Ai ka luajtur me disa nga ekipet më të mira të Europës dhe po zbavitet në Championship. Atmosfera në futbollin ishullor është unike dhe Bojan po e shijon në maksimum. Në fund dhe batuta për gjuhët e huaja dhe titujt e fituar. Këto të fundit janë ëndrra e çdo futbollisti, por Bojan i kënaqet më shumë faktit që ka shijuar eksperienca të ndryshme dhe ka mësuar gjuhë të huaja, sesa fitimi i ndonjë trofeu më shumë.

“Çdo lojtar etiketohet, mua më thonin Mesi i ri. Nëse nuk xhiron, të thonë që ke dështuar. Unë kam luajtur me Barcelonën më të mirë të të gjitha kohërave, me Romën, Milanin, Ajaksin dhe kam shënuar në katër kampionatet më të mira. Unë ndihem fatlum, e di se mund të luaj në divizionin më të lartë, por ‘Championship’ më pëlqen. Mënyra se si përjetohet futbolli këtu është spektakolare. Për mua është më e rëndësishme të flas katër gjuhë, sesa të fitoj pesë tituj më shumë”, përfundon lojtari i Stok Sitit për “El Pais”.

Berahino është aktivizuar me të gjithë ekipet e moshave të Anglisë, por pasi priti ftesën e kombëtares së madhe, që nuk erdhi kurrë, vendosi të luante me kombëtaren e tij të origjinës, Burundin.

Lojtarit nuk po i ecën me golin, por ndryshon situata në marrëdhëniet me femrat. Siç citon “The Sun”, 25-vjeçari ka thyer një rekord të pabesueshëm, sepse është shtuar me tre fëmijë brenda gjashtë javëve…

Me datë 30 maj ka ardhur në jetë vogëlushi Kosta nga lidhja i lojtarit me ish të fejuarën e tij, Stefania Kristoforu. Me datë 17 korrik korrik lindi Ania Maria nga lidhja e lojtarit me modelen dhe aktoren amerikane, Çelsi Lovleis, ndërsa dy ditë para lindjes së Ania Marias, ka ardhur në jetë një tjetër vajzë nga raporti i lojtarit me një infermiere e lindur në Afrikë, të cilën e njeh që nga fëmijëria.

Me këtë të fundit vazhdon beteja ligjore, sepse infermierja nuk e shkruar në certifikatën e lindjes emrin e Berahinos në atësi dhe avokatët e lojtarit po ndjekin çështjen në fjalë, duke pretenduar se Berahino është babai i vajzës.

Për momentin konfirmohen tre fëmijët e sulmuesit të Stok Sitit, por nuk përjashtohet mundësia që shumë shpejt ky numër të rritet.

Gjatë asaj verë, Krauç u transferua te Liverpuli dhe vuajti shumë për të gjetur golin me “The Reds”. Plot 1229 minuta pa shijuar emocionet dhe adrenalinën e golit dhe Krauç falënderon të atin, i cili ishte personi që e ndihmoi të kalonte periudhën e vështirë.

“Ishte një periudhë shumë e vështirë për mua. Më duhej të hiqja dorë nga blerja e gazetave dhe shikimit të televizorit. Pas ndeshjeve ulesha dhe pija birra me babain tim. Ai më ndihmoi shumë. Dilnim për të pirë, qeshnim dhe harronim gjithçka. Pastaj, të dielën ose të hënën më kujtohej: ‘Mos, nuk kam shënuar ende’”, përfundon 37-vjeçari i Stok Sitit për “The Sun”.