Suad Sahiti

Një tjetër shqiptar drejt Kroacisë, Rijeka shfaq interes për “ish”-in e Skënderbeut

Sport Ekspres — Tue, 25 Jun 2019 19:56:46 +0000

Klubet kroate po i kushtojnë gjithmonë e më shumë rëndësi lojtarëve shqiptarë. Në vitet e fundit futbollistë si Rrahmani, Kastrati dhe Uzuni kanë spikatur në kampionatin kroat duke u kthyer në asete të vlefshme për klubet përkatëse.

Një tjetër lojtar shqiptar që mund të zbarkojë së shpejti në Kroaci është ish-futbollisti i Skënderbeut, Suad Sahiti. Sipas “novilist.hr”, klubi i interesuar për 24-vjeçarin është Rijeka. Në rast kalimi në Kroaci, Sahiti do të ketë mundësi të luajë në të njëjtin kampionat me vëllain e tij të vogël Emirin, i cili prej një viti e gjysmë është pjesë e Hajdukut të Splitit.

Pas largimit nga skuadra korçare mesfushori firmosi në kampionatin grek me Larisën dhe disa muaj më vonë në Bullgari me Septemvri Sofian, por në të dyja rastet mundur të gjejë një vend stabël në formacion.

VIDEO | Sahiti gjen golin e parë “bullgar”, Kabashi rikthehet pas një viti

Sport Ekspres — Fri, 12 Apr 2019 20:42:30 +0000

Dinamo e Bukureshtit mundi Poli Iashin në transfertë me rezultatin minimal 0 – 1. Në këtë takim morën pjesë tre lojtarë shqiptarë.

Bie në sy emri i Elvis Kabashi, i cili pas thuajse një viti pushim nga futbolli, debutoi me fanellën e klubit rumun duke luajtur nga minuta e parë. Ish-lojtari i Juventusit u zëvendësua në fillim të pjesës së dytë, ndërsa Naser Aliji luajti për 90 minuta. Te skuadra vendase Kamer Qaka u fut në loj në minutën e 71-të.

Zhvendosemi në Bullgari, ku ish-lojtari i Skënderbeut, Suad Sahiti ka qenë protagonisti i fitores së Septemvri Sofias ndaj Lokomotiv Plovdiv. Një goditje e fuqishme nga e 24-vjeçarit i mundësoi atij golin e parë në kampionatin bullgar. Kjo ishte ndeshje e katërt e Sahitit me ekipin nga kryeqyteti i Bullgarisë.

U cilësua pasardhësi i Latifit, tani firmos në Bullgari

Sport Ekspres — Sat, 02 Mar 2019 20:27:06 +0000

Suad Sahiti erdhi me bujë të madhe te Skënderbeu në verën e 2018-ës, teksa u etiketua si pasuesi i Liridon Latifit, i cili sapo ishte shitur te hungarezët e Akademisë Pushkash. Megjithatë, lojtari i përfaqësueses së Kosovës nuk arriti të përmbushte pritshmëritë e klubit edhe pse ishte një ndër lojtarët më të paguar në ekip.

Pas një viti në Superiore, ku u aktivizua më së shumti si zëvendësues, Sahiti u largua për në Greqi ku firmosi me Larisën. Pas katër muajsh me ekipin Grek, palët ndërprenë kontratën.

Së fundmi 24-vjeçari i është bashkuar skuadrës së Septemvri Sofies, klub ky që militon në ligën e parë bullgare. Sulmuesi anësor debutoi me skuadrën e re në takimin e javës së kaluar kundër Vitsha Bistricës, ku u fut si zëvendësues.

VIDEO | Andoni e Sahiti fitojnë derbin me Lilën, Hasani mahnit Hungarinë

Sport Ekspres — Sat, 10 Nov 2018 17:20:04 +0000

Florent Hasani, ish-mesfushori i Vushtrrisë dhe Trepccës ’89, ka qenë vendimtar për Diosgior në ndeshjen kundër Debrecenit. Mesfushori i Kosovës U21 ka arritur të shënojë një gol mjaft të bukur në minutën e 38-të.

Me një goditje nga jashtë zone ka befasuar portierin mik dhe i ka dhënë fitoren skuadrës së tij, që shkon në kuotën e 9 pikëve. Diosgior synon mbijetesën në elitën e futbollit hungarez dhe kjo fitore ishte shumë e rëndësishme.

Në Greqi pati një derbi mes shqiptarësh. Faton Andoni dhe Andi Lila ishin në fushë për 90 minuta në përballjen AEL Larisa-Pas Janina. Ndeshja u mbyll 2-0 në favor të AEL, ndërkohë që kavajasi mori një karton të verdhë në minutën e 80-të. Nëntë minuta më pas Suad Sahiti zbriti në fushë për vendasit dhe në fund festoi fitoren e skuadrës së tij.

https://www.facebook.com/M4sport.hivatalos/videos/255236445168348/UzpfSTEyOTA0ODMwNzE1NDkxMzoyMDMwNDMwODU3MDE2NjM5/