LAÇI – “Na ra skuadra më e fortë e mundshme. Këto ndeshje duan dhe pak fat, duhet të bënim një ndeshje perfekte. Mendoj se një ndër arsyet që Laçi luajti mirë dhe ishte afër kualifikimit ishte fakti që presioni ishte 0. Nuk pritej shumë nga ne. Një faktor tjetër është fakti që 4 afrimet e merkatos së verës u përshtatën shumë mirë Presidenti i kërkoi lojtarëve thjesht të jepnin maksimumin. Në transfertë iu afruam më afër portës se sa në Laç. Patëm disa momente që mund t’i kishim shfrytëzuar më mirë. Kundërshtari bëri disa lëvizje për të përballuar lojën tonë.”.

“Te Laçi vazhdon puna. Drejtuesit po punojnë për të pasuruar skuadrën. Nuk do ndërhyjmë në çdo repart, pasi disa prej tyre janë konsoliduar, kjo për shkak të punës së mirë të bërë në përgatitjet e Europës. Pretendimet e ekipit mbeten për vendet e Europës. Është më mirë kur merkaton e fokuson te një numër i vogël lojtarësh. Skuadra nuk është se nuk ka pësuar ndryshime. Formacionit i janë shtuar 4 lojtarë të rinj. Morëm mesfushorët Shehu dhe Teko, mbrojtësin Ignjatoviç dhe sulmuesin Nuabueze”.

PARTIZANI – “Karabaku e kishte detyrim kualifikimin, kjo për shkak të financave dhe lojtarëve që ka. Partizani po ndërton një skuadër për një nivel më të lartë, prandaj kanë ardhur dhe lojtarë si Solomon. Kanë fituar disa para dhe tani po i investojnë në skuadër”.

“Hendeku financiar është shumë i lartë, por Partizani luajti i mirë dhe mund të ishte kualifikuar nëse Solomon do të shënonte atë rastin e mirë që pati. Luajtën me dinjitet. Ata po mendojnë për të ardhmen. Duan të ndërtojnë një skuadër që ka një bosht 2-3 vjeçar.

KUKËSI – “Në ndryshim nga ne, te Kukësi është kalimi i turit të parë ka qenë një detyrim nga presidenti i klubit. Kjo i ka vendosur lojtarët në presion.  Kur pëson një humbje 3 – 0 në ndeshjen e parë, nuk ke shumë shpresa në të dytën”.

“E dinim që në fillim se Hapoel Ber Sheva ishte ekipi favorit. Nuk patëm fat në short, ishte kundërshtari më i vështirë i mundshëm. Megjithatë, është kënaqësi që të luash ndaj një klubi të tillë, që ka pasur rezultate të mira dhe në arenën europiane, si disa vite më parë kur mundën Interin në grupet e “Europa League”.

“Mendoj se zhvilluam një ndeshje të mirë në Laç. Shënuam të parët, por në fund pavarësisht se bëmë një lojë të mirë, rezultati nuk ishte ai që donim. Temperaturat e larta në Izrael janë një problem i shtuar për skuadrën time. Edhe në Shqipëri kemi mot të nxehtë, por këtu është më ndryshe. Shpresoj që të nesërmen temperaturat të jenë pak më të ulëta se ditën e sotme”.

“Është një kundërshtar që shquhet për diferencën që ka për ndeshjet brenda dhe jashtë në kampionatin izrealit. Skuadra duhet të jetë shumë e kujdesshme. Kundërshtari përdor zakonisht një taktikë që ku tregohet shumë agresiv që në fillim të ndeshjes”.

“Formacionin nuk e kam lënë surprizë, nuk e kemi mbajtur sekret. Djemtë e dinë kush do luajë dhe po punojmë për të përmirësuar çdo defekt. Në këto lloj ndeshjesh vendos edhe pak fati, diçka që nuk e kishim në takimin e parë ”, tha Starova.

“Kemi njohuri të plotë për kundërshtarin, për skuadrën që ka qenë dhe për afrimet e bëra. I kemi parë ndeshjet miqësore. I kemi idetë e qarta për mënyrën e lojës. Nuk besoj se do të në nënvlerësojnë, por uroj të ndodhë”, shprehet Starova për RTSH Sport.

Kurbinasit do të duhen të luftojnë fort sfidën me izraelitët: “Presim një përgjigje të rezonancës nga Turkaj, i cili ka pasur një goditje në gju. Edhe Zaimi ka pasur probleme. Jemi munduar ta sjellim skuadrën në formë për nesër. Pikat e forta i kanë me shumicë, por dimë edhe disa pika të dobëta. Do e përballojmë me shpirtin e lartë të garës. Presim që lojtarët të kenë një mobilizim më të madh se kundërshtari”.

Në dy ndeshjet me këta të fundit, trajneri Sulejman Starova ka aplikuar skema të ndryshme. Në ndeshjen e parë e rreshtoi skuadrën me modulin 4-3-3, kurse një ditë më parë Laçi luante me 3-4-3. Tekniku kryeqytetas po mendohet mirë për mbrojtjen.

Në mbrojtjen me katër, Starova kishte përzgjedhur Fangajn nga e djathta, për të vijuar me Gjonin, Ignjatoviç dhe Domgjonin. Këta tre të fundit përbëjnë treshen e prapavijës me modulin tjetër, ndërkohë që risia ishin linjat, Deliu e Turkaj.

Gjatë këtyre ditëve, në stërvitje trajneri Starova do të vendosë përfundimisht se si do ta rreshtojë skuadrën e tij kundër Hapoel Ber Sheva. Ndeshja me izraelitet zhvillohet më 11 qershor, prej orës 17:30 në qytetin e Laçit.

Në një intervistë për “Supersport”, trajneri kryeqytetas flet për afrimet në skuadrën që ai drejton dhe kundërshtarin.

“Kemi një objektiv të parë. Të fitojmë ndeshjen në Laç. Kjo do të na lehtësonte kualifikimin. Objektivi mbetet kalimi i turit, pavarësisht se kemi të bëjmë me një kundërshtar të fortë. Ata kanë vite që luajnë Kupat e Europës, janë një ekip agresiv. Do përpiqemi të marrim masa për këtë gjë”.

“Kemi afruar një lojtarë të mirë si sulmuesi me pasaportë amerikane (Nuabueze), mbrojtësi serb (Ignjatoviç) si dhe dy lojtarë të rinj nga Greqia që do po luftojnë për një vend në formacion. Jemi stërvitur me temperatura të larta, nuk janë kushte optimale për djemtë, por na duhet të përshtatemi”.

Në një intervistë për “RTSH”, trajneri i Laçit, Sulejman Starova, flet mbi përgatitjet që po zhvillon skuadra e tij. Fitoret në miqësore ndaj Teutës dhe Kukësit nuk ngrohin Starovën, i cili thekson se në këto ndeshje testuese i intereson më shumë forma e lojtarëve se sa rezultati.

“Kemi bërë një ndeshje të mira, ku primare nuk ishte rezultati, por paraqitja e lojtarëve. Bëmë dhe një miqësore me Kukësin, dhe në program kemi një ndeshje të dytë me ta. Këtë javë po shikoj kundërshtarin dhe lojtarët që ata kanë afruar rishtazi. Shpresoj që të kuptojmë cilat janë pikat e tyre të forta dhe të dobëta”.

“Ne kemi marrë një sulmues amerikan që vjen pas një përvoje në Kosovë, një mbrojtës qendre (Ignjatoviç), lezhjanin Turkaj dhe dy lojtarë të rinj që kanë ardhur nga Greqia (Zaimi dhe Spahiu), të cilët po shtojnë konkurrencën në skuadër. Them që jemi në rrugë të drejtë, do të bëjmë më të mirën mundshme”.

“Skuadra po përgatitet për dy ndeshjet e fundit. Mendojmë për Tiranën fillimisht. Do shikojmë në fund nëse do e kapim Europën. Do ishte gjë e mirë për klubin dhe vazhdimësinë kapja e kupave të Europës”, është shprehur trajneri i Laçit në RTSH Sport.

Më tej ai ka shtuar: “Është një ndeshje e vështirë. Toro është i dëmtuar prej dy javësh, ndërkohë që ka të tjerë në proces rikuperimi. Skuadra ka bërë ndeshje të mira, por jo të gjithë kanë dhënë maksimumin. Është fundi i kampionatit dhe ka lodhje. Shpresoj të japin maksimumin dhe ta arrijmë objektivin”.

Starova e si shumë mirë se me Tiranën do jetë një ndeshje shumë e vështirë: “Ata duan mbijetesën, ne Europën. Kjo e shton vështirësinë e dy skuadrave. Situata është e veçantë, është delikate për Tiranën dhe situatën në të cilën ndodhet. Nga ana tjetër edhe ne duam ta mbyllim mirë sezonin”.

“Kur flas për kualitete, rastet i kishim. Berisha nuk gjuajti, preferoi driblimin. Kishim raste edhe në pjesë të parë. Flamurtari u mbrojt më shumë. Në përgjithësi nuk ishim siç kemi qenë në transfertat që kemi bërë më parë. Na vjen keq, por janë edhe dy ndeshje. Të marrim pikët tona”.

“Pa llogaritur problemet e të tjerave, ne e kishim mundësinë me Partizanin. Skuadra ka luajtur mirë me mundësitë që ka pasur. Më pas humbën në drejtim të pikëve. Pika me Kukësin dhe fitorja me Partizanin do na vinin në pozita të tjera. Kemi qenë aty-aty me ekipet e tjera, pa llogaritur anën financiare. Kemi qenë edhe pak të pafat”.

“Nuk e kishim marrë lehtë. Flamurtari nuk ka presion si ne. Ata nuk kishin çfarë humbnim. E dinim që ishte finale. Nuk ka sens të kishte neglizhim, kur tre pikët për ne ishin flori. Kishin motivimin për ta na u kundërvënë, thjesht edhe për ndonjë ambicie vendi”.

“Tërheqja e skuadrës në pjesën e dytë? Vuajtëm edhe për topin e dytë, ishim afër si skuadër, por nuk e mbajtëm topin. Kemi pasur shqetësime fizike dhe nuk kishim freskinë e duhur. Edhe mungesa e tifozëve është një anë tjetër që ndikon”.

“Mungesa e golave? Ju flisni me shifra për golat e shënuar. Por kemi pasur rritje këto dy muaj. Sigurisht kemi disa lojtarë që kanë vlera, por nuk mund ta gjej vetëm te sulmuesit. Nuk është vetëm faji i tyre. Duhet pjesëmarrje edhe e të tjerëve, edhe e mbrojtësve të krahëve. Është një problem për t’u zgjidhur për të ardhmen”.

“Europa? Llogaritë bëhen në fund, ka konkurrencë të madhe. Ata nuk morën maksimumin, ashtu si ne. Këtë javë kemi mundësi të çlodhemi dhe të marrim si të tjerët tre pikët në tavolinë. Lufta do jetë e ashpër deri ditën e fundit”.

“Krosimet nga krahët nuk i bëjnë vetëm Xhixha e Shtubina. Normalisht një dorë ta japin edhe mbrojtësit. Një gjendje më e mirë fizike do e ndryshonte paraqitjen, sigurisht edhe publiku. Në fund e pësuam nga një gabim, por barazuam. Me tifozët do ishte ndryshe. Të dyja skuadrat bënë një ndeshje të luftuar. Humbëm një shans për vendin e tretë”.

PENALLTIA E ÇINARIT – “Duhet ta kenë parë më mirë nga TV. Ishte një faull jashtë zone, megjithatë, ndodhi çfarë ndodhi”.

NDESHJA – “E kam thënë që nuk do të ishte një ndeshje e lehtë. ‘Do të ishte diçka shumë e rëndë për mua nëse do të bëhesha unë sebep për t’i humbur titullin Partizanit. Sot bëmë një ndeshje shumë të mirë, po të ishim më të kujdesshëm, do të shënonim golin e dytë. Edhe Partizani kishte momente të mira dhe në momentin kur ne gabojmë si në Gjirokastër, ndeshja doli barazim. Një rezultat që para ndeshjes do të në pëlqente, por kështu si erdhi loja, meritonim tre pikët që do të na ndihmonin shumë për objektivat tona”.

KUNDËRSULMET – “Pasimi i fundit dhe konkludimi i rasteve na penalizoi. Ato janë momente që duhet pak klas, por marrim parasysh lodhjen dhe është e justifikueshme. E rëndësishme për lojtarët e mi është të kuptojnë se kështu fitohen ndeshje, kështu merren pikë. Kështu që, ky futbolli të lë ndonjëherë me gojën thatë”.

KRAHASIMI ME PARTIZANIN E TIJ –  “Ka qenë një deklaratë e imja  e mëparshme, ku kam folur për Partizanin tim kur kam tetë lojtarë nga skuadra e tanishme, plus Ekuban dhe Torasa. Partizani aktual e meriton plotësisht pozitën që ka. Deklarata ime nuk ka dashur të denigrojë skuadrën aktuale, pasi tetë lojtarë të formacionit janë të njëjtët që kam pasur unë”.

“Sigurisht që ka një ndryshim, pasi kemi një takim të rëndësishëm. Ne kemi objektivat tona, ata janë rrugës drejt titullit kampion. Meqë e lidhët me të shkuarën, jam i lumtur pasi nuk është se po prishim punë. Do ishte e vështirë për mua, nëse rezultati pozitiv i yni do u hiqte titullin. Është një ndeshje e veçantë, pasi luajmë vetëm ne atë ditë, në një ambient të bukur. Shpresojmë të bëjmë një ndeshje të mirë”, është shprehur Starova për Supersport.

Mungesat që Partizani ka nuk bëjnë që te Laçi të mendojnë se kanë ndonjë epërsi. Trajneri i kurbinasve e arsyeton kështu: “Nuk shoh vështirësi, pasi ata nuk janë të bazuar te 10 lojtarë. Kanë shumë lojtarë në dispozicion dhe ata që aktivizohen nuk kanë ndryshim me të tjerët. Flitet që luan Kalari në qendër, ai ka eksperiencë të madhe. Nuk shoh ndonjë avantazh”.

Në lidhje me synimet që Laçi ka dhe mënyrën se si sillet skuadra, Starova shtoi: “Objektivi është Europa. Llogaritë bëhen në fund. Janë 18 pikë në lojë. Deri tani nuk ka munguar shpirti i garës, dëshira për t’iu përgjigjur stafit. Kam gjetur një pjesë të shëndoshë në këtë drejtim. Sakrifikojnë për t’ia shpërblyer presidentit dhe tifozëve që kanë”.

Bardhezinjve u shkon për shtat, paguajnë më pak dhe kanë në gjirin e tyre elementë që mund të shiten në të ardhmen. Kurbinasit gjatë këtyre viteve kanë afruar në skuadër lojtarë që i angazhojnë në ndeshje me të rinjtë dhe stërvitjet i bëjnë me ekipin e parë.

Aktualisht janë disa lojtarë që i kanë në fokus dhe ditën e djeshme trajneri Sulejman Starova i ka ndjekur nga afër në ndeshjen e zhvilluar në Fushë-Krujë mes Ilirisë U19 dhe Laçit U19. Krah tij ka qenë edhe drejtori Naim Halili dhe zëvendës trajneri Klevis Hima.

“Patëm një 10-ditësh jo shumë të mirë. Edhe pse humbëm ndeshjen e parë me Luftëtarin, me Kukësin treguam që ishim aty. Reflektuam pak, por më pas pati edhe eufori. Është e pandalshme kjo në futboll. Ekipi reagoi mirë me Skënderbeun, jam i kënaqur nga të gjithë çunat, duke nisur nga Atanda i pari”, deklaron Gega fillimisht.

“Transformimi brenda pak ditësh? Siç është një ditë, nuk është dita tjetër. Nëse e fillon mirë, e mbaron mirë. Nëse e nis keq, është shumë e vështirë ta korrigjosh. Besoj se jemi këtu me meritë dhe kemi besuar shumë shumë pak në tre faza.  Kemi gabuar shumë më pak se ekipet e tjera. Rëndësi ka që të ishim përpara”, shtoi tekniku i të kuqve.

FITORJA E KUKËSIT – Para se Partizani të zbriste në fushë me Skënderbeun, kishte mësuar se Kukësi rival mori pikët e plota kundër Laçit. Gega thotë mendimin e tij nëse ndikoi ai takim te skuadra e tij: “I ka të dyja medaljet kur di rezultatin e kundërshtarit. Deri sa nuk ka nisur ndeshja, ka një farë përgjegjësie, një farë tensioni. Ndonjëherë shërben për mirë dhe nga ajo që pashë kështu ndodhi”.

DUKA –  Dilaver Duka e nisi titullar dhe në momentin e zëvendësimit pati duartrokitje nga tifozët. Tekniku i të kuqve e komenton kështu paraqitjen e mesfushorit: “Nuk besoj se është në maksimum. Po e bën pjesën e tij mirë. Shpresoj dhe kam besim se do e bëjë shumë më mirë. Do një kohë të përshtatet, fizikisht ka pasur probleme. Për aq kohë sa luajti, mendoj se bëri mirë”.

TITULLI DHE DËSHIRA E IBRAHIMIT – Edhe pse kanë mbetur edhe 7 ndeshje për t’u luajtur në fushë, te Partizani nuk kanë dëshirë të flasin për titullin kampion. Gega është i prerë: “Kur llogarisni të festoni titullin? Në Gjirokastër. Ta ruajmë këtë distancë me 9 pikë. Do mundohemi të rikuperohemi këto ditë që nuk luajmë me Kamzën. Tre pikët i marrim siç i kanë marrë të tjerët. Do mendojmë për ndeshjen e radhës, që është po aq e vështirë”.

“Ibrahimi do donte që titullin ta festonte në derbi? Ibrahimi ka eksperiencë këtu, unë jam i ri në kampionat në krahasim me të. Nëse e ka thënë, uroj t’i dalë. Për mua ai luajti mirë dhe tregoi se futbolli nuk ka moshë”, deklaron trajneri i Partizanit.

DEKLARATA E STAROVËS – Para pak ditësh, Sulejman Starova deklaroi në emisionin “Zona Gol” në Supersport se Partizani i para dy viteve, me Ekuban dhe Torasën, nuk krahasohet me ekipin aktual. Madje “Bobi” theksonte se ishin si nata me ditën. Gega, edhe këtë herë shmanget:

“Secili është i dashuruar me punën e vet, me grupin e vet. Unë këta nuk i ndërroj me asnjë. Pjesën më të madhe i kam gjetur, nuk është se kam sjellë diçka me vete. Jam munduar të punoj me mënyrën time. Rëndësi ka që të arrijmë objektivin dhe të jemi të gjithë të kënaqur. Starova dhe gjithë ish-trajnerët e tjerë kanë vënë nga një tullë. Kur të vijë koha për të festuar, besoj se edhe ai do jetë pjesë shumë e rëndësishme”.

VLADIMIR PRENGA

“Si Juventin do të dëshiroja Mesin. Kam qenë juventin që fëmijë, në atë kohë të gjithë shokët e mi ishin me Interin. Tifozeria për Juventusin ka qenë një traditë familjare te familja ime, që nga kohët e Riza Lushtës”.

FITORJA NDAJ TEUTËS – “Sot morëm një fitore bombastike, ku rezultati nuk tregon krejt lojën. Teuta e filloi mjaft mirë, por një gabim i portierit dhe mikut tim Isli Hidi zhbllokoi rezultatin për ne”.

BUXHETI TE LAÇI –“Buxheti është i shëndoshë për kampionatin tonë. Laçi ka kaluar dy ture të Kupës së Europës. Në Shqipëri kemi lojtarë që meritojnë 1 mijë euro dhe i japim 3 ose 4 mijë euro. Ata e kanë kuptuar që ekipi duhet të mbajë veten. Kam gjetur një skuadër modeste, në faktin që lojtarit të shohin në dritën e syrit.”.

MANE DHE OKPOTU – “Kur erdha të Laçi më treguan disa video të lojtarëve afrikan në “YouTube”. Mane mu duk si Ekuban. Ai dhe Okpotu janë ndër më të paguarit në Superligë. Është një investim i madh i presidentit Laska. Tani na dhemb koka për cilin do fusim në formacion. Kemi fituar një talent si Çokaj që është zbuluar nga të tjerët jo nga unë”.

OFERTA PËR EKIPIN KOMBËTAR – “Më është dhënë një herë mundësia për ekipin kombëtar, por atëherë pati ndërhyrje dhe postin e mori dikush tjetër . Ndërsa herën e dytë e kam refuzuar, ndoshta ka qenë një gabim”

OPOZITA NDAJ FEDERATËS – “Sot po del Partizani kampion 10 javë para fundit të kampionat. Ky Partizan është nata me ditën me atë që kishte Torasën dhe Ekubanin. Na e hoqën kampionatin na e vodhën, do e them përherë këtë gjë në çdo shteg që të më dali, s’do e harroj kurrë”.

TOLERIM I PARTIZANIT NDAJ LUFTËTARIT – “Kjo gjë s’duhet të përmendet nga gazetarët. Te Partizani ka një trajner, një president që paguan dhe tifozë që mbushin shkallët e stadiumit, s’mund t’i shkojë ndërmend lojtarëve të tolerojnë. Partizani duhet ta vlerësonte më shumë Luftëtarin, duke parë rrethanat dhe momentin që po kalojnë. Mund ta kishte mbyllur me barazimin ndeshjen dhe të festonte titullin që sot”.

TIRANA – “Gjendja e Tiranës është paradoks. Është kandidate për kupën dhe në të njëjtën kohë rrezikon nga Kategoria. Nëse pranojmë se kampionati është shumë i fortë dhe nuk ka diferenca duhet të pranojmë se ekipet e mëdha rrezikojnë”.

“Nuk e di çfarë do bëjmë deri në fund. Kemi disa ndeshje që luajmë mirë. Meritonim të fitonim me Flamurtarin, reaguam edhe në Tiranë. Kemi pasur disa raste në pjesën e parë. Morëm një pikë për moral, ndaj një ekipi ndër më të mirët. Bëmë një ndeshje të shkëlqyer në Kupë. Kjo tregon forcën. Kemi një kalendar rraskapitës. S’e kuptoj pse luajmë këtë të mërkurë, mund të luhej të mërkurën tjetër. Edhe këtë javë luajtëm mirë, kemi bërë tre ndeshje. Shpresoj të bëjmë maksimumin të rikuperojmë skuadrën për të mërkurën”.

“Kam gjetur një skuadër që si ka munguar shpirti i garës. Laçi shquhet nga të gjithë për këtë. Është klub me financa të mira, ka lojtarë që paguhen si ekipet e para. Pati një rënie dhe tani mendoj se jemi kthyer aty ku duhet”.

“Tetë gola në pak ditë? Meqë më the trajner mbrojtës, ju them se kam rekordin me Tiranën për golat e shënuar. Këtë mund ta thotë një njeri që nuk është specialist”.

“Ka një moment ku lojtarët e marrë në janar, nuk kanë formën e duhur. Mane dhe Okpotu i kanë dhënë skuadrës. Përveç peshës, Mane ka klas dhe e keni parë. Mesfusha është nga më të fortat. Kemi 4-5 lojtarë që luajnë për tre vende. Edhe mbrojtja ka cilësi. Normalisht ka edhe të meta dhe po punojmë t’i rregullojmë”.

“Eliminimi? Së pari më kënaq loja dhe rendimenti i lojtarëve. Besuan që mund të përmbysnin dhe dalim krenarë nga Kupa. Shtohet morali për të përballuar me sukses pjesën tjetër të kampionatit. Edhe pse kishim disa lojtarë që na mungonin, por u zëvendësuan mirë. Edhe Xhixha sakrifikoi, pasi ishte me temperaturë. Ishte i pafat te shtylla. Meritojnë komplimente, bënë një ndeshje të mrekullueshme. Luajtëm me dinjitetet”.

“E dinim që ata do mbroheshin. Sistemi jonë u ndihmua edhe nga mënyra  e lojës së tyre. Duhet të luftonim për topin e parë dhe të dytë. Ekipi bëri mirë dhe kjo më kënaq. Besimi në skuadër erdhi edhe pas ndeshjes në Tiranë. Incidenti ndikon që të mos gjykohet ndeshja, s’i lamë të afroheshin për 45 minuta. Janë me kronometër në dorë, çdo lloj dëmtimi kishte shumë vonesa. 2 minuta e 20 sekonda ishte më i madhi kur portieri hoqi dorezat”.

Çfarë i mungoi skuadrës që nuk e shënuat golin e tretë? “Kam unë qimen e derrit”, thotë me shaka Starova, i cili analizon edhe rastet e dyshimta. “Penalltia? E kam parë që Hoxhallari gaboi dhe pengoi Domgjonin. Ai nuk e ka mendjen të bëjë faull, por të kapë topin. Topi me dorë? Topi po shkonte te lojtari jonë, Çokaj. Ndikoi”.

Sa i takon grupit, Laçi nuk do të ketë Toron të pezulluar me kartonë. “Mungon vetëm Toro me kartonë, të tjerët janë në gjendje të mirë. Normal nuk është edhe Berisha dhe të tjerë që prej kohësh mungojnë”, shtoi Starova për RTSH.

Tekniku kryeqytetas flet për ndeshjen e radhës: “Tirana është në formë, por paradoksi është renditja. Është nga më të fortat e kampionatit, por u mungojnë pikët. Do jenë të mobilizuar. Objektivi është të futemi në fushë dhe të fitojmë. Shpresojmë të luajmë mirë dhe përmes lojës së mirë të marrim edhe rezultatet”.

Në lidhje me kampionatin, Starova deklaron: “Nuk mund të them që është më i miri, kampionati që i ka munguar cilësia, pasi Skënderbeu nga pretendent për titull ka dalë jashtë. Kukësi ka problemet e veta me ndryshimet, por edhe duke luajtur jashtë fushe e pa tifozë. Partizani është pranë titullit më shumë se kurrë. Teuta është për Europë, por një sy e kishte edhe te titulli kampion. Loja e mirë e Kastriotit kohët e fundit e ka bërë kampionatin edhe më të bukur”.

Sipas Starovës, Superiorja është shumë e fortë dhe mes skuadrave ka një diferencë shumë të vogël. Gjithsesi ai beson se Laçi ka kualitete dhe do rikthehet në formën e tij më të mirë. “Në barazimin me Flamurtarin skuadra bëri paraqitje shumë të mirë, por rezultati nuk iu përgjigj lojës së saj. Kategoria Superiore është shumë e fortë në këtë sezon, ndaj deri në mbyllje të tij do punojmë me përkushtim bashkë me skuadrën për të realizuar objektivat e klubit, duke u renditur në zonën e Europës”, shprehet “Bobi”.

Ndërkohë, për gjendjen aktuale të skuadrës, Starova shton: “Në gjysmën e kampionatit Laçi është dalluar në fazën mbrojtëse, ndaj po punojmë të rikthehemi sërish në atë nivel që nga ndeshja e javës së ardhshme  me Tiranën. Natyrisht që objektiv primar mbetet Europa dhe Laçi i ka kapacitetet ta arrijë”.

AGRON KAJA

PARTIZANI – “Partizani ka aleat pikët. Ata kanë krijuar një distancë shumë të madhe me ndjekësit. Partizani është më skuadër se Kukësi e Teuta. Ata janë shumë të fortë në aspektin e mbrojtjes. Rrallë sheh qe qendërmbrojtësit e Partizanit të gabojnë, siç gaboi kësaj radhe Rexhepi. Jam i sigurt se ai do ta humbasë formacionin, pasi dyshja e mëparshme e Partizanit në qendër të mbrojtjes nuk ka bërë gabime të tilla.”

KUKËSI – “Ata në radhë të parë kanë probleme për faktin se nuk kanë bërë akoma skuadër. Nuk duhet të harxhojmë kohë të merremi me emra, pasi nuk dilet kampion me vetëm emra luksi. Kukësi duhet te rregullojë fazën defensive. Presidenti ka të drejtë të vërë ultimatume. Në të gjithë botën futbolli ka presion, edhe pse qetësia është më e mira e mundshme.”

“Për mendimin Gjici gabon nëse shkarkon tani Cungun. Kukësi ka disa problematika këtë sezon. Luan në fushë asnjanëse, kanë pasur dëmtime, ndërsa në merkaton e verës sollën lojtarë me shumicë”.

“Nëse largohet Cungu atëherë do të thotë të dorëzohesh për titull. Ai është një djalë punëtor që po bën mirë. Te Kukësi kanë gabuar të gjithë jo vetëm ai. Ka pasur gabime në blerje dhe shumë gjëra të tjera”, përfundoi Starova.

Për SportEkspres.com, Starova deklaron se Partizani është krijuar më shpejt nga të tjerat dhe në fazën difensive është më lart nga Kukësi e Teuta, që e ndjekin në renditjen e kampionatit. Sipas tij, si arma kryesore e Partizanit janë mbrojtja shumë e mirë dhe kundërsulmi i shpejtë.

INTERVISTOI: AGRON KAJA

Në kampionat dhe në Kupë, a është ky Partizan më afër dy trofeve?
-Për Kupën tani fillon beteja më e fortë për të gjitha skuadrat që kaluan në turin e tretë të saj. Ndërsa në kampionat, Partizani është një hap para nga skuadrat e tjera. Tashmë i duhet që të harmonizojë mirë futbollistët, ku dhe trajneri Gega po tregohet inteligjent e krijues në formacion.

Në cilët tregues e mendoni suksesin e Partizanit në kryesimin e Kategorisë Superiore?
-Tregues kryesor mendoj se ësht fakti që Partizani është krijuar më shpejt nga të tjerat dhe në fazën difensive është më lart nga Kukësi e Teuta, që e ndjekin në renditjen e kampionatit. Si arma kryesore e Partizanit në 20 ndeshjet e luajtura janë mbrojtja shumë e mirë dhe kundërsulmi i shpejtë.

21 gol në 20 javë, a është ky një tregues i lojës me llogari të Partizanit?
-Kur treguesi i golave të pësuar në total mbetet më i ulët nga rivalët, 9, normale të thuhet që Partizani është i shpërblyer me kryesimin e renditjes. Kujt skuadre nuk i duhet një golashënues për të shënuar më shumë. Te Partizani golin nuk e bën emri i lojtarit, por e gjithë skuadra.

Për ndeshjen e javës së 20-të me Kamzën ka patur akuza mediatike për një pakt mes dy skuadrave, cili është këndvështrimi juaj?
-Nuk e mendoj kështu këtë këndvështrim mediatik. Kjo situatë duhet parë më gjerë, ku së pari duhet pyetur se pse Kamza ka ardhur deri këtu dhe vetëm kështu u jepet përgjigje atyre akuzave mediatike. Fitorja i bëri mirë ecurisë së Partizanit në kreun e renditjes, unë këtë vlerësoj.

Në Kategorinë Superiore kanë ardhur lojtarë si Valdet Rama dhe Armando Vajushi, tregon ky fakt se kemi një rritje të nivelit?
-Ardhja e tyre nga kampionate të huaja më të forta në Kategorinë Superiore i ka dy anët e medaljes. Së pari na bën mirë që ata vijnë në kampionatin tonë elitar, por së dyti, ata duhen pyetur pse erdhën deri këtu. Kanë dalë të panevojshëm aty ku kanë qenë, apo janë në rënie?

Të shtunën Partizani luan ndeshjen e javës së 21-të me Kastriotin, është kjo një sfidë e fituar?
-Partizani e humbi shansin e shkëputjes në javën e kaluar, pasi edhe Kukësi fitoi. Ndërsa këtë javë besoj se Partizani fiton me Kastriotin dhe Tirana i merr pikë Kukësit dhe shkëputja do jetë më e madhe. Mendoj se në të dy kahet e renditjes kjo do të jetë java e shkëputjes së skuadrave.

Si i shikoni ndeshjet e javës së 21-të të Kategorisë Superiore, të vështira apo normale?
-Si për kreun e renditjes, ashtu edhe në zonën e mbijetesës, janë krijuar dy grupe me nga tre skuadra që po e bëjnë më të bukur rivalitetin në dy ekstremet e tabelës. Partizani-Kukësi-Teuta në krye, si dhe Luftëtari-Kastrioti-Kamza, do jenë rivale të forta në synimet e tyre deri në fund.

Moduli i përzgjedhur është ai 4-4-2. Portieri më i mirë për Starovën është Perlat Musta, një legjendë e Partizanit dhe e kombëtares. Kuptimplota fjalët që thotë për të: “Perlati mbetet portieri më i madh i të gjitha kohërave te Partizani”. Mbrojtja dominohet nga “të kuqtë”.

Përparim Daiu është ai që do të mbulojë linjën e djathtë të mbrojtjes, ndërsa në krahun tjetër është përzgjedhur Ansi Agolli. Me këtë të fundit ka punuar te Tirana. “Diga” e Starovës në qendër ndërtohet nga Ilir Shulku dhe Afrim Tole. Shkurtimisht Starova është shprehur: “Të katër këta mbrojtës i veçoj si ndër mbrojtësit më të mirë që kanë luajtur në futbollin shqiptar”.

Qendra mesfushës dhe krahët e këtij u besohen lojtarëve të kalibrit: si Altin Rraklli, Lefter Millo, Ervin Bulku dhe Devi Muka. “Mesfushorë me tipare sulmuese, elegantë, me vizion dhe organizatorë të mirëfilltë”. Këto fjalë tregojnë më së miri cilësitë e këtyre futbollistëve, të cilët janë të njohur mjaft mirë për kualitetet që kanë pasur dhe për atë që kanë dhënë në futbollin shqiptar.

Në formacionin më të mirë të Starovës ka vend vetëm për një të huaj: Kaleb Ekuban, ganezin që shënoi 17 gola me fanellën e Partizanin dy sezone më parë. Nuk mbetet jashtë Erjon Bogdani, i cili arriti të luante më pas edhe në Serie A, një nga kampionatet më të forta në botë. Komenti për dyshen e repartit të avancuar? “Dy sulmues race, të cilët në Shqipëri ende nuk po gjenden”.

KARRIERA – Një jetë e kaluar te Partizani si futbollit, por Sulejman Starova hapat e parë në futboll i ka hedhur te Shkëndija e Tiranës. I lindur më 12 dhjetor të vitit 1955, “Bobi” është trajneri i fundit me të cilin Partizani ka fituar titullin kampion, ndërkohë që për ironi të fatit tjetrin e ka marrë me “armiqtë” e Tiranës.

Starova ka fituar edhe tre kupa e dhe Superkupa dhe padyshim që është një nga trajnerët e suksesshëm të futbollit shqiptar. I licencuar në Itali dhe i dashuruar edhe pas futbollit të atij vendit, ai ka drejtuar disa skuadra në Shqipëri. Ndërkohë eksperienca e fundit ishte ajo me Feronikelin në IPKO Superliga e Kosovës.

Në Shqipëri Starova ka punuar me klube si Partizani, Tirana, Besa, Teuta dhe Kukësi. Veçse si trajner, shpesh ai ka qenë edhe në rolin e drejtorit teknik. Aktualisht është në pritje të ofertës së duhur për të vijuar punën në fushën e trajningut, ndërkohë që vijon të kontribuojë me analizat e tij në emisionin “Rubrika Sportive” në RTSH Sport.

IDEUAN DHE PËRGATITËN: Vladimir Prenga, Agron Kaja

Në deklarimin e tij për Sportekspres.com, Starova theksoi se ndeshja Teuta-Partizani ka rëndësi për të dyja skuadrat, ku Partizani kërkon rikonfirmin në kreun e renditjes, ndërsa Teuta synon që të jetë në zonën që të çon në Europë.

INTERVISTOI: AGRON KAJA

Cili është këndvështrimi juaj teknik për ecurinë e Kategorisë Superiore në 15 javët e luajtura?
-E shikoj se ka një rivalitet të dukshëm për vendin e parë. Këtu natyrisht që Partizani ka meritën e kryesimit, por që e ndjen realisht rivalitetin me Skënderbeun. Korçarët, edhe pas dënimit nga UEFA, kanë gjetur forca duke u treguar rival për kreun në këto 15 javë.

Ju cilën skuadër e veçoni me ecurinë më të mirë për këto javë?
-Natyrisht që Partizani është skuadra me ecurinë më të mirë në këto 15 javë. Madje mund të kishte edhe më shumë pikë, pasi ka 11 fitore, 1 barazim dhe 3 humbje, të cilat me më shumë kujdes edhe mund t’i kishte shmangur.

Partizani kryeson me 4 pikë diferencë nga Skënderbeu, mendoni se është evidentuar si pretendenti numër një për titullin?
-Është normale dhe nuk mund ta kuptoj ndryshe kryesimin e Partizanit. Kjo skuadër ka pesë sezone larg Europës, ndërsa dy sezone më parë ja hoqën titullin kampion. Në këtë sezon duket se është përmirësuar në shumë tregues, edhe pse mangësi të vogla i ka ende prezente.

Edhe Teuta ka një ngjitje të dukshme në renditje, janë durrsakët në “vallen” e kreut?
-Fakti që renditet në vendin e tretë në këto 15 javë, tregon se ka eliminuar mangësitë të cilat i shfaqi në javët e para. Mbi të gjitha, ka një kompaktësim dhe përshtatje të vlerave të futbollistëve me përvojë.

Për situatën pozitive të Partizanit dhe Teutës, kanë meritë edhe dy presidentët e këtyre skuadrave?
-Natyrisht që po. Presidenti i Teutës, Edmond Hasanbelliu, është më i vjetri në Kategorinë Superiore dhe me kontributin që ka dhënë te Teuta e meriton të jetë më lart në renditje. Po kështu edhe Gaz Demi te Partizani, i cili e risolli në elitë këtë skuadër të madhe.

Po në fundin e renditjes, si e përshkruani situatën?
-Edhe këtu ka rivalitet, madje do të thoja se në këtë zonë ka një kampionat të vogël, pra se cila skuadër do të zbresë nga Superiorja. Tirana dhe Kamza kanë zhgënjyer në këto 15 javë, edhe pse kanë prodhuar lojë, por nuk kanë marrë shumë pikë. Kastrioti duhet patur kujdes.

Ju i keni drejtuar si trajner Partizanin e Teutën, si e shikoni sfidën mes tyre për javën e 16-të?
-Do të jetë një ndeshje e vështirë për të dyja këto skuadra, për vetë synimet që kanë. Unë do ta përjetoj si teknik, si një specialist futbolli, jo si tifoz. Pres një ndeshje të bukur, që në letër nuk ka favorit, por vetëm loja do ta përcaktojë fituesin.

Viti 2018 për ju po mbyllet pa bankinë, keni ndonjë projekt të ri për vitin 2019?
-Unë jam trajner profesionist dhe pjesë e tregut të trajningut. Jam i hapur për çdo ofertë, por që këtë vit duket se do ta shijoj kështu, me pushim aktiv.

Starova ka folur për atmosferën në derbi: “Ekziston nga të dyja anët e tifozerisë ai mendimi  që më mirë të fitohet derbi se kampionati. Pikët janë njësoj, por është një ndjenjë kënaqësie për lojtarët. Si aktorët që e duan sallën plot në një shfaqje”.

“Bobi” tregon edhe si funksionon gjërat kur ai luante futboll dhe nga Shkëndija e mori Partizani. Asokohe e donte edhe Tirana. “Atëherë nuk kishte oferta, e nisje stërvitjen i vogël dhe e mbyllje në një klub. Unë isha te Shkëndija dhe aty merrnin të gjithë. Ishte fidanishte, nuk kishe tjetër ku të merrje lojtar”.

Rikthimi në të shkuarën është i pashmangshëm. 40 vite më parë, një ndeshje kupe. “E kujtoj sfidën e kupës, u mundëm ndeshjen e parë. Pati kontestime për formacionin, e kthyem ndeshjen e dytë. Ishte momenti kur federata përdorte një top llastiku. Topi më ra këtu (tregon shpatullën dhe kokën) dhe u dha penallti”.

Në vitin 1995 Partizani i dha titullin Tiranës, pasi mundi Teutën ndeshjen e fundit. “Historia është që aty ku banon shoqëria është e përzier. Ishte një ndeshje që e fituam me Teutën, ishte kohë e vështirë. Festa më e madhe ishte se fituam ndeshjen”.

DERBI I SË PREMTES – “Statistikat kanë treguar se derbin nuk e ka fituar gjithmonë kush ka qenë më mirë. Çdo njeri e di se pozicioni nuk do të thotë gjë. Nuk varet nga forma e momentit, nuk i dihet derbit. Te Partizani arma kryesore është lëvizshmëria e lojtarëve të sulmit. Te Tirana ka lojtarë të shkathët, u mungon Greca që po kalonte një formë e mirë. Besoj te kolektiviteti, jo te individualitetet”, ka deklaruar Starova në specialen e përgatitur nga “Supersport”.

Edhe në emisionin “Rubrika Sportive” në RTSH u diskutua për të dhe njëri prej atyre që dha opinionin e tij ishte edhe Sulejman Starova. I larguar nga Feronikeli, ish-trajneri i shumë klubeve të njohura në vendin tonë, mendon se arbitri ka vepruar mirë me anulimin e golit.

Starova ka analizuar dinamikën e aksionit dhe shpjegon se vetëm me dorë topi mund të shkojë aq larg sa ndodhi në rastin konkret me Torasën. Për më të tepër shikoni rastin e golit të shënuar dhe analizën e bërë nga Starova. Edhe Rudi Vata, një tjetër i ftuar në emision, mendon se goli ishte i parregullt.

Pas ndeshjes Partizani-Flamurtari ai u kap me Torasën, argjentinasin e vlonjatëve. Tani shënjestra e Starovës është Nestor Martinena. Sulmuesi i Kamzës ende nuk ka shënuar në kampionat dhe për teknikun ai në ndeshjen me Kukësin ishte një fantazmë.

“Duro po i bën gjërat mirë aty, por Kamza vuajti edhe sepse ai vendosi të mbante 90 minuta në fushë Martinenën. Argjentinasi ishte fantazmë dhe kjo e penalizoi Kamzën. Duhet që ta themi këtë”, ka thënë mes të tjerash Starova në analizën e tij gjatë emisionit.

“Marrëveshja me Ramadanin është arritur dhe ai do ta fillojë drejtimin e klubit brenda pak ditësh. Me këtë marrëveshje klubi synon që t’i rikthejë ditët e arta, meqë Zekirija Ramadani i njeh lojtarët, pritjet dhe nivelin e përgatitjes së skuadrës sonë dhe e di që synimi kryesor i klubit është marrja e titullit të kampionit”, njoftonte klubi nga Drenasi pak ditë më parë.

Tanimë Ramadani ka zbritur në fushën e blertë dhe ka nisur nga puna, sikurse edhe ishte paralajmëruar. Në Drenas presin të rikthehen te titulli kampion. Këtë verë janë bërë shumë afrime dhe pagat e lojtarëve janë goxha të larta, ndaj edhe pritshmëritë janë të mëdha.

Fjala është për Zhan Kariokën nga Brazili. Mesfushori me tipare të avancuara është një njohje e mirë e “Bobit”, pasi futbollisti ka luajtur me Kukësin deri në sezonin e shkuar. Ai u shpall kampion Shqipërie me verilindorët dhe më pas u largua në Brazil. Karriera e tij ka qenë në zbritje, pasi ka luajtur në ligën D të Brazilit duke mos qenë titullar, por duke njohur cilësitë e tij të mira teknike dhe taktike, duhet thënë se është “luks” për ekipin e Starovës. Feronikeli e zyrtarizoi afrimin e Kariokës si “bombën” e mbrëmjes.