Ndoshta, shkak për këtë ka qenë e kaluara problematike e futbollistit, i cili kishte pasur jo pak disa probleme në klubet e mëparshme. Jetë nate e shfrenuar dhe sigurisht shumë alkol.

Por, duket se këto “prapësi” tani janë pjesë e së shkuarës. Në këtë sezon në kampionatin serb, Nikoliç po merr minutat që i mungonin prej vitesh te skuadra e Radnikut, ndërsa situata jashtë fushe është akoma më e mirë. Ndoshta arsyeja për këtë “rikthim në shina” është lidhja me bukureshen Tijana, e cila duket sa ka rrëmbyer zemrën e sulmuesit ngatërrestar.

Nëse i hedhim një sy lëvizjeve në merkato, deri më tani kemi 5 të larguar e si për koincidencë bëhet fjalë për pesë sulmues.

KENDESH – Vice Kendesh u nda me Laçin pa ardhur mirë mund të thuhet, pasi sulmuesi u angazhua me ekipin kurbinas vetëm në ndeshjet ndërkombëtare, por pa mund që të lërë gjurmë. Një zgjedhje deri diku e pranueshme, përderisa u largua pa nisur kampionati, duke i dhënë mundësi lojtarit që të gjejë një destinacion të ri, por edhe drejtuesit të mos shpenzonin duke e ditur se lojtari nuk do të kishte hapësira.

NIKOLIÇ – Vetëm 40 minuta e mbajti veshur fanellën e Partizanit Stefan Nikoliç. Sulmues i cili në të shkuarën ishte diskutuar edhe për një afrim te Flamurtari, ishte një zgjedhje e gabuar nga klubi i “demave”, duke i treguar derën malazezit vetëm pas 2 ndeshjesh. Një lëvizje e gabuar, pasi as 28-vjeçari nuk arriti dot që të luante qoftë dhe një minutë në kampionat me të kuqtë.

HARBA – Haris Harba erdhi me bujë te Kukësi, me drejtuesit që e “shitën” në media si një goditje të madhe, por që në fushë ishte shumë larg pritshmërive. Një gol në Gjeorgji i dha shpresë Kukësit për kualifikim, por vetëm aq. Më pas gjithnjë në hije dhe ndeshje pas ndeshje përfundoi në stol. Divorci me Kukësin erdhi para merkatos së janarit.

SUKAJ – Xhevahir Sukaj, edhe pse një lojtar me shumë eksperiencë dhe që ka bërë mirë në shumë ekipe, te Laçi pati një aventurë vetëm 44 minuta. Shkodrani u la në tribunë në ndeshjen me Kamë ndeshjen me Kamzën dhe më pas u pa e arsyeshme që rrugët e tyre të ndaheshin.

RAHIM – Aleksandros Rahim ishte greku që duhet të bënte diferencën te skuadra e Kastriotit, por nuk mundi që të përshtatej te skuadra krutane. 25-vjeçari luajti në tre ndeshje si titullar dhe në fillimin e shtatorit u largua nga ekipi i Kastriotit. Sulmuesi duket se e kishte të vështirë në Shqipëri dhe u detyrua që të ulej e të bisedonte me drejtuesit për t’u kthyer andej nga kishte ardhur. Edhe klubi kishte leverdi në këtë pikë, pasi lojtari donte një pagë të lartë, shtëpi në Tiranë dhe transport çdo ditë.

SULMUESIT – Mbetet për t’u parë se kush do të jetë i radhës nga lojtarët ofensivë që do të marrë valixhet. Kryesit lojtarët e huaj nuk është se e përligjin atë nivel që pretendohet se kanë. Pikëpyetjet janë të shumta, pasi disa lojtar si Altiparmakovski, Shpehar, Dunga, Ngo, etj, nuk kanë bërë diferencën. Edhe në skuadrat si Skënderbeu e Partizani nuk është se sulmuesit kanë shkëlqyer, ndaj nuk përjashtohet ndonjë lëvizje e papritur.

Nuk ia doli dot të shënonte dhe nuk do të ketë këtë mundësi, pasi të kuqtë kanë njoftuar se bashkëpunimi mes palëve është mbyllur. Padyshim një dështim i të kuqve, pasi afruan një lojtar që nuk bindi. Fitorja më e madhe është se nuk do të vijojnë të paguajnë për një lojtar që do të qëndronte në tribunë.

“Klubi njofton mbylljen e bashkëpunimit me Stefan Nikoliç. Sulmuesi 28 vjeçar dhe klubi kanë vendosur të ndërpresin me mirëkuptim marrëveshjen mes palëve, duke i dhënë mundësi lojtarit nga Mali i Zi të jetë i lirë. Nikoliç ishte pjesë e skuadrës në dy përballjet e Europa League që ekipi zhvilloi ndaj sllovenëve të Maribor. Klubi i uron njëkohësisht Stefan Nikoliç suksese në karrierën e tij sportive”, njofton Partizani.

Sulmuesi, që te të kuqtë nuk ka bindur, mund të largohet nga Partizani. Kastrioti nga ana tjetër është gati të bëjë një ofertë dhe ta afrojë në gjirin e saj shtatlartin malazez, që ka një karrierë të pasur, por që është shoqëruar me probleme për shkak të sjelljes së tij.

Gjithsesi në Krujë besojnë se mund t;u bëjë punë, ndërkohë nga ana tjetër Partizani nuk është se do të humbiste diçka, madje në këtë mes do dilte i fituar, nëse Nikoliç do ishte i kënaqur nga oferta e bërë prej Kastriotit.

Një tjetër lojtar është në fokusin e krutanëve. Bëhet fjalë për mesfushorin Alban Ramadani, i cili në të shkuarën ka tentuar të luajë në Superiore. Ai i është nënshtruar testeve me Vllazninë dhe Kukësin, por në fund nuk ka qëndruar në këto klube.

Mesfushori me tipare mbrojtësve është 23 vjeç dhe ka luajtur në Itali e Zvicër me klube si Padova dhe Kiaso, por edhe në Francë. Gjithashtu në Bullgari pritet që bashkohen me ekipin katër lojtarë afrikanë, të cilët do vëzhgohen me kujdes nga trajneri Elvis Plori.