Sturaro lë pas errësirën, largohet nga Juventusi dhe firmos për ekipin e ri

Sport Ekspres — Wed, 23 Jan 2019 12:17:33 +0000

Stefano Sturaro la Juventusin verën e vitit të kaluar, teksa kaloi në radhët e Sportingut të Lisbonës në formulën e huazimit. Pritej të ishte një kalim në të mirë të karrierës së italianit, i cili mendoi se do të kishte minuta dhe do të ishte titullar në ekipin portugez.

Diçka e tillë nuk ndodhi dhe mesfushori nuk zbriti asnjëherë në fushë me fanellën e Sportingut, duke shënuar një nga momentet më të errëta të karrierës së tij. Gjithsesi, Sturaro u kthye përsëri te Juventusi dhe tashmë është gati të ringrihet në fluturim, teksa ditën e sotme ka firmosur me ekipin e ri.

Stefano Sturaro është lojtari më i ri i Xhenoas, ekip me të cilin shpërtheu dhe u bë i njohur. “Jam i lumtur dhe i emocionuar për rikthimin. Pas katër vitesh te Juventus po rikthehem përsëri këtu. Të gjithë e dinë se çfarë do të thotë për mua të jem përsëri në Xhenoa”, është shprehur mesfushori për mediat.

Sturaro rikthehet aty ku shkëlqeu, Juve merr milionat

Sport Ekspres — Mon, 07 Jan 2019 20:50:54 +0000

Stefano Sturaro dhe Juventusi do të ndahen përfundimisht pas katër vitesh e gjysmë bashkëpunim. Mesfushori italian ka mbyllur marrëveshjen me Xhenoan dhe në orët në vazhdim pritet të bëhet zyrtarizimi i transferimit.

Sipas sajtit “tuttojuve.com”, klubi xhenovez ka rënë dakord të paguajë 18 milionë euro për të rikthyer Sturaron në klubin e tyrë. 25-vjeçari do të firmosë një kontratë me kohëzgjatje për sezone.

Ky sezon filloi mbrapsht për Sturaron, pasi nuk arriti të luante për asnjë minuta gjatë huazimit të tij te Sportingu për shkak të disa dëmtimeve muskulore që e përndoqën për muaj të të tërë.