Duhet të kthehemi pas në 29 qershorin e 2017-ës për të gjetur golin e fundit të të kuqve në arenën e europiane. Një “predhë” tipike nga e majta e Xhevahir Sukajt zhbllokoi rezultatin në “Selman Stërmasi” kundër bullgarëve të Botev Plovdiv.

Që prej atij momenti Partizani ka luajtur shtatë ndeshje të tjera në kualifikueset e garave europiane, ku në asnjë prej tyre s’ka gjetur rrugën e golit, plot 716 minuta “thatësirë” para portës.

Një “gardian” si Enea Koliçi jep garanci absoluten në portë. Veliu dhe Turtulli janë një dyshe interesante për qendrën e mbrojtjes, ndërsa Gocaj dhe Kotobelli në krah janë lojtarë të sprovuar prej vitesh në ato role.

Mesfusha treshe me Jonuzin, Hilën dhe Behar Ramadanin është një trinom i kompletuar. Në krahë të sulmit Ngo dhe Fili garantojnë asiste të shumtë për shkodranin Sukaj, i cili tregoi te Flamurtari se në Superiore është i aftë të bëjë diferencën.

Në një intervistë për “RTSH SPORT”, sulmuesi shkodran shprehet se thjesht po bën punën e tij si profesionist, ndërsa flet edhe për takimin e kësaj fundjave ndaj Luftëtarit.

“Unë jam profesionist dhe kam për detyrë që të kryej atë gjë që marr përsipër. Kam ardhur që të bëj më të mirën këtu. Falë Zotit, i gjithë ekipi po arrin të kontribuojë, kështu ndihesh dhe më i vlerësuar”.

“Shkodra dhe Vlora për mua janë dy ndër qytet më të vlerësuara te pjesa e talenteve. Gjithë jetës kanë prodhuar talente, ndaj për mua janë njësoj Shkodra e Vlora”.

“Ndeshja me Luftëtari është shumë e vështirë. Unë nuk ndaj kundërshtarët. Kukësi e kishte jetike të fitonte ndaj nesh, po aq të vështirë e konsideroj dhe ndeshjen me Luftëtarin”, përfundoi Sukaj.

Halili u ndëshkua me karton të kuq që në minutën e 17’, duke lënë skuadrën e tij me një futbollist më pak, ndërsa Kale shënoi dhe kaloi në avantazh Flamurtarin. Në minutat e fundit, ndeshja ishte shumë e tensionuar dhe Flamurtari kërkoi dy penallti.

Fillimisht, në minutën e 69’, Sukaj ul një top në hyrje të zonës dhe rrëzohet, por për gjyqtarin, nuk ka 11-metërsh. Flamurtari sulmoi me forca të shumta dhe sërish pretenduan me penallti. Në sekondat e fundit, Liçaj rrëzohet në zonë, por sërish nuk ka penallti. Të gjithë lojtarët e Flamurtarit rrethojnë gjyqtarin, por asgjë nuk ndryshon dhe kuqezinjtë eliminohen nga Kupa.

Pas ndeshjes kundër Kukësit në kampionat, Flamurtari sërish është pjesë e polemikave dhe ndeshjet e të besuarve të Dajës duket se nuk do të kalojnë pa pasur një moviolë të gjerë.

“Duke parë momentin e vështirë të Vllaznisë, angazhimi dhe preokupimi ynë është maksimal, sepse dihet që rrezikojmë. Luanim ndaj një rivali direkt, që kërkonte me çdo kusht fitoren për të shpresuar, ndaj e kishim vlerësuar maksimalisht dhe falë Zotit fituam.

“Që kur kam nisur të luaj futboll, presion më të madh nga dashamirësit e vet se te Vllaznia nuk kam përjetuar asnjëherë. Megjithatë, uroj të dalim nga situata dhe fitorja e sotme të na nxjerrë nga vështirësitë. Disa lojtarë japin më shumë kur kritikohen, por ka edhe lojtarë, si jabanxhinjtë, që kur kritikohen ndihen keq dhe sikur izolohen, sepse duket sikur kritikohen qëllimisht.

“Skuadra ka cilësi dhe mundësi për më lart, por nuk janë Kukësi e Skënderbeu rivalet tanë. Ne duhet të matemi me rivalët tanë dhe sot fituam një ndeshje direkte, mendoj se mundësitë i kemi për të shpëtuar, edhe pse është shumë e vështirë, duke parë rivalitetin e egër.

“Penalltia, diskutim me Ribajn? Penalltitë zakonisht i gjuaj unë, të dy dëshironim ta gjuanim penalltinë për të siguruar fitoren, por nuk ishte debat, absolutisht”.

Sulmuesi shkodran vendosi fatet e takimit, por edhe të Ernest Gjokës, pasi trajneri kuqeblu do të largohej, i lodhur nga rezultatet e dobëta, presioni i vazhdueshëm dhe polemikat pa fund në Shkodër, ku askush nuk merret me futbollin e fushës.

Pas një pjese të parë të qetë e në ekuilibër, në pjesën e dytë u ndez Sukaj, i cili në minutën e 64-t mori një pasim fantastik nga Gilman Lika dhe me të djathtën nuk fali.

Aq u desh që Lushnja të dorëzohej dhe në minutën e 75-të erdhi edhe goli i dytë, pas një penalltie për prekje me dorë të topit në zonë. Sërish Sukaj, qetësisht, depozitoi topin në rrjetrë dhe mori fund, me Vllazninë që kalon përkohësisht Teutën.

Lushnja? Mori fund, kjo skuadër zbriti që tani nga kategoria, për fat të keq, por ishte diçka e pritshme.

LUSHNJA – VLLAZNIA      0-2

Shënues: Sukaj 64?, 75? (11-m)

GOLAT

64? – Gilman Lika në të djathtë të mesfushës pason perfekt drejt zonës, ku Sukaj mes dy mbrojtësve shënon, duke goditur fort me të djathtën.

75? Prençi prek topin në dorë brenda zonës, 11-metërsh dhe Sukaj tregohet i saktë.

LUSHNJA: Spaho, Meto, Premçi, Bufasi, Ruço, Magani, Papa, Gava, Branica, Përgjini (Taullau 67?), Sefa.

VLLAZNIA: Sherri, Gocaj, Berisha, Malota, Mersini, Vucaj, Tafili (Bardulla 77?), Orelesi, Lika (Pjeshka 84?), Kalaja (Ribaj 62?), Sukaj.

Kartonë të verdhë: Pergjini 33?, Taullau 83’/ Orelesi 19?

A jeni të sigurt se nuk keni shkelur gjë, para se të nisnit sezonin e ri? Mbase keni hyrë me këmbën e majtë në fushë? Nuk ka ku të shkojë më keq për “demat”, pasi kanë humbur për një kohë të papërcaktuar shërbimet e sulmuesit Edgar Çani për shkak dëmtimi, është radha e Xhavhir Sukajt. Shkodrani sapo gjeti ritmin e ndeshjeve dhe golave duke arritur pak nga pak në formën maksimale, por në ndeshjen ndaj Teutës u dëmtua duke ngjallur frikë në kampin e kuq, e më të drejtë, pasi alternativat janë të pakta dhe nuk kanë rezultuar efikase.

30-vjeçari kreu analizat ditën e djeshme, ndërsa sot pret edhe përgjigjen përfundimtare në lidhje me dëmtimin në gju.

ANALIZAT – Sukaj kreu analizat ditën e djeshme duke parë gjithçka me imtësi. Ai iu nënshtrua kontrolleve të hollësishme, pasi dhimbjet nuk i kanë pushuar akoma. Një rezultat të arsyetuar nuk ka ende, por ditën e sotme pritet të merret vesh përfundimisht se sa i rëndë është dëmtimi i Sukajt. Në kampin e kuq të gjithë kanë kryqëzuar gishtat, por situata nuk duket shumë optimiste për momentin.

PËRGJIGJJA PARAPRAKE – Burime pranë lojtarit bëjnë me dije se përgjigjet paraprake të doktorëve nuk kanë qenë shumë të mira. Sipas asaj që flitet, 30-vjeçari pritet të mungojë rreth 1 muaj, ndërsa doktorët ia kanë thanë se me shumë mundësi duhet të pushojë 3 javë të sigurta. Një lajm i tillë vjen si “rrufe në qiell të hapur” për të kuqtë që gjeten golashënuesin e këtij fillimsezoni te Sukaj. Megjithatë për të marrë vesh përgjigjen përfundimtare dhe të saktë pritet dita e sotme.

MUNDËSIA – Shkodrani nga vendosja e këmbës në tokë në momentin e dëmtimit duket se ka meniskun. Me shumë gjasa, Sukaj do të vuaj nga kjo pjesë e gjurit. Të gjithë shpresojnë të mos përsëritet rasti i Fejzullahit me dëmtimin e ligamentit që do të thotë se Sukaj duhet të qëndrojë 6 muaj jashtë.

Në fakt, shkodrani e filloi nga stoli këtë edicion duke i bërë vend Çanit, mëkat! Mbase, “demat” me të në fushë nuk do të kalonin aspak krizën që patën në rezultate. Pa ulur meritat e Çanit, por të nënvlerësosh Sukajn dhe të mos i japësh mundësi të paktën të rivalizojë, është një minus i madh për stafin e kuq, nga i pari e deri te i fundit.

Megjithatë, në radhët e të kuqve ka frikë për sulmuesin. Ai la fushën e lojës në minutën e 58-të për shkak të një dëmtimi. 30-vjeçari çaloi gjatë daljes duke i bërë vend Bardhit. Shkalla e dëmtimit të Sukajt nuk mund të përcaktohet, pasi analizat do të kryhen sot. Kryeqytetasit kryqëzojnë gishtat për sulmuesin, pasi një dëmtim i tij i rrezikshëm do të sillte probleme mjaft të mëdha në majën e sulmit.

“Skuadra ka qenë gjithnjë e bashkuar, ndaj përqafimi me Julianon pas ndeshjes nuk tregon ndonjë gjë, thjesht festuam që më në fund thyem tersin dhe erdhën golat. Na shpëtoi zoti, sepse Teuta e nisi shumë mirë dhe mund të shënonte edhe golin e dytë. Pas barazimit, ishim të bindur që do të fitonim. Nuk luajtëm mirë as sot, por rëndësi ka që erdhi fitorja.

“Presioni? Po, ka qenë shumë i madh, sepse nuk kemi mundur deri tani as rivalët inferiorë dhe as rivalët direktë. Shyqyr zotit, fituam sot, sepse kurrë nuk kam fituar ndonjë ndeshje me kaq shumë fat. Shpresoj të jetë një pikë kthese, sepse nëse nuk fitojmë ndeshjen e ardhshme, kthehemi aty ku ishim. Edhe Reali e ka nisur shumë keq, ndodh një seri e tillë, por rëndësi ka të reagojmë edhe ne si Reali. Sot fituam vetëm nga agresiviteti dhe dëshira që tregoi skuadra, nga nervi që tregoi në pjesën e dytë. Ishte e patolerueshme nëse gabonim edhe sot. Gabojmë shumë raste, jo se kemi ndryshaur shumë lojtarë, sepse skuadra është thuajse ajo e viteve të fundit, por mendoj se ka qenë një periudhë bllokimi, tepër negative, por mendoj se tani e tutje do të jetë një Partizan me fytyrë tjetër. Mendoj se kemi bërë kthesë, fitorja në Durrës është po aq me vlerë sa në Korçë e Kukës. Tani shpresoj që të gjithë ta shohin Partizanin pas kësaj ndeshje, do të tregojmë një fytyrë tjetër.

Cilësia ka rënë? “Na u bë legjendë historia e Ekubanit, por ai fillimisht nuk ishte në formë dhe në tetor nisi të shënonte. Edhe Cetkoviç po ashtu, kur erdhi. Torasa po, ka qenë një lojtar që e luante mirë topin, e qetësonte lojën dhe organizonte, por është i vetmi. Edhe për të ardhurit e rinj duhet pak kohë, pak rëndësi ka a janë super apo skarco, sepse edhe ne të tjerët e kemi pasur të nevojshme një periudhë kohe. U duhet dhënë kohë, disa ambientohet shpejt, disa jo. Nuk mund të bëjmë ndryshime deri në janar, ndaj deri atëherë duhet t’u japim kohë”.

Sulmuesi shkodran në Instagram me përulësi ka postuar një mesazh: “Një humbje që sinqerisht na vjen keq. Të gjithë duhet t’u kërkojmë falje tifozëve”.

Një tifoz i mërzitur ka shfryrë, duke i thënë “je larg Ekubanit” dhe përgjigja e Sukajt ka qenë e menjëhershme: “Futu në Wikipedia e krahaso mua me Ekubanin”.

Ndërkaq, ajo që bie në sy është dashuria pa fund për Sukajn nga ish-tifozët e tij në Iran. Tifozët e Sepahanit kanë përmbytur llogarinë e Sukajt me mesazhe dashurie, duke treguar sa gjurmë ka lënë shkodrani në Iran.

Partizani vijon me përgatitjet në Ohër, teksa ditën e djeshme ka shfaqur probleme sulmuesi Xhevahir Sukaj, lojtari kyç i sulmit për të kuqtë në përballjet Botev Plovdiv. Shkodrani ka pësuar një dëmtim në gju që në fakt e ka trembur stafin teknik, edhe pse nuk duket diçka e rëndë. Fatmirësisht nuk ka të njëjtin dëmtim që kishte në Malajzi, por realisht ai rrezikon përballjet evropiane. Gjithsesi ende nuk është përcaktuar asgjë dhe fjalën e fundit do e thonë mjekët e ekipit. Sulmuesi shkodran qëndroi vjet rreth tetë muaj pa luajtur, duke u kthyer në fushë në muajin mars, në përballjen që Partizani fitoi me Korabin me rezultatin 0-2. Forma e tij sportive nuk ishte e duhura, kjo edhe prej kondicionit fizik jo maksimal, çka bëri që trajneri Starova të mos i besojë shkodranit asnjë ndeshje nga minuta e parë. Në tetë përballje Sukaj zbriti në fushën e blertë dhe realizoi dy gola. Të parin ia shënoi Teutës me penallti në atë fitore të arritur në “Selman Stërmasi” me rezultatin 5-1, ndërsa të dytin në derbi, në një ndeshje ku festa e tij zgjati shumë dhe i gëzoi pa masë tifozët e kuq.

DEBATI – Mes Xhevahir Sukajt dhe Sulejman Starovës ka pasur shpesh shkëndija, jo vetëm sezonin e shkuar, por edhe në vitin e parë që sulmuesi veshi fanellën e Partizanin. Së fundmi ata patën një debat pas ndeshjes së barazuar me Kukësin në shtëpi, sfidë e rëndësishme për titullin kampion. Sukaj pas ndeshjes kërkoi llogari për minutat e pakta që iu ofruan në atë takim, ndërkohë që sërish ka pasur debat mes tyre. Kjo ka ndodhur ditën e djeshme, gjatë seancës së paradites, kur mes Starovës dhe Sukajt ka pasur një debat, që është shuar shpejt. Normale këto në një ekip që kërkohet shumë si nga stafi teknik, por edhe vetë futbollistët kanë kërkesat dhe pretendimet e tyre. Ka qenë thjesht një debat, që është hapur dhe është mbyllur në fushën e blertë, sikurse bëjnë me dije burime të gazetës. Tashmë shqetësimi kryesor është gjendja e sulmuesit, që për Starovën në këto momente është shumë i rëndësishëm.