sturaro

Leksion biznesi, 56 milionë euro për 3 “ngrohës stoli”

Sport Ekspres — Wed, 06 Feb 2019 19:45:01 +0000

Prej gati një dekade Juventusi është klubi me menaxhimin më perfekt në Itali. “Zonja e vjetër”, nuk po shkëlqen vetëm në fushë, ku ka fituar shtatë kampionatet e fundit dhe i teti është rrugës. Një ndër pikat më të forta të skuadrës nga Torino është dhe administrimi i lojtarëve e shitja e tyre.

Përgjatë merkatos së verës dhe të dimrit që sapo lamë pas, klubi torinez ka arkëtuar 56 milionë euro nga shitjet e Rolando Madragorës, Emil Auderos dhe Stefano Sturaros.

Dy të parët janë lojtarë të akademisë, të cilët janë aktivizuar vetëm njëherë të vetme me Juventusin. Mesfushori 21-vjeçar Mandragora u shit në verë te Udineze për 20 milionë euro, ndërsa portieri Audero u ble nga Sampdoria një javë më parë për të njëjtën shifër.

Sturaro, Audero dhe Mandragora

Stefano Sturaro është një lojtari i një profili tjetër. Dikur 25-vjeçari ishte një lojtar që merrte aktivizime të shumta nga stoli, por në janar u vendos që bashkëpunimi të ndërpritej dhe ditën e sotme, Xhenoa ka aktivizuar klauzolën për blerjen përfundimtare të kartonit për 16 milionë euro.

Sturaro rikthehet aty ku shkëlqeu, Juve merr milionat

Sport Ekspres — Mon, 07 Jan 2019 20:50:54 +0000

Stefano Sturaro dhe Juventusi do të ndahen përfundimisht pas katër vitesh e gjysmë bashkëpunim. Mesfushori italian ka mbyllur marrëveshjen me Xhenoan dhe në orët në vazhdim pritet të bëhet zyrtarizimi i transferimit.

Sipas sajtit “tuttojuve.com”, klubi xhenovez ka rënë dakord të paguajë 18 milionë euro për të rikthyer Sturaron në klubin e tyrë. 25-vjeçari do të firmosë një kontratë me kohëzgjatje për sezone.

Ky sezon filloi mbrapsht për Sturaron, pasi nuk arriti të luante për asnjë minuta gjatë huazimit të tij te Sportingu për shkak të disa dëmtimeve muskulore që e përndoqën për muaj të të tërë.

I pafati Sturaro, në Portugali u humbet durimi

Sport Ekspres — Sat, 17 Nov 2018 16:40:08 +0000

Në muajin korrik, Stefano Sturaro u largua nga Juventusi pas katër sezonesh për të provuar një eksperiencë të re në Portugali te Sportingu i Lisbonës. Mesfushori kishte pësuar një dëmtim muskulor, megjithatë kjo nuk e ndaloi drejtuesit e klubit portugez për të firmosur marrëveshjne për huazimin 1-vjeçar.

Tre muaj mbas transferimit Sturaro ende s’ka debutuar me fanellën e Sportingut dhe sipas medieve portugeze durimi i drejtuesve të Sportingut po shkon drejt fundit. Me shumë gjasa marrëveshja e huazimit do të prishet në muajin janar dhe italiani do të rikthehet të stërvitet me Juventusin.

Pavarësisht dëmtimit të rëndë, interesi për Sturaron mbetet i madh. Peskara është një ndër klubet që do të përpiqet të joshë Sturaron. “Delfinët” kërkojnë të rikthehen në Serie A dhe Sturaro do ishte një përforcim “luksi” për çdo skuadër të Serie B.

ZYRTARE/ Sturaro largohet nga Juventusi, firmos në Portugali

Sport Ekspres — Sat, 11 Aug 2018 20:10:28 +0000

Stefano Sturaro nuk do të jetë lojtari i Juventusit gjatë sezonit të ardhshëm. Mesfushori i kampionëve të Italisë është zyrtarisht një lojtar i Sportingut të Lisbonës. Megjithatë fansat e Juventusit nuk duhet të trishtohen shumë, pasi bëhet fjalë vetëm për një marrëveshje huazimi që do të zgjasë për një vit.

Në njoftimin në faqen e klubit të Sportingut theksohej se Sturaro do debutojë me fanellën e ekipit të tyre pas dy muajsh, pasi italiani ende nuk e ka marrë veten nga një dëmtim. Kjo është aventura e parë e 25-vjeçarit jashtë Italisë dhe thuhet se ndikim të madh në këtë transfertë pati dhe agjenti i Kristiano Ronaldos, Zhorzh Mendesh.

Tanto pediram, aqui está ele… Bem-vindo, @sturaro_stefano! ?

Sabe tudo aqui ?https://t.co/A5iqwTzogi pic.twitter.com/1o4UG0VKQT

— Sporting Clube de Portugal (@Sporting_CP) August 11, 2018