Polemikat nuk kanë fund, Ramsej “thumbon” Dajerin e Totenhemit

Sport Ekspres — Mon, 03 Dec 2018 19:51:05 +0000

Arsenali arriti një fitore fantastike në derbin e Londrës së Veriut kundër Totenhemit. Djemtë e Unai Emeri fituan me rezultatin 4-2 dhe tashmë renditën në vendin e katërt, duke parakaluar ekipin e “Spurs”.

Abumejang kaloi Arsenalin në avantazh shumë shpejt, ndërsa Erik Dajer barazoi shifrat, përpara se Herri Kejn të kalonte Totenhemin përkohësisht përpara.

Eric Dier tells Aaron Ramsey to go sit back down on the bench ??

? @SkySportsPL

pic.twitter.com/sUg9ZDqwxA

— ODDSbible (@ODDSbible) December 2, 2018

Pikërisht goli i Dajer tensionoi atmosferën në stadium. Mesfushori 24-vjeçar festoi, duke bërë shenjën e heshtjes kundrejt tifozëve të Arsenalit. Një gjë e tillë solli reagimin e Stefan Litshtajner, i cili ndodhej në stol.

Zvicerani nuk përtoi t’i kërkonte llogari lojtarit të kombëtares angleze për gjestin ofendues ndaj tifozëve vendas dhe atij iu bashkua dhe Aron Ramsej. Situata për pak sa nuk precipitoi, por ndërhyrja e të tjerëve qetësoi palët.

Ramsej nuk e ka mbyllur me aq dhe ka reaguar në rrjetet sociale, duke bërë humor dhe thumbuar “armikun” e Totenhemit, Erik Dajerin. “Më kërkoi të ulesha”, shkruan uellsiani, ndërsa e shoqëron komentin me një foto gjatë ndeshjes.

Litshtajner i lodhur me stolin: Mund të tërhiqem nga futbolli!

Sport Ekspres — Tue, 11 Sep 2018 19:17:01 +0000

Mbas shtatë sezoneve me Juventusin, ku ishte një lojtar i rëndësishëm për skuadrën, Litshtajner u transferua gjatë verës tek ekipi i Arsenalit. 34-vjeçari nuk po luan dhe ka përfunduar në stol. Rivaliteti me Belerin është i fortë, por zvicerani është mësuar të vrapojë pafund në krahun e djathtë dhe e vuan stolin. Në një prononcim për “Sport.ch”, Litshtajner nuk e fsheh mundësinë e largimit nga futbolli, nëse nuk do arrijë të jetë lojtari që të gjithë njohin.

“Kisha mundësinë të pranoja ofertën e një prej pesë klubeve që më kërkonin gjatë verës, me sigurinë që nga 50 ndeshje në sezon do të luaja 47. Por, unë isha në kërkim të një eksperience të re në një kampionat të ri. Jam te Arsenali i vetëdijshëm që do të konkurroj me Belerin për një vend në formacion. Nuk jam mësuar të qëndroj në stol dhe nuk më kishte ndodhur kurrë të qëndroja për tre ndeshje rresht.

Nëse ke arritur shumë në karrierë, ke pritshmëri të mëdha dhe dëshiron të luash. Unë e di që kam mundësinë për ta bërë diçka të tillë, por nëse do ta kuptoj që nuk do të kem më mundësi të mbaj të njëjtin nivel si në vitet e shkuara, do të tërhiqem. Jo vetëm nga kombëtarja, por do të mbyllja karrierën time. Megjithatë, unë nuk dorëzohem, sepse nuk e kam bërë kurrë një gjë të tillë”, përfundon Stefan Litshtajner.