Lojtari i Atletikos së Madridit, ka shpërthyer ndaj Xhordan Henderson, duke e akuzuar këtë të fundit si një njeri mosrespektues. Saviç flet për një episod të ndodhur gjatë ndeshjes, ku Henderson u kap me Vukçeviç dhe në diskutimin mes tyre, me ironi anglezi iu drejtua malazezit, duke i thënë se do t’i jepte fanellën në fund të ndeshjes.

“Ishte diçka e shëmtuar dhe mungesë e theksuar respekti. I thashë që ishte aq i mirë sa të mos reagonte në atë mënyrë. Ne jemi krenar dhe do zgjidhja përsëri të luaja me këtë ekip dhe të pësoja pesë gola, se sa të luaja për Anglinë me lojtarë arrogantë.”

Kristiano Ronaldo i ndëshkoi sërish dhe fitorja 2-0 në Spanjë nuk vleu fare. Situata në kampin e Atletikos ka qenë shumë e tensionuar në fund të ndeshjes. Siç raporton “AS”, Stefan Saviç dhe Oskar Ortega, i njohur si profesori, gati sa nuk janë kapur me duar me njëri-tjetrin.

Ky i fundit njihet për seancat e tij të ashpra fizike, madje disa lojtarë ishin të pakënaqur me stërvitjen e fortë të bërë përpara ndeshjes së kthimit kundër Juventusit. Plot 42 dëmtime muskulore i kanë ndodhur djemve të Simeones dhe Ortega ka “fajin” kryesor.

Sherri ka ndodhur pas ndeshjes së fundjavës së kaluar, Atletiko-Madrid-Leganes. Ortega e ka akuzuar mbrojtësin për mungesë lëvizshmërie, pa ditur që ai ndodhej pas shpinës së tij. Saviç ka “shpërthyer”, duke iu drejtuar me fjalët: “Çfarë po thua për mua? Ma thuaj në sy, o miush”.

Është dashur ndërhyrja e lojtarëve për të ndarë palët, ndërsa Simeone ka qenë në konferencë për shtyp. Trajneri ka nxituar menjëherë, ka marrë lojtarin në zyrën e tij dhe e ka qetësuar.

Situatë e vështirë ka qenë edhe fundi i ndeshjes përballë Juventusit. Profesori insiston gjithmonë që lojtarët të zhvillojnë seanca “stretching”-u pas ndeshjeve, por Saviç ka menduar ndryshe, madje duke hedhur dhe çantën e tij.

Fjalë të rënda midis malazezit dhe përgatitësit atletik dhe është dashur përsëri ndërhyrja e lojtarëve për të qetësuar situatën. Godin ka folur në emër të grupit, duke akuzuar Ortegën për stërvitje të rënda. Diçka e tillë u pa kundër Juventusit, me Atletikon që zhvilloi një nga ndeshjet më të dobëta të viteve të fundit.