Lacio triumfoi 4-2 në fund përballë Paderbornit, ekip me të cilin u aktivizua edhe mesfushori Jurgen Gjasula. Milot Rashica u aktivizua 90 minuta në takimin miqësor mes Verder Bremenit dhe Evertonit, duke bërë një paraqitje shumë të mirë.

Ndërsa në Angli, sot startoi liga e dytë angleze, Championship dhe Celina zbriti në fushë për ekipin e Suonsit. Fantazisti i Kosovës luajti titullar përgjatë gjithë takimit dhe ndihmoi ekipin e tij të fitojë me përmbysje 2-1.

Gjithashtu, edhe mesfushori i Kosovës, Valon Berisha, ka lënë pas dëmtimin. “Dardani” vuante që nga muaji prill prej një dëmtimi në menisk, por tashmë është rikuperuar dhe do të jetë pjesë e Lacios. Edhe pse i rikthyer në fushat e blerta, dëmtimi për Berishën ka ende rrezik të rishfaqet, prandaj vështirë se do ta shohim edhe për disa muaj në fushën e lojës.

Me Pitër Çeh që u tërhoq nga futbolli, Arsenali është në kërkim të një portieri të ri dhe Strakosha shihet si njeriu i duhur për të qenë numri 1. Por nuk janë vetëm “Topçinjtë” e Londrës ata që kërkojnë shërbimet e gardianit kuqezi.

Edhe ekipi tjetër londinez, Totenhemi është vënë në ndjekje të kartonit të 24-vjeçarit, madje thuhet se “Gjelat” janë favoritët për firmën e tij. Megjithatë, Lacio nuk ka ndërmend të privohet nga shërbimet e Strakoshës.

Drejtuesit lacialë i kanë vendosur një çmim të kripur portierit shqiptar. Në rast se skuadrat londineze duan shërbimet e tij, duhet të paguajnë minimalisht 30 milionë euro, një shumë që si Arsenali, ashtu dhe Totenhemi, e konsiderojnë të lartë.

Protagonist në këtë takim ishte padyshim Berat Gjimshiti, i cili ishte pjesë e golit të tretë të Atalantës, me mbrojtësin tonë që detyroi Wallace, të shtynte topin drejt rrjetës së tij. Gjithashtu, në shtypin italian është vlerësuar shumë paraqitja e tij, teksa ka merituar notën e lartë 7.

Gjimshiti 7 “Perfekt në fazën mbrojtëse, ka meritën e madhe se mbylli ndeshjen, duke shkaktuar autogolin që çoi ndeshjen në 3-1, duke vënë nën presion Wallace. I sigurt dhe i vëmendshëm, mbrojtës i shkëlqyer”.

Ndërkohë, nga ana tjetër Tomas Strakosha ishte i pafat, me portierin tonë që është vlerësuar mesatarisht në Itali. Notën 6 i ka dhënë Eurosport.it, gardianit tonë.

Në fund të takimit Strakosha foli për Sky Sport: “Udineze ka një skuadër të mirë, por treguam se e merituam fitoren. Falë Zotit, penalltia nuk u shënua dhe sot mund të flemë të qetë. Në pjesën e dytë ishim paksa të relaksuar, por në fund gjithçka shkoi mirë. Tani duhet fakte, objektivat janë të qartë prej fillimit të sezonit dhe ëndërrojmë të shkojmë në Champions League, por tani le të mendojmë vetëm të fitojmë, le të flasë fusha“.

Më vonë Strakosha foli për Lazio Style Channel: “A e kisha studiuar De Paul para ndeshjes? Ne i studiojmë gjithnjë sulmuesit, para çdo penalltie, për fat e kapa një.

“Reja trajner i Shqipërisë? I uroj fat dhe shihemi së shpejti (qesh)”.

Ditën e sotme mediet italiane kanë konfirmuar se 26-vjeçari do t’i nënshtrohet një tjetër operacioni. Kësaj radhe bëhet fjalë për një dëmtim në gju. Analizat e kryera në Barcelonë konfirmuan dëmtimin e rëndë. Berishës do t’i duhet të qëndrojë jashtë fushave deri në muajin qershor.

Mesfushori me tipare sulmuese e mbyll sezonin e tij të parë në Serie A me  vetëm 192 minuta dhe tetë aktivizime.

Megjithatë, notë mjaft të lartë mori në mediat italiane edhe portieri shqiptar Thomas Strakosha.

LaLazioSiamoNoi.it i ka vendosur notën 6.5: “Në fund të pjesës së parë kryen një pritje me këmbë ndaj Keitasë. Pritje me refleks, jo e bukur, por e çmuar. I sigurt në dalje, u dha qetësi shokëve, edhe pse nuk pati shumë punë dhe pritjet e vështira ishin të pakta“.

Pak a shumë në të njëjtën linjë gjithë portalet sportive italiane, ndërkohë që tifozët e Lacios e vlerësuan “gardianin” e kombëtares shqiptare sidomos për daljet e sigurta në krose, çka ka qenë pika më e dobët dhe pjesa ku është kritikuar më së shumti Strakosha në të shkuarën.

#InterLazio ? #Strakosha inizia il riscaldamento… pic.twitter.com/4asisoCKMC

— S.S.Lazio (@OfficialSSLazio) March 31, 2019

STRAKOSHA – “Për mua Strakosha është një lojtar i rëndësishëm në kombëtaren e Shqipërisë, pasi është portieri titullar dhe e tashmja dhe e ardhmja e portës së kombëtares. Për mua është një vendim i drejtë, por i marrë nga njeriu i gabuar”.

 “Vendimi i drejtë, sepse disiplina është një mjetet për rregulluar marrëdhëniet brenda një ekipi me 25 djem. Problemi është, që për të krijuar një frymë në një skuadër ka disa elementë. Mua nuk më pëlqejnë shumë gjëra që po bën trajneri, qoftë lista, qoftë mënyra e lojës. Lojtari duhet të ishte më i kujdesshëm, duke ditur natyrën e trajnerit. Nuk besoj se trajneri do të jetë çmendur dhe ndoshta është faji i lojtarit”.

GJENDJA E KOMBËTARES – “Mua më duket se kemi shpenzuar dy vite dhe tani jemi në një pikë të asgjëje.  Pavarësisht problemeve, këto dy vite mund të na kishin vlejtur, pasi do kishim fituar kthjelltësinë e nevojshme për të nisur një rrugëtim të ri. Unë e shikoj që atij i mungon kthjelltësia, nuk ka një logjikë në zgjedhjet dhe listat e tij”.

“Ai ka të drejtë kur thotë se pas 2016-ës mund të kemi krijuar një perceptim të gabuar të skuadrës. Por ama para atij evropiani u renditëm të dytët të grup që më pas u kualifikuam, ndërsa më pas dolëm në vend të tretë në eliminatoret e Botërorit. Nuk mund të themi tani se synojmë vendin e katërt në grup. E di që është e vështirë, por në vend të katërt nuk ka logjikë, pasi vijmë nga vendi i tretë”.

REAGIMI I LENJANIT – “Nuk jam dakord me statusin që ka bërë lojtari. Lenjani ka pasur raste që ka qenë pa ekip ose pa minuta dhe është marrë në kombëtare. Në një moment trajneri mund të vendosë të marrë një lojtarë tjetër dhe kjo është  e drejta e tij. Ai është djalë i pjekur dhe profesionist. M’u duk diçka e nxituar. Ai ka qenë pjesë e rëndësishme e kombëtares që u kualifikua në Europian”, tha Jupi.

Së fundmi mediet italiane raportojnë se doktorët kanë përjashtuar mundësinë e frakturës. Strakosha ka pësuar një goditje të fortë dhe tani trajneri Simone Inzagi po pret me ankth uljen e dhimbjeve në shpatullën e gardianit 23-vjeçar.

Lacio ka këtë fundjavë një trasfertë tejet të vështirë në Firence, ku vetëm fitorja i bën punë, pasi “shqiponjat” kërkojnë medoemos vendin  e katërt që i çon në Champions. Në rast se Strakosha s’do të jetë i gatshëm, trajneri Inzagi do të fusë nga minuta e parë portierin 35-vjeçar Silvio Proto.

Sezonin e shkuar, Strakosha nuk mungoi asnjë minutë në Serie A, duke luajtur titullar në të gjitha ndeshjet (38 ndeshje, 3420 minuta). Përveç se shihet si portieri titullar në kampionat, Strakoshës i janë besuar dhe ndeshjet e rëndësishme të Kupës së Italisë dhe “Europa League”.

Inzagi e konsideron të paprekshëm portierin shqiptar, por dëmtimi i tij e ka bërë me dhimbje koke. Tashmë, trajneri italian do t’i duhet t’i besojë veterenati Proto. 35-vjeçari ka luajtur vetëm 4 ndeshje në plot 7 muaj, dhe ato kundër rivalëve shumë më të lehtë në letër. Ndeshja kundër Fiorentinës është shumë e rëndësishme për sezonin e Lacios dhe pa Strakoshën në fushë, Inzagi ka filluar të shqetësohet.

Në përfundim të takimit, “gardiani” i Lacios kërkoi ndihmën mjekësore për një problem në shpatull. Mjekët nuk arritën të dallonin në pamje të parë shkallën e dëmtimit dhe për këtë arsye 23-vjeçari do t’i nënshtrohet sot analizave të detajuara mjekësore.

Megjithatë, “Gazzeta Dello Sport” raporton se trauma e pësuar do të bëjë që portieri të humbasë transfertën e fundjavës kundër Fiorentinës. Gjithsesi, më e rëndësishmja në këtë situata është që Strakosha të mos të ketë pësuar nxjerrje të shpatullës, pasi në këtë skenar atij do i duhet të qëndrojë për disa javë jashtë fushave të blerta.

Në listën e të dëmtuarve bënë pjesë dhe dy lojtarët shqiptarë Riza Durmishi dhe Valon Berisha. Mungesa më të rëndësishme janë ato në repartin e mesfushës, Parolos Lukas Leiva dhe Milinkoviç-Saviç do ta shohin ndeshjen nga ekrani i televizorëve.

Hallet për Inzagin nuk mbarojnë këtu, pasi dhe sulmuesi kryesor i skuadrës Çiro Imobile nuk është në 100% të formës, por do të sakrifikojë duke luajtur në fushë nga minuta e parë.

Po ashtu, edhe Veseli luajti 90 minuta për skuadrën e Empolit. Ky takim u mbyll me fitoren minimale 1-0 të Lacios, ku vendosi një episod. Në minutën e 42’, Kaisedo shënon nga pika e bardhë e penalltisë dhe ky gol mjaftoi që Lacio të marrë tri pikët e radhës.

Strakosha bëri një ndeshje të shkëlqyer, duke mbajtur rrjetën e tij të paprekur. Pavarësisht humbjes, edhe Veseli bëri një ndeshje shumë pozitive, duke fituar shumë duele me sulmin lacial.

Serie A, java 23

Lacio – Empoli 1-0
Kaisedo (p) 42’

Forma e shkëlqyer e Strakoshës në dy sezonet e fundit ka bërë që tifozët e kaltër ta admirojnë, por dhe mediat kryeqytetase, që e vlerësojnë shumë gardianin 23-vjeçar.

“Lazziali.net” ka bërë një speciale shumë të gjatë për portierin kuqezi, ku në çdo fjali shprehin admirimin për numrin një të portës. Fillimet e karrierës, shpërthimi te Lacio, interesimi nga Liverpuli dhe mahnitja që po i bën Italisë: Strakosha është “muri” i Lacios! 

“Një shpëtimtar i ardhur nga Zoti!”, kështu është titulli i speciales së shkruar nga “Lazziali.net”, që tregon qartë se besimi te Strakosha është shumë i madh dhe që në moshë të re, gardiani kuqezi mund të konsiderohet si lideri i të kaltërve.

Goli i Kahejon ishte në shtyllë të parë dhe të gjithë prisnin më shumë nga Strakosha, por te goli i Milik, të gjithë ishin të shtangur. Strakosha bëri dhe disa pritje spektakolar, ku bie në sy ajo e minutave të para ndaj sulmuesit Milik. Gjithsesi, kjo ndeshje me ulje-ngritje nuk iu ka pëlqyer aspak mediave italiane, të cilat duken të zhgënjyera me paraqitjen e një prej portierëve më të mirë në Serie A.

“Është një humbje që na dhemb shumë, por nuk duhet të merremi me arbitrin për rastin e kartonit të kuq. Nuk mundemi të fitojmë kundër ekipeve të mëdha, duhet ta kuptojmë pse ndodh e të reagojmë”.

“Jemi një ekip i fortë dhe e kemi treguar disa herë këtë gjë. Na duhet të mbrohemi më mirë, edhe pse gabime janë pjesë e futbollit, duhet ti minimizojmë. Juventus? Duhet të jemi të qetë ndaj tyre. S’duhet të ndryshojmë strategji ndaj tyre. Do të punojmë fort ashtu siç kemi bërë gjithmonë”, tha Strakosha.

Thomas Strakosha luajti gjatë të gjithë takimit. Porteri  i kombëtares shqiptare kreu një pritje fantastike në minutat e para të takimit, por mund të kishe bërë më mirë në golin e Kajehon, ndërsa në golin e dytë të Napolit, Milik ekzekutoi në perfeksion një goditje dënimi që nuk i la asnjë shans “gardianit” shqiptar.

Ndërkohë, Elseid Hysaj u aktivizua në minutë e 88-të. Ançeloti ia ka bërë të qartë shkodranit, se do i duhet shumë punë për t’u rikthyer në formacion si titullar, ku vendi i është zënë nga francezi Kevin Malkyit.

Me këtë humbe objektivi Champions bëhet tmerrësisht i vështirë, pasi për vendin e katërt krahas Lacios po luftojnë Roma, Milan, Atalanta dhe Sampdoria, të gjitha këto ekipe ndahen me shumë pak pikë nga njëra tjetra

Lacialët u treguan të pamëshirshëm në pjesën e parë, teksa shënuan plot katër herë, duke i lënë miqtë nga Novara pa shpresa për të tentuar diçka. 12 minuta mjaftuan për golin e parë, ku ishte Luis Alberto, i cili shënoi. Dopieta e Imobiles në minutat 20 dhe 35, i çoi shifrat në 3-0, përpara se Milinkoviç-Saviç të katërfishonte në fundin e pjesës së parë.

Eusepi ishte autori i golit të nderit për miqtë, ku shënoi nga pika e bardhë në minutën e 49-të. Ndërkohë, Tomas Strakosha ishte titullar për 90 minuta, ku portieri ynë si gjithmonë konfirmohet si një lojtar i rëndësishëm i bardhekaltërve. Ndërkohë, pasdite pozitive dhe për Valon Berishën, i cili u aktivizua në minutën e 63-të.

Kupa e Italisë / Lacio-Novara 4-1
Shënues: Luis Alberto 12’, Imobile 20’, 35’,  Milinkoviç-Saviç 45+3’ / Eusepi 49’ (pen.)

Sipas të përditshmes italiane, “Gazzetta Dello Sport”, ky do të jetë sezoni i fundit për portierin 34-vjeçar dhe pasuesi i tij, do të jetë Thomas Strakosha.

Drejtuesit zikaltër janë admirues të portierit kuqezi dhe shumë shpejt, do të nisin punën për të kontaktuar me agjentin e 23-vjeçarit. Por ky transferim shihet si shumë i vështirë, për shkak të kërkesave që ka Lacio.

Në rast se Interi do të jetë i gatshëm të shpenzojë shuma të mëdha në verë, atëherë drejtuesit e Lacios do të mendohen. Gjithsesi, Interi ka dhe 2 emra të tjerë nëse nuk arrijnë te Strakosha. Kranjo i Kaljarit dhe Areola i PSG-së janë dy alternativa të tjera për portën zikaltër.

23-vjeçari ka bërë një gjysmë të parë të sezonit fantastik dhe është portieri me më me shumë minuta në Serie A. Edhe pse në ndeshjet e “Europa League” nuk i ka zhvilluar të gjitha ndeshjet, në Serie A Inzagi i ka besuar në çdo takim.

Deri më tani, Strakosha ka luajtur 1710 minuta dhe është në vendin e parë në renditjen e portierëve më me shumë minuta. Po kaq minuta ka dhe Donaruma i Milanit dhe më pas vjen pjesa tjetër.

Kragjo (Kaljari), Audero (Sampdoria), Skorupski (Bolonja), Handanoviç (Inter), Kounsils (Sasuolo), Sepe (Parma) dhe Sportielo (Frosinone) plotësojnë 10 portierët më me shumë minuta në Serie A deri më tani këtë sezon.

Thomas Strakosha u provua vetëm dy herë në këtë ndeshje dhe në golin e parë të vendasve, portieri i kombëtares sonë u nxor jashtë loje nga një gabim në vendosje i qendërmbrojtësve.

Me këtë humbje Lacio vazhdon ecurinë e rezultateve negative. Prej pesë takimesh skuadra e drejtuar nga Simone Inzagi nuk po arrin të marrë tri pikët në ndeshjet e Serie A dhe nuk ka se si të mos flitet për një krizë.

Presioni ndaj dy ekipeve romane është i frikshëm nga tifozët, që kalojnë shumë shpejt nga euforia në depresion, nga pretendimet për titull tek akuzat ndaj lojtarëve e drejtuesve. 

Lacio është në një moment të zi dhe barazimi i djeshëm ndaj Sampdorias ishte një tjetër rast që tifozët të sulmonin ekipin, me Milinkoviç Saviç në shënjestër. 

Edhe portieri kuqezi Thomas Strakosha nuk është i qetë në këtë situatë kaotike, sepse gjatë ndeshjes u pa në një moment që të drejtohej nga dikush dhe t’i thoshte “qepe, qepe!”.

Nuk dihet me kë e kishte portieri i talentuar, por presioni i tepruar po e shqetëson jashtë mase dhe tifozët po kalojnë çdo kufi.

Pas ndeshjes së djeshme në rrjetet sociale kritikat për Strakoshën nisnin nga pozicioni i gabuar në momentin e golit të dytë të Samp e deri tek fakti që Strakosha nuk vononte lojën në minutën e 99-të, por e çoi topin në sulm, prej nga Samp e mori dhe shënoi golin e barazimit. 

Lacio shënoi me 11-metërsh dhe dukej se siguroi fitoren, por edhe pse me 10 lojtarë, Samp u hodh e tëra në sulm dhe në minutën e 99-të Saponara doli i vetëm me Strakoshën, duke shënuar një gol fantastik.

Një realizim mjaft i bukur prej tij, teksa shtangu Strakoshën me një goditje të topit si të ishte një nga ata që merret me arte marciale. Më pas vrap drejt tribunës ku ishin tifozët miq dhe festë e madhe, aq sa tifozët i hoqën edhe të mbathurat.

“Pas golit shkova te tifozët, më hoqën edhe brekët, por ky është gëzimi i golit”.

Kapiteni  Serxho Pelisier i dha avantazhin Kievos në minutën e 25-të. Predha e 39-vjeçarit nuk i la asnjë shans Strakoshës.  U desh të fillonte pjesa e dytë që Lacio të “ndezte motorët”, por portieri Sorrentino dhe shtylla ndaluan goditjet e njëpasnjëshme të djemve të Simone Inzagit.

Në minutën e 66-të Imobile barazon shifrat me një goditje nga brenda zonës së rreptësisë. Lacio vazhdon presionin në pjesën e mbetur të lojës, por vendasit nuk kanë ndërmend ta lëshojnë pikën e çmuar.

https://twitter.com/FRVideos_SerieA/status/1066752088053637120

Tomas Strakosha bëri një mrekulli, në minutën e 16-të, teksa devijoi me majat e gishtave goditjen e Çalhanoglu. Donaruma u përgjigj pak minuta më vonë me një pritje fantastike, ndërkohë që pati dhe shumë debat për një penallti të paakorduar.

Në pjesën e dytë Lacio mori kontrollin e lojës, por ishin kuqezinjtë ata që goditën të parët. Goditja e mesfushorit afrikan Frenk Kesie përfundoi në rrjetën e mbrojtur nga Strakosha fale dhe devijimit të bërë nga mbrojtësi Uallas.

Më pas Lacio u hodh e tëra në sulm. Presioni i vazhdueshëm ja vlejti. Argjentinasi Hoakin Korrea, i cili mposhti Donarumën me një goditje të saktë në minutën e tretë të kohës shtesë. Trajneri i Lacios, Simone Inzagi, nuk arrin të kontrollojë veten gjatë festës dhe gjyqtari i takimit e nxjerr jashtë.

Shifrat janë në favor të “gardianit” i cili së fundmi është përfshirë në listën e lojtarëve më të mirë nën moshën 23 vjeç. Nuk bëhet fjalë për një statistikë të thjeshtë, por “BeSoçer”, i është referuar “ELO”-së, që merret me grumbullimin dhe analizat e skuadrave dhe lojtarëve. Funksionin me sistem pikësh dhe Strakosha ka bërë një progres të jashtëzakonshëm, kjo pasi ka marrë 5 pikë së fundmi dhe tani renditet mes më 5të mirëve.

Gjithçka lidhjet me paraqitjet në Seria A, kur pas 8 ndeshjes, ai ka pësuar gola me një mesatare prej 1.1 golash për ndeshje. Po ashtu edhe fakti se po luan si kuqezi është një bonos. Një vlerësim i vogël, por që tregon dhe një herë tjetër se ai vijon të rritet dhe Shqipëria për një dekadë e gjysmë të paktën e ka katërkëndëshin e portës të siguruar.

1.Tomas Strakosha

Shqiptari i Lacios po shijon një ndër momentet më të mira të karrierës, duke qenë një ndër portierët më të mirë në Serie A, me një mesatare pësimi golash prej 1.1 për ndeshje.

2.Benzhamin Pavard

Mbrojtësi i Shutgartit ra në sy me performancën e tij në kupën e botës në “Rusi 2018”. Vetëm 22-vjeç, me siguri ka një të ardhme të ndritur përpara.

3.Hoze Maria Gimenez

Qendërmbrojtësi i Atletiko Madrid ka arritur statusin e një lideri edhe pse është akoma i ri. Një lojtari kyç për skuadrën e Diego Simeones dhe kombëtaren Uruguaiane.

4.Matijs  De Ligt

Kapiteni 19-vjeçar i Ajaksit është “nën lupën” e klubeve si Barcelona dhe Mançester Siti. Ai së bashku më Van Dijk janë tashmë dy shtyllat e mbrojtjes së kombëtares së Holandës.

5.Lukas Hernandez

E nisi si qendërmbrojtës, por francezi Lukas Hernandez tani po tregon vlerat edhe si mbrojtës i majtë, ku ishte titullar i padiskutueshëm në rrugëtimin e Francës drejt fitimit të trofeut të Kupës së Botës.

6.Roni Lopes

Brazilian që përfaqëson Portugalinë në arenën ndërkombëtare është ndër të vetmit lojtarë që kanë shkëlqyer këtë sezon të Monako. Ndoshta një transferim i bujshëm e pret në verë.

7.Lukas Paketa

Mesfushori i Flamengos konsiderohet si lojtari më i mirë në kampionatin brazilian. I pranishëm në grumbullimet e fundit të “Seleçaos”, 21-vjeçari pritet të transferohet në janar te Milani.

8.Ruben Neves

Portugezi është një ndër lojtarët më të mirë të Ulverhemptonit, skuadër që po bën shumë mirë në kampionatin anglez. Ndërkohë kohët e fundit ka siguruar një vend titullari në kombëtaren portugeze.

9.Gaston Pereiro

Uruguaini është një ndër lojtarët që po shkëlqen te PSV-ja. Shumë shpejt pritet të largohet drejt një kampionati më të fortë.

10.Maksi Gomez

Një tjetër uruguaian që premton shumë. Sulmuesi i ri Selta Vigos konsiderohet si pasuesi i Luis Suarez.

11.Kilian Mbape

Francezi nuk ka nevojë për prezantim. Vetëm 19-vjeç dhe me protagonist në një kupë bote. Nga moshatarët e tij asnjë nuk afrohet.

Thomas Strakosha kreu një ndeshje mjaft të mirë. Portieri i kombëtares sonë regjistroi pesë pritje, një prej të cilave një pritje mjaft e bukur në minutën e 94-të të takimit. Ndërkohë, për këtë sfidë ishte i grumbulluar dhe mesfushori i përfaqësueses kosovare, Valon Berisha. 25-vjeçari sapo është riaftësuar nga një dëmtim dhe pritet që  brenda pak javëve të debutojë me fanellën e skuadrës italiane. Një shqiptar tjetër i këtij takimi ishte dhe mbrojtësi  Riza Durmishi, i cili zëvendësoi kapitenin Senat Luliç në minutë e 56-të

STRAKOSHA in the 94th minute. What a save!!! #UdineseLazio pic.twitter.com/Tfz6Ys7HQI

— Lazio World (@lazioworld) September 26, 2018

Juventus dhe njëherë tjetër konfirmohet se në Itali është një skuadër mbi të tjerat, pasi është i vetmi ekip që ka 12 pikë të plota. Lajm i ijavës së katër nuk është fitorja me Sasuolon, por se autori i golave të fitores ishte Kristiano Ronaldo. Portugezi e bëri sefte dhe tani pritet akoma më shumë prej tij .

Nuk mund të lihet pa përmendur humbja e Interit në shtëpi me Parmën. Ishte një befasi, por duket se zikaltrit kishin nisur të mendonin Championsit para kohe. 4 pikë në 4 ndeshje janë shumë pak për ta.

Napoli i Elseid Hysajt u mjaftua me një gol ndaj Fiorentinës, por duket se skuadra e Ançelotit nuk është ajo e një edicioni më parë dhe këtë vit do e ketë më të vështirë për të rivalizuar skuadrën e Alegrit.

Roma në anën tjetër u hutua në 45 minuta e dyta dhe e pa veten që të linte dy pikë në shtëpi. Kievo e befasoi me dy gola, por sërish mbete në një gjendje kritike në fundin e klasifikimit, pasi rrezikon që t’i hiqen sërish pikë.

Lacio po ashtu i falet pritjeve të Strakoshës, i cili dhe këtë javë i dha skuadrës së tij pikët e plota duke bërë disa pritje spektakolare. Sa i përket legjionarëve Berisha dhe Gjimshiti e panë nga stoli humbjen e skuadrës së tyre Atalantës, që mori në fushën e Spalit.

Milani i gëzohet faktit që u zhbllokua Higuain, por me 1 pikë ndaj kaluarit nuk mund të jetë i kënaqur. Kuqezinjtë kanë zhvilluar vetëm 3 ndeshje deri më tani dhe nëse do fitojnë takimin e prapambetur mund të jenë në pozita deri diku komode. Duhet përmendur në Itali dhe fitorja e Sampdorias me rezultatin e thellë 5-0 në fushën e Frosiones.

Seria A/ Java e katërt

Inter 0 – 1 Parma

Napoli 1 – 0 Fiorentina

Frosinone 0 – 5 Sampdoria

Roma 2 – 2 Kievo

Xhenoa 1 – 0 Bolonja

Juventus 2 – 1 Sasuolo

Udineze 1 – 1 Torino

Empoli 0 – 1 Lacio

Kaljari 1 – 1 Milan

Spal 2 – 0 Atalanta

RENDITJA

“E gjithë skuadra punoi fort për të arritur këtë rezultat.  Patëm fatin në anën tonë në minutat e fundit të takimit. Kemi shumë për të përmirësuar, nuk jemi akoma në formë optimale.  Por, pavarësisht të gjithave, rëndësi ka që kemi siguruar tri pikë të arta. Dy humbjet në fillim të kampionatit na dhanë një mësim, që na ndihmoi të fitonim dy ndeshjet e mëpasshme.”, tha 23-vjeçari.

PRITJA VENDIMTARE – “ E parashikova atë lloj gjuajtje nga Kaputo, për një moment mendova më të keqen, por fatmirësisht nuk ndodhi ashtu. Nëse do të pësonim gol, nuk do të kishim kohë për të rikuperuar gabimin”, përfundoi Strakosha.

STRAKOSHA RIGHT AT THE DEATH! WHAT A SAVE. #EmpoliLazio pic.twitter.com/1btlljzVuU

— Lazio World (@lazioworld) September 16, 2018

Empoli u tregua kockë e fortë duke e vënë disa herë në vështirësi ekipin e Simone Inzagit, por një Strakosha në super formë, i siguroi Lacios tri pikëshin me një pritje fantastike në minutën e fundit të takimit.

Wow, Strakosha! Saves Lazio all 3 points off pretty much the last kick of the game pic.twitter.com/RIRzZedMaH

— Alex McGovern (@AlexMcGovern11) September 16, 2018

Në të majtë për herë të parë u pa Egzon Binaku. Një emër i ri për Kombëtaren dhe me një detyrë jo të lehtë për të zëvendësuar kapitenin Ansi Agolli, i cili ishte grumbulluar, por e pa ndeshjen nga stoli. Befasi paraqitja e tij për shumëkënd, pasi tregoi se është një lojtar me shumë cilësi, që jo vetëm mund të jetë një garanci në prapavijë, por edhe mund të ndihmojë sulmin. Në pak ditë si kuqezi e njihte mirë lojën e shokëve të skuadrës, madje në disa momente u pa që të ndihmonte dhe në të djathtën e mbrojtjes. Vërtetë një zbulim!

Nuk mund të lihet pa veçuar portieri Thomas Strakosha. Edhe pse në një moshë ende të re ka krijuar një eksperiencë mjaft të madhe dhe jep shumë siguri mes shtyllave. Pa diskutim që nëse Shqipëria mori një rezultat pozitiv dje, është meritë e padiskutueshme e “gardianit”, i cili po ndjek hapat e babait. Ishte ndeshja e tij e tretë si titullar në një ndeshje zyrtare me kuqezinjtë, por krijon përshtypjen e një “veterani”.

Autori i golit, Taulant Xhaka, duket se e gjeti golin në një moment në momentin e duhur, si për të në aspektin personal, ashtu dhe atë të Kombëtares. Rikthimi në fole erdhi me një super gol, që do e ndihmojë të bëjë përpara dhe me klubin me shumë mundësi, por dhe si kuqezi. Shqipëria kishte nevojë për një “rrufe” si ajo e Xhakës për të dalë nga momenti jo i mirë ku ndodhej.

Në sulm Guri bëri mjaft mirë, por duhet përmendur dhe eksperienca e Balajt, i cili në pjesën e dytë shty akoma dhe më shumë para. Shkodrani edhe pse ndoshta e vuan mungesën e golit, tregoi se është i rëndësishëm për skuadrën dhe prezenca e tij në fushë e shton personalitetin e ekipit.

Fituam, kjo ka rëndësi dhe jemi të kënaqur. Çdo lojtar jep më të mirën e vet, unë bëra detyrën dhe nuk mendoj se luajtëm keq si skuadër, të gjithë dhanë maksimumin.

“Në pushim trajneri na tha që të luanim sa më shpejt në pjesën e dytë, sepse Izraeli nuk po na bënte presion të madh. Na doli mbarë dhe morëm tre pikë të rëndësishme. Rasti i humbur nga Izraeli? Nuk mendova asgjë në atë moment, nuk kishim kohë”.

Më pas, Strakosha foli edhe për Supersport: “Kam akoma shumë për të kaluar babin. Jam i lumtur për skuadrën. bëmë mirë deri në minutën e 80 më pas u ndje lodhja. I treguam vlerat, pas disa ndeshjeve që nuk kishim bërë mirë. Nuk shoh ritmin, por e shoh në mënyrë kolektive. Vrapuam shumë dhe luftuam shumë ndaj arritëm të fitonim. Ishim të përqendruar dhe kur gabonte njëri rikuperonte tjetri”.
“Rasti më i rrezikshëm? Në fillim mendova se mund të shkaktoja 11-metërsh, por shyqyr që godita topin”.”Gabimet ndodhin në ndeshje, nuk ndahen gabimet, ashtu si nuk ndahen meritat. Jemi një skuadër, nuk ka rëndësi kush gabon. Për fat, kur Zahavi doli i vetëm dhe më shmangu, nuk gjuajti direkt dhe pata kohë të rikuperoja, duke i hequr topin, edhe pse rrezikova pak, sepse mund të shkaktoja penallti”.

Portieri i kombëtares tonë Thomas Strakosha, arriti të tregonte vlerat e tij, duke mos i lejuar Kristiano Ronaldos kënaqësinë e golit të parë. CR7 fillimisht vuri në provë aftësitë e Strakoshës me një goditje të fortë nga jashtë zone, por gardiani i Lacios ishte i përgatitur. Ndërsa në momentin e golit të dytë, Strakosha arriti të devijonte vetëm pak topin e krosuar nga Kanselo, duke mos i lënë mundësi portugezit të shtynte topin drejt rrjetës, punë kjo që u krye nga Manzukiç pas vetëm dy sekondash.

Juventus 1 – |1| Lacio : Manzukiç’75’

Juventus |1| – 0 Lacio : Pjaniç 29’

Pritja e Strakoshës ndaj Ronaldos

Por, kësaj radhe portieri i kombëtares tonë do të ketë përballë për herë të parë në karrierën e tij, lojtarin që shumë vetë e cilësojnë si më të mirin e të gjitha kohërave… Kristiano Ronaldon.

Një praktikë e përjavshme te Lacio për Strakoshën është dhe studimi i kundërshtarëve falë ndihmës së stafit të video analistëve. Por, se sa do t’i vlejë analiza e gjuajtjeve të CR7-ës do ta tregojë fusha e “Juventus Stadium”.

“Në 30-minutëshin e parë u dukëm vetëm ne në lojë, më pas lodhja bëri të vetën. Bëmë maksimumin, por nuk ia dolëm. Duhet të shmangim alibitë, mos ta bëjmë dramë këtë humbje. Jemi një skuadër e fortë, po ashtu edhe kundërshtarët”

“Mund të fitojmë dhe të humbim ndaj çdo skuadre. Duhet të vlerësojmë çdo ndeshje dje të japim gjithçka në fushën e lojës. Açerbi në mbrojtje? Ai është një lojtar shumë i mirë. Na ndihmoi si në fazën mbrojtëse, por edhe në lojën me top. Tani të shohim përpara, kemi shumë për të përmirësuar në çdo aspekt”, përfundoi Strakosha.

Igli Tare solli gjatë kësaj merkatoje vere Valon Berishën dhe Riza Durmishin. Kapiteni i përfaqësueses së Kosovës u përfol se e kishte humbur takimin hapës të kampionatit, por sipas “Gazzeta dello Sport”, mesfushori ka gjasa ta nisë nga stoli ndeshjen, pasi rikuperimi nga dëmtimi ka qenë shumë i kënaqshëm. Ndërsa, shqiptari që luan me përfaqësuesen daneze, ka shumë shanse ta nisë që nga minuta e parë, duke qenë se kapiteni Senad Luliç është në dyshime. Strakosha si zakonisht e nis si titullar.

Te Napoli, nuk dyshime për mbrojtësin e kombëtares sonë, Elseid Hysaj. Shkodrani është titullari absolut edhe në sytë e trajnerit Karlo Ançeloti. Fillimisht, transferimi i mbrojtësit të Nicës, Kevin Malkuit, krijoi përshtypjen se Hysaj do kishte më pak minuta, por kemi të bëjmë thjesht më një lojtar stoli. Shto këtu dhe faktin që Ançeloti është ndër ata trajnerë, i cili nuk njihet për rotacione të shumta, prandaj mund të themi se minutat për Hysajn do të jenë me bollëk.

Tani edhe Liverpuli troket në derën e Lacios, për Thomas Strakoshën. Ky është lajmi i bujshëm që raporton “cittaceleste.it”, sit me burime në klubin lacial.

Portieri kuqezi vjen nga një sezon fantastik, Lacio e konsideron të pashitshëm, por Liverpuli ofron 30 milionë euro dhe do të ishte një pasuri e jashtëzakonshme, po të mendohet që Strakosha nuk i ka kushtuar asnjë Lacios.

Igli Tare kërkon më shumë se aq, por ndërkohë flitet se ka nisur kontaktet me Iker Kasijas, spanjollin legjendar që sapo ka përfunduar kontratën me Porton dhe është ende i ri, nëse kujtohet që është disa vite më i ri se Xhixhi Bufon.

Tashmë mbetet për t’u parë nëse oferta e Liverpulit është reale dhe serioze, apo është më shumë presion ndaj Milanit, për të ulur çmimin për Donarumën.

Më pas, Strakosha nis rrëfimin: “Që kur isha i vogël, kisha vetëm një ëndërr: të bëhesha portieri më i fortë në botë, prandaj jetoja vetëm për futbollin. Stërvitesha tre herë në ditë, për të bërë ëndrrën time realitet. Jam lindur dhe kam jetuar vetëm me një hero në jetën time dhe ai është babai im, idhulli im, Fotaq Strakosha. Quhem Thomas Strakosha dhe kjo është historia ime.

E kisha kuptuar që në fillim që do të ishte e vështirë të ikja nga shtëpia, por ishte për ëndrrën time dhe nuk e patra problem. Shumë njerëz nuk kishin besim te mua, por më duhej vetëm besimi i familjes dhe besimi që më kishin treguar trajneri Inzagi dhe drejtori Igli Tare.

Numri 1 është diçka më shumë se një numër normal. Gjithmonë mbaja mend që portieri ishte i pari që paguante gabimin, por edhe i fundit që dorëzohej.

Portieri ka një detyrim gjithmonë: të veprojë, sa më shpejt. Pozicioni i portierit, i keq? Ndoshta… por e keni provuar ndonjëherë?”.

Një darkë e këndshme, shumë takime, foto e autografe dhe disa fjalë për tifozët, me Strakoshën që tha: “Unë impenjohem në maksimum çdo ditë, po bëj detyrën. Mendoj se mund të mbërrijmë në një ndër 4 vendet e para dhe shpresoj t’ia dalim mbanë të shkojmë në Champions League. Duam të marrim atë që na takon”.