10 sulmuesit më të mirë që mund të transferohen gjatë merkatos së verës

Sport Ekspres — Sat, 04 May 2019 08:33:34 +0000

Merkatoja po afron dhe të ëndërrosh, nuk kushton asnjë qindarkë. Gjatë kësaj vere, shumë telenovela do të marrin fund dhe e ardhmja e disa lojtarëve do të zgjidhet më në fund. Ajo që të gjitha skuadrat duan, është të përmirësohen, sidomos në repartin e sulmit.

Por dihet tashmë se sulmuesit janë ata që vlerësohen më së shumti në treg, jo vetëm për golat që mund t’i sjellin një skuadre, por dhe për faktin që janë ata të cilët shesin më shumë fanella dhe kanë më shumë fansa.

Edhe këtë merkato, pritet që sulmuesit të jenë ata që do të jenë në fokus, por kush janë 10 bomberat që mund të ndërrojnë skuadër gjatë merkatos së verës dhe sa vlerësohen në treg (sipas Transfermarkt)?

Tomas Myler 35 milionë euro
Gonzalo Higuain 45 milionë euro
Riçarlison 45 milionë euro
Edinson Kavani 50 milionë euro
Luka Joviç 55 milionë euro
Timo Verner 65 milionë euro
Romelu Lukaku 85 milionë euro
Mauro Ikardi 90 milionë euro
Paolo Dibala 100 milionë euro
Antuan Grizman 150 milionë euro

Thyhet Ronaldo, Mesi i merr një tjetër rekord

Sport Ekspres — Mon, 18 Mar 2019 20:07:37 +0000

Kristiano Ronaldo është një goleador i lindur dhe ylli portugez kudo që ka luajtur, ka qenë golashënues. Edhe këtë sezon në Serie A, Ronaldo ka shënuar një numër të konsiderueshëm golash dhe është golashënuesi më i mirë për Juventusin. Megjithatë, Mesi vazhdon të tregojë se është një nivel më lart.

Ylli argjentinas i mori një rekord Ronaldos, pasi me tripletën e djeshme të shënuar kundër Real Betisit, ia kaloi portugezit për numrin total të golave pa penallti.

Numri 10 i Barcelonës arrin në kuotën e 573 golave pa përfshirë penalltitë në 802 ndeshje, një statistikë shumë e kënaqshme pasi është arritur në 149 ndeshje më pak se sa rivali i tij portugez. Rekord i Ronaldos përsa i përket golave pa penallti është 572 gola në 951 ndeshje.

https://www.youtube.com/watch?v=bNFBenDHEx0