Në javën e parë, Guri mungoi për shkak dëmtimi, por sot e nisi si titullar takimin dhe iu deshën vetëm 32 minuta për të shënuar. Pasi gjeti rrjetën me një gjuajtje me kokë, Guri i dedikoi golin bashkëshortes së tij, që pret të vijë në jetë fëmija i tyre.

Të dhënat e fundit për King, janë ato të vitit 2017, ku aktivizohej për Panevezys në Lituani. Edhe me këtë skuadër, figuron vetëm një ndeshje Kupe (Të dhënat marrë nga Soccerway).

Ndërsa në Transfermakt, thuhet se futbollisti është nga data 1 janar i këtij viti pa skuadër. 25-vjeçari është 1.70m i gjatë dhe mund të luajë në të tria repartet e sulmit. Mbetet për t’u parë nëse Mërgjyshi do ta aprovojë këtë transferim, pasi sulmuesi do të jetë fillimisht në provë.

I lindur në Laç, 24-vjeçari ka luajtur gjatë gjithë karrierës së tij në Greqi, për shumë skuadra të ndryshme. Treglia Rafinas, Ilsyakos, AO Glyfalda dhe AEK-u i Athinës janë vetëm disa nga skuadrat me të cilat Malçi është aktivizuar.

Te skuadra e Laçit, sulmuesi ka nënshkruar për tre sezone dhe shihet si një nga lojtarët kyç për planet e kurbinasve.

Sulmuesi kryeqytetas gjeti rrjetën në Toto Cup, ku në minutën e 80-të të takimit, i dha avantazhin skuadrës së tij përballë Hapoel Hafifa. Takimi përfundoi 2-0 në favor të Netanias, që pas raundit të parë të kësaj Kupe, merr kryesimin e grupit.

Toto Cup, Izrael

Netania – H. Hafifa  2-0
Hyka 80’, Melamed 90+5’

Sot, futbollisti brazilian ka folur para mediave angleze, ku më shumë u ndalua te numri që do të mbajë në fanellë. Njukasëll ka vendosur t’i japë numrin 9, një numër legjendar te klubi anglez:

“Nuk mund ta besoj, të jem i sinqertë as nuk e prisja. Jam shumë i lumtur që klubi më ka besuar dhe më ka dhënë numrin 9. Është një numër legjendar te Njukasëll, e vështirë të bësh atë që ka bërë Alan Shirer. Gjithsesi, unë jam i qetë, nuk e shoh si presion. Dua të bëj sa më mirë te Njukasëll dhe të arrijmë të gjithë objektivat së bashku”, përfundoi sulmuesi brazilian.

Titullar i padiskutueshëm dhe në stol nuk e la as Mojes, as Gigs, as Van Gal dhe as Murinjo. Kjo gjë duhet të tregojë shumë sa i takon cilësisë së 26-vjeçarit, i cili ka një “jetë” që luan me Junajtid. Lingard është titullar dhe të kombëtarja e Anglisë, të cilën e çoi deri në gjysmëfinalen e botërorit “Rusi 2018”.

Legjenda e “Djajve të Kuq”, Aleks Ferguson ka arritur gjithçka te Junajtid dhe ka bërë që klubi anglez të njihet në të gjithë botën, falë sukseseve që ka arritur. Edhe talentet që ka promovuar nga akademia janë të shumtë, por Lingard mund të jetë emri më i suksesshëm.

Vetë sulmuesi 26-vjeçar ka pranuar se Ferguson ka qenë si një baba për të, por pavarësisht këtij fakti, dridhej gjithmonë kur e takonte. “Po, e kisha frikë, pavarësisht se kisha një jetë që e njihja. Kur më shikonte në sy, ulja kokën”,- tha fillimisht Lingard.

Në një intervistë të gjatë, lojtari i Mançester Junajtid ka treguar hapat e tij të parë, debutimin me Junajtid, arritjet me këtë skuadër dhe planet për të ardhmen. Në të gjitha fjalët e tij, nuk mungonte Ferguson, njeriu që edhe sot nuk ngurron ta falënderojë.

“Isha thjesht një fëmijë kur e takova për herë të parë. Nuk e harroj asnjëherë atë moment. Kisha frikë t’i kërkoja të bënim një foto, por prindërit e mi ia kërkuan dhe që nga ajo ditë, ajo fotografi mban një vend shumë të veçantë në zemrën time. Pa Ferguson, nuk do të isha këtu. Më rriti si lojtar dhe si njeri. Kam kaluar vite të paharrueshme me të dhe dua t’i uroj një pension sa më të mbarë”,- u shpreh Lingard.

VERONIK ISTREFAJ

Fillimisht, Seferi ndëshkohet me karton të verdhë në minutën e 56-të të takimit, ndërsa në minutën e 73-të, ndëshkohet sërish me të verdhë dhe i tregohet kartoni i kuq, duke e lënë skuadrën e tij me një lojtar më pak. Sulmuesi kuqezi godet topin, por mbrojtësi kundërshtar e bllokon dhe e largon sferën nga zona e rrezikshme.

Seferi, në tentativë për ta rifituar topin, ndërhyn në kohë vonesë dhe shkel këmbën e mbrojtësit që është i shtrirë në tokë. Gjyqtari ndalon menjëherë lojën dhe i tregon kartonin e kuq sulmuesit shqiptar. Takimi mes Tunit dhe Ksamaksit u mbyll i barabartë 2-2.

Uzuni kishte mundësinë të barazonte takimin për skuadrën e tij në takimin e parë të kampionatit kroat përballë Dinamos, por në minutën e 39-të u tregua i pasaktë nga pika e bardhë e penalltisë. Më pas, Dinamo do të shënonte dhe dy herë të tjera, për ta fituar takimin bindshëm 3-0.

Ndeshja mbaroi në minutën e 82-të për Uzunin, që u zëvendësua nga shqiptari tjetër Tuci, ndërsa Kastrati, i cili e fitoi penalltinë, luajti 90 minuta.

Kroaci, HNL League

Dinamo Zagreb – Lokomotiva e Zagrebit  3-0
Kadzior 17’, Orsiç 45+1’, Petkoviç 85’

Ka qenë pikërisht Çekiçi ai që zhbllokoi shifrat në sekondat e fundit të pjesës së parë, duke kaluar Olimpijan në avantazh dhe duke ia bërë kualifikimin më të lehtë. Ekipit sloven i duhej dhe një gol që të kualifikohej, gol që erdhi në sekondat e fundit të sfidës. Menalo shënon në 90+2’ dhe Olimpija e Çekiçit bën mrekullinë, duke u kualifikuar në raundin tjetër të Europa League.

UEFA Europa League, kualifikuese

RFS – Olimpija  0-2  (3-2)
Çekiçi 45+1’, Menalo 90+2′

Sulmuesi kuqezi i dha barazimin skuadrës e tij në minutën e 56-të të takimit, gol që vendosi dhe rezultatin final të sfidës 1-1. Sezoni i shkuar, ishte me shumë ulje-ngritje për bomberin shkodran, që synon të bëjë një edicion më pozitiv në 2019/20.

Miqësore, 16 korrik 2019 (19:00)

Zulte – Ostende  1-1
Bjordal 45’ / Guri 56’

Në takimin mes Akhmat Groznit dhe Krasnodarit, i vlefshëm për javën e parë të kampionatit rus, Berishës iu deshën vetëm 28 minuta për të shënuar, me anë të një kthese shumë të bukur. Edhe pse nuk bëri goditjen perfekte, sulmuesi u ndihmua dhe nga një pasiguri e portierit, duke i dhënë avantazhin ekipit të tij.

I gjatë 190 cm, Haller shihet si sulmuesi i duhur nga trajneri Pelegrini, i cili humbi shërbimet e Marko Arnautoviç. Haller pritet të bëjë dyshen e sulmit së bashku me Manuel Lanzinin. Francezi ka treguar se di të luajë mirë së bashku me një sulmues shtatshkurtër, pasi e tregoi këtë gjë me Luka Joviç sezonin e shkuar.

Uest Hemi pretendon të kualifikohet në Kupat e Europës sezonin e ardhshëm dhe për t’u renditur në 7 vendet e para në Premier League, duhet investim i madh, prandaj drejtuesit e “Çekiçëve” kanë nisur të shpenzojnë.

Gjithashtu, 28-vjeçari ka rrëfyer ditët shqiptare, ambientimin e tij në Shqipëri, kalimin nga Portugalia në Superiore dhe preku disa tema të tjera. Në një intervistë për “A Bola”, Rexhinaldo tha:

“Në jetë, disa herë duhet të bësh një hap prapa që të ecësh përpara në të ardhmen. Kështu ndodhi dhe me mua kur lashë Portugalinë për t’u transferuar në Shqipëri.

E kisha shumë të vështirë ambientimin, më duhej të mësoja gjuhën shqipe, pasi në Shqipëri, askush nuk fliste gjuhën portugeze dhe shumë pak flisnin anglisht. Pata shumë vështirësi, por ia dola t’i lë pas dhe të bëhem golashënuesi më i mirë në kampionat sezonin e shkuar”, u shpreh Rexhinaldo.

Lajmi menjëherë u shpërnda në të gjitha mediat europiane dhe tashmë, klubet më të mëdha në botë janë vënë pas firmës së yllit francez. Mbape, në 2 sezone te PSG, ka shënuar 60 gola në të gjitha kompeticionet, por në sezonin që sapo u mbyll, ishte i dyti në Europë për gola të shënuar, pas Lionel Mesit. Reali i Madridit shihet si ekipi i favorizuar për të nënshkruar me Mbape.

Grezda u transferua në verën e shkuar nga skuadra e Osijekut te Rejnxhërsi, por nuk arriti asnjëherë të fiksojë një vend titullari. Trajneri Xherrard, duket se e ka ndarë mendjen. Për mediat skoceze, tekniku anglez i Rejnxhërsit tha:

“Nuk duhet të jesh gjeni që të kuptosh se skuadra jonë është shumë e madhe. Disa lojtarë do të largohen, do t’ua komunikoj vetë. Do të jenë ditë të vështira, por kjo është detyra e trajnerit. Lojtarët ose të më urrejnë, ose të më respektojnë”, u shpreh Xherrard.

Në janar, flitej për një kalim të dardanit te skuadra angleze e Kristal Palas, që militon prej disa vitesh në Premier League. Edhe tani në merkaton e verës, ka oferta për sulmuesin e Kosovës, por duket se Rashica ka vendosur të qëndrojë te Verderi, të paktën dhe për një sezon.

Si çdo prag fillimsezoni, skuadrat e nisin gjithçka nga e para, që nga faza përgatitore, deri te uniformat e reja dhe numrat që futbollistët do të mbajnë në fanellë. Rashica mbajti numrin 11 te Verderi sezonin e shkuar, por sezonin e ri, skuadra gjermane i ka plotësuar dëshirën për të mbajtur në shpinë fanellën me numrin 7, atë që mban dhe te përfaqësuesja e Kosovës. Duket se Rashica ka gjetur klubin perfekt dhe është ambientuar mjaft mirë.

Pikërisht pas atij sezoni, Llullaku nënshkroi për Astanën, skuadër e cila do të luajë përballë CFR Kluzh në fazën kualifikuese për grupet e Champions League.

Në një intervistë për DigiSport, Llullaku u shpreh: “Rrogat te Astana janë të shkëlqyera, 50-60 mijë euro. Çdo futbollist merr 100 mijë euro bonus në rast se arrijnë të kualifikohen në fazën e grupeve, plus që kishte dhe bonuse të tjera”.

“Për këtë arsye, CFR Kluzh do të ketë një sfidë të vështirë, pasi nga ana financiare, Astana është shumë e motivuar”, tha sulmuesi i kombëtares kuqezi. Llullaku ka luajtur për ekipin e Astanës në vitin 2017, ku u aktivizua 17 ndeshje dhe shënoi një gol.

Pas dy sezonesh te Shkëndija, Emini ka ndërruar skuadër. Sot, sulmuesi 33-vjeçar është prezantuar te skuadra e Dritës në Kosovë. Ekipi synon të rikthehet te titulli kampion në IPKO Superliga dhe Emini shihet si një perforcim shumë i rëndësishëm për klubin.

Dje, u raportua nga Turqia se Totenhemi është i gatshëm të ofrojë 19 milionë euro plus Vinsent Jansen për të nënshkruar mesfushorin e shumëkërkuar, Eljif Elmas, por oferta është refuzuar. Sipas “Fanatik”, ka edhe tre ekipe kineze të interesuara pas Jansen.

Pasi kaloi sezonin 2017/18 në huazim te gjigantët e Super Lig, Jansen u rikthye te Totenhemi verën e kaluar, por për shkak të dëmtimeve, minutat për të ishin me pikatore. Me shumë gjasa, bomberi do të rikthehet te Fenerbaçe përfundimsiht. Ish-sulmuesi i AZ Alkmar është nën kontratë me “Gjelat” e Londrës deri në qershor 2020.

Ky i fundit luajti si i huazuar sezonin e fundit te skuadra e Kastriotit, ku bëri një sezon të shkëlqyer dhe ishte një nga lojtarët më të mirë në Superiore. Për momentin, Roxher është futbollist i Kukësit dhe ka vazhduar seancat stërvitore si pjesë e grupit. Ai shikohet si pasuesi i Uilliam Kordeiro, brazilianit tjetër që i është bashkuar Partizanit.

Një tjetër futbollist që i është bashkuar verilindorëve është 18-vjeçari Kledis Hida. Mbrojtësi i lindur në Elbasan është pjesë e Kombëtares U19 dhe mësohet se është në provë te skuadra e Kukësit. Sezonin e fundit ai është aktivizuar shpesh si titullar me verdheblutë në Kategorinë e Parë.

Ish-sulmuesi i Kukësit kishte vënë në lëvizje agjentin e tij për t’i gjetur një skuadër të re dhe mësohet se Rexhinaldo ka qenë shumë pranë firmës me skuadrën e njohur greke, Panathinaikos. Megjithatë, zhvillimet e fundit kanë bërë që kjo marrëveshje të prishet.

Siç raporton portali grek i Panathinaikos, “newspao.gr”, drejtori i klubit jeshil, Dabizas, pas konsultimit me trajnerin e ekipit, ka vendosur ta bllokojë këtë transferim, me arsyen se Rexhinaldo nuk është provuar në nivelet më të larta. 29-vjeçari mozambikas është ende pa skuadër.

Siç raportohet nga mediat angleze, një skuadër e kampionatit kinez të futbollit ka tentuar të transferojë yllin e Çelsit, Uillian. Për sulmuesin brazilian, ishte shtruar në tavolinë një kontratë prej 30 milionë eurosh në sezon, si dhe disa bonuse, si:

Dy shoferë personalë, apartament luksos dhe të gjitha udhëtimet me avion të paguara. Në rast se Uillian do e pranonte këtë ofertë, do të përfitonte rreth 650 mijë euro në javë, gati trefish i asaj që përfiton te Blutë e Londrës. Megjithatë, 30-vjeçari ka vendosur të mos largohet nga Londra dhe të vazhdojë karrierën e tij në Europë, ta paktën dhe për sezonin e ardhshëm.

Edhe pse kanë fituar shumë trofe në Francë, lojtarët kryesorë të skuadrës kanë filluar të dyshojnë për forcën e PSG-së në Europë. Një ndër ta, është dhe Kilian Mbape. Kampioni i Botës mund të largohet nga PSG këtë verë, për t’iu bashkuar një skuadre që ka më shumë mundësi që të fitojë Champions League. Këtë gjë, e ka pranuar dhe vetë ylli francez:

“Gjëja më e rëndësishme është të fitosh Champions League, pasi kështu fiton dhe Topin e Artë dhe futesh në histori. Sot, nuk mund ta fitosh Topin e Artë pa fituar Champions League, kompeticion shumë i rëndësishëm në sytë e botës”, u shpreh Mbape.

Por që nga kalimi i tij nga kampionati kroat në atë skocez, Grezda nuk arriti të lërë gjurmë dhe shumicën e takimeve i ka ndjekur nga stoli. Për më tepër, sulmuesi ka vuajtur dhe nga dëmtimet e shumta, që i kanë limituar minutat në fushë.

Siç raportojnë mediat skoceze, Stiven Xherrard e ka humbur besimin te anësori i Shqipërisë dhe ka vendosur të mos e grumbullojë me skuadrën në fazën përgatitore që do të zhvillohet në Portugali, duke lënë të kuptohet se Grezda nuk është në planet e tij dhe se me shumë gjasa do të largohet.

Paraqitjet e tij kanë bërë që Olimpiakos të sigurojë kartonin e tij, duke e parë si lojtarin e duhur për të ardhmen. 22-vjeëari ka luajtur për Shqipërinë U21 disa takime, por zgjodhi kombëtaren e e Greqisë për të përfaqësuar, duke u grumbulluar tre herë, por duke mos luajtur asnjë minutë.

Me ekipin rumun, Llullaku kishte dhe një vit kontratë, por ka rënë dakort me klubin për ndërprerjen e saj. Tashmë, sulmuesi 31-vjeçar është një lojtar i lirë, në pritje të ofertave. Fanellën e Astrës, Llullaku e mbrojti vetëm këtë sezon, ku në 34 ndeshje, shënoi dhe 7 gola, duke qenë një nga lojtarët më të mirë. Në Instagramin e tij, Llullaku njoftoi “divorcin” me Astrën, duke shkruar:

“Aventura ime këtu mbaroi! Dua t’i falënderoj të gjithë anëtarët e kësaj skuadre, ju uroj më të mirat. Fat të mbarë djema, fat të mbarë”.

 

View this post on Instagram

 

My adventure here is finished ! I want to thank everyone from this team , wish you all the best ! Good luck guys good luck @astra_giurgiuoff

A post shared by Azdren Llullaku 10?? (@llullakuazdren) on Jun 18, 2019 at 11:02am PDT

Në minutën e 36’, Barela jep një pasim të shkëlqyer prej më shumë se 50 metra, Kieza e stopon me shumë lehtësi topin në cepin tjetër të fushës dhe pasi driblon kundërshtarin e tij, ndëshkon dhe portierin spanjoll në shtyllën e parë. Fantastik talenti italian.

Maurise ka bërë një sezon të shkëlqyer me Lorient në Ligue 2 në Francë, duke bërë që skautët londinezë të çmenden pas tij. Arsenali ka bërë 2 oferta zyrtare deri më tani, 8 dhe 12 milionë euro, por të dy këto oferta janë refuzuar nga Lorient, që kërkon minimalisht 20 milionë euro.

Vetë Maurise flitet se ka gjetur akord me “Topçinjtë” e Londrës dhe kërkon me patjetër që të transferohet në Emirates, por klubi i Lorient duket se nuk ka ndërmend të ulë çmimin. Pritet një ofertë e tretë nga Arsenali, që do të jetë shumë e përafërt me 20 milionët e kërkuar, prandaj dhe akordi shihet si mëse i mundshëm nga mediat franceze.

“Nuk më pëlqen të kujtoj atë ndeshje”, tha Suarez. “Dëshiroja të zhdukesha nga kjo botë. Mesi? Njerëzit flasin, disa komentet shumë herë e lëndojnë atë. Një lojtar nuk duhet të kritikohet në atë mënyrë”.

Suarez, 32 vjeç, u bashkua me Barcelonën nga Liverpool në verën e vitit 2014. Ai fitoi Ligën e Kampionëve me Blaugranasit, si dhe katër tituj të La Ligas, Copa del Rey dhe tre SuperKupa spanjolle.

Sulmuesi i Uruguait tani është i gatshëm të luajë në Copa America. Amerikano-jugorët janë të përfshirë në grupin D, së bashku me Japoninë, Ekuadorin dhe Kilin.

“Të them të drejtën, më lumturon më shumë fitorja se goli, pasi ishim në situatë delikate pas humbjes me Islandës. Sot jam dyfish i lumtur, për fitoren dhe për golin. Ndihem shumë mirë dhe shpresoj të vazhdojmë kështu. E kam thënë dhe pas ndeshjes me Islandën, kemi punuar shumë mirë me trajnerin e ri. Me ardhjen e tij, kanë ndryshuar mekanizmat e lojës. Sot ia dolëm të shënonim, ishte e rëndësishme, pasi Moldavia u mbyll mbrapa.

Jam shumë i lumtur për golin, por edhe për rikthimin e Roshit, që kishte një vit pa luajtur. Sinqerisht, ndihem shumë mirë pasi në radhë të parë fituam, pastaj edhe që shënova. Është e vërtetë, unë jam gjithmonë me këmbë në tokë, nuk është se me një gol kam arritur diçka madhore, absolutisht që jo. Unë besoj në punë të palodhshme dhe gjithmonë kam punuar.

Jam munduar gjithmonë të ndihmoj ekipin dhe bëj gjithmonë atë që me kërkohet. Sigurisht që duhet të shënoj më shumë, por ajo që është më e rëndësishme është që ekipi të arrijë rezultatet. Sot prandaj jam shumë i lumtur, pasi ekipi arriti te fitorja. Doja me gjithë zemër që ne 4 sulmuesit të gjenim golin. Ndihemi shumë mirë, kemi ndihmuar njëri-tjetrin.

Dedikimi i golit? Sigurisht që pas shënimin të golit, pata një festim që ishte për Kornelian, gruan time, por dhe për familjen time. Ia dedikoj dhe të gjithë tifozëve. Ne ndihemi mirë, e ndjejmë mbështetjen tuaj si media”, përfundoi Cikalleshi.

JUVENTUS – Duke filluar me Juventusin, një marrëveshje shkëmbimi që do të shihte Paulo Dibalën të transferohet në Milano, është përfolur prej kohësh dhe shefi ekzekutiv i Interit, Xhuzepe Marota, shihet si njeriu i duhur për ta kryer këtë transferim.

NAPOLI – Presidenti Aurelio De Laurentis është një admirues i 26-vjeçarit argjentinas, por paga e lartë e Ikardit mund të jetë një pengesë për të kaltrit dhe është e vështirë të thuhet nëse ky transferim do të ndodhë.

ROMA – Verdhekuqtë gjithashtu kanë treguar interes për firmën e Ikardit. Kryeqytetasit nuk janë në Ligën e Kampionëve dhe po kërkojnë të ulin sa më shumë shpenzimet, kështu që një lëvizje për Ikardit nuk përputhet saktësisht me ambiciet e tyre.

ATLETIKO – Së fundi, është futur në garë dhe Atletiko Madrid. Skuadra e Diego Simeones është në kërkim të një sulmuesi dhe po e konsideron argjentinasin si lojtarin e duhur. Ikardi gjithmonë e ka dashur një të ardhme në Madrid, por jo me Atletikon, pasi ëndërron të luajë për Real Madridin. Ky faktor mund të jetë pengesë, por Atletiko nuk duket e dorëzuar.

RIKTHIMI – “Shiko, sot më ka mërzitur rezultati, pasi me lojën që zhvilluam, mund të arrinim diçka më të mirë. Për mua, që të rikthehem në kombëtare dhe të jap kontributin tim, është nder. Me sistemin e ri, me partner në sulm (Balajn), bëjmë shumë mirë. Më vjen keq që nuk shënuam as unë as Balaj. Jemi të mërzitur nga rezultati”.

LOJA – “I kisha si detyrë rikthimet në mbrojtje, pasi kundështari i përdor shumë mirë rivëniet anësore. Ia dola në pjesën e parë, por harxhuam shumë energji. I patëm rastet për të shënuar, kishte dhe një episod për penalltinë që pretenduam. Në pjesën e dytë, nuk kishim shumë forca për të dalë në sulm. Pjesën e parë, kishim erën në favor, por nuk e shfrytëzuam. Në pjesën e dytë, ishte më vështirë. Edhe goli që pësuam, na uli disi vetëbesimin, moralin. Gjithsesi, nuk dorëzohemi, vazhdojmë. Me trajnerin e ri dhe me skemën që përdorëm, treguam që dimë të luajmë. Nuk është më ajo Shqipëria që vetëm mbrohet. Nuk e pranoj dot këtë rezultat.

MOLDAVIA – “Me Moldavinë, do të jetë ndeshje ndryshe, pasi kundërshtarët nuk janë të njëjtë. Islanda ishte shumë e fortë fizikisht. Luftuam me ta për çdo top, nuk pësuam nga goditjet standarte. Me Moldavinë, duhet të arrijmë me doemos fitoren, por nuk duhet të flasim këtu, por të bëjmë një ndeshje shumë të mirë në fushën e lojës”, përfundoi sulmuesi kavajas.

“Ne kemi detyra që i kemi punuar gjithë javën dhe duhet të jemi rigorozë. Një goditje në fund të pjesës së p arë mund ta gjuanim ose Bekimi, por donte ta godiste Lenjani. Nëse shënonim gjërat do ishin ndryshe. Jam i mendimit, që edhe pse bëmë një pjesë të parë të mirë, më vjen keq për rezultatin”, shtoi Cikalleshi per Supersport.

Por presidenti i ri i Fiorentinës, Roko Komiso, ka ide të tjera, pasi nuk lejon në asnjë mënyrë që Kieza të largohet. Presidenti do t’i ofrojë Kiezës një kontratë të re, që do të dyfishonte përfitimet e tij, si dhe do të merrte një sërë bonusesh, shiritin e kapitenit dhe paratë në këmbim të drejtave të tij të imazhit.

Ofertat për Kiezën nuk kanë munguar dhe drejtuesit e Fiorentinës shpeshherë janë tunduar dhe kanë tentuar ta shesin, por presidenti i ri nuk dëshiron aspak që yjet e skuadrës të largohen.

“Ne kemi gjithnjë e më shumë para, por gjithçka varet nga lojtari. Është e drejta e tij që të vendosë nëse dëshiron të qëndrojë me ne, apo do të rikthehet te Interi. Unë mund të them që tani kemi paratë i kemi gati, të mos keni asnjë dyshim për këtë.

Kemi financat e duhura për të ndërtuar një skuadër të nivelit më të lartë. Flamengo ka një të ardhme të ndritur përapar”, u shpreh Vaskonselos. Gabigol aktualisht është në huazim te Flamengo deri në fund të dhjetorit të këtij viti.

Megjithatë, ky transferim nuk ka shkuar ashtu siç mendohej në fillim. Gazetari i MailSport për klubin e Rejnxhërs, Skot MekDermont, nuk i kurseu kritikat për menaxhimin e klubit skocez, si dhe për sulmuesin shqiptar, Eros Grezda:

“Kur flet me drejtorët teknikë, skautët, njerëzit përgjegjës për rekrutimet e reja te Rejnxhërs, kupton se ata nuk e njohin aspak lojtarin, por shikojnë CV-në e tij. Kjo gjë ka ndodhur dhe me Grezdën, që për mua është transferimi i dështuar i vitit në kampionatin skocez”.

Sipas asaj që raportojnë mediat italiane dhe ato britanike, Ulvs do të marrë një tjetër portugez në ekip. Bëhet fjalë për sulmuesin e Milanit, Andre Silva. Ky i fundit luajti këtë sezon si i huazuar te Sevilja dhe pas një nisje të zjarrtë, ritmi i tij ra shumë, duke bërë që klubi spanjoll ta rikthejë në Milano.

Por as kuqezinjtë nuk e duan në skuadër 23-vjeçarin dhe Ulvs është gati të përfitojë. Milani kërkon 26.6 milionë sterlina për sulmuesin, i cili këtë sezon shënoi 11 gola në 40 takime. Ulvs duket mëse gati për të paguar dhe Silva me shumë gjasa do të vazhdojë karrierën në Premier League.

Bavarezët e duan me çdo kusht në skuadër 19-vjeçarin, por oferta faraonike e tyre është refuzuar, raporton TZ. Sipas këtyre të fundit, Bajerni ka ofruar plot 90 milionë euro, një ofertë shumë e lartë dhe një bast i rrezikshëm i kampionëve të Gjermanisë.

Sot, sulmuesi 29–vjeçar ka pasur një mesazh për shokët e tij të skuadrës, të cilët i përshëndet dhe në këtë mënyrë e mbyll me Kukësin. Një kthesë e papritur, pasi palët kishin gjetur akordin për nënshkrimin e kontratës së re dhe pritej vetëm të zyrtarizohej zgjatja e bashkëpunimit.

SHKAKU I LARGIMIT – Rexhinaldo largohet i zhgënjyer nga Kukësi, pasi kishte pranuar ofertën e bere nga klubi. Gjithsesi në orët e fundit ka ardhur kthesa e papritur. Vetë sulmuesi ua ka shprehur edhe shokëve të tij diçka të tillë.

Klubi i Kukësit, që Rexhinaldo të merrte pagat dhe shpërblimin, i kishte propozuar që fillimisht duhet të nënshkruante kontratën e re. Futbollisti nga Mozambiku nuk ka pranuar dhe kështu vjen edhe ndarja pas një sezoni.

Edhe ish-futbollisti i të kuqve, Piter Krauç, është një admirues i sulmuesit belg dhe ishte gati t’i vendoste emrin “Divok” djalit të tij të sapolindur. Krauç postoi në “Twitter” lajmin së fëmija i tij i katërt erdhi në jetë, është djalë dhe do të ketë emrin “Divok”.

Ky postim i sulmuesit çmendi rrjetin dhe të gjithë po flisnin për vendimin e anglezit. Megjithatë, pak çaste më vonë, Krauç postoi sërish, duke thënë se emri ka ndryshuar, pasi bashkëshortja e tij nuk ishte dakord.

Our boy is beautiful the name is still to be clarified unfortunately Abs not going for Divock Samrat

— Peter Crouch (@petercrouch) June 4, 2019

EMOCIONET – “Së pari jam i lumtur që fituam Kupën. Për kombëtaren s’kam çfarë them më shumë. Jam një lojtar që dua të marr maksimumin çdo herë, sa herë që kam luajtur për Shqipërinë të gjithë e dinë se kam dhënë maksimumin në çdo ndeshje”.

PROBLEMI – “Në mëngjes pata disa probleme muskulore. M’u rikthyen pak gjatë ndeshjes, por më pas fillova të ndihesha mirë. Pjesën e dytë e filluam pak keq, na ka ndodhur shpesh kjo gjë gjatë sezonit, duhet të nxjerrim mësime nga gjëra të tilla”.

E ARDHMJA – “Për momentin s’kam folur me askënd. Për mua ishte e rëndësishme që shkoja diku ku mund të luaja. Më pas të shikojmë se ç’do të bëjmë”.

SUPERIORJA – “Shqipëria ka lojtarë të mirë e të talentuar. Kampionati po përmirësohet vit pas viti. Kam ardhur në një skuadër që më ka pritur shumë mirë dhe jam shumë i lumtur për këtë zgjedhje”.