Trajner në 13 skuadra, pa përjashtuar punën me të rinjtë dhe si trajner i dytë, kjo është biografia sportive e Stavri Nicës në futbollin shqiptar. “Mua më pëlqejnë sfidat në aspektin profesional dhe kështu besoj se do të jetë për sa kohë unë do jem i gatshëm të drejtoj një skuadër futbolli”, kështu ka deklaruar Nica për SportEkspres.com në muajin janar, kur edhe mori drejtimin e skuadrës së tij më të fundit, Devollit të Bilishtit.

Kjo rezyme e karrierës së Stavri Nicës nuk është e plotë, por vetëm një kujtesë në këtë ditë të veçantë për të, në 65 vjetorin e tij të lindjes. Sepse në këtë përvjetor, Nica vjen edhe me disa “rekorde” që homologët e tij nuk i kanë arritur, ku së pari veçohet se është trajneri me moshë më të madhe në futbollin shqiptar. Rekordi më i ri është se, në raport me kolegët, Stavri ka numrin më të madh të skuadrave të drejtuara në karrierë në të gjitha kategoritë e futbollit tonë.

Nuk ka pension për Stavri Nicën, sot e urojmë që të thyejë edhe rekordin e jetëgjatësisë!

Redaksia SportEkspres.com

“Ne si biznesmenë nuk jemi tërhequr nga dëshira e pasioni për ta mbështetur skuadrën e Devollit. Kjo periudhë e ngarkuar nga politika duke sikur e ka larguar pak vëmendjen nga futbollin, por unë them se jo. Them kështu sepse këtë sezon në Kategorinë e Parë ne do ta mbështetim fuqishëm skuadrën tonë. Projekti ynë është shumë ambicioz, për një skuadër pretendente në këtë kategori”, u shpreh Xhaçi.

Në lidhje me fillimin e sezonit të ri dhe planet e merkatos, ai deklaron: “Ne e kemi një plan për skuadrën e sezonit të ri. Së pari do thosha se trajneri Stavri Nica është i rikonfirmuar. E kemi biseduar me profesorin këtë pjesë , si edhe për ndërhyrjet në merkato. Do të jemi të gatshëm që të sjellim në Bilisht futbollistë cilësorë, të cilët do t’i shërbejnë synimit tonë ambicioz për Superioren”.

AGRON KAJA

Por që kjo merkato të ketë “bekimin” e trajnerit, ka edhe një detyrë më të rëndësishme për drejtuesit: të rinovojnë me trajnerin Stavri Nica. Kjo nuk ka ndodhur, të paktën deri ditën e djeshme. Këtë e pranon për SportEkspres.com vetë tekniku durrsak.

“Nuk është e vërtetë se kam rinovuar”, është përgjigja me anë të një sms-je Nica dhe kjo e bën të dyshimtë vazhdimësinë e tij në krye të skuadrës së Devollit. Në sezonin e kaluar, Stavri Nica e mori drejtimin e Devollit në periudhën e dimrit.

Kjo skuadër pati sukses në kampionat, duke zënë vendin e parë në Grupin B, madje pa pësuar asnjë humbje.  Në ndeshjen finale për kampion në Kategorinë e Dytë u mund nga Tërbuni dhe tanimë mendohet për sezonin e ri, që nis nga rinovimi me Nicën.

AGRON KAJA

Tashmë që sezoni u mbyll, Nica i ka të qarta idetë dhe në intervistën e tij për SportEkspres.com, deklaron se në sezonin e ardhshëm skuadra nuk do të jetë vetëm një debutuese, por do të vijojë të jetë solide dhe me ambicie për të surprizuar ekipet e grupit B në të Parën.

INTERVISTOI: AGRON KAJA

Në përvojën e shkurtër e të suksesshme me Devollin, çfarë përfundimesh keni për Kategorinë e Dytë?
-Për aq sa pashë gjatë këtyre muajve në drejtimin e Devollit, Kategoria e Dytë është e luftuar, por shpesh edhe jashtë normave e jashtë logjikës sportive. Në bisedat që kam bërë me disa kolegë në këtë kategori, nuk mund të vazhdohet kështu me dhunë e pa terrene normale.

Cilët janë treguesit që ju mendoni se duhen përmirësuar për të patur një garë me më shumë rivalitet në këtë kategori?
-Unë mendoj se treguesi i parë që duhet përmirësuar në futbollin e Kategorisë së Dytë është privatizimi i skuadrave. Kjo e shpëton këtë futboll, pastaj duhet folur për përmirësimin e të tjerave dukuri që janë pjesë e garës.

Ku i shikoni pikat më të “diskutueshme” të këtij Devolli për një paraqitje surprizë në të Parën?
-Devolli tregoi se ka një ekip dinjitoz, por jo të gjithë janë garanci për sukses në Kategorinë e Parë. Në tre apo katër pika edhe mund të ndërhyet, sepse ngjitja në një kategori më sipër kërkon një nivel më të lartë.

Mendoni se skuadra i ka të nevojshme përforcimet për sezonin në Kategorinë e Parë?
-Devolli ka elementë me të cilët mund të shkohet edhe më tej, sepse kemi futbollistë që janë në kulmin  tyre. Ne do bëjmë merkato, por baza do të jenë ata të e sezonit që sapo u mbyllëm. Gjatë merkatos së verës nuk do nxitojmë, por do afrojmë vetëm futbollistë që bëjnë diferencën.

Për sezonin e ardhshëm, cilat do jenë synimet e Devollit në Kategorinë e Parë?
-Sezonin e  ardhshëm klubi ka synime që të jetë një ekip surprizë, ashtu si edhe në Kategorinë e  Dytë. Madje këtë punë ne do ta nisim që nga ekipet e moshave dhe përmirësimi i infrastrukturës, sepse duhen ndërhyrje në stadium dhe në aneksin stërvitor.

Durrsaku, për SportEkspres.com ka deklaruar: “Ky është një sukses që ka shumë aktorë, të cilët dhanë kontributin e tyre dhe e ngjitën skuadrën e Devollit në Kategorinë e Parë. Me këtë sukses, karriera ime e gjatë në trajning u plotësua, edhe pse bëhet fjalë për kategori inferiore në futbollin tonë. Kjo ka pak rëndësi, sepse të gjithë në Bilisht jetojnë me futbollin e skuadrës së tyre. Ka një interes e përkushtim, që u shpërblye”,

Nica ndërkohë bën me dije se nuk do të largohet nga Devolli: “Me drejtuesit kemi një projekt afatgjatë. Tashmë rëndësi ka që në Kategorinë e Parë të tregohemi dinjitozë. Na duhet që të fitojmë edhe finalen e Kategorisë së Dytë me Tërbunin dhe më pas do të nisim nga puna për ndërtimin e një skuadre të kompletuar. Bazë do të jetë skuadra aktuale”.

AGRON KAJA

“Nëpërmjet kapitenit tonë Mateo Pere, ne e deklaruam ditën e shtunë se po të luhet pastër Shkumbini mund të thyhej në Delvinë. Kështu ndodhi në këtë barazim, ku Shkumbini tregoi forcën e tij të vërtetë. Dua të falënderoj futbollistët e drejtuesit e Delvinës për karakterin e tyre në këtë sfidë, jo se barazuan dhe ne marrim kreun e grupit B, por sepse ata luajtën me dinjitet”, u shpreh Nica.

Durrsaku gjithsesi nuk e konsideron të mbyllur garën: “Na presin tre beteja deri në fund të kampionatit. Presim Memaliajn, shkojmë në Ersekë dhe në fund përballemi Tepelenën në fushën tonë. Përqendrimi ynë do të jetë shumë i madh në këto ndeshje. Sikundër kemi ardhur në javën e 23-të në krye, ashtu edhe do ta mbyllim. Vendin e parë nuk e lëshojmë, po mendojmë edhe për finalen me Tërbunin”.

AGRON KAJA

“Do përmend Kapllanin, një kampion dhe një portier i talentuar. Ardian Abazi ishte kapiteni dhe e meriton tamam emrin kampion. Furrxhi është po mosha e Ardit dhe tani është trajner, madje edhe pak i thinjur. Buljan është kroati, një njeri shumë i dashur, një kroat që mësoi shqip shumë mirë, me intelekt. Nesti Qëndro ishte nj talent që arriti të kontribuojë me Teutën. Dua të përmend që një ditë luajti me Shpresat dhe një ditë me kombëtaren dhe i bëri të dyja ndeshjet shkëlqyeshëm”.

“Vucaj, shkodrani, nga fillimet e veta ka ardhur te Laçi dhe u afirmua. Vila, Emiljano, arriti deri në nivel të lartë, duke luajtur në Kroaci dhe me kombëtaren. Emiljano Veliajn, nga Berati, është një mesfushor me shumë intelekt, ka kontribuar shumë te Laçi. Një njeri fantastik. E përgëzoj për aftësitë e tij që ka pasur në goditjet standarde. I kishte me notën 10”.

“Treshja e sulmit, që mendoj unë është më e mira, është Mancaku-Xhejms, Xhafaj. Do ishte treshja më ideale. Edhe në ekip kombëtar t’i kishe, do ishin fantastikë. Xhafa ishte në periudhën që morëm Kupën. Çuditërisht bëri rolin e psikologut dhe të një trajneri, e mblidhte skuadrën çdo ditë, e qeraste me kafe dhe më bënte edhe mua pjesë të grupit. Xhejms erdhi nga Bylisi. E morëm si mbrojtës, si mesfushor, por më bindi se mund të bënte sulmuesin dhe arritëm ta përshtatim në Laç. Na u bë një sulmues shumë i rrezikshëm, golashënues shumë i mirë. Arriti deri te niveli i Skënderbeut, që ishte niveli i lartë. Mancaku ka qenë një nga talentet e rrallë në Durrës. Po përmend teknikën e tij të lartë, por edhe për goditjen e mirë. Kishte aftësi të mira dhe në organizimin e lojës. Edhe ai u bë pjesë e ekipit kombëtar. I përshëndes këta djem dhe shpresoj të mos u mbesë hatri të tjerëve”, përfundon Nica.

“Nuk e kisha menduar të tillë ndeshjen në Këlcyrë, por me atë që përjetova them se ishte si një ndeshje e gladiatorëve nëpër filma. Vendasit kërkonin me çdo kusht rezultatin pozitiv, por realisht kishin shumë diferenca me Devollin. Midis rasteve të shumta për shënim, goli ynë erdhi pas një penalltie të saktë dhe fitorja ishte e merituar”, theksoi fillimisht Nica.

Ndërkohë që për vazhdimësinë e garës ai shton: “Ndërprerja e kampionatit nuk do ishte e mirë, gjithsesi ne jemi në përgatitje të pandëprera. Presim Naftëtarin në fushën tonë, kurse në javën e 19-të luajmë në Peqin me Shkumbinin kryesues. Për këtë sfidë do punojmë fort këto dy javë”.

AGRON KAJA

Për SportEkspres.com, ai deklaron se skuadra tashmë është formatuar plotësisht dhe e gatshme që ta arrijë synimin e sezonit. “Ndaj Përmetit ishte një skuadër harmonike në lojë, e kujdesshme dhe e saktë në fazën përmbyllëse. Kjo gjendje më bind dhe jep më shumë shpresë për arritjen e synimit tonë për t’u ngjitur në Kategorinë e Parë. Mbështetja e madhe që i japin skuadrës klubi dhe Bashkia, për mua janë garanci në këtë udhëtim të sezonit”.

Të dielën Devolli udhëton në Maliq, ku luan “derbin” e Prefekturës së Korçës. Një ndeshje ndaj një rivali serioz për kreun e Grupit B. “Në Maliq ne shkojmë të bëjmë lojën tonë dhe do kërkojmë maksimumin. Kemi një kundërshtar të fortë përballë, por synimi ynë është fitorja. Në grupin tonë janë disa skuadra që pretendojnë, ku veç Shkumbinit është edhe Maliqi me Albpetrolin.Por pse jo edhe Këlcyra”, u shpreh Stavri Nica para sfidës së javës 16-të me Maliqin.

AGRON KAJA

“Mua më pëlqejnë sfidat në aspektin profesional dhe kështu besoj se do të jetë edhe kjo me Devollin. Oferta e drejtuesve të kësaj skuadre më pëlqeu dhe do të punoj për të dhënë kontribut në arritjen e synimeve që kanë. Jo vetëm që sezonin tjetër të hyjnë në Kategorinë e Parë, por edhe për të synuar ngjitjen e madhe në Kategorinë Superiore”, ishte kjo deklarata e Nicës për këtë kalim në stolin e Devollit, skuadrës që renditet në vendin e dytë në Grupin B me 31 pikë.

Edhe pse e pranon se në këtë lëvizje Nica është treguar pak nostalgjik për të drejtuar një skuadër të origjinës, ai beson se synimi i parë është i mundshëm që të arrihet në këtë sezon. “Kryetari i Bashkisë Bledion Nallbati dhe donatori Gëzim Xhaçi kanë përkushtim të madh për skuadrën. Kanë krijuar kushte të mira stërvitore, ndërkohë që janë të hapur për ndërhyrje me elementë cilësorë. E pashë skuadrën dje dhe grupi më duket modest, por me elementë cilësorë. Do bëjmë më të mirën në fazën tjetër që të arrijmë synimin e parë”, kështu theksoi Stavri Nica në këtë deklaratë, një ditë pas kalimit te skuadra e Devollit.

AGRON KAJA

Pasi e mbylli me Kastriotin në muajin dhjetor, trajneri durrsak ka zgjedhur ekipin e ri. Nica ka firmosur me ekipin e Devollit, që garon në kategorinë e dytë B. Objektivi i Devollit është kalimi në kategorinë e parë, ndërsa do të ketë garë deri në fund me Shkumbinin dhe Maliqin.

Zyrtarizimi i akordit është bërë nga klubi në faqen zyrtare në rrjetet sociale, që shkruan shkurt për marrëveshjen me trajnerin e famshëm. “Ditën e sotme është prezantuar përpara lojtarëve dhe stafit.I urojmë mirëseardhjen ish-trajnerit të Kastriotit dhe sa më shumë suksese me skuadrën tonë.

 

View this post on Instagram

 

| NJOFTIM | Stavri Nica emërohet trajner i K.S Devollit. Ditën e sotme është prezantuar përapara lojtarëve dhe stafit.I urojmë mirëseardhjen ish-trajnerit të Kastriotit dhe sa më shumë suksese me skuadrën tonë. #MirësevjenStavriNica

A post shared by K.S Devolli (@ksdevolli_official) on Jan 18, 2019 at 7:11am PST

Moduli që ka i përzgjedhur është ai  4-3-3 dhe fokusi ka qenë kryesisht te skuadra e Teutës dhe te Laçi, skuadra me të cilat ka fituar edhe trofe. Portieri më i mirë për të është Xhevair Kapllani, të cilin e veçon si lojtar kyç në skuadrat ku ka luajtur, por edhe rekordmen i kohës për mospësimin e golave në 824  minuta lojë resht. “Kapllani ka qenë një portier model, korrekt dhe lojtar kyç në çdo skuadër ku luajti në karrierën e tij. Në atë kohë arriti edhe rekordin me 824 minuta lojë pa pësuar gol, duke u evidentuar si një portierët më të mirë të kohës”.

Ndërsa katërshja e repartit të mbrojtjes e vendosur nga Nica përbëhet nga dy skuadra: Teuta dhe Laçi. Taulant Sefgjini mendohet si mbrojtësi më i mirë në krahun e majtë, ndërsa Anesti Qendro në krahun e majtë. Në qendrën e mbrojtjes Nica ka veçuar Stipe Buljan dhe Adrian Abazin, që sipas tij, mbeten si mbrojtësit që çdo skuadër i ka pasur kundërshtarë të vështirë. “Të katërt këta kanë qenë lider në fushën e lojës në pozicionet e tyre. Kanë qenë lojtarë të fortë e korrektë në fushë, jepnin shumë siguri në lojën e tyre individuale në shërbim të skuadrës”.

Tre mesfushorë kanë qenë më të veçantë për Stavri Nicën trajner: Emiliano Vila, Arlind Nora dhe Emiliano Veliaj. “Karakteristikat e tyre ishin të veçanta, por individualisht kanë qenë lojtarë të mirëpërgatitur fizikisht dhe teknikisht. Në organizimin e lojës nuk përqendroheshin vetëm në pozicione statike, por ishin edhe golashënues të saktë”.

Ndërsa treshja e sulmit është përzgjedhur me “bombera” që i kanë shërbyer skuadrës jo vetëm në shënimin e golit: “Natyrisht që së pari në këtë repart veçoj Daniel Xhafajn, jo vetëm se ka qenë edhe kryegolashënues i kampionatit, por edhe pse ai ishte një “lokomotivë” e skuadrës. Edhe Mancakun e Xhejmsin unë i quaj sulmues klasi, të cilët shërbenin cilësisht edhe në repartin e mesfushës, por gjithmonë protagonistë në shënimin e golit”.

KARRIERA – Stavri Nica e ka nisur karrierën e tij në futboll me skuadrën e Lokomotivës së Durrësit, sot Teuta. I lindur më 8 qershor 1954, Nica luajti mbi dhjetë sezone me këtë skuadër, ndërsa dukej se karriera e trajnerit e tërhiqte në rrugën e tij me futbollin. Dhe në vitin 1993 ka drejtuar Teutën si trajner i parë, duke u bërë një nga trajnerët më të kudondodhur, pa dallim të kategorive ku skuadrat kanë bërë pjesë.

Skuadrat që Stavri Nica ka drejtuar si trajner janë të shumta, madje në disa prej tyre ka qenë disa herë në stol, me kohështrirje të ndryshme nga sezoni në sezon. Teuta, Besëlidhja, Laçi, Erzeni, Bylis, Apolonia, Shkumbini, Luzi 2008 dhe Kastrioti plotësojnë CV-në e Nicës në 26 vite karrierë si trajner, teksa ka arritur të fitojë edhe Kupën e Shqipërisë me durrsakët dhe kurbinasit.

IDEUAN DHE PËRGATITËN: Vladimir Prenga, Agron Kaja

“Lojtarët nuk janë të impenjuar, shoh ftohje dhe mosorganizim. Janë shumë faktorë dhe detaje që mua më detyrojnë që të mos jem më pjesë e kësaj mënyrë pune, e kësaj skuadre. Nuk e kam unë në karakter që skuadra të sillet si të dojë, të pësojë si të dojë. Jam shumë i mërzitur. Gjërat duhen parë një nga një, por nuk shoh perspektivë”.

“Sigurisht që e mbyll. Nuk mund të sakrifikoj veten për lojtarë tekanjozë. Për mënyrë pune dhe organizimi pa kushte. Tërhiqem nga gjithë këto”.

“Këtu nuk funksionon ana profesionale. Niveli është i ulët. Problemet i dini më mirë si unë. Nuk mund të rri të marr një rrogë e të jem pjesë e këtij niveli. Më mirë rri pjesë e fukarallëkut tim. Dje një lojtar nuk doli në stërvitje, pasi përtonte. Nuk rrimë ne të marrim rrogën. Vendos të mos jem pjesë e këtij niveli të ulët. Jemi diletantë dhe nuk mund të vazhdojmë kështu. Derisa nuk ka mundësi financiare për ta mbështetur ekipin, duhet gjetur mënyra. Nuk ka klube të mëdha, niveli është i ulët. Nëse ecet me këtë psikologji, sa për të gënjyer veten, le ta gënjejmë. Këtë e tregojnë shkallët e stadiumit”, tha tekniku durrsak.

Pas sfidës me durrsakët, ai u shpreh qartë: “Le të vijnë këtu lojtarë që kanë dëshirë të luajnë futboll dhe që zbatojnë detyrat e trajnerit”. Kështu, me përfundimin e pjesës së parë të sezonit, te Kastrioti pritet që të ketë largime në masë.

Nica dje ka dalë në stërvitje, duke konfirmuar kështu edhe vijimin e bashkëpunimit me krutanët edhe pas humbjeve të thella me Tiranën e Teutën. takimi i radhës në program për Kastriotin është ai me Kukësin ditën e diel.

“Sigurisht që nuk janë të aftë, por janë edhe të qëllimshëm. Duan të zgjatin jetën dhe marrin minuta në Superiore. Duhet ndërhyrje, lojtarë të tjerë që t’i përgjigjemi kampionatit seriozisht. Nëse shkohet me mendjen e këtyre lojtarëve, le të rrinë. Tetë gola në dy ndeshje janë shumë”.

“Po ta lexosh lojën, veprojnë qëllimisht për të ulur skuadrën dhe për të larguar trajnerin. Kjo është ajo që mendoj unë. Nuk ka zgjidhje. Tolerim? Derisa nuk zbatojnë detyrat, e dinë ata çfarë bëjnë. Nuk mund të shkojë skuadra në këtë formë.”

“Në Shqipëri ka djem që nuk marrin minuta, duhen afruar dhe të bëhet një skuadër serioze me ata që luajnë, kanë dëshirë të luajnë dhe i binden trajnerit”.

“Fusha? Kështu i gjeta dhe nuk mund të them gjë. Nëse gjendet një fushë më e përshtatshme, do të jetë më mirë për kundërshtarët, por edhe për ne”.

“Sigurisht ka qenë një javë intensive, pasi më është dashur mua dhe kolegëve të mi të karikojmë grupin për ndeshjen e radhës, që është e vështirë dhe luhet ndaj një kundërshtari që ka moral të lartë. Ata janë mirë në renditje dhe luajnë mirë futboll. Kanë lojtarë cilësorë brenda dhe vështirësia sa vjen e rritet. Duhet të bëjmë të kundërtën e asaj që bëmë me Tiranën, duhet impenjim dhe përqendrim për t’u rritur në mënyrën e lojës që të marrim pikë”, u shpreh Nica fillimisht.

Tekniku i krutanëve nuk dorëzohet, edhe pse skuadra e tij një javë më parë u mund nga Tirana 4-0. “Besojmë dhe bindshëm, pasi luajmë në fushën tonë. Arsyet janë të shumta për të menduar fitoren. Përfundimisht asgjë nuk është e pamundur”, shtoi durrsaku.

Nica, për takimin me Tiranën, nuk fajëson vetëm një repart. “Nuk e mendoj se nuk ka funksionuar sulmi. Këtë javë nuk ka funksionuar e gjithë skuadra, nga portieri deri te sulmuesi. Po nuk funksionoi skuadra, pastaj fajin mund t’ia vësh kujtdo. Kërkohet përqendrim maksimal dhe zbatim detyrash”.

Në fund dy fjalë edhe për merkaton: “Duhet të diskutojmë, plane kemi. Akoma nuk ka gjëra konkrete. Shpresojmë dhe do ngul këmbë për plotësimin e skuadrës ku ka nevojë. Të shohim sa do të mbështetemi”.

GOLI I PARË  – “Goli i dhuruar nga portieri jonë bëri që skuadra të humbasë besimin. Ajo që më shqetëson është ana taktike. Skuadra këtu tregon pak shpërqendrim. Nuk ishte marrë shumë seriozisht. Tirana ka cilësi dhe kjo cilësi zgjidhi ndeshjen.”

PROBLEMET – “Problemi them se është te porta. Janë mbajtur lojtarë që kanë qenë në Kategorinë e Parë dhe kjo nuk mund të vazhdojë. Do të ngul këmbë që të afrohen lojtarë me cilësi. Klubi duhet të shpenzojë që të ngrejë nivelin e lojtarë në pozicione të veçanta.”

MERKATO – “Kujtuan se siguruan qëndrimin, por është rrugë e gjatë dhe e vështirë. Nuk kemi luksin e lojtarëve që na zgjidhin problemet. Kemi probleme që në portë, në mbrojtje dhe në sulm. Duhen lojtarë më cilësor që të konkurrosh në kampionatin tonë, që është i fortë dhe i egër. Duhet të jemi me këmbë në tokë. Nuk mund të kalohet nga Kategoria e Para në Superiore pa e menaxhuar mirë skuadrën. Besoj se do e arrij qëllimin.”

NDESHJA – “Kur nuk ke shumë nivel duhet të jesh më tepër seç duhet agresiv dhe më i disiplinuar taktikisht. Ky them se ishte defekti kryesor. Disa lojtarë dolën nga pozicioni dhe dolën nga detyrat.”

MBIJETESA – “Këto skuadra që janë me kaq pikë kanë vështirësi. Duhet të jemi me këmbë në tokë. Duhen lojtarë më cilësorë për të qenë më me këmbë në tokë. Kampionati është shumë më i vështirë. Kush e zgjidh qesen mund ta kalojë këtë situatë.”

MBIJETESA – “Djemtë janë në skuadër. Bazohem te të rinjtë. Duhet të kemi kurajën t’u japim dorë, të marrin dorë dhe t’i ngremë. Nuk duhet të mendojmë vetëm te merkato me lojtarë të huaj. Duhet të shtrëngohemi më shumë në elementët që kemi. U duhet dhënë dorë”.

LËVIZJA E MARKUT – “Ideja ime është që të luajnë ata që janë në ritëm. Më intereson ta ngre skuadrën. Po nuk u ngritën në taktike individuale, nuk ka se si. Lojtarët më përkrahin, më dëgjojnë. Uroj të gjejmë të tjerë të rinj. Edhe të huaj nuk mund të nënvlerësohen, pasi kanë nivel dhe japin kontributin e tij. Ju e shikoni më ftohtë ndeshjen. Nuk mund të kalohet në agoni, por duhen zgjidhur gjërat me qetësi dhe duke pasuar”.

MBROJTJA – “Kam kërkuar që në fillim që skuadra të njohë parimet. Nuk flitet vetëm për një repart. Flamurtari ka dy lojtarë të mirë në krah dhe i dubluam. Duhet që skuadra të mbrojë, jo vetëm mbrojtja”.

Kështu shprehet edhe mbrojtësi David Domgjoni, i cili është parë të luajë në qendër të mesfushës këto javë. “Ndeshja me Laçin na dha një shtysë, pavarësisht rezultatit. Luajtëm mirë dhe kemi fituar vetëbesim. Kemi dalë në lojën tonë. Është e vështirë me Flamurtarin, por duam maksimumin. Luajmë në shtëpi. Po u paraqitem si në ndeshjet e fundit, do marrim rezultat pozitiv”, u shpreh ndër të tjera Domgjoni në “Supersport”.

Më tej ai flet edhe për objektivin mbijetesë dhe për ndryshimin që Kastrioti ka pësuar me trajnerin Nica: “ Shpresoj të vazhdojmë me këtë ritëm., po luajmë rrjedhshëm. Jemi aty-aty me të gjitha ekipet, do mundohemi të marrim maksimumin. Është një mision i mundur, kemi krijuar një fizionomi të lojës. Kemi një ekip të ri, Nica ka futur një frymë të re. Jemi shumë djem nën 21 vjeç që po luajmë”.

Sa i përket të ardhmes së tij, Domgjoni shprehet se për momentin mendon të ndihmojë Kastriotin ën realizimin e objektivit për të qëndruar në Superiore. “Do mundohem të bëj mirë, të realizojmë objektivat e vendosura në fillim të sezonit nga klubi. Shpresojmë t’i arrijmë ato, në fund të shohim. Momentalisht jam i fokusuar të ndihmoj ekipin në realizimin e objektivave”.

“Sigurisht ka gjëra pozitive dhe negative. Po flas për pozitivet dhe skuadra është e impenjuar, po organizohet mirë në lojë në të gjithë fazat. Negative shoh stepjen në aspektin sulmues. Duhet më shumë besim dhe kurajo për të arritur te rezultati pozitiv. Përmenda shumë pak që problemi është te besimi dhe kurajo. Besojmë te fitorja”.

“Mbijetesa? Sigurisht që besoj. Kapja e një rezultati pozitiv ndryshon shumë faktorë për ecurinë në kampionat”, u shpreh trajneri durrsak i Kastriotit. I pyetur në lidhje me faktin që Kamza nuk do të ketë një trajneri për takimin me krutanët, Nica mendon se nuk do të ketë ndikim.

“Nuk besoj se ndikon. Trajneri ka bërë punën e tij, nuk i di arsyet. Është problemi i atyre. Ndikimi i trajnerit vazhdon ndeshjen e radhës dhe më vonë, sepse ai ka punuar dhe ka sakrifikuar. Nuk e shoh si mungesë problemin e trajnerit. Ne duhet të bëjmë punën tonë dhe duhet të mendojmë për fitore”, përfundoi Nica.

HUMBJA – “Ishte qëllimi ynë për të marrë pikë, pasi kemi nevojë. Situata është shumë e vështirë, megjithatë unë kam ardhur për ta ndihmuar këtë skuadër dhe shpresojmë që me rritjen e moralit dhe ekuilibrit besoj se do të futemi si pjesë e kampionatit dhe të jemi më agresiv për të marrë pikë”.

ATSINA – “Zëvendësimi i Atsinës ishte për arsye fizike sesa taktike. Do të përshtatet më mirë, nuk kishte shumë besim kur erdha, pasi nuk kishte shumë minuta. Do ta mbështes dhe uroj që ta ndihmojë skuadrën”.

OBJEKTIVI – “Kam ardhur që të jap përvojën time te kjo skuadër, të fus dhe tipin tim, për të bërë një skuadër agresive dhe të jemi të ekuilibruar në lojë. Na duhet besim dhe entuziazëm që të dalim nga kjo situatë. Besoj se do ja arrijmë me këto djem. Kam gjetur një ambient, ku më kanë dhënë fjalën se do punojnë maksimalisht për t’u rritur në lojë dhe për të arritur te rezultatet”.

PUNA – “Me ngritjen fizike, nëse do kemi më shumë intensitet, skuadra do të jetë më mirë fizikisht. Aty them se do të jetë ndryshimi, që të jemi më të fortë dhe më agresiv në veprimet sulmuese. Mesfushorët hezitojnë që të afrohen drejt portës dhe të shënojnë”.

PROBLEMET – “Në kushtet që jemi, kemi kërkuar korrigjimin e gabimeve, si në aspektin taktik dhe ato individuale. Ajo që po kuptoj është se shoh që ka nevojë për shumë punë. Ajo që po kërkoj është përqendrimi për të kuptuar se çfarë lloji koncepti do krijojmë për veprimet mbrojtëse. Duhet të jemi shumë më agresiv në veprimet mbrojtëse, duhet të jemi më të orientuar taktikisht. Kam parë në video që golat janë pësuar në përgjumje apo vendosje të gabuara. Edhe probleme të taktikës individuale ka shumë. Mesfushorët duhet të marrin përsipër, sidomos në veprimet sulmuese. Në manovër po shoh që nuk janë shumë të qartë, për të qenë më agresiv. Këto janë probleme për të gjithë futbollin shqiptar”.

ZGJIDHJA – “Një miku im më tha, ‘nëse skuadra do të vij mbrapa, do arrish diçka’. Skuadra është duke u përgjigjur në momentin e parë, që është momenti i disiplinës. Ekipi ka nevojë për impenjim dhe përqendrim maksimal, si dhe duhet të bindet që ka dhe kundërshtar që i merret pika. Ky është një problem psikologjik në tërësi, por psikologjia duhet të krijohet dhe në grup. Skuadra duhet të jetë më harmonike dhe e qetë brenda grupit. Unë do mundohem që të bind lojtarët dhe vetë presidentin se duhet t’ia dalim”.

NDESHJA ME KORCCARËT – “Ndaj Skënderbeut do të jetë ndeshja e parë që unë jam në stol me këtë skuadër. Duhet të japim shenjat e para me kundërshtarin më të fortë në Shqipëri. Duhet të jemi skuadër për të bërë një lojë shumë të mirë. Nëse ia bën hyzmetin, nuk është çudi të marrim pikë. Ne ia dalim me shumë punë dhe pak gjumë. Duhet të shtojmë numrin e stërvitjeve, kohën e stërvitjes dhe kështu vjen impenjimi maksimal”.

Gjatë seancave të këtyre ditëve ka qenë i prerë me lojtarët e tij, teksa ka kërkuar luftë në stërvitje. Lojtarët kanë “shtrënguar rripat” për të bindur Nicën, i cili kërkon një ekip që të vrapojë shumë, të tregojë dëshirë dhe grintë.

Për të kjo është receta e suksesit dhe në krye të Laçit ai ka bërë mirë në të shkuarën. Sigurisht te Kastrioti është në situatë tjetër. Gjithsesi njëfarë ndryshimi në seancat stërvitore të Kastriotit vihet re, teksa ka shumë duele e përplasje mes lojtarëve. Gjithmonë në kuadrin sportiv. Tani pritet ndryshimi në fushën e lojës kundër gjirokastritëve.

“Është një moment ku duhet ta ndihmojmë skuadrën, pasi shoh që ka dëshirë. E kam parë në dy ndeshje me vëmendje dhe ka brumë. Ekip është mirë fizikisht, pasi janë përgatitur. Lojtarët kanë dëshirë për të luajtur, por duhet të punojmë fort. Çdo skuadër pa pikë ka vështirësitë e veta. Megjithatë shpresojmë që me punë të bëjmë diçka”.

Nica është i gatshëm të japë kontributin e tij për ta lënë vendin e fundit. “Jam optimist dhe përvojën time, forcat e mia, do ia përkushtoj kësaj skuadre, që të dalim nga kriza dhe të luajmë futboll. Ndeshja me Luftëtarin? Shpresoj që do nxjerrim një ndeshje të mirë, do luftojmë dhe do mundohemi të fusim grintën te skuadra”, përfundoi trajneri i ri i Kastriotit.

“Trajneri Elvis Plori ka paraqitur dorëheqjen e parevokueshme nga drejtimi i Kastriotit dhe prej ditës së sotme nuk është më trajner i skuadrës. Pavarësisht punës së madhe që tekniku ka bërë që në qershor me skuadrën, rezultatet nuk ishin ato që priteshin dhe kjo është arsyeja që tekniku e pa të arsyeshme të largohej me vullnetin e tij të plotë duke i paraqitur dorëheqjen e parevokueshme presidentit Vogli. KS Kastrioti e falënderon teknikun për kontributin e dhënë gjatë gjithë kësaj kohe në drejtimin e skuadrës, dhe i uron suksese në karrierë trajnerit Plori”, shkruhet në deklaratën e klubit krutan.

Ndërkohë është gjetur edhe trajneri i ri. Do të jetë Stavri Nica ai i cili rikthehet të drejtojë në Superiore. Këtë sezon ai e nisi në krye të Burrelit, por vetëm para pak kohësh u largua nga matjanët. Prezantimi i durrsakut do të bëhet nesër.

Tashmë Nica do të drejtojë një ekip të ri. U mendua se do të punonte me moshat tek Erzeni, por oferta e bërë nga Burreli është pranuar nga ana e trajnerit durrsak. Fakti që matjanët stërviten në kryeqytet e ka bindur atë.

Sigurisht edhe oferta e bërë nga ana e administratorit Demir Çupi ka qenë e kënaqshme. Nica vjet në Kategorinë e Parë drejtoi për disa javë Bylisin, ndërkohë që Burreli pasuron listën e ekipeve që ai ka drejtuar në të shkuarën.

Nuk do të drejtojë ekipin e parë, por do të merret me ekipet e moshave, kryesisht atyre të vogla. Nica ka qenë edhe më parë pjesë e shijakasve, por si trajner i ekipit të mëdhenjve. Tashmë për të nis një aventurë e re.

Ndërkohë ka një largim nga skuadra e Erzenit. Mbrojtësi i majtë, Ermal Vathi, pas dy sezonesh e ka mbyllur me skuadrën që përfaqëson Shijakun. Kontrata i ka përfunduar dhe nuk ka marrëveshje për të vijuar bashkëpunimin. Tashmë lojtari nga Fushë-Kruja është i lirë dhe në pritje të ofertave.

Nica do të jetë në Ballsh dhe zyrtarisht do të nis punën nesër. Trajneri durrsak, që ishte pjesë e skuadrës së Laçit deri para dy javësh, ka mbetur i kënaqur nga skuadra dhe sidomos nga qarkullimi i topit.

Në Ballsh e kanë mirëpritur Nicën, madje ka pasur edhe shumë tifozë të cilët kanë qenë të pranishëm dje në stërvitje për të ndjekur testin me kuqezinjtë. “Po, trajneri ynë do të jetë Stavri Nica, i cili do të nisë punën nesër me skuadrën”, ka thënë presidenti i Bylisit, Besnik Kapllanaj.

“Rëndësi ka që këto ndeshje i shërbejnë stërvitjeve, u bënë gjashtë javë që i kemi nisur përgatitjet, që i kemi nisur herët. Normalisht në bazë të përvojës që kam, edhe lojtarët aktualë bëjnë një periudhë pushimi absolut, vijnë me vonesë 2-3 javë ato që janë titullarë dhe duhet kohë të bëhen gati. Kemi probleme fizike, pasi të hysh në një fazë duhet të jesh në gjendje ta nisësh gradualisht dhe ta rrisësh. Te ne çuditërisht ndodh ndryshe. Lojtarët vijnë vonë, vijnë nga pushime absolute dhe kjo tregon që me mentalitet janë amatorë, pra janë shumë të vegjël në mendimin për futbollin dhe ky është një problem shumë i madh për futbollin shqiptar. Këtë problem e kanë edhe klubet e tjera. Edhe lojtarët e rinj shoh që kanë probleme të mbartura nga moshat. Shpresoj te Bushi, që ka dhuntitë e veta, por ka probleme që gradualisht do eliminohen. Të rinjtë janë me pikatore, ka qytete që nuk kanë fare, ndaj edhe hidhen sytë nga menaxherët për të sjellë lojtarë. Presim edhe ne tre lojtarë për të ardhur këtu, që kanë probleme me vizat e gjëra të tjera.

“E përgjithshmja është se jemi dobët, ndaj i thashë gjithë këto, që Superiorja hyn te ligat amatore, sepse kështu janë në mendime. Shoh që edhe presidenti është shumë i zhgënjyer, gjithashtu edhe unë. Lojtarët më figurojnë diletantë në testet që kam bërë. Këtu te ne nuk para i thonë këto gjëra, por unë i them”, deklaroi tekniku Nica, që më pas foli edhe për largimin e kapitenit Vucaj dhe afrimet ne merkato.

“Vucaj u largua për arsye disiplinore, ndërsa sa i takon merkatos, janë tre lojtarë për të ardhur. Presim dy lojtarë nga Brazili, por ka një sërë pengesash, biletat, vizat, ndaj ne po i presim”, përfundoi trajneri durrsak i Laçit, që pret të mbërrijë në skuadër sulmuesi Rexhinaldo dhe mbrojtësi Ademir Soza.