Suedia

VIDEO | Spektakël në kualifikueset e “Europa League”, eurogol nga një shqiptar

Sport Ekspres — Fri, 26 Jul 2019 14:23:21 +0000

Futbollisti me origjinë shqiptare, Sead Hakshabanoviç (Hakaj), ka shënuar një gol fantastik në takimin e djeshëm, ku skuadra e tij Norrkoping mundi 2 – 0 letonezët e Liepajës.

Një e majtë e fuqishme e 20-vjeçarit nuk i dha asnjë shans reagimi portierit letonez. Hakshabanoviç firmosi një vit më parë një kontratë me Uest Hem dhe tani aktivizohet në Suedi në formë huazimi.

Mesfushori i ri zgjodhi të përfaqësonte Malin e Zi në arenën ndërkombëtare duke refuzuar ftesat e Suedisë, Shqipërisë e Kosovës.

VIDEO | Olsen e tepron edhe me Suedinë, shpërthejnë tifozët: Më mirë një lopë në portë!

Sport Ekspres — Wed, 27 Mar 2019 13:27:54 +0000

Roma shiti në verë portierin Alison te Liverpuli për shumën e 75 milionë eurove. Verdhekuqtë vendosën ta zëvendësonin brazilianin me Robin Olsen, duke i paguar 12 milionë euro Kopenhagenit për portierin e kombëtares suedeze.

Paraqitjet e tij nuk kanë qenë pozitive. Nordiku ka përfunduar shpeshherë në kritikat e tifozëve për gafat e bëra. Diçka të tillë e ka përsëritur edhe në derbin kundër Norvegjisë.

Dy kombëtaret skandinave zhvilluan një ndeshje plot emocione në Oslo, që u mbyll në barazim 3-3. Olsen doli keq në golin e parë të pësuar, ndërsa mund të bënte diçka më shumë në rastin e golit të dytë.

“Më mirë një lopë në portë”, “I mbivlerësuar” dhe “Ndizeni këtë llambë”, kanë qenë disa nga komentet ironizuese të tifozëve suedezë. Roma po mendon ta zëvendësojë me Alesio Kranjon e Kaljarit, ndërsa Olsen ka folur shkurt pas ndeshjes: “Nuk di asgjë për merkaton. Ndeshja jonë ishte e turpshme.”

Refuzoi kombëtaren për lindjen e djalit, kërcënohet mbrojtësi i Junajtid!

Sport Ekspres — Wed, 27 Mar 2019 11:39:15 +0000

Suedia e nisi me katër pikë fazën eliminatore të grupeve për kualifikimin në Euro 2020. Kombëtarja nordike mposhti Rumaninë në shtëpi me rezultatin 2-1, ndërsa mbrëmë përfundoi në një barazim të çmendur 3-3 derbi kundër Norvegjisë.

Viktor Lindelof nuk ka pranuar të luajë në këto dy ndeshje. Maja Nilson, gruaja e tij, ka qenë duke lindur dhe mbrojtësi i Junajtid ka dashur t’i gjendet pranë në momentin më të lumtur të çiftit.

View this post on Instagram

Jag vet inte vad man skriver för text till en bild på sin nyfödda son. Men här har ni det, livets bästa händelse fångat i två bilder ??

A post shared by Maja Nilsson Lindelöf (@majanilssonlindelof) on Mar 25, 2019 at 9:25am PDT

Maja ka sjellë në jetë një djalë, ndërsa disa persona kanë menduar t’i prishin sadopak gëzimin e madh lojtarit. Lindelof është kërcënuar dhe ka marrë mesazhe urrejtje! Shkaku? Fakti që ka refuzuar kombëtaren për të ndjekur nga afër ardhjen në jetë të djalit të tij. Megjithatë, lojtari i “Djajve të Kuq” nuk është i vemti që ka marrë mesazhe të tilla.

Federata suedeze ka denoncuar në polici, ndërsa shefi i sigurisë së ekipit, Martin Fredman, ka sqaruar situatën e krijuar. “Jemi të vetëdijshëm për mesazhet e dërguara lojtarëve tanë. Kemi kontaktuar me policinë. E gjitha nisi në momentin kur Vixhi (Lindelof) refuzoi të luante në këto dy ndeshje. Ne kemi një plan dhe i kemi gjërat në kontroll. Do të bisedojmë me të gjithë lojtarët”, përfundoi Fredman.

View this post on Instagram

Livet ropade.

A post shared by Victor Lindelöf (@victorlindelof) on Mar 25, 2019 at 9:25am PDT