Steven Gerrard

Vjen shansi i artë për Xherard, ofertë nga klubi i njohur i Premier Ligës

Sport Ekspres — Mon, 08 Jul 2019 07:48:59 +0000

Stivën Xherrard nuk ia doli të rikthente Rejnxhër te titulli kampion. Hendeku me rivalët e Selltik është ende shumë i lartë, por trajneri anglez u ka mbyllur gojën shumë kritikëve të cilët besonin se legjenda e Liverpulit do të ishte një ndër lojtarët e shumtë më emër që do dështonin si trajner.

Puna e mirë e 39-vjeçarit ka tërhequr vëmendjen e pronarit të Njukasëll, Majk Eshli. Largimi i Rafa Benitez drejt Kinës ka lënë pa pronar stolin e skuadrës nga verilindja e Anglisë. Miliarderi anglez i ka ofruar ish-kapitenit të Anglisë një kontratë 4-vjeçare.

Në ditët në vazhdim pritet që Xherard të vendosë për të ardhmen. E sigurt është që paratë do kenë pak efekt te Xherard, pasi pasuria nuk i mungon. Rejxhërs i dha shansin e parë si trajner dhe një ndarje e tij do të shikohej si një tradhti nga tifozët dhe drejtuesit e skuadrës skoceze, por sigurisht ndaj një emri si Xherard nuk do të kishte pengesa nëse ai do të kërkonte largimin.

Grezda drejt “divorcit” në Skoci, Xherard e paralajmëron

Sport Ekspres — Tue, 07 May 2019 16:37:42 +0000

Aventura e Eros Grezdës në Skoci me Gllazgou Rejxhërs nuk duket se do të ketë një fund të lumtur. Sulmuesi i përfaqësueses shqiptare ka humbur besimin e trajnerit Stiven Xherard dhe nuk shfaqet prej më shumë se një muaji as në stolin e ekipit skocez.

Situata është e qartë. Në javët në vijim palët duhet të ulen për të marrë disa vendime përsa i përket së ardhmes. Trajneri i Rejnxhërs u shpreh pak ditë më parë për gazetën skoceze “Scottish Sun” se ata futbollistë që s’do të pranojnë të largohen nuk do të lejohen të stërviten me skuadrën e tij.

“Për mua nuk është aspak problem. Sigurisht, në një situatë ideale ata do t’i futeshin punës për të gjetur një klub të ri ku mund të luajnë futboll e të ndihen të gëzuar. Nëse vendosin të qëndrojnë atëherë unë s’mund të ndërhyj. Megjithatë, në klubin tim nuk pranoj dot njerëz që nuk i bëjnë mirë pjesës tjetër të grupit”.

“Grupi që dua unë duhet të ketë lojtarë të bashkuar dhe të gatshëm kontribuar për sukseset tona. Nëse do të vijë momenti për t’i thënë dikujt që të largohet dhe ata nuk ndajnë të njëjtin mendim, atëherë nuk ka sens që ata të jenë afër skuadrës sime. Jam i sinqertë dhe do tregoj respekt para lojtarëve në tilla raste. Nëse ndjej se nuk i jap dot minutat e mjaftueshme dikujt, do ua them në sy këtë”, përfundoi Xherard.

Zherard: Një sy e kam në “Anfield”, titulli? Do të isha më i lumturi në Botë!

Sport Ekspres — Sun, 24 Mar 2019 17:27:45 +0000

Stiven Zherard është padyshim një ikonë e klubit të Liverpulit. Ish-kapiteni i “The Reds”, ka nisur karrierën e tij si trajner dhe për momentin është në krye të Rejnxhërsit. Anglezi, pavarësisht se tashmë punon diku tjetër, nuk mund ta largojë nga mendja dhe zemra klubin nga Merseyside.

I pyetur së fundmi nga mediat për ecurinë e Liverpulit dhe për mundësinë për të fituar titullin, Zherard u përgjigj sinqerisht. Legjenda e të kuqve deklaroi se pavarësisht se fokusin e ka te Rejnxhërsi, një sy e ka edhe te Liverpulit, ku në rast se fiton titullin, do të ishte njeriu më i lumtur në Botë.

“E mbaj mendjen edhe aty. Aktualisht punoj te Rejnxhërsi dhe i gjithë fokusi im është padyshim te Rejnxhërsi, por edhe një sy e kam në ‘Anfield’ dhe shpresoj që djemtë të qëndrojnë në rrugën e duhur për të fituar titullin. Do isha njeriu më i lumtur në Botë.”

Shtypi skocez i vë notë Grezdës: Disi zhgënjyes, pritej më shumë

Sport Ekspres — Wed, 20 Feb 2019 15:45:22 +0000

Që prej emërimit të Stivën Zherard në pankinën e Gllazgou Rejnxhërs, në klubin skocez është bërë një revolucion i vërtetë.

Ish-lojtari i Liverpulit solli në klub 14 lojtarë, ku njëri prej tyre ishte dhe sulmuesi i kombëtares sonë Eroz Grezda, i cili u mor nga Osijek për dy milionë paundë.

Në një artikull të bërë nga gazeta skoceze “The Herald”, janë vlerësuar të gjithë lojtarët e ardhur. Vlerësimin më të madh e ka marrë sulmuesi anësor Rajan Kent dhe portieri Mekgregor, të dy lojtarët janë vlerësuar me notën 9.

Shtypi skocez nuk ka treguar shumë mëshirë me Grezdën, duke i vënë notën 3. Në argumentimin e “The Herald” shkruhet: “Impresioni kundër Rejnxhërs me Osijekun në ndeshjet kualifikuese të Europa League. Gjithsesi Grezda nuk ia ka dalë të përsërisë të njëjtën formë. Po të marrësh parasysh shumën prej 2 milionë paundësh që u pagua për të, Grezda mund ta ketë zhgënjyer disi Zherardin.

Rajan Kent – 9
Alan Mekgregor – 9
Skot Arfilld – 7
Konor Goldson – 7
Xho Uorall – 6
Borna Barishiç – 5
Nikola Katiç – 5
Kajl Laferti – 5
Lasana Kulibali – 5
Gareth Mekauli – 5
Xhon Flanagan – 5
Eros Grezda – 3
Ovia Exharia – 3
Umar Sadik – 1

Grezda: E kam pritur këtë shans, do tregoj veten

Sport Ekspres — Fri, 09 Nov 2018 18:26:31 +0000

Eros Grezda ka qenë përkrah trajnerit të Gllazgou Rejnxhërs, Stivën Xherard, në daljen për shtyp për takimin e së dielës ndaj Madhëuell. Dëmtimi i Rajan Kent dhe pezullimi i sulmuesit Kandeiash i kanë dhënë një shans të artë sulmuesit shqiptar, që do i duhet të justifikojë besimin e klubit që e bleu për dy milionë euro nga kroatët e Osijekut.

NDESHJA – “Mezi po e pres këtë ndeshje, pasi do të luaj në vende që janë lënë bosh nga Kandeiash dhe Kent. Është një ndeshje e madhe për klubin e për mua dhe shpresoj që të arrijmë të fitojmë. Është një mundësi shumë e mirë për mua, pasi lojtarët që mungojnë në këtë takim zhvilluan një muaj shumë të mirë dhe mu desh të prisja për shansin tim dhe mendoj se sapo më erdhi tani”.

SKOCIA “Të jem i sinqertë para se të vijë këtu nuk dija shumë për Skocinë, por tani e kam krijuar një lloj ideje për kampionatin këtu. Më datë 17 nëntor do të luajmë ndaj Skocisë në Shqipëri. Është një takim shumë i rëndësishëm për ne, pasi na duhet të fitojmë për të qëndruar në ‘Nations League’, por ndeshja e radhës është të dielën, kombëtaret vijnë më pas”, tha Grezda.

Në fund gazetarët skocezë e ngacmuan Grezdën duke e pyetur se a do t’i pëlqente të shënonte portierit të Skocisë Alan Mekgregor, i cili është dhe kolegu i tij te Rejnxhërs. Shqiptari tha se kishte biseduar për këtë takim me gardianin: “I thashë disa herë se sa e rëndësishme është kjo ndeshje për ne dhe se do të për të pamundurën për t’i shënuar atij”, përfundoi shqiptari.