Statistika

Njihuni me “mbretin e driblimeve”, tifozët e Milanit ëndërrojnë

Sport Ekspres — Sat, 06 Jul 2019 17:24:40 +0000

Akordi me Real Madrid është arritur dhe Teo Hernandez mund të quhet një lojtar i Milanit. Kuqezinjtë kanë zyrtarizuar mbrojtësin, i cili ka firmosur për 5 vite me “djallin”.

21-vjeçari është një mbrojtës i majtë, i cili preferon shumë të dalë në fundore dhe të driblojë kundërshtarin. Kompania e statistikave “Opta” kanë publikuar një të dhënë, sa interesante po aq të “pabesueshme”!

Teo Hernandez është lojtari me numrin më të madh të driblimeve në La Liga për tre sezonet e fundit. Plot 129 ka lënë pas kundërshtarët e tij blerja më e re e Milanit, duke lënë pas edhe një emër si Leo Mesi.

Tifozët e Milanit besojnë fort te kualiteti i anësorit dhe po presin me padurim ta shohin në aksion në fushat e blerta.

Official Statement: Theo Hernández ? https://t.co/mlblGuynfM

Comunicato Ufficiale: Theo Hernández ? https://t.co/dUzNpyCTyp pic.twitter.com/kifL4TQQis

— AC Milan (@acmilan) July 6, 2019

Sa ndryshe nga Serie A, Alison dhe statistikat për t’u harruar në Premier

Sport Ekspres — Fri, 08 Feb 2019 21:51:33 +0000

Braziliani Alison Beker u shpall portieri më i mirë sezonin e shkuar në Serie A, pasi ndihmoi Romën të kapë vendin e tretë, si dhe i çoi kryeqytetasit italianë në gjysmëfinalen e Ligës së Kampionëve.

Paraqitjet e tij fantastik bënë që Liverpuli të paguante shifra të çmendura, duke e bërë brazilianin një nga portierët më të shtrenjtë në historinë e futbollit. Edhe pse pritej shumë nga Alison, statistikat e tij nuk kanë qenë shumë të mira.

Pas një nisjeje sezoni në mënyrë perfekte, forma e Alison erdhi në rënie dhe në fillimin e vitit 2019, ka një statistikë shumë negative: 7 gola të pësuar në vetëm 11 gjuajtje drejt kuadratit të tij. Kjo statistikë ka filluar të shqetësojë edhe teknikun Klop, i cili duket “i mallkuar” me portierët që drejton.

Statistika e pabesueshme, barazimet nuk janë më dhe aq modë!

Sport Ekspres — Sun, 04 Nov 2018 17:34:42 +0000

Diferencat me skuadrave në Kategorinë Superiore janë shumë të vogla dhe gjithkush mund të fitojë ndaj gjithkujt. Nuk është një hipotezë, kjo pasoi dëshmohet nga fakti gati çdo javë ka surpriza dhe asnjë skuadër nuk fiton me lehtësi, pavarësisht pozicionit që kundërshtari mund të ketë në klasifikim.

Sigurisht, nuk mund të mohohet fakti se futbolli shqiptar prodhon pak, por duhet veçuar një statistikë mjaft e veçantë. Besojeni ose jo, por që nga java e dytë asnjë ndeshje nuk ka përfunduar ,me rrjeta të paprekura. Gjatë këtij edicioni vetëm tre ndeshje kanë përfunduar në barazim 0-0.

Barazimi i parë pa gola është regjistruar në javën e parë mes Teutës dhe Flamurtarit në ndeshjen e javës së parë. Ndeshja e dytë pa gola është luajtur vetëm një javë më vonë, teksa në kryeqytet Tirana dhe Teuta ndanë pikët pasi asnjëra nga skuadrat nuk e gjeti rrugën e rrjetës. Më pas në javën e tretë në Laç, Partizani mori një pikë pas barazimit 0-0.

Që nga ai takim, tifozët që kanë ndjekur ndeshjet e tjera të Superiores kanë pasur mundësinë që të shijojnë të paktën nga një gol për ndeshje. Gjithsesi, nuk duhet neglizhuar dhe një statistikë tjetër që në 41 nga 55 ndeshjet e deritanishme, skuadrat kanë shënuar maksimalisht deri në 2 gola për ndeshje. Vetëm në 14 takime skuadrat e kanë prodhuar “3+” e thënë në gjuhën e basteve.

Për t’u veçuar se jo vetëm java e 11-të nuk prodhoi asnjë barazim, pasi deri më tani edhe 3 javë të tjera nuk kanë pasur asnjë ndeshje me shenjën “X”, saktësisht në javën e 6-të, javën e 7-të dhe javën e 9-të. Barazimet nuk janë më dhe aq në modë, kur kujtojmë që edicionin shkuar kishte javë që ndeshjet e një jave nuk sillnin asnjë fitues.

/JURGEN ZELA

Java e 6-të

Java e 7-të

Java e 9-të

Java e 11-të