Laçi ka pësuar humbjen e parë. Kurbinasit u mposhtën nga Akademia e Futbollit me rezultatin 4-2 dhe lëshuan kreun. Vllaznia nuk e ka falur Porton, teksa në transfertë i ka shënuar pesë gola. Ndeshja me më shumë gola ka qenë AAS-Internacional Tirana, që ka përfunduar me rezultatin 4-4.

U19 Kategoria Superiore – Java 4

Grupi A
Akademia e Futbollit-Laçi 4-2
Partizani-Tirana 2-1
Porto-Vllaznia 1-5
Akademia AAS – Internacional Tirana 4-4
Iliria-Shkëndija Tr. (Nesër)

Kreu është një “ekuacion”, pasi janë disa ekipe me pikë të barabarta. Ndeshja kryesore e kësaj jave ishte ajo mes Flamurtarit dhe Teutës, e luajtur të shtunën. Vlonjatët e fituan me rezultatin 1-0. Elbasani mori tre pikë në shtëpi me Tomorin, ndërkohë që sot u zhvilluan tre takimet e tjera.

Besa, që vjet pati probleme, ka kaluar me sukses Shkëndijën e Durrësit. Një gol ka vendosur fatet e këtij takimi. Luftëtari ndërkohë nuk fal në shtëpi. E ka pësuar Skënderbeu me rezultatin 3-1. Dinamo ka regjistruar fitoren më të thellë, teksa ka shënuar katër herë në portën e Pogradecit.

Grupi B
Shkëndija Dr. – Besa 0-1
Luftëtari – Skënderbeu 3-1
Dinamo-Pogradeci 4-0
Flamurtari-Teuta 1-0
Elbasani-Tomori 2-1

Tirana dhe Porto po bëjnë mirë deri më tani, teksa në katër javët e para nuk kanë pësuar humbje., Bardheblutë mposhtën sot në derbi Partizanin me rezultatin 1-2, ndërkohë që lezhjanët kishin një sfidë të vështirë me Vllazninë në shtëpi.

Porto triumfoi minimalisht 1-0 kundër shkodranëve dhe ndan kreun me Tiranën. Akademia e Futbollit nuk është kursyer kundër Laçit, që ka pësuar 10 gola sot. Dy sfidat e tjera, Kukësi-Internacional dhe Brians Shkëndija, kanë përfunduar barazim.

U17 Kategoria Superiore – Java 4

Grupi A
Akademia e Futbollit-Laçi 10-0
Partizani-Tirana 1-2
Porto-Vllaznia 1-0
Kukësi-Internacional Tirana 0-0
Brians-Shkëndija Tr. 1-1

Luftëtari në grupin B po bën ligjin. Katër ndeshje, katër fitore. E radhës ndaj Skënderbeut në shtëpi me rezultatin e pastër 2-0. Ndjekin Flamurtari dhe Teuta, që u përballën mes tyre të shtunën. Vlonjatët fituan 2-1, duke i shkaktuar humbjen e parë durrsakëve.

Në të njëjtën ditë është luajtur edhe derbi Elbasani-SH.Pepa, që është fituar nga këta të fundit me rezultatin e thellë 1-5. Vetëm një ndeshje e këtij grupi është mbyllur në barazim. Dinamo dhe Pogradeci kanë shënuar nga dy herë, çka ka bërë që ndeshja të mbyllet me rezultatin 2-1.

Grupi B
Shkëndija Dr.-Besa 1-3
Luftëtari-Skënderbeu 2-0
Dinamo-Pogradeci 2-2
Elbasani-SH.S Pepa 1-5
Flamurtari-Teuta 2-1

VENDIMET E KOMISIONIT TË DISIPLINËS
– KF “Laçi”, paralajmërohet se në rast përsëritje të mos plotësimit të kushteve sanitare, do të jetë subjekt i penaliteteve konform rregullores së aktivitetit.

– FC “Flamurtari”, paralajmërohet se në rast përsëritje të sjelljes së gabuar te tifozerisë, do të jetë subjekt i penaliteteve konform rregullores së aktivitetit.

– Zyrtari i KF “Erzeni”, Denis Troplini për sjellje të keqe ndaj zyrtarit të ndeshjes duke ofenduar me fjalë fyese, në bazë të nenit 22 dhe 49/2/a) të KDS dënohet me 8 (tetë) ndeshe pezullim nga aktiviteti. Në bazë të nenit 21 të KDS, zyrtarit i ndalohet hyrja në dhomat e zhveshjes, qëndrimi në stolin e rezervave dhe territori përreth fushës së lojës.

-Zyrtari i KF “Erzeni”, Gentian Stojku, paralajmërohet se në rast përsëritje të deklaratave denigruese ndaj zyrtarëve të ndeshjes, do të jetë subjekt i penaliteteve konform rregullores së aktivitetit.

– KF Pogradeci, për sjellje të gabuar të spektatorëve në ndeshjen kundër Tomorit, në bazë të nenit 66/1 të KDS dënohet me gjobë në masën 50.000 (pesëdhjetëmijë) Lek. Në aplikim të nenit 136/1.a të KDS, gjoba paguhet në masën 50%.

-Lojtari i FC “Klosi”, Arjan Lleshaj, për sjellje jo sportive ndaj zyrtarit të ndeshjes,në bazë të nenit 49/1.a të KDS, dënohet me 4 (katër) ndeshje pezullim nga aktiviteti.

-KF “Këlcyra”, për mos marrje masash organizative dhe dështim në përmbushjen e përgjegjësive në ndeshjen e kundër KF “Tepelena”, në bazë të Nenit 64/1 dhe Nenit 65/2 të KDS, humbet ndeshjen në tavolinë me rezultatin 3 me 0.

-Zyrtari i “Akademia AAS” U-19, Malvin Merçovi,për protesta ndaj vendimeve të zyrtarëve të ndeshjes, në bazë të nenit 56/1.a të KDS, dënohet me 2 (dy) ndeshje pezullim nga aktiviteti. Në bazë të nenit 21 të KDS, zyrtarit i ndalohet hyrja në dhomat e zhveshjes, qëndrimi në stolin e rezervave dhe territori përreth fushës së lojës.

– Zyrtari i “Akademia AAS” U-19, Elis Dervishi,për protesta ndaj vendimeve të zyrtarëve të ndeshjes, në bazë të nenit 56/1.a të KDS, dënohet me 2 (dy) ndeshje pezullim nga aktiviteti. Në bazë të nenit 21 të KDS, zyrtarit i ndalohet hyrja në dhomat e zhveshjes, qendrimi në stolin e rezervave dhe territori përreth fushës së lojës.

– KF “Elbasani U-17, paralajmërohet në rast përsëritje të vonesave ne përmbushjen e përgjegjësive për zhvillimin e një ndeshje, do të jetë subjekt i penaliteteve konform rregullores së aktivitetit.

– Zyrtari i KF “Elbasani” U-17, Shkelqim Lleshanaku, për protesta ndaj vendimeve të zyrtarëve të ndeshjes, në bazë të nenit 56/1.a të KDS, dënohet me 2 (dy) ndeshje pezullim nga aktiviteti. Në bazë të nenit 21 të KDS, zyrtarit i ndalohet hyrja në dhomat e zhveshjes, qëndrimi në stolin e rezervave dhe territori përreth fushës së lojës.

– Zyrtari i KF “Elbasani” U-17, Klajdi Hodaj, për sjellje jo sportive ndaj zyrtarëve të ndeshjes, në bazë të nenit 49/2.a të KDS, dënohet me 8 (tetë) ndeshje pezullim nga aktiviteti. Në bazë të nenit 21 të KDS, zyrtarit i ndalohet hyrja në dhomat e zhveshjes, qëndrimi në stolin e rezervave dhe territori përreth fushës së lojës.

-Lojtari i FC “Flamurtari” U-17, Leonard Gockaj,për goditje me grusht ndaj lojtarit kundërshtar, në bazë të nenit 48/1.e të KDS, dënohet me 5 (pesë) ndeshje pezullim nga aktiviteti.

-Lojtari i KF “Skënderbeu” U-17, Lizert Lico,për goditje me grusht ndaj lojtarit kundërshtar, në bazë të nenit 48/1.e të KDS, dënohet me 5 (pesë) ndeshje pezullim nga aktiviteti.

-Rrëzimin e kërkesës së zyrtarit të KF “Korabi”, Dorjan Bubeqi, si të pa bazuar në rregulloret e aktivitetit të Federatës Shqiptare të Futbollit dhe Kodit te Disiplinës Sportive.

Tirana është ndalur në barazim 1-1 me Akademinë e Futbollit. Vllaznia kundër Ilirisë ka bërë detyrën në Shkodër, kurse të shtunën Partizani ka barazuar 4-4 me Akademinë Ajaks Shkodër. Në grupin B është Teuta që bën liderin.

Durrsakët mposhtën Pogradecin, kurse Flamurtari ka ngecur në Korçë me Skënderbeun. Fitore e Besës në shtëpi me Luftëtarin, ndërsa Shkëndija e Durrësit fitoi në transfertë me Tomorin. E vetmja ndeshje pa gola ishte ajo mes Elbasanit dhe Dinamos.

U19 Superiore – JAVA 3

Grupi A
Tirana-Akademia e Futbollit 1-1
Laçi-Porto 2-1
Vllaznia-Iliria 6-1
Shkëndija Tr.- Internacional Tirana 2-1
Partizani-Akademia AAS 4-4

Grupi B
Elbasani-Dinamo 0-0
Tomori-Shkëndija Dr. 1-3
Besa- Luftëtari 4-0
Skënderbeu-Flamurtari 2-1
Teuta-Pogradeci 3-0

Te paratërinjtë Vllaznia nuk fal. Gjashtë gola ndaj Briansit kanë shënuar kuqeblutë. Tirana ka fituar derbin me Akademinë e Futbollit, kurse derbi tjetër Shkëndija Tr.- Internacional u mbyll në barazim. Laçi mori humbjen e radhës në shtëpi me Porton, ndërsa të shtunën Partizani barazoi pa gola me Kukësin.

Teuta në grupin B ka kaluar me “poker” Pogradecin. Luftëtari e ka nisur mirë dhe sot ka mundur kampionët në fuqi të Besës në transfertë. Flamurtari është mposhtur në Korçë, kurse Elbasani-Dinamo dhe SH.S Pepa-Shkëndija Durrës u mbyllën në barazim.

U17 Superiore – JAVA 3

Grupi A
Tirana-Akademia e Futbollit 2-1
Laçi-Porto 0-3
Vllaznia-Brians 6-0
Shkëndija Tr.- Internacional Tirana 1-1
Partizani-Kukësi 0-0

Grupi B
Elbasani-Dinamo 2-2
Sh.S.Pepa-Shkëndija Dr. 1-1
Besa-Luftëtari 2-3
Skënderbeu-Flamurtari 1-0
Teuta-Pogradeci 4-0

Në grupin B Flamurtari e Teuta kanë fituar sërish. Vlonjatët kanë mposhtur 3-0 Besën, kurse Teuta ia ka dalë të marrë pikët e plota me Dinamon falë një fitoreje minimale 0-1. Me të njëjtin rezultat ka fituar edhe Shkëndija e Durrësit ndaj Elbasanit. Goleadë në Gjirokastër. Luftëtari kaloi me sukses Tomorin, në një ndeshje që u mbyll 6-3. Triumf edhe i Pogradecit, që shënoi tre herë në portën e Skënderbeut fqinj.

U19/Kategoria Superiore – Java 2

Grupi A
Internacional Tirana-Vllaznia 0-2
Iliria-Laçi 1-1
Akademia AAS-Shkëndija Tr. (Nuk u zhvillua)
Porto-Tirana (Nuk u zhvillua)
Akademia e Futbollit-Partizani (Nuk u zhvillua)

Grupi B
Luftëtari- Tomori 6-3
Flamurtari- Besa 3-0
Pogradeci- Skënderbeu 3-0
Shkëndija Dr.- Elbasani  1-0
Dinamo-Teuta  0-1

Vllaznia për paratërinj ka marrë fitoren e parë, madje në transfertë ndaj Internacional Tiranës. Katër gola të realizuar nga shkodranët, që morën pikët e plota dhe lanë pas humbjen e një jave më parë. Kukësi në shtëpi nuk ka falur Shkëndijën e Tiranës, që e ka mundur me shifrat 2-1. Fitore minimale e Briansit në derbin e prefekturës me Laçin.

Në grupin B Flamurtari e Teuta nuk falin. Durrsakët kanë triumfuar me rezultatin 0-4 ndaj Dinamos, kurse vlonjatët mundën 3-1 kampionët në fuqi të Besës. Triumf me vlera i Pogradecit. Liqenorët kanë thyer 2-1 Skënderbeu. Luftëtari nuk ka falur në shtëpi, teksa i ka realizuar tripletë Sh. S. Pepës. Fitore në shtëpi edhe për Shkëndijën e Durrësit, që likuidoi me “poker” Elbasanin.

U17/Kategoria Superiore – Java 2

Grupi A
Internacional Tirana-Vllaznia 0-4
Kukësi- Shkëndija Tr. 2-1
Brians-Laçi 1-0
Porto-Tirana (Nuk u zhvillua)
Akademia e Futbollit-Partizani (Nuk u zhvillua)

Grupi B
Luftëtari- Sh.S.Pepa 3-0
Flamurtari- Besa 3-1
Pogradeci- Skënderbeu 2-1
Shkëndija Dr.- Elbasani  4-0
Dinamo -Teuta 0-4

Partizani në kryeqytet ka bërë detyrën kundër Portos, duke triumfuar me rezultatin e pastër 2-0. Fitore edhe për Akademinë e Futbolli kundër shkodranëve të AAS. Tirana dhe Laçi kanë regjistruar goleada. Bardheblutë i shënuan 7 herë Ilirisë së ngjitur në Superiore, teksa protagonist ishte Selenica me 4 gola të realizuar. Kurbinasit mposhtën 8-3 Internacional Tiranën.

U19 KATEGORIA SUPERIORE – Java 1

Grupi A
Akademia e Futbollit-Akademia AAS 3-1
Partizani-Porto 2-0
Tirana-Iliria 7-0
Laçi-Internacional Tirana 8-3
Vllaznia-Shkëndija Tr. 0-1

Flamurtari dhe Teuta e kanë nisur më së miri kampionatin. Vlonjatët fituan me “poker” kundër Tomorit, kurse durrsakët në Korçë kanë thyer Skënderbeun më rezultatin 1-5. Edhe vjet këto dy ekipe luftuan për dy vendet e para.

Me fitore e ka nisur edhe Besa. Kavajasit mposhtën minimalisht 1-0 Pogradecin, ndërkohë që vetëm një ndeshje ka përfunduar barazim. Në Elbasan vendasit kanë ndarë nga një pikë me Luftëtarin, në një ndeshje që është mbyllur në barazim pa gola.

Grupi B
Shkëndija Dr.- Dinamo (nuk u zhvillua)
Elbasani-Luftëtari 0-0
Tomori-Flamurtari 1-4
Besa-Pogradeci 1-0
Skënderbeu-Teuta 1-5

Kampionati i paratërinjve ka nisur me goleada, sidomos në grupin A. Tirana, si zakonisht nuk kursehet dhe e ka pësuar Briansi. Lezhjanët e rikthyer në elitë pësuan tetë herë, ndërkohë që shënuan dy gola ndaj bardhebluve.

Internacional Tirana ka treguar “dhëmbët” në Laç. Fitore tenistike e skuadrës kryeqytetase. Befasohen Partizani dhe Vllaznia, që janë mposhtur në shtëpi me rezultatin 2-3. Lezhjanët e Portos i kanë mundur të kuqtë, kurse në Shkodër ka triumfuar Shkëndija e Tiranës.

U17 KATEGORIA SUPERIORE – Java 1

Grupi A
Akademia e Futbollit- Kukësi (nuk u zhvillua)
Partizani-Porto 2-3
Tirana-Brians 8-2
Laçi-Internacional Tirana 0-6
Vllaznia-Shkëndija Tr. 2-3

Kampionët e Besës e kanë nisur me barazim në shtëpi. Përballë tyre ishte Pogradeci dhe asnjëri ekip nuk ka shënuar dot. Fitojnë Flamurtari e Teuta, që do kërkojnë dy vendet e para edhe sivjet, sikurse ka ndodhur zakonisht.

Vlonjatët mundën Sh. S. Pepa në Elbasan me rezultatin 1-2, kurse durrsakët mposhtën 0-1 Skënderbeun në Korçë. Tre pikë me vlera për Luftëtarin, që ndaj Elbasanit ka regjistruar një fitore të pastër 0-2.

Grupi B
Shkëndija Dr-Dinamo (nuk u zhvillua)
Elbasani-Luftëtari 0-2
Sh.S.Pepa-Flamurtari 1-2
Besa-Pogradeci 0-0
Skënderbeu-Teuta 0-1