Starrixh

Aston Vila tjetër nivel, tenton kampionin e Evropës

Sport Ekspres — Fri, 19 Jul 2019 19:50:14 +0000

Aston Vila luante në Championship sezonin e kaluar, por këtë verë është klubi që ka harxhuar më shumë në merkato. Anglezët kanë shpërthyer, duke kaluar tavanin 100 milionëve dhe thyer rekordin e historisë se klubit.

Së fundmi, mediet ishullore raportojnë se drejtuesit e klubit nga Birningami kanë hyrë në bisedime për të sjellë në gjirin e tyre Daniel Starrixh. Sulmuesi aktualisht është lojtar i lirë, pas përfundimit të kontratës me Liverpulin ku qëndroi 6 vite.

Për momentin 29-vjeçari është i pezulluar për 6 javë nga aktivitet sportive pasi u vërtetua se është fajtor mbi akuzat për pjesëmarrje në baste. Ardhja e tij te Aston Vila do të shtonte shumë cilësi dhe do e rriste mjaft nivelin ofesniv të skuadrës.

Vëllai luajti baste sportive, federata pezullon Starrixh

Sport Ekspres — Thu, 18 Jul 2019 12:39:12 +0000

Futbollisti anglez, Dainel Starixh është dënuar nga Federata Angleze me pezullim nga futbollit për shkak se u provua se ai ka shkelur rregullat duke vendosur baste sportive. Prej dekadash në Angli zbatohet ky rregull i veçantë, ku vit pas viti futbollistë të ndryshëm dënohen me pezullime nëse zbulohet që ata luajnë baste sportive të çfarëdoshme.

Ai që ka vënë në telashe Starrixh ka qenë vëllai i tij, i cili vendosi një bast për transferimin e Starrixh në te Sevija në janarin e vitit 2018. Në fund marrëveshja me Sevijën nuk u konkretizua dhe Starrixh kaloi te Uest Hem, por ishte tepër vonë pasi autoritet angleze pikasën bastin e të afërmit të sulmuesit.

Në fakt, pezullimi është thjesht simbolik pasi zgjat vetëm për muajin korrik. Krahas pezullimit Starrixh do i duhet të paguajë një gjobë prej 75 mijë paundësh. Federata Angleze ishte e pakënaqur nga dënimi i lehtë i dhënë nga komisioni i dënimeve dhe pritet që ta apelojë çështjen.

“Paguaj çdo shumë, vetëm ma ktheni”, grabitësit rrëmbejnë qenin e Starrixh

Sport Ekspres — Tue, 09 Jul 2019 11:30:15 +0000

Daniel Starrixh kishte zgjedhur që t’i kalonte pushimet në Kaliforni. Mirëpo, shtëpia ku po qëndronte futbollisti anglez është grabitur dhe për ta bërë situatën akoma më të keqe, grabitësit kanë marrë qenin e futbollistit anglez.

Starrixh ka postuar një video në Instagram, ku premton se do të plotësojë çdo kërkesë financiare personave qe do i rikthejnë qenin e tij.

https://www.instagram.com/p/BzsIQLHg6jW/?utm_source=ig_web_copy_link

“Dikush ka grabitur shtëpinë time dhe ka marrë me vete qenin tim. Kushdo që di se cili është personi që është futur në shtëpinë time do ju paguaj sa të doni. Ju lutem dikush të gjejë qenin time, do paguaj çfarë të doni, e kam seriozisht. Si mund të grabisësh një shtëpi në Los Angeles dhe të marrësh me vete qenin, sa i çmendur duhet të jesh”, tha Starrixh.

Premier Liga e pamëshirshme, ja formacioni i lojtarëve të padëshiruar

Sport Ekspres — Sun, 09 Jun 2019 20:16:48 +0000

Premier League është kampionati më i ndjekur dhe më i fortë në botë, prandaj dhe ekipet angleze duhet të tregohen të pamëshirshme nëse duan sukses. Kemi parë shpeshherë lojtarë të klasit botëror të largohen nga drejtuesit e klubit sikur të ishin lojtarë amatorë, duke mos u menduar dy herë.

Edhe këtë sezon, shumë lojtarë janë larguar nga klubet e Premier League. Plot 164 lojtarë për të qenë të saktë. Emrave si Aron Ramsej, Dani Uellbek, Daniel Starrixh, Fernando Jorente e shumë të tjerë, nuk iu është ofruar kontratë e re nga klubet e tyre, duke i larguar.

Vetëm Aron Ramsej ka dalë i fituar nga kjo “prerje kokash”, pasi ka nënshkruar kontratën e jetës me Juventusin, ku do të përfitojë 400 mijë euro në javë. Ndërsa pjesa tjetër e futbollistëve, janë pa kontratë. Ky është formacioni i 11 lojtarëve më të mirë në Premier League që janë larguar nga klubet e tyre:

Premier League XI (4-4-2)
Vorm
Lishtajner – Xhagielka – Kahill – Moreno
Valencia – Herrera – Ramsej – Uellbek
Starrixh – Jorente

Nisin spastrimet te kampionët e Europës, Klop nuk i do në skuadër

Sport Ekspres — Tue, 04 Jun 2019 16:57:22 +0000

Liverpul përfundoi festën e titullit kampion Evrope dhe tani do i duhet të nisë pregatitjet për ta mbrojtur atë. Për ta bërë këtë duhet të nisë me largime, që do të pasohen nga afrimë. Daniel Starrixh dhe Alberto Moreno janë dy prej lojtarëve më pak të preferuar nga Klop.

Starrixh nuk ka arritur të mundë konkurencën e Firminjos dhe Divok Orixhi. Ndërkohë, Moreno ka ngelur në hije nga shkëlqimi i Robertson. Të dyve u skadon kontrata këtë verë dhe do të largohen si lojtarë të lirë. Edhe Klop ka folur për largimin e dy prej lojtarëve, që kanë kontribuar shumë në ringritjen e Liverpulit.

“Daniel dhe Alberto janë lojtarë që unë i gjeta këtu. Kontributi i tyre në këtë ekip është i madh dhe i pamohueshëm. Moreno është një lojtar që jep shpirtin në fushë dhe rrezaton vetëm pozitivitet. Starrixh mund të konsiderohet si një prej të mëdhenjve të këtij klubi. Ai ka shënuar gola që e kanë mbajtur gjallë këtë klub”, u shpreh Klop.

Starrixh i jep fund në Angli, vijnë oferta nga dy kontinentet

Sport Ekspres — Wed, 16 Jan 2019 17:18:33 +0000

Kontrata e Daniel Starrixh me Liverpulin do të mbarojë në fund të këtij sezoni. Sulmuesi anglez është pjesë e të kuqve që prej vitit 2013 dhe të dyja palët kanë rënë dakord që rrugët e tyre të ndahen njëherë e përgjithmonë.

Interesi për Starrixh është shumë i madh, sidomos në Angli. Megjithatë, ofertat më të majme vijnë nga jashtë ishullit Britanik.

Bëhet fjalë për kampionatin amerikan dhe atë kinez, ku klube të ndryshme janë të gatshme t’i ofrojnë një kontratë “faraonike” sulmuesit anglez. Aktualisht klubi më afër lojtarit është Nju Jork Siti, që e konsideron Starrixh si zëvendësuesin ideal të të larguarit David Vijës.

Starrixh nën hetim, dyshohet se ka dhënë informacion për bastet

Sport Ekspres — Wed, 14 Nov 2018 09:38:48 +0000

Një futbollist nuk është e logjikshme që të luajë baste, pasi është vetë një aktor dhe mund të ketë ndikim të drejtpërdrejtë. Në Angli futbollistët e kanë të ndaluar rreptësisht jo vetëm që të luajën vetë, por dhe të japin informacione kofidenciale. Gjithsesi, Daniel Starrixh mund ta pësojë, pasi për të është hapur një hetim.

Sulmuesi i Liverpulit thuhet se ka dhënë një informacion që kishte të bënte me kalimin e tij te Interi në janarin e këtij viti. Në Angli është normale që të vësh bast edhe për transferimet e lojtarëve, por kur askush nuk e kishte menduar një kalim te zikaltrit, një person kishte luajtur plot 10.000 stërlina që sulmuesi do të zbarkonte në Itali. Pak ditë më vonë lajmi u publikua dhe lajmi se 29-vjeccari mund të shkonte te Interi, por në fund u postua te Uest Bromuicc.

Edhe pse basti nuk u arrit kjo u ka bërë përshtypje shumë kompanive të basteve, të cilat kanë sinjalizuar federatën dhe kjo ngjarje po merret nën hetim. Lojtari i Liverpulit i ka hedhur poshtë akuzat, duke theksuar se nuk ka asnjë informacion për këtë çështje, por mbetet për t’u parë se si do të shkojë kjo situatë.

Luajti baste sportive, sulmuesi i Liverpulit rrezikon pezullimin 1-vjeçar

Sport Ekspres — Mon, 12 Nov 2018 20:21:23 +0000

Federata angleze e futbollit ka njoftuar ditën e sotme se lojtari i Liverpulit Daniel Starrixh ka shkelur rregulloren në lidhje mbi vendosjen e basteve sportive. Sipas rregullave të vendosura nga institucioni në Angli, futbollistët e çdo lloj kategorie në Angli nuk u lejohet të vendosin baste sportive në ndeshjet e futbollit kudo në botë.

Starrixh ka reaguar menjëherë duke thënë se nuk ka vendosur kurrë një bast në jetën e tij. Por, burime pranë federatës angleze bëjnë të ditur se ka prova të pakundërshtueshme, që e përgënjeshtrojnë këtë deklaratë të lojtarit.

Starrixh rrezikon të dënohet për një vit nga të luajturit futboll në Angli. Rasti më i famshëm i një dënimi të tillë ishte ai i mesfushorit Xhoi Barton dy vite më parë. Ish-lojtari i QPR-së u shpall fajtor për vendosjen e 1260 basteve në vitin 2015 dhe u dënua me 13 muaj pezullim.