Këtë sezon PSG ka braktisur para kohe Kupën e Ligës, kompeticionin më pak të rëndësishëm në vend, ndërkohë që surprizat pa fund çuan te një finale e çuditshme, Strasburg-Gengomp.

Dy klube pa shumë histori, por me shumë dëshirë për t’u rritur, Strasburgu e Gengompi dhanë gjithçka, në një sfidë tejet të ekuilibruar, që nuk prodhoi gola në 120 minuta.

U desh lotaria e penalltive për të vendosur kush fitonte trofeun dhe Strasburgu ia doli mbanë, duke fituar 4-1.

Strasburgu ka fituar Kupën e Ligës numër 4, vetëm PSG ka më shumë. Më këtë triumf Strasburgu siguron edhe një biletë për në Europa League, diçka fantastike për një klub që rrezikonte falimentimin para pak viteve.

Klubi më i fundit që është vënë në ndjekje të 23-vjeçarit është Strasburgu. Lajmi bëhet i ditur nga mediet franceze, të cilat thonë gjithashtu edhe shifrën që kërkon skuadra holandeze.

3 milionë euro, kaq është shuma që mjafton për të marrë pronësinë e Arbër Zenelit. Kontrata e sulmuesit anësor mbaron në muajin qershor, çka shpjegon dhe çmimin relativisht të ulët.