në kampionatin Kombëtar të Kategorisë Superiore për sezonin 2019-2020”, njofton FSHF.

Superkupa e Spanjës shtegton, nuk zhvillohet më në Europë

Sport Ekspres — Wed, 24 Apr 2019 08:03:43 +0000

Paraja duket se vendos për gjithçka dhe Spanja do ta zhvillojë Superkupën e saj në Arabinë Saudite, duke nisur nga sezoni i ardhshëm. Siç raportohet nga mediat spanjolle negociatat mes federatës spanjolle dhe shtetit saud janë në faza të avancuara.

Superkupa do të zhvillohet për gjashtë sezone në Arabinë Saudite, me përfitimet që do të jenë 30 milionë euro për sezon. Thuhet se trofeu i sezonit të ardhshëm do të luhet në janar të vitit 202.

Të njëjtën taktikë ndjek edhe kampionati italian prej disa kohësh, ku së fundmi Superkupa mes Juventusit dhe Milanit u zhvillua në Arabinë Saudite në Jeddah.

Superkupa vishet bardhezi, sa shumë polemika në finale

Sport Ekspres — Wed, 16 Jan 2019 19:30:09 +0000

Juventusi është skuadra fituese e Supërkupës së Italisë. Në ndeshjen e zhvilluar në Xhedah të Arabisë Saudite, vendimtar ishte blerja rekord e klubit italian, Kristiano Ronaldo. Ndëkohë, pati dhe shumë polemika për gjykimin me të dyja palët që pretenduan për 11-metërsh. Me këtë trofe, “Zonja e Vjetër” parakalon Milanin, përsa i përket numrit të Superkupave me tetë trofe, ndaj shtatë të “djallit”, ndërsa zikaltrit mbajnë vendin e tretë me pesë trofe.

Pjesa e parë foli më shumë për Milanin. Çalhanoglu ishte pranë golit, por Shezni kreu detyrën, duke pritur një goditje të fuqishme të turkut. Duglas Kosta dhe Dibala ishin pranë golit për Juventusin, por goditjet e tyre përfunduan pak centimetra mbi tra.

Pjesa e dytë filloi me Milanin që pati një mundësi të shkëlqyer për gol. Kutrone përfiton nga një spastrim i gabuari i topit nga Pjaniç. Sulmuesi godet nga brenda zonës së rreptësisë, por topi ndalet nga traversa.

https://twitter.com/HACD_2013/status/1085609993330704384

Pak minuta më vonë, Juventusi pretendon për një penallti për një top të prekur me dorë, por gjyqtari vazhdon lojën. Sfida u zhbllokua në minutën e 61-të. Një harkim i Pjaniç gjen në Ronaldon, i cili devijon topin me kokë dhe mposht Donarumën.

SEMPRE LUI, SOLO LUI! CRISTIANO RONALDOOOOOOOOO #JuveMilan pic.twitter.com/SYWaRnMAz3

— VecchiaSignora.com (@forumJuventus) January 16, 2019

Gatuzo fut në fushë Higuain dhe Borinin, por planet e trajnerit kalabrez prishen krejtësisht nga kartoni i kuq i Kesies. Mesfushori nga Bregu i Fildishtë, kryen një ndërhyrje me takë të ngritur ndaj Emre Çan dhe gjyqtari i takimit detyrohet të nxjerrë kartonin e kuq. Me Milanin e dorëzuar dhe Juventusin e kënaqur me rezultatin, pjesa e mbetur e lojës nuk pati raste për shënim.

https://twitter.com/AndreaAime9/status/1085614982929268743

Megjithatë një ndërhyrje e Emre Çan ndaj Kontit solli protesta të shumta nga stoli i Milanit që ishin të bindur se iu mohua një penallti e pastër, por arbitri i takimit nuk lejoi përdorimin e sistemit VAR.

https://twitter.com/MilanTalk1/status/1085625046087991297

Bavarezët të etur për hakmarrje, Kovaç kërkon trofeun e parë përballë ish-ekipit

Sport Ekspres — Sat, 11 Aug 2018 16:42:41 +0000

Ditën e nesërme, Bajerni i Mynihut do të rikthehet të luajë në Gjermani në kuadër të Superkupës së Gjermanisë ndaj Aintrahtit të Frankfurtit. Një takim ky që do të jetë shumë i veçantë për teknikun e bavarezëve, Niko Kovaç, i cili do të përballet për herë të parë me ekipin ku punoi për dy vite e gjysmë duke arritur suksese të mëdha.

Atmosfera te kampionët e Gjermanisë është disi më ndryshe. Shumë lojtarë kanë shprehur para gazetarëve se duan ta fitojnë me patjetër trofeun e Superkupës edhe për faktin se Frankfurti i prishi atyre lamtumirën perfekte me ish-trajnerin Jup Hajnkes, i cili e mbylli karrierën e tij 40-vjeçare si trajner me një humbje 3-1 ndaj Frankfurtit në finalen e kupës së Gjermanisë.

Bajerni është dukshëm favorit, por Frankfurti do të ketë pas vetes lojtarin e 12-të, pasi ndeshja luhet në stadiumin e tyre “Commerzbank-Arena”, ndërsa një mungesë e rëndësishme për bavarezët do të jetë dhe qendërmbrojtësi Zherom Boateng, i cili është shumë pranë transferimit të francezët e PSG-së.

Çmimet biletave dhe sektorët për tifozët, detajet për Superkuën

Sport Ekspres — Wed, 08 Aug 2018 14:49:08 +0000

Laçi dhe Skënderbeu përballen mes tyre të dielën në finalen e Superkupës së Shqipërisë. Korçarët fituan titullin dhe Kupën, ndërkohë që kurbinasit ishin finalistë në Kupë. FSHF tanimë ka vendosur edhe për çmimet e biletave, si dhe sektorët ku do të qëndrojnë tifozeritë e të dyja ekipeve.

Shitja e bidateve nis më 10 gusht, të premten. Shitja e tyre do të bëhet në dyqanin zyrtar të FSHF-së, në biletarinë pranë stadiumit “Selman Stërmasi”, si dhe në Korçë te kancelaria përballë kinema “Millenium”.

FINALJA E SUPERKUPËS – Stadiumi “Selman Stërmasi”
E diel, më 12 gusht, ora 19:45
SKËNDERBEU-LAÇI

|| Çmimet e biletave ||
Tifozët e Laçit
Tribunat B1 dhe B2 – 600 lekë
Tribunat C1, C2 dhe D1, D2 – 300 lekë

Tifozët e Skënderbeut
Tribunat A1 dhe A2 – 600 lekë
Tribunat H1, H2 dhe G1, G2 – 300 lekë

Korçarët nisin përgatitjet për Superkupën, një sulmues francez del në provë

Sport Ekspres — Tue, 07 Aug 2018 19:14:33 +0000

Skuadra e drejtuar nga Orges Shehi i është rikthyer sërish stërvitjes intensive mbas një pushimi dy ditor. Te Skënderbeu po përgatiten për ndeshjen e Superkupës së Shqipërisë ndaj Laçit më datë 12 gusht, takim ky që do të zhvillohet në stadiumin Selman Stërmasi, Tiranë.

Në grumbullim, “ujqërve” i është bashkuar dhe sulmuesi francez Janik Makota, i cili do të provohet nga stafi teknik. Bëhet fjalë për një futbollist 26-vjeçar, i cili mban edhe nënshtetësinë kamerunase. CV-ja e Makotës nuk premton shumë, pasi gjatë viteve të fundit ka luajtur në kategoritë amatore të futbollit belg dhe atij francez.

Superkupa e Shqipërisë, FSHF vendos përfundimisht

Sport Ekspres — Fri, 03 Aug 2018 07:47:14 +0000

FSHF ka përcaktuar programin për ndeshjen hapëse të sezonit 2018-2019. Gjithçka nis me finalen e Superkupës dhe përballë Skënderbeut kampion do të vihet Laçi, finalistja e Kupës së Shqipërisë. Kështu e përcakton tashmë rregullorja, kur një ekip i ka fituar të dy trofetë në vend.

Ky takim ishte vendosur me kohë që të luhej më 12 gusht, ndërkohë që tani është përcaktuar edhe stadiumi e orari. “Selman Stërmasi” do të mirëpresë këtë takim dhe ndeshja do të luhet prej orës 19:45.

Kjo është hera e tretë që Laçi dhe Skënderbeu përballen në finalen e Superkupës. Dy të mëparshmet, të zhvilluara në ish-stadiumin “Qemal Stafa”, janë vendosur pas gjuajtjes së 11-metërshave. Në verën e vitit 2013 triumfuan korçarët, kurse në 2015 kurbinasit.

Në bazë të rregullores, nëse nuk ka fitues në 90 minuta, do të luhen shtesat dhe më pas fo të gjuhen penalltitë, nese është e nevojshme.

Superkupa e “miqve”, Tirana e Kukësi në fushë për trofeun e parë sezonal

Sport Ekspres — Wed, 06 Sep 2017 09:18:35 +0000

Kukësi kampion në fuqi nuk pranon asnjë verdikt tjetër veç fitores së titullit kampion, ose për t’u treguar më të qartë, presidenti Safet Gjici, nuk pranon asnjë rezultat tjetër veç fitores. Me të drejtë kërkon që investimi i tij të shpërblehet, por futbolli nuk është matematikë ndaj përballë Tiranës nuk do e ketë autostradë, megjithëse kjo e fundit është në një pikë që asnjëherë më parë nuk ka qenë. Bardheblutë, që sezonin e ardhshëm do të luajnë në Kategorinë e Parë, janë fituesit e Kupës së edicionit të shkuar dhe përballë Kukësit nuk kanë pse të kenë frikë. Merkatoja në dalje ka mbushur arkat e klubit dhe afrimet e verës janë bërë me synimin që të sigurojë ngjitjen në Superiore sa më parë. Pra, teorikisht ka një skuadër të denjë për t’u përballur me verilindorët.

Kryeqytetasit luajnë në shtëpinë e tyre, përballë një kundërshtari që e kanë eliminuar gjatë rrugëtimit të tyre për të fituar Kupën, që i solli këtu. Për ta kujtuar, asokohe Kukësi nuk ishte i interesuar për Kupën, por ndeshjet e zhvilluara sollën polemika pa fund, për një aleancë të dukshme me tolerim mes Kupës e Kampionatit. Sot, shumë gjëra kanë ndryshuar, si në organikë, ashtu dhe në pretendime dhe dashamirësia e Kukësit në Kupë dhe ajo e Tiranës në kampionat nuk do të ekzistojë, ndaj do të shohim një finale për një Superkupë, që në vetvete vlen vetëm për moral, asgjë më shumë, pasi veçse llogaritet si një trofe më shumë në historinë e skuadrave në asketin monetar sjell një shifër thuajse të pa konsiderueshme.

Nëse Kukësi e kërkon me ngulm trofeun, për bardheblutë do të ishte një start perfekt nëse do të nisnin kampionatin me një nga trofetë kombëtar. Kukësi apo Tirana, “vallëzimi” i parë i sezonit i takon mbretëreshës së trofeve bardheblu dhe realitetit të bukur kuksian. Në orën 19:00, nga “Seman Stërmasi” do të luhet “muzika e parë” e një sezoni të gjatë.

Superkupa, Kukësi pranon të luajë në shtëpinë e Tiranës

Sport Ekspres — Tue, 15 Aug 2017 14:36:53 +0000

Federata Shqiptare e Futbollit ka zyrtarizuar orarin dhe vendin ku do të luhet finalja e Superkupës së Shqipërisë.

Kampionët e Kukësit do të përballen me Tiranën më 6 shtator, prej orës 19.00, pak ditë para fillimit të Superiores.

Ndërkaq, ajo që befason është zgjedhja e “Selman Stërmasit” si stadiumi për zhvillimin e takimit. Zakonisht luhet në fushë asnjëanëse, por me sa duket edhe Kukësi ka dhënë aprovimin e vet për të luajtur në Tiranë, pasi një transferim në Elbasan nuk i leverdis askujt, edhe në aspektin e pranisë së tifozëve.