Përtej kësaj federata italiane shprehet se ndeshja do të luhet atje ku është vendosur sepse do të respektohet kontrata e firmosur. Ky vendim do të anullohej vetëm në rast të kundërshtimit nga të dy klubet që do luajnë. Deri tani nuk ka asnjë reagim nga Juventusi dhe Lacio. Madje nuk pritet të ketë, duke parë përfitimet e majme që marrin pas kësaj ndeshje.

Me të tre ka luajtur te Juventusi dhe kombëtarja e Italisë, futbollistë të mëdhenj dhe kapitenë fantastikë, por qendërmbrojtësi kërkon të jetë origjinal dhe nuk ka frikë të marrë përgjegjësi mbi supe.

“Mendoj se çdo kapiten është ndryshe nga të tjerët dhe nuk mund t’i ngjajë paraardhësit. Kam patur fatin të kem tre kapitenë si Bufon, Kanavaro dhe Del Piero, por do të tentoj të jem gjithmonë vetvetja me qetësi të madhe dhe ndjenjë përgjegjësie”, thekson kapiteni i bardhezinjve për revistën “Il calciatore”.

Përveç trajnerit janë dënuar dhe tre kuqezinj të tjerë dhe një juventin. Një javë dënim për Frenki Kesi, i cili u ndëshkua me të kuqe pas shikimit të VAR-it, ndërsa Romanjoli dhe Kalabria u ndëshkuan me të verdhë duke humbur ndeshjen e radhës.

Dënimi zbatohet në ndeshjen e kampionatit, kështu që Milani do të udhëtojë drejt Xhenoas në fundjavë pa shërbimet e tre lojtarëve dhe trajnerit. Një javë pushim dhe për Miralem Pjaniç, i cili u ndëshkua me të verdhë dhe do të mungojë në kampionat kundër Kievos.

Paulo Dibala nuk po kalon një periudhë të mirë në kampionat, ku ka arritur të shënojë vetëm dy gola, por ai mund të thyejë një rekord në finalen e së mërkurës. Argjentinasi ka shënuar tre gola në finalet e Superkupës së Italisë dhe ndodhet në të njëjtën shifër me emra si: Andrij Shevçenko (i vetmi që ka realizuar trigolësh në finale), Aleksandro Del Piero, Samuel Eto dhe Karlos Tevez.

Një gol kundër Milanit do e ngjiste 24-vjeçarin në kuotën e katër golave, duke u bërë kështu golashënuesi më i mirë në histori i finaleve të Superkupës. Dibala shënoi golin e parë në finale në fitoren 2-0 kundër Lacios në vitin 2015 në duelin e zhvilluar në Kinë, ndërsa edicionin e kaluar shënoi një dygolësh në humbjen kundër Lacios me rezultatin 3-2.

DALLIMI TRAJNER-LOJTAR – “E ndjeja më shumë tensionin si lojtar se sa si trajner. Është komplet ndryshe. Luajmë kundër një ekipi që ka dominuar në Itali dhe Evropë për tetë vite. Ata dinë të fitojnë trofe, por është e rëndësishme për ne që jemi këtu dhe të kalojmë këtë eksperiencë”.

FOKUSI I GATUZOS – “Jam një njeri që i ndjek shumë instinktet dhe në pesë vitet e fundit në këtë profesion, fokusi im ka qenë, që të jem sa më i besueshëm dhe në dispozicion të lojtarëve të mi. E them me sinqeritet të plotë, nuk po mendoj për veten time, por se çfarë kjo lojë paraqet për lojtarët e mi”.

“Dua ti ndihmoj ata që të kuptojnë që mund t’ia dalin dhe mund të kalojmë përtej limiteve. Nuk dua që të jemi në panik dhe të biem poshtë që në gabimin e parë që do të bëjmë. Nuk dua të shoh një përsëritje të Olimpiakosit, një ndeshje që e hodhëm tej. Në gabimin e parë, ne humbim besimin. Ka ndodhur për një kohë të gjatë te Milani, edhe përpara se të vija unë, dhe unë dua që ta shoh këtë skuadër të rikthejë krenarinë e saj”.
“Dua të shoh të njëjtën performancë që pashë ndaj Juventusit në Torino sezonin e shkuar. Bëmë gjithçka që t’i shkaktonim probleme. E mbaj mend që e nisëm fort ndeshjen dhe në Kupën e Italisë, por më pas pësuam një gol naiv dhe ndodhi ajo që ndodhi. Dua të shoh shpirtin që e kam parë shpesh, dhe jo të shoh atë momentin që nisin të mendojnë se kanë faj dhe më pas të bëjnë gabime të tjera. Duhet të vazhdojnë ndeshjen, të përqendrohen për 90 minuta dhe jo të mendojnë për fajet, apo për forcën që ka kundërshtari”.

PAKETA – “Lukas është në formë të mirë. Është i gatshëm dhe në Kupën e Italisë bëri disa gjëra të mira. Ai mund të përmirësohet shumë dhe do të shohim për nesër në rast se do të luajë si titullar apo jo”.

KUTRONE – “Patrik ka zjarr brenda dhe nuk ka nevojë për fjalë dhe motivim për të. Është një lojtar që e ngre peshë skuadrën kur vjen nga stoli. Mërzitet shumë kur nuk niset si titullar, si çdokush. Duhet të shpenzojmë kohë edhe për t’i shpjeguar disa gjëra, por e rëndësishme është që po përmirësohet”.
NDALIMI I RONALDOS – “Me shumë organizim. Në 6-7 vitet e fundit Ronaldo është bërë një lojtar i pabesueshëm. Në kohën që luaja kundër tij, ai përqendrohej të dhuronte spektakël, ndërsa tani nuk e bën një gjë të tillë. Bën gjithçka për të vrarë kundërshtarin dhe është efektiv. Sa më i vjetër bëhet, aq më mirë luan”.

NDESHJA NË ARABI – “Për futbollin italian, duhet të jetë një krenari që priten kaq ngrohtë. Kemi dëgjuar vitet e fundit që futbolli italian ka rënë dhe është bërë si i dorës së dytë, por ne jemi krenar që jemi këtu. Jemi të nderuar që do të shohim femra nesër në stadium dhe jemi trajtuar në mënyrë të shkëlqyer”.

Kundër kuqezinjve është gjithmonë një ndeshje e bukur dhe e vështirë. Diferenca mes ekipeve në kampionat është e madhe, por për Maks Alegrin kjo gjë nuk vlen. Trajneri i “Zonjës së Vjetër” ka folur për “Juventus TV”, duke vlerësuar kundërshtarin, por djemtë e tij janë gati t’u dhurojnë tifozëve trofeun e parë për këtë sezon.

Krahas trajnerit kanë folur dhe Leonardo Bonuçi dhe Emre Çan. Mbrojtësi tregon mënyrën se si i dilet përballë ekipit të Gatuzos, ndërsa gjermani i mesfushës është entuziast dhe i karikuar për këtë ndeshje.

ALEGRI – “Do të jetë një mbrëmje dhe një ndeshje e madhe. Do të tentojmë të fitojmë Superkupën në shtëpi, pasi i kemi humbur dy finalet e fundit. Diferenca e pikëve në kampionat nuk vlen në një ndeshje të vetme dhe fitorja ndaj Milanit do të thotë: rritje e vetëbesimit dhe dërgimi i kupës në shtëpi. Formacioni? Jam i kënaqur me gjendjen e Dagllas Kostës dhe Bernardeskit, të cilët po e marrin veten fizikisht dhe psikologjikisht. Kedira po kthehet lojtari që njohim të gjithë. Milani ka entuziazëm pas fitores në kupë dhe kjo është një ndeshje e rëndësishme për ta. Duhet të bëjmë një ndeshje të madhe, midis dy ekipeve historike.”

BONUÇI – “Kemi shumë dëshirë ta fitojmë trofeun e parë të sezonit dhe kemi ardhur këtu me entuziazëm për të arritur objektivin. Nevojitet një Juventus agresiv dhe i kujdesshëm, sepse Gatuzo e ka treguar se është në gjendje ta bëjë Milanin të luajë bukur dhe të na vërë në vështirësi. Nuk duhet t’u lejojmë hapësira, të mos i lejojmë të mbajnë topin dhe të përfitojmë nga gabimet e tyre. Duam të bëjmë një ndeshje të madhe dhe fakti që stadiumi do të jetë i mbushur plot na karikon.”

EMRE ÇAN – “Është një trofe në mes dhe do të jetë një ndeshje e madhe. Nuk kam qenë më parë në Arabi dhe jam i kënaqur që po e përjetoj këtë eksperiencë. Atmosfera është e shkëlqyer, por do të jetë një finale e fortë. Duhet të jemi të përqendruar që nga fillimi.”

Braziliani i krahut të majtë të mbrojtjes vlerëson kundërshtarin, bën thirrje për kujdes ndaj Higuainit dhe vlerëson Lukas Paketën, blerjen më të re të kuqezinjve. Më pas racizmi, tema e ditës në Itali, aty ku Sandro tregon se i ka ndodhur dhe atij kur luante në Brazil dhe Portugali. Në fund zbulon dhe ëndrrën e madhe të tij dhe të Juventusit

SUPERKUPA – “Finalja është gjithmonë një ndeshje ndryshe, pasi është një ndeshje e vetme. Nuk jemi në 100%, por mendoj se do të jetë një finale e bukur. Arabia? Kam luajtur në Doha me Brazilin dhe ata kanë bërë një hap përpara. Kanë një tifozllëk dhe kulturë ndryshe.”

MILANI – “Mendoj se Higuain dëshiron të bëjë një ndeshje të madhe kundër nesh. Ne duhet të tregohemi të kujdesshëm kundrejt Gonzalos, por dhe lojtarëve të tjerë. Paketa është një lojtar i mirë, sepse është teknikisht shumë i fortë.”

RACIZMI – “Më ka ndodhur dhe mua në Brazil dhe Portugali, por unë vazhdoj përpara pa e vrarë shumë mendjen. Sigurisht që nuk ndihem mirë për thirrjet raciste, sepse është diçka shumë e keqe. Ëndrra jonë? Duam të fitojmë Champions Ligën, që është objektivi dhe ëndrra jonë e madhe.”

Por në këtë mënyrë Suso do të humbë një ndeshje të rëndësishme. Sulmuesi anësor do të jetë i skualifikuar për ndeshjen e 16 janarit, finalen e Superkupës së Italisë kundër Juventusit.

Gatuzo duhet të mendojë një zgjidhje për finalen me bardhezinjtë, që do të zhvillohet në Arabinë Saudite. Një mungesë e rëndësishme për Milanin, sidomos ndaj një ekipi që në Itali po dominon dhe që nuk sheh rivalë.

Sfida mes bardhezinjve të Alegrit dhe kuqezinjve të Gatuzos do të luhet me datë 16 janar të vitit të ardhshëm në Geda të Arabisë Saudite, në stadiumin “King Abdullah Sports City”, që ka një kapacitet prej 62 mijë vendesh. Një gjë e tillë është konfirmuar nga Liga e Serie A dhe GSA (Autoriteti i Përgjithshëm i Sporteve), që është agjencia qeveritare përgjegjëse për sportin në vendin saudit.

Finalja e Superkupës së Italisë është zhvilluar për herë të parë jashtë vendit në vitin 1993 në Uashington, më pas në Tripoli (2002), Nju Jork (2003), Pekin (2009, 2011, 2012), në Doha (2014, 2016) dhe në Shangai (2015). Juventusi vjen në këtë finale si fitues i kampionatit dhe Kupës së Italisë, ndërsa Milani si finalist i Kupës së Italisë, ndeshje që e humbi përballë bardhezinjve në Romë me rezultatin e thellë 0-4.

Të dy ekipet e kanë fituar nga shtatë herë Superkupën në historinë e tyre dhe tashmë do të masin forcat në Geda për të fituar këtë trofe për herë të tetë.