Stiven Zhang

Takim në Kinë, Konte flet “troç” me drejtuesit

Sport Ekspres — Tue, 23 Jul 2019 13:24:33 +0000

Antonio Konte është nga ata trajnerë që të vendosin kushte. Italiani sheh nga ana tjetër, në Torino, që kanë shpërthyer në blerje dhe tenton të marrë situatën në dorë te kampi i tij. Siç raportojnë mediet përtej Adriatikut, tekniku ka pasur një takim kokë më kokë me të gjithë drejtuesit, duke përfshirë drejtorët sportiv, Marota dhe Auzilio dhe presidentin Zhang.
Në bisedë Konte ja ka bërë të qartë eprorëve se dëshiron prurje të reja për të ndërtuar një skuadër më kompetitive. Drejtuesit nga ana e tyre mundohen të tregohen të kujdësshëm dhe para se t’i përmbushin “tekat” trajnerit, zgjedhin të studiojnë bilancet financiare.

Në një intervistë, Marota u shpreh se shtë dakort me trajnerin, por nuk premton investime të shtrenjta. ”Tregu nuk ka ardhur ende në jetë. Do veprojmë në qetësi, duke respektuar ekuilibrin financiar. Po kërkojmë studiojmë dy tipe lojtarësh, një me përvojë dhe një të ri”, deklaroi drejtori i përgjithshëm zikaltër.

Zhang, Spaleti dhe Ikardi në kor: Nuk jemi ekipi anti-Juventus

Sport Ekspres — Tue, 30 Oct 2018 11:34:27 +0000

Interi po kalon një moment të shkëlqyer dhe djemtë e Spaletit e vërtetuan një gjë të tillë, duke shkatërruar Lacion në “Olimpico” me rezultatin 0-3. Zikaltrit kanë arritur Napolin në vendin e dytë në kuotën e 22 pikëve, ndërsa distanca me Juventusin është gjashtë pikë.

Fitorja e gjashtë rresht në kampionat për Interin, ndërkohë që fitorja e fundit i ka lumturuar të gjithë, duke filluar nga presidenti Zhang, trajneri Spaleti dhe kapiteni Ikardi.

ZHANG – “Jo vetëm që më pëlqeu fitorja, por dhe performanca e ekipit. Më ka befasuar qetësia dhe personaliteti i skuadrës. Vinim nga një humbje përballë Barcelonës, por gjithsesi është vënë re përmirësimi. Këto janë sinjale të rëndësishme dhe shpresoj që këto emocione t’i përjetojmë në çdo stadium. Komplimente skuadrës dhe trajnerit.”

SPALETI – “Nuk duhet të mendojmë që jemi ekipi anti-Juventus. Duhet të mendojmë në fillim për vetën tonë dhe duhet të jemi anti-vetja. De Vrij? Ai nuk luajti, sepse nuk ishte nevoja ta vinim në kushtet që të fishkëllehej nga i gjithë stadiumi. Ndoshta, duke marrë parasysh emocionalitetin dhe ndjeshmërinë e lojtarit, ai do të rrezikonte të gabonte më tepër se një top. Zhoao Mario? Sipas mendimit tim, ai luajti mirë në pjesën e parë, ndërsa më pas vuajti. Ideja jonë ishte të bënim një ndryshim me Borja Valeron, por ndihet mungesa e minutave në këmbët e portugezit. Brozoviç? Ai ka një busull në këmbët e tij dhe e njeh futbollin. Duhet të qarkullojë topin, duke i vënë në vështirësi kundërshtarët dhe kështu bëhet një lojtar thelbësor. Ka personalitetin e një lojtari të fortë. Çelësi për ta rritur ishte pasimi i topit drejt mbrojtjes dhe Miranda e Shkriniar e ndihmuan shumë.”

IKARDI – “Ndodhemi në një moment të mrekullueshëm dhe gjërat po shkojnë mirë për ne. Momenti im i mirë është momenti i mirë i skuadrës. Nuk jemi skuadra anti-Juve, na mungon akoma diçka, por jemi të kënaqur me atë që po bëjmë. Skuadra po rritet dhe punojmë për t’u përmirësuar.”

Entuziazmi i Zhang: Dua të dërgoj Interin në majën e botës

Sport Ekspres — Fri, 26 Oct 2018 18:50:57 +0000

Stiven Zhang është zgjedhur zyrtarisht si presidenti i Interit, duke u bërë personi i 21, i cili ulet në këtë post dhe më i riu i historisë së zikaltërve. Pasi shprehu lumturinë e tij në rrjete sociale, 26-vjeçari kinez ka folur në Asamblenë e Aksionerëve të klubit, duke shpalosur idetë dhe objektivat e tij.

“Sot fillon një epokë e re për klubin tonë. Inter është sinonimi i lavdisë, fitoreve dhe historisë. Ky klub është një pasion dhe fe për miliona tifozë nëpër botë. Falë punës së ekipit, brenda dhe jashtë fushës, Inter është rikthyer në Champions pas gjashtë viteve mungesë, duke konkurruar në skenën e kompeticionit më të mirë për klube në nivel botëror.”

“Objektivi ynë është ndërtimi i një klubi me baza solide, me një vizion afatgjatë dhe ta bëjmë Interin klubin më modern, më novator dhe më fitues në botë”, përfundon Stiven Zhang.

Zgjidhet presidenti më i ri i historisë së Interit, Zhang vjen me dhurata

Sport Ekspres — Fri, 26 Oct 2018 10:04:13 +0000

Stiven Zhang është presidenti i 21 i Interit dhe më i riu i historisë zikaltër, i cili ulet në këtë post (26 vjeç). Djali i manjatit kinez Zhang Jindong, i cili zotëron grupin Suning, do të zgjidhet sot në postin e presidentit nga Asambleja e Përgjithshme e klubit zikaltër. Merr fund aventura pesë vjeçare e Erik Tohir, i cili zotëron akoma 31% të aksioneve të klubit nga Milano.

Me uljen e Zhang në postin e presidentit, mbetet vetëm konfirmimi i kalimit të Xhusepe Marotës tek Interi. Pasi ndihmoi Andrea Anjelin të rritej dhe të mësonte sa më shumë për futbollin, ish-drejtuesi i Juventusit do të bëjë të njëjtën gjë me 26-vjeçarin e Interit.

Zhang, i cili kërkon t’i japë një nxitje projekteve ambicioze të grupit Suning, ka shfaqur lumturinë e tij në rrjetet sociale për detyrën e re. Ai ka postuar një foto të Interit dhe një tjetër të tunelit të stadiumit “San Siro”, duke shkruar dhe datën e sotme, 26 tetor 2018. Një datë e rëndësishme dhe e paharrueshme për Zhang, i cili është gati për të nisur detyrën e re në klubin italian me qëllimin dhe ambicien e madhe për të dërguar Interin në majat e futbollit botëror.

“Kur i mbyll sytë, shoh një qytet plot histori dhe akoma më shumë për t’u shkruar. Njerëzit me ide dhe me qëllimin për të përmirësuar çfarë i rrethon dhe ata vetë. Një klub që luan përtej fushave të blerta për të fituar zemrën e çdokujt. Pastaj hap sytë dhe shoh që e gjitha kjo gjendet këtu. Unë jam gati, po ju?“, janë fjalët e zgjedhura nga Stiven Zhang në videon e postuar në faqen zyrtare të Interit në “Twitter”.

The club, its people and the city have been waiting for you.
Welcome, President Zhang.#StevenIsHere #FCIM pic.twitter.com/Cz7WqGl1Zy

— Inter (@Inter_en) October 26, 2018

Uniforma e tretë, Zhang “thumbon” Milanin: Vetëm ne jemi seksi në Milano!

Sport Ekspres — Sat, 15 Sep 2018 09:58:57 +0000

Inter ka prezantuar uniformën e tretë të ekipit dhe Stiven Zhang, djali i pronarit të Suning, ka shigjetuar kuqezinjtë e Milanit. Djali i manjatit kinez ka postuar në rrjetet sociale një foto me uniformën e tretë dhe komenton në të: “Vetëm ne jemi goxha seksi për Milanon”.

Video e prezantimit ka patur si protagonist mbrojtësin Shkriniar, ndërsa në ndeshjen e sotme përballë Parmës, Interi do ta veshë për herë të parë uniformën e re të ideuar nga Nike.

Zikaltrit zbresin në fushë në orën 15:00 dhe do kundër Parmës do të kërkojnë fitoren e dytë rresht në kampionat pas asaj me Bolonjën.

View this post on Instagram

only we are sexy enough for Milano. ? #MadeOfMilano #Ready!

A post shared by Steven Zhang (@stevenzhang91) on Sep 15, 2018 at 1:49am PDT