Zyrtarisht kjo është data që do të luhet kjo përballje, ndërkohë që në lidhje me stadiumin ka shumë “polemika”. Klubi i Tiranës nuk pranon që ndeshja të luhet në stadiumin “Loro Boriçi” në Shkodër, kurse nga ana tjetër Kukësi ka hedhur poshtë automatikisht “Selman Stërmasin” si opsion. Mbetet stadiumi i Elbasanit, që nuk u shkon sërish për shtat klubeve.

Problemi tjetër është data kur do të luhet kjo përballje. Në FSHF saktësojnë se do të zhvillohet më datë 2 qershor, por aktualisht nga klubet ka një kërkesë që të luhet më përpara, të paktën më 31 maj. Pikërisht kjo datë është e fundit nën kontratë për disa lojtarë.

Gjithsesi nuk kërkohet vetëm që finalja të luhet më përpara, por edhe java e fundit e Superiores të mos luhet në mesjavë. Ende nuk ka një vendim final, por në Sektorin e Garave po mendohen mirë për mbylljen e kampionatit. Duhet gjetur një zgjidhje sa më shpejt, pasi klubet do të duhet të bëjnë edhe planin stërvitor dhe të dinë kur i kanë ndeshjet.

PLANI AKTUAL I SEKTORIT TË GARAVE
18/05/19              Java e 34
25/05/19              Java 35
29/05/19              Java 36
02/06/19              Finalja e Kupës

Infrastruktura është një tjetër fushë ku ka patur zhvillim dhe përmirësime, ashtu si dhe hapësira për lojtarët e rinj dhe talentët që po dalin në pah. Problem mbeten dënimet kolektive, për të cilat Duka kërkon bashkëpunimin e të gjithëve. Kreu i FSHF komenton dhe situatën e arbitrave dhe tregon se pse skema me 10 ekipe në Superiore është më e mira… për momentin.

PERFORMANCA E SKUADRAVE NË EUROPË – “Ndoshta ekipet patën mungesë pati. Shorti ishte jo shumë i përshtatshëm për skuadrat tona. Por, duket të jemi të vetëdijshëm, se pak vite më parë, maksimumi i klubeve tona ishte kalimi i turit të parë. Tani klubet tona synojnë dhe meritojnë më shumë. Pse jo, dhe pjesëmarrje në kupat e Europës.”

KAMPIONATI – “Është zbutur shumë diferenca e faktorit fushë. Çdo gjë është e hapur, pavarësisht se Partizani e ka mbyllur si kampion i dimrit. Ata kanë qenë bindës në dy fazat e deri tanishme, sidomos në fazën e parë. Titulli mbetet i hapur deri te Flamurtari i vendit të gjashtë.”

TALENTET – “Kemi disa emra që po spikasin shumë. S’dua ta përmend emra, por disa prej mund të jenë alternativa për ekipin kombëtar. Janë lojtarë të skuadrave të ndryshme, qoftë te Partizani dhe deri te Luftëtari.”

ARBITRAT – “Gabimet e arbitrave kanë qenë pjesë e lojës. Nuk ka pasur dëshirë për cenimin e lojës. Gabimet janë të pashmangshme dhe po shohim se po ndodhin edhe tani në epokën “VAR”, por uroj që të mos jenë vendimtare për fatin e kampionatit. 6 Arbitra dhe VAR? Është çështje financash. Me kaq shumë ndeshje se zhvillojmë, nuk mund ta përballojmë”.

DHUNA DHE DËNIMET KOLEKTIVE – “Edhe mua nuk më pëlqen dënimi i stadiumeve pa tifozë. Por, si institucion nuk kemi gjendur një zgjidhje alternative. Kështu e parashikon kodi i disiplinës. Një bashkëpunim më i mirë midis klubeve dhe forcave të policisë do të bënte të mundur identifikimin e tifozëve problematikë. Për momentin nuk kemi arritur ta bëjmë këtë, por po punojmë me stafin e federatës dhe policinë për ndalimin e individëve dhe penalizmin e tyre për t’i thënë jo dënimeve kolektive. Është një punë që duhet bashkëpunim nga i gjithë sistemi i drejtësisë shqiptare.”

STRUKTURA E KAMPIONATIT  – “10 skuadra është numri optimal për nivelin e futbollit tonë sot. Për paratë që hidhen, kaq mund të mbajmë. Ideale do të ishte një kampionat me 20 skuadra, por nuk e përballojmë dot këtë lloj formule. Me 10 skuadra kemi luftë deri në fund dhe minimizojmë fenomene negative si: paracaktimi ose lenia e ndeshjeve.”

INFRASTRUKTURA  – “Kemi pasur progres në numrin e stadiumeve, mbas “Arenës Kombëtare” do të fillojmë një stadium me gjashtë mijë vende në Kukës. Na duhen më shumë fusha. Duhet të kemi 50 fusha të reja në Tiranë, nëse synojmë një futboll modern.”

DAJA – SKËNDERBEU

Skënderbeu fitoi në Kukës dhe dominoi në ndeshjen me kampionët në fuqi, duke u treguar në shtëpinë e tyre forcën. Më parë në “kurriz” e kish provuar edhe Partizani. Dominim dhe raste në një fushë të vështirë janë tregues i qartë i cilësive të Skënderbeut. Notë pozitive për Ilir Dajën, që edhe pas penalltisë së akorduar nga Kridens Meta, thirri ekipin dhe i dha zemër për të mos rënë moralisht.

LUSHNJA

Edhe në Lushnje e dinë se janë ekipi më i rrezikuar për t’u kthyer në Kategorinë e Parë, por ndaj Partizanit treguan që nuk kanë asgjë për të humbur dhe do e provojnë. Një pikë në kryeqytet vlen shumë, jo vetëm në aspektin psikologjik, pasi është marrë jashtë fushe dhe ndaj një ekipi që pretendon titullin kampion. Me rikthimin në shtëpi, situata ndryshon edhe për ta.

XHIXHA

Është i vetmi sulmues që këtë javë ka shënuar, madje dy gola. Raçiç e Bakaj realizuan me penallti, ndryshe nga 19-vjeçari kurbinas që ishte në dy raste në vendin dhe kohën e duhur dhe bëri detyrën. Aspiron të jetë një “Salihi”, por është vetëm fillimi për të. Notë pozitive, ndërkohë që ka edhe mbështetjen e klubit dhe stafit. Sa i takon fitores së Laçit, në njëfarë mënyre ishte detyrim pas dy humbjeve me Luftëtarin e Kukësin

LUFTËTARI

Gjirokastritët e treguan që në javën e parë se do jenë ekip i vështirë për t’u mposhtur dhe në Durrës po të ishte për një penallti të “dhuruar”, ndoshta sot do flisnim ndryshe, pasi ende do e kishin 0 kolonën e humbjeve. Me Flamurtarin në Vlorë bënë atë që duhej dhe në fund dolën me një pikë, por në çdo moment ishin gati dhe kërkonin edhe të “vidhnin” fitoren. Tre ndeshje pa pësuar, shifra super ku kujtojmë sezonin e vjetshëm

MINUSET E JAVËS

GJYQTARËT NË KUKËS

Kridens Metës i ishte besuar gjykimi në ndeshjen Kukësi-Skënderbeu dhe njëfarë mosbesimi ndaj këtij arbitri është krijuar nga vjet, nëse kujtojmë penalltinë e akorduar kundër Teutës, apo bërrylin e Musollit në ndeshjen me Laçin. Gaboi edhe këtë herë, duke mos i dhënë një penallti korçarëve dhe duke i akorduar një kampionëve. Anësori Rexha gjithashtu ishte protagonist në një pozicion jashtë loje në fundin e pjesës së parë, moment që mund të ndikonte në ndeshje, pasi kale iu afrua golit. I shpëtojnë “breshërisë” së sulmeve vetëm nga fitorja e Skënderbeut.

KUKËSI

Ndodhi edhe në ndeshjen ndaj Laçit që skuadra e Kukësit në disa momente të tërhiqej dhe t’i linte iniciativën kundërshtarit, çka i rrezikoi. Këtë herë kjo situatë ishte prezente gati në gjithë përballjen me Skënderbeun. Milinkoviç e tha hapur që kundërshtari u mori mesfushën dhe në fund u mposhtën. Goditje për ta prej faktit që humbën në shtëpi, humbën ndaj një rivali, si dhe bënë një paraqitje të dobët.

JULIANO-PARTIZANI

Mark Juliano nuk e njeh kampionatin shqiptar dhe kjo është evidente, ndërkohë që bën edhe eksperimente të ndryshme. Skuadra e tij ndaj Lushnjes bëri një paraqitje të dobët dhe për këtë ka pjesën e tij të përgjegjësisë edhe trajneri. Futbollistët kanë pjesën e tyre dhe me thënë të drejtën, ndaj Lushnjes duhej domosdo ta kishin gjetur rrugën e rrjetës në çdo lloj mënyre. As këtë nuk e bënë, që të paktën të punonin të qetë këtë javë.

DANILO ALVESH – SELIMAJ

Sulmuesi i Flamurtarit është bërë shpeshherë protagonist me “zhdukjet” e tij që janë shoqëruar edhe me deklarata bombastike. Këtë herë kapet publikisht me trajnerin Duro që e kritikoi për paraqitjen me Luftëtarin. Edhe nëse mendon se po luan mirë, një profesionist duhet ta zgjidhë atë brenda familjes. Këtë herë shënoi një “autogol”. Selimaj i Vllaznisë gaboi në golin e dytë të Laçit dhe në njëfarë mënyre e mbylli takimin, edhe pse shokët e tij të skuadrës u munduan të bëjnë diçka për të mos dalë pa pikë. Ai gabim tregon edhe arsyen pse gjithë verën në Shkodër donin edhe një portier tjetër.