LAÇI – “Na ra skuadra më e fortë e mundshme. Këto ndeshje duan dhe pak fat, duhet të bënim një ndeshje perfekte. Mendoj se një ndër arsyet që Laçi luajti mirë dhe ishte afër kualifikimit ishte fakti që presioni ishte 0. Nuk pritej shumë nga ne. Një faktor tjetër është fakti që 4 afrimet e merkatos së verës u përshtatën shumë mirë Presidenti i kërkoi lojtarëve thjesht të jepnin maksimumin. Në transfertë iu afruam më afër portës se sa në Laç. Patëm disa momente që mund t’i kishim shfrytëzuar më mirë. Kundërshtari bëri disa lëvizje për të përballuar lojën tonë.”.

“Te Laçi vazhdon puna. Drejtuesit po punojnë për të pasuruar skuadrën. Nuk do ndërhyjmë në çdo repart, pasi disa prej tyre janë konsoliduar, kjo për shkak të punës së mirë të bërë në përgatitjet e Europës. Pretendimet e ekipit mbeten për vendet e Europës. Është më mirë kur merkaton e fokuson te një numër i vogël lojtarësh. Skuadra nuk është se nuk ka pësuar ndryshime. Formacionit i janë shtuar 4 lojtarë të rinj. Morëm mesfushorët Shehu dhe Teko, mbrojtësin Ignjatoviç dhe sulmuesin Nuabueze”.

PARTIZANI – “Karabaku e kishte detyrim kualifikimin, kjo për shkak të financave dhe lojtarëve që ka. Partizani po ndërton një skuadër për një nivel më të lartë, prandaj kanë ardhur dhe lojtarë si Solomon. Kanë fituar disa para dhe tani po i investojnë në skuadër”.

“Hendeku financiar është shumë i lartë, por Partizani luajti i mirë dhe mund të ishte kualifikuar nëse Solomon do të shënonte atë rastin e mirë që pati. Luajtën me dinjitet. Ata po mendojnë për të ardhmen. Duan të ndërtojnë një skuadër që ka një bosht 2-3 vjeçar.

KUKËSI – “Në ndryshim nga ne, te Kukësi është kalimi i turit të parë ka qenë një detyrim nga presidenti i klubit. Kjo i ka vendosur lojtarët në presion.  Kur pëson një humbje 3 – 0 në ndeshjen e parë, nuk ke shumë shpresa në të dytën”.

“E dinim që në fillim se Hapoel Ber Sheva ishte ekipi favorit. Nuk patëm fat në short, ishte kundërshtari më i vështirë i mundshëm. Megjithatë, është kënaqësi që të luash ndaj një klubi të tillë, që ka pasur rezultate të mira dhe në arenën europiane, si disa vite më parë kur mundën Interin në grupet e “Europa League”.

“Mendoj se zhvilluam një ndeshje të mirë në Laç. Shënuam të parët, por në fund pavarësisht se bëmë një lojë të mirë, rezultati nuk ishte ai që donim. Temperaturat e larta në Izrael janë një problem i shtuar për skuadrën time. Edhe në Shqipëri kemi mot të nxehtë, por këtu është më ndryshe. Shpresoj që të nesërmen temperaturat të jenë pak më të ulëta se ditën e sotme”.

“Është një kundërshtar që shquhet për diferencën që ka për ndeshjet brenda dhe jashtë në kampionatin izrealit. Skuadra duhet të jetë shumë e kujdesshme. Kundërshtari përdor zakonisht një taktikë që ku tregohet shumë agresiv që në fillim të ndeshjes”.

“Formacionin nuk e kam lënë surprizë, nuk e kemi mbajtur sekret. Djemtë e dinë kush do luajë dhe po punojmë për të përmirësuar çdo defekt. Në këto lloj ndeshjesh vendos edhe pak fati, diçka që nuk e kishim në takimin e parë ”, tha Starova.

Në një intervistë për “Supersport”, trajneri kryeqytetas flet për afrimet në skuadrën që ai drejton dhe kundërshtarin.

“Kemi një objektiv të parë. Të fitojmë ndeshjen në Laç. Kjo do të na lehtësonte kualifikimin. Objektivi mbetet kalimi i turit, pavarësisht se kemi të bëjmë me një kundërshtar të fortë. Ata kanë vite që luajnë Kupat e Europës, janë një ekip agresiv. Do përpiqemi të marrim masa për këtë gjë”.

“Kemi afruar një lojtarë të mirë si sulmuesi me pasaportë amerikane (Nuabueze), mbrojtësi serb (Ignjatoviç) si dhe dy lojtarë të rinj nga Greqia që do po luftojnë për një vend në formacion. Jemi stërvitur me temperatura të larta, nuk janë kushte optimale për djemtë, por na duhet të përshtatemi”.

Në një intervistë për “RTSH”, trajneri i Laçit, Sulejman Starova, flet mbi përgatitjet që po zhvillon skuadra e tij. Fitoret në miqësore ndaj Teutës dhe Kukësit nuk ngrohin Starovën, i cili thekson se në këto ndeshje testuese i intereson më shumë forma e lojtarëve se sa rezultati.

“Kemi bërë një ndeshje të mira, ku primare nuk ishte rezultati, por paraqitja e lojtarëve. Bëmë dhe një miqësore me Kukësin, dhe në program kemi një ndeshje të dytë me ta. Këtë javë po shikoj kundërshtarin dhe lojtarët që ata kanë afruar rishtazi. Shpresoj që të kuptojmë cilat janë pikat e tyre të forta dhe të dobëta”.

“Ne kemi marrë një sulmues amerikan që vjen pas një përvoje në Kosovë, një mbrojtës qendre (Ignjatoviç), lezhjanin Turkaj dhe dy lojtarë të rinj që kanë ardhur nga Greqia (Zaimi dhe Spahiu), të cilët po shtojnë konkurrencën në skuadër. Them që jemi në rrugë të drejtë, do të bëjmë më të mirën mundshme”.

“Sot pësuam tre gola se kërkonim ta fitonim me çdo kusht ndeshjen. Selmani, që është portieri më i mirë në Shqipëri, na dha mundësinë që të kalonim anën psikologjike nga ne falë pritjeve të penalltive, por në momente të caktuara bënë disa gabime. Ndikoi dhe presioni. Përballë kishim një skuadër që luftoi fort. Presioni që kishim na bëri që të bëjmë gabime. Kemi bërë gabime që s’i kam parë ndonjëherë. Tirana e menaxhoi mirë lojën dhe e meritoi fitoren”.

“Ne kemi qenë kandidat deri në fund për Europën. Konkurrenca ka qenë shumë e fortë, qoftë Teuta, Skënderbeu ose Flamurtari. Klubi s’ka pasur fat në afrimet e kryera në janar”.

PARTIZANI – “Do të kem kohë t’i uroj ata. Sot jam shumë i mërzitur për këtë ndeshje”.

PENALLTIA E ÇINARIT – “Duhet ta kenë parë më mirë nga TV. Ishte një faull jashtë zone, megjithatë, ndodhi çfarë ndodhi”.

NDESHJA – “E kam thënë që nuk do të ishte një ndeshje e lehtë. ‘Do të ishte diçka shumë e rëndë për mua nëse do të bëhesha unë sebep për t’i humbur titullin Partizanit. Sot bëmë një ndeshje shumë të mirë, po të ishim më të kujdesshëm, do të shënonim golin e dytë. Edhe Partizani kishte momente të mira dhe në momentin kur ne gabojmë si në Gjirokastër, ndeshja doli barazim. Një rezultat që para ndeshjes do të në pëlqente, por kështu si erdhi loja, meritonim tre pikët që do të na ndihmonin shumë për objektivat tona”.

KUNDËRSULMET – “Pasimi i fundit dhe konkludimi i rasteve na penalizoi. Ato janë momente që duhet pak klas, por marrim parasysh lodhjen dhe është e justifikueshme. E rëndësishme për lojtarët e mi është të kuptojnë se kështu fitohen ndeshje, kështu merren pikë. Kështu që, ky futbolli të lë ndonjëherë me gojën thatë”.

KRAHASIMI ME PARTIZANIN E TIJ –  “Ka qenë një deklaratë e imja  e mëparshme, ku kam folur për Partizanin tim kur kam tetë lojtarë nga skuadra e tanishme, plus Ekuban dhe Torasa. Partizani aktual e meriton plotësisht pozitën që ka. Deklarata ime nuk ka dashur të denigrojë skuadrën aktuale, pasi tetë lojtarë të formacionit janë të njëjtët që kam pasur unë”.

SKËNDERBEU – “Kundërshtari ka pasur oshilacionet e veta, ka filluar mirë kampionatin, por dhe në ndeshjen kundër Kastrotiti ka bërë mirë. Na vuri në vështirësi, por portieri ynë bëri shumë mirë dhe na mbajti të lojë. Duhet të vazhdojmë të bëjmë ndeshje të tilla.

GOLI I SHËNUAR – “Kemi bërë disa variante gjatë kohës që kam qenë këtu. Një trajner punon shumë në goditje standarte dhe kur gjërat shprehen me sukses në fushë, është një ndjesi e mirë për një trajner”.

SHTUBINA MBROJTËS – “Daljet e Vangjelit ishin të rrezikshme, prandaj Shtubinës i thashë të qëndronte më mbrapa. Një kundërshtar që kërkon të barazojë, kalon me katër sulmues, me katër mesfushor. Nëse nuk i kap në kundërsulm, vuan. Ne i kishim rastet tonë, por nuk shënuam. Është mirë kur skuadra fiton duke vuajtur”.

FATI – “Sigurisht që isha pafat me Kukësin, me Tiranën isha shumë pranë kualifikimit. Thashë se isha pafat, pasi arbitri nuk dha dy penallti, jo qimes së derrit. Na e hoqi në sekond të fundit penalltinë kundër Kukësit. Sot nuk vodhëm gjë, por Skënderbeu meritonte më shumë”.

PARTIZANI – “Nuk do ta kërkoj me ngulm fitoren kundër Partizanit. Do të respektojmë skuadrën që po del kampion dhe të luajmë sa më mirë. Kur themi që të respektojmë kundërshtarin që po del kampion, është respekti në radhë të parë se duke luajtur mirë, arrijmë objektivat. Kjo është përgjigja e fundit që mund të jap”.

TOLERIM NGA PARTIZANI – “Absolutisht jo, sepse Partizani dhe tifozët e vet po presin me padurim që të festojnë. Kanë dëshirë dhe kanë kohën për të festuar ndeshje për ndeshje. Ata kanë motiv shumë të madh dhe kanë mbështetjen edhe të publikut. Është kënaqësi për mua dhe për lojtarët e mi të luajnë me skuadrën që do të dalë kampion”, përfundoi Starova.

Pikërisht para kësaj sfide, “Bobi” ka folur për Supersport, ku shprehet optimist për pjesën e mbetur të sezonit dhe arritjen e objektivave. Në fjalën e tij, Starova u shpreh:

“Rezultatet e di Zoti. Ne punojmë për gjërat konkrete. Na duhen pikët për të realizuar objektivat. Skuadra ka luajtur futboll. Ka edhe Juventusi të meta. Po përpiqemi t’i eliminojmë ato.

Rezultati i fundit jashtë është me Tiranën. Kishim pretendimet tona. Ishte barazim i mirë. Skuadra i ka mundësitë të luajë jashtë dhe brenda. Jashtë normal është më vështirë. Luftëtari po lufton për mbijetesë. Është fatkeqësi të bie njëra nga këto ekipe. Është një ekip që ka bërë mirë, kanë ecur edhe në Kupë.

Skuadrat në këtë kampionat futen për të fituar. Se si arrihet, ka strategji. Barazimi dhe fitorja janë pozitive. Por edhe kur humb me dinjitet, ka anën e vet pozitive. Ka humbje e humbje”, tha Starova.

NDESHJA – Siç e thatë dhe ju, futbolli ndonjëherë është shumë i hidhur, kjo gjë na ndodhi neve sot. Më vjen keq për lojtarët, sepse bënë një ndeshje shumë të mirë, edhe pse kanë pasur shumë ngarkesë. Më vjen keq për lojtarët, pasi meritonim më shumë. I kishim mundësitë të kalonim ne në avantazh, por u ndëshkuam nga një supergol. E meritonim të mos dilnim pa pikë. Ka shumë gjëra që më pëlqyen te skuadra, shpirti i garës ishte prezent. Terreni ishte i rënduar, kalendari i ngjeshur. Ishin disa arsye që ndikuan në rezultat”.

OBJEKTIVAT – “Kampionati është i fortë, ka ndeshje të forta. Do të shtrëngojmë dhëmbët për të arritur te objektivat deri në fund të kampionatit”.

KALENDARI – “Nuk besoj se ekipi im po vuan nga kalendari i ngjeshur, pasi lojtarët e kanë përballuar. Por nëse do të kishim pak frymëmarrje, do të ishte më ndryshe. Unë besoj se nuk është problem vetëm për ne, por dhe për skuadrat e tjera” përfundoi Starova.

“Si Juventin do të dëshiroja Mesin. Kam qenë juventin që fëmijë, në atë kohë të gjithë shokët e mi ishin me Interin. Tifozeria për Juventusin ka qenë një traditë familjare te familja ime, që nga kohët e Riza Lushtës”.

FITORJA NDAJ TEUTËS – “Sot morëm një fitore bombastike, ku rezultati nuk tregon krejt lojën. Teuta e filloi mjaft mirë, por një gabim i portierit dhe mikut tim Isli Hidi zhbllokoi rezultatin për ne”.

BUXHETI TE LAÇI –“Buxheti është i shëndoshë për kampionatin tonë. Laçi ka kaluar dy ture të Kupës së Europës. Në Shqipëri kemi lojtarë që meritojnë 1 mijë euro dhe i japim 3 ose 4 mijë euro. Ata e kanë kuptuar që ekipi duhet të mbajë veten. Kam gjetur një skuadër modeste, në faktin që lojtarit të shohin në dritën e syrit.”.

MANE DHE OKPOTU – “Kur erdha të Laçi më treguan disa video të lojtarëve afrikan në “YouTube”. Mane mu duk si Ekuban. Ai dhe Okpotu janë ndër më të paguarit në Superligë. Është një investim i madh i presidentit Laska. Tani na dhemb koka për cilin do fusim në formacion. Kemi fituar një talent si Çokaj që është zbuluar nga të tjerët jo nga unë”.

OFERTA PËR EKIPIN KOMBËTAR – “Më është dhënë një herë mundësia për ekipin kombëtar, por atëherë pati ndërhyrje dhe postin e mori dikush tjetër . Ndërsa herën e dytë e kam refuzuar, ndoshta ka qenë një gabim”

OPOZITA NDAJ FEDERATËS – “Sot po del Partizani kampion 10 javë para fundit të kampionat. Ky Partizan është nata me ditën me atë që kishte Torasën dhe Ekubanin. Na e hoqën kampionatin na e vodhën, do e them përherë këtë gjë në çdo shteg që të më dali, s’do e harroj kurrë”.

TOLERIM I PARTIZANIT NDAJ LUFTËTARIT – “Kjo gjë s’duhet të përmendet nga gazetarët. Te Partizani ka një trajner, një president që paguan dhe tifozë që mbushin shkallët e stadiumit, s’mund t’i shkojë ndërmend lojtarëve të tolerojnë. Partizani duhet ta vlerësonte më shumë Luftëtarin, duke parë rrethanat dhe momentin që po kalojnë. Mund ta kishte mbyllur me barazimin ndeshjen dhe të festonte titullin që sot”.

TIRANA – “Gjendja e Tiranës është paradoks. Është kandidate për kupën dhe në të njëjtën kohë rrezikon nga Kategoria. Nëse pranojmë se kampionati është shumë i fortë dhe nuk ka diferenca duhet të pranojmë se ekipet e mëdha rrezikojnë”.

NDESHJA – “Bëmë një lojë në përgjithësi shumë të mirë, një pjesë e parë që e kontrolluam mirë presionin e Tiranës. Një pakujdësi e vogël na dëmtoi. Njëkohësisht, dy ndërrimet e detyrueshme. U detyruam ta ruanin ndërrimin e fundit. Skuadra reagoi dhe të marrësh një pikë kundër Tiranës, që në këto momente është skuadra më e mirë, është diçka pozitive për ne”.

MUNGESA E SULMEVE – “Një arsye është dy zëvendësimet, që nuk e rifreskuam dot skuadrën, arsyeja e dytë ishte se Tirana u vendos shumë mirë. Ata kishin mundësi të shënonin me penallti, por goli i humbur e pëson pastaj. Besoj se nuk vodhëm gjë. Skuadra më është përgjigjur mirë dhe kjo pikë ka vlera të mëdha për objektivat.

GJYKIMI – “Nuk vodha gjë, morëm atë që merituam. Tirana kishte mundësi të merrte pikët e plota, por unë jam i kënaqur që morëm një pikë dhe një barazim. Meta nuk do të kontestohet më nga historitë e kaluara. Ai mjafton të gjykojë mirë. Nuk e di te penalltia, por në përgjithësi drejtoi mirë” përfundoi Starova.

“Më kënaq loja, jo rezultati. Dominuam dhe patëm rastin, lojtarët dhanë shpirtin në fushë. Skuadrat janë aty-aty dhe kjo paraqitje është një kompliment për skuadrën. Me dy stërvitje më dhanë përgjigje pozitive. Na ndihmojnë këto dy javë të rritemi më tepër”.

“Goli i anuluar? Nuk është problemi te ai rast. Me Tiranën kishte mundësitë e veta. Nuk i mungon shpirti i skuadrës. Klubi ka krijuar kushte të mira, grumbullim, fushë të mirë stërvitore, lojtarët gjithashtu paguhen në kohë, ndaj ka edhe përgjegjësi. Kur kalon pak në mbimobilizim, ka disa momente që ka presion”.

“Vërtetë kam drejtuar skuadra me emër, por Laçi hyn te skuadra të elitës. E kam për nder të jem këtu dhe detyrim të bëj mirë. Skuadra u përgjigj në drejtim të shpirtit të garës, ishte më lart se kundërshtari. U vendosëm mirë dhe bëmë presing. Ka pasur disa javë që skuadra nuk krijonte. Jo se jam më i mirë se Prenga, ai ëshët një trajner i mirë. E kam pasur lojtar te Partizani”.

“Kësaj skuadre u mungon Pjeshka dhe Berisha momentalisht. Asnjë skuadër nuk është e kënaqur me përberjën, të gjithë duan lojtarë cilësorë. Kjo është skuadra dhe do punoj me ta për të realizuar objektivat”.

“Partizani ka shansin të fitojë dhe t’i shkëputet Kukësit. Edhe nëse ndodh, nuk besoj se do e nënvlërësojnë. Aspekti psikologjik është shumë i rëndësishëm dhe e ngre Partizanin. Për të mos thënë se po fitoi Partizani del kampion”, u shpreh Starova.

OFERTA – “Kthehem pas një viti në Superiore. Falënderoj presidentin që më bëri ofertën, gjë që tregon se ka besim te unë. Rëndësi për mua ka që të arrijmë objektivat që ka Laçi, më pas të bëjmë futboll dhe të kënaqim tifozët.

PROBLEMET – “Laçi në gjysmën e kampionatit ka qenë më mirë se të gjitha ekipet tjera në fazën difensive. Megjithatë, këto javët e fundit ka pasur probleme dhe ne do të punojmë për të rregulluar fazën mbrojtëse”.

NDESHJA E RADHËS – “Kemi një ndeshje të shpejtë me Flamurtarin. Përgjigjen do e japë skuadra në fushën e lojës. Lojtarët thjesht do t’i rregullojmë për të dhënë maksimumin. Një fitore me Flamurtarin do të jetë shumë e rëndësishme për të anashkaluar ca të meta që janë evidentuar”.

OBJEKTIVAT – “Superliga është shumë e fortë, jo se nuk ka qenë ndonjëherë e fortë, por këtë sezon është e vështirë. Në këto kushte, çdo ndeshje është finale dhe e luftuar”, përfundoi Starova.

Prej ditës së sotme Starova është trajneri i ri i Laçit, duke marrë vendin e Besnik Prengës. Ky i fundit është larguar pas humbjes së thellë 3-0 ndaj Tiranës në kupë, që ishte një tjetër rezultat zhgënjyes në vitin 2019. Trajneri është përshëndetur me lojtarët që të mërkurën dhe tashmë në kampin bardhezi presin ndryshime.  Laçi ka pasur rënie graduale dhe gaboi edhe në merkato, duke afruar dy sulmues afrikanë që ende nuk po tregojnë ndonjë gjë.

Prenga e mori drejtimin e Laçit në dhjetor 2018, duke marrë vendin e Migen Memellit pas ndeshjes Flamurtari-Laçi 1-0. Në 8 ndeshje kampionati Prenga grumbulloi 10 pikë, ndërsa në kupë eliminoi Bylisin me përmbysje në Laç, para disfatës së rëndë ndaj Tiranës në mesjavë.

Sot Laçi ka zhvilluar një mbledhje, ndërkohë që Starova ka nisur menjëherë nga puna, për të përgatitur ndeshjen e së dielës kundër Flamurtarit. Eksperienca e tij në kampionat i ka bindur kurbinasit t’i besojnë drejtimin e skuadrës në vazhdim.

PARTIZANI – “Partizani ka aleat pikët. Ata kanë krijuar një distancë shumë të madhe me ndjekësit. Partizani është më skuadër se Kukësi e Teuta. Ata janë shumë të fortë në aspektin e mbrojtjes. Rrallë sheh qe qendërmbrojtësit e Partizanit të gabojnë, siç gaboi kësaj radhe Rexhepi. Jam i sigurt se ai do ta humbasë formacionin, pasi dyshja e mëparshme e Partizanit në qendër të mbrojtjes nuk ka bërë gabime të tilla.”

KUKËSI – “Ata në radhë të parë kanë probleme për faktin se nuk kanë bërë akoma skuadër. Nuk duhet të harxhojmë kohë të merremi me emra, pasi nuk dilet kampion me vetëm emra luksi. Kukësi duhet te rregullojë fazën defensive. Presidenti ka të drejtë të vërë ultimatume. Në të gjithë botën futbolli ka presion, edhe pse qetësia është më e mira e mundshme.”

“Për mendimin Gjici gabon nëse shkarkon tani Cungun. Kukësi ka disa problematika këtë sezon. Luan në fushë asnjanëse, kanë pasur dëmtime, ndërsa në merkaton e verës sollën lojtarë me shumicë”.

“Nëse largohet Cungu atëherë do të thotë të dorëzohesh për titull. Ai është një djalë punëtor që po bën mirë. Te Kukësi kanë gabuar të gjithë jo vetëm ai. Ka pasur gabime në blerje dhe shumë gjëra të tjera”, përfundoi Starova.

Mes të tjerash, Starova tha: “E filloj me Partizanin. E para, është një skuadër e formuar më përpara se të tjerat, grupi lojtarëve kanë bashkë prej vitesh. E dyta, kanë avantazhin e pikëve dhe e treta nuk sulmohen më nga federata.

Kukësi ka një avantazh në merkato, ka marrë lojtarë të rëndësishëm që e njohin kampionatin, disavantazh sepse luan në transfertë. Teuta është një skuadër që pretendon, sepse ka pesë gola më shumë se rivalët. Nëse rregullojnë mbrojtjen, mund të pretendojnë titullin.

Partizani nuk e ka autostradë, me vërtetë nuk e ka Skënderbeun, por Kukësi është bërë një skuadër e rëndë elitare. Kukësi është penalizuar nga aktivizimi në fushë asnjanëse dhe dëmtimet e shumta. Kanë një eufori dhe janë të vetmit që thonë “ne do dalim kampion”. Duhet parë dhe rendimenti i dy ardhjeve të reja, Shkurtajt dhe Rrocës”, u shpreh Starova.

Gjyqtari Klajdi Kola vendosi ta ndëshkonte lojtarin elbasanas me kartonë të verdhë, vendim ky o shoqërua me shumë kontestime nga stoli i Teutës. Rasti në fjalë u diskutua në emisionin “Rubrika Sportive” në “RTSH”. Analistët e ftuar në studio dhanë secili nga një mendim ndryshe për faullin në fjalë.

Sulejman Starova – “Bota këtë ndërhyrje e ndëshkon me të kuqe, por jemi në Shqipëri dhe këtu pranohet e verdha”.

Shkëlqim Muça – “Ishte një terren që i lejon të tilla ndërhyrje”.

Fatmir Mëneri – “Është kartoni i kuq direkt. Ndërhyrja erdhi si rrjedhojë e zënkës së mëparshme dhe presionit nga tifozët ndaj futbollistit. Hila u ofendua në kor gjatë të gjithë kohës”.

Kjo për shkak të dënimit të Skënderbeut nga UEFA dhe prej faktit se korçarët në ndryshim nga kryeqytetasit po mendojnë për të shitur lojtarë cilësorë në merkaton e janarit. Fidan Aliti është një prej atyre që ka më së shumti oferta.

“Deri më tani në kampionat për titullin po rivalizojnë vetëm Skënderbeu dhe Partizani. Ekipet e tjera do luftojnë për vendet që mbeten. Diferencat nuk janë të mëdha, por i tillë është ky kampionat. Partizani është skuadër më e mirë e momentit, këtë e them duke pasur parasysh që Skënderbeu është i dënuar dhe për faktin që po përflitet se ata po mendojnë për të shitur disa lojtarë në merkaton e janarit. Është e sigurt që lufta për trofeun do të jetë midis tyre”, tha Starova.

“Kukësi dhe Partizani kanë diferenca të mëdha. Trashi dhe Ibrahimi i futën në xhep sulmuesit anësorë. Rexhinaldo kthehej shumë pas për të marrë topin, atje nuk ka rrezik. Mbrojtësit e Kukësit nuk i kanë cilësitë të mbulojnë sulmuesit e Partizanit. Janë njëri më i ngathtë se tjetri. Cuculi nuk është i shpejtë, Shameti ka fituar duele në kufi, me shpirt nëpër dhëmbë. Partizanit i falet që lëshoi terren, pasi u lodh”.

“Goli i Malës? Nuk është rast individual, ka qenë golashënues. Problemi është se janë lojtarë të lëvizshëm. Ata mbrojnë me 10 lojtarë dhe kanë një tranzicion pozitiv. Partizani dhe Skënderbeu dallojnë nga ekipet e tjera. Organizohen mirë. Nuk ke pse bën presion lart, sepse është humbje kohe. Nuk fitohet dot më 4-0, 5-0”.

Këtë fundjavë Starova analizoi edhe ndeshjen mes Kukësit e Kamzës dhe kritikoi ashpër sulmuesin e Kamzës Martinena, duke thënë se ishte nbë hije gjatë gjithë ndeshjes, për shkak të paraqitjes jo mbresëlënëse.

Megjithatë, këto deklarata të Starovës kanë acaruar jo pak Kamzën, që ka reaguar ashpër me një komunikatë zyrtare për mediat, ku i përgjigjet me tone të larta ish-trajnerit të Partizanit.

DEKLARATA

“KF Kamza, duke ndjekur me kujdes pasqyrimin mediatik në studiot televizive, shpreh indinjatën e theksuar ndaj trajnerit (pa detyrë) Sulejman Starova. Pjesëmarrjet e tij në studiot televizive kërkojnë “gyp-prove”, përpara se ky person të jetë pjese e paneleve të ndryshme.

Epitetin “fantazmë” ndaj lojtarit tonë Martinena e konsiderojmë prishje të imazhit të klubit dhe futbollistit, i cili ka një CV te pasur dhe ka treguar vlerat e tij në kampionatin tonë edhe më parë. Gjejmë rastin t’i tërheqim vëmendjen edhe moderatores së emisionit, që në mungesë të një përfaqësuesi nga ana jonë, të moderojë etikën televizive.

Starova flet me tendenca personale, pasi ka tentuar me mënyra të ndryshme të ishte pjesë e pankinës sonë, por fatmirësisht për ne nuk e kemi zgjedhur Starovën të jetë pjesë e Kamzës.

E vlerësojmë figurën e tij dhe kontributin në futbollin shqiptar, por s’mund të pranojmë çdo mendim të tij qesharak dhe jo profesional duke ofenduar punën e te tjerëve.

Starova, i etiketuar si “macja e zezë” e futbollit shqiptar nga njerëz të ndryshëm që kanë bashkëpunuar me të, vazhdon të mbetet i tillë nëse do të ndjekë këtë etikë të të shprehurit në studio televizive.

Pasi është larguar nga Kosova për paaftësi, askush nuk e sulmoi apo ofendoi trajnerin e kthyer si kamerdare (e shpuar) shpëtimi në radhët e Partizanit. Jo vetëm Starova, por askush s’ka të drejtë të etiketojë një lojtar “fantazmë”, një president “rrugaç”, apo një trajner “pijanec”.

Starova nuk ka nguruar që të komentojë dhe skuadrën e Tiranës, e cila sipas tij duhet të kishte më shumë pikë në klasifikim, megjithatë problemet në mbrojtje janë të dukshme. Në anën tjetër, trajneri kryeqytetas beson se Luftëtari në të ardhmen do të ketë mundësinë qe të marrë më shumë pikë në ndeshjet e ardhshme.

“Populli nuk do të dijë ca presioni ka trajneri, ai ka disa pikë mangët. Ka një kontratë 2-vjeçare, po të iki e bën i qetë se i merr lekët. Ishte ndeshje spektakolare, me kombinacione, me rrjedhshmëri. Tirana është difektoze në mbrojtje”.

“Luftëtari më pëlqeu, kërkoi golin në çdo mënyrë. Ata e kanë boshtin, kanë një Shkurtaj që e kanë zili të gjithë. Luftëtari do të grumbullojë shumë pikë në vazhdim, e garanton vetë formula e kampionatit me dhjetë skuadra. Ata mund ta ndryshojnë trajnerin, por skuadrën e kanë”.

“Tirana luajti mirë me Kukësin, u tha se është në krizë. Këtu të fusin në krizë kot. Nuk bëhen llogaritë me katër javë. Pse të mos pretendojë Tirana për kampion”.

“Kukësi kishte tre raste dhe bëri golat. Dua të them që Tirana ka luajtur futboll. Kur sulmohet trajneri, tensioni shkon te lojtarët. Ndaj janë të vlefshme tre pikët që të punohet në qetësi më tej”.

Lajmi i publikuar dje në mediat kosovare është konfirmuar sot nga Feronikeli, që njofton se Sulejman Starova është pushuar nga puna.

“KF Feronikeli njofton që trajneri i deritanishëm, Sulejman Starova, nuk do të mbajë më këtë pozitë, pasi kryesia e klubit ka marrë vendim për shkarkimin e tij. Arsyeja e largimit të tij janë rezultatet e dobëta të treguara përgjatë kohës sa ishte duke udhëhequr me klubin. Në interes të klubit tonë është që të luftojmë për titull dhe të jemi konkurrentë të denjë për të gjitha skuadrat e Superligës, ashtu siç kemi qenë vite me radhë, andaj duhet eliminuar çdo dyshim që mund të na vështirësojë luftën tonë për titull. Ne e falënderojmë ish-trajnerin e skuadrës sonë, Sulejman Starova, për kontributin e tij të dhënë përgjatë këtyre muajve”, shkruan në komunikatën e shkurtër për mediat Feronikeli, që çuditërisht e largoi Starovën pas fitores së parë sezonale, kundër Ballkanit, ndërkohë që kishte pasur plot ndeshje të tjera për të gjetur justifikim për ta larguar.

Nëse largimi i Starovës ishte në ajër, sepse kishte kohë që rezultatet nuk i pëlqenin klubit dhe loja nuk bindte, surprizë është largimi i Bekim Shotanit, trajneri që ishte përballë Starovës fundjavën e shkuar. Humbja e Ballkanit në shtesë ishte e dyta në 3 ndeshje, por një ekip debutues me 3 pikë pas 3 javëve të para nuk mund të nxitohet kështu, edhe në rast se ka qenë vetë Shotani që e ka kërkuar largimin.

Një dukuri e rrezikshme ajo me klubet kosovare, që në këtë mënyrë mbeten në rrugë qorre, duke mos e kuptuar se pikësëpari një klub fituese ndërtohet duke mos bërë revolucion çdo muaj.

Flamurtari i Prishtinës ka befasuar me fitoren me përmbysje në Transfertës së Gjilanit. Kaja zhbllokoi ndeshjen për ndeshjen për kampionët në fuqi, por në pjesën e dytë Flamurtari përmbysi gjithçka falë golit të Shabanit dhe dopietës së Shillovës.

Ferizaj ka mundur në shtëpi Lirinë falë golit të Halitit, duke siguruar fitoren e parë për këtë sezon. Skuadra nga Prizreni pëson humbjen e dytë radhazi dhe renditet në fundin e tabelës me 0 pikë së bashku me KEK-un .

Rezultatet ditës së sotme

Trepça ’89 – Prishtina 0:2
Shënues: Basriu 23’ (aut), Boshnjaku 90’

Drita – Flamurtari 1:3
Shënues: Kaja 21’ / Kabashi 47’, Shillova 80’, 97’

Ferizaj – Liria 1:0
Shënues: Haliti 85’

Tabela e renditjes pas javës së dytë 

Të dy teknikët iu bashkuan skuadrave në mes të sezonit të kaluar, por asnjëri prej tyre nuk arriti të kapte objektivat që i kishte vendosur klubi. Gjatë kësaj merkatoje të dy klubet kanë afruar shumë lojtarë dhe mbetet për t’u parë se çfarë do të tregojë fusha e lojës.

Konkurrenca në kampionatin kosovar mbetet më e fortë se kurrë. Mbi pesë ekipe pretendojnë për titullin kampion, shpenzimet në merkato tregojnë qartë që në Kosovë do zhvillohet një kampionat mjaft i luftuar.

Ekipi i Kamzës nuk ngjall emocione shumë të mira te skuadra e Partizanit, pasi ishte kjo skuadër që i dha goditjen përfundimtare projektit italian te klubi i Partizanit. Humbja 1-0 në fazën e parë, në stadiumin e Kamzës, solli edhe largimin e trajnerit Mark Juliano dhe shpurës së tij.
Partizani vinte pas humbjes në shtëpi me Flamurtarin, ndërsa goli i shënuar nga Ersil Ymeraj në minutën e 85-të i dha goditjen përfundimtare trajnerit Mark Juliano. Presidenti Gaz Demi e shkarkoi direkt pas ndeshjes duke i treguar hyrjen e aeroportit. Trajnerin italian nuk kishte “Moxh” që ta mbante në krye të skuadrës, pasi kupa ishte mbushur e derdhur disa herë radhazi. Largimi i tij solli rikthimin e trajnerit Sulejman Starova në krye të “demave”. Humbja me Kamzën ndikoi edhe në ndeshjen e tij të parë në krye të stolit, pasi e ndoqi humbja në fushën e Laçit me rezultatin 1-0. Pas kësaj disfate, Partizani filloi të ngrejë kokën. Kamza ishte skuadra që mbylli një kapitull te të kuqtë, por ironia e fatit mund të bëjë që të jetë ky ekip që të mbyllë sërish një kapitull tjetër te “demat”, atë të Starovës.

STAROVA – Trajneri Sulejman Starova nuk po kalon momente shumë të mira në krye të Partizanit, pasi viti 2018 nisi me dy humbje kundër Flamurtarit. E pranojmë, të vendosura me episode, por në fund vlen rezultati dhe ai flet për vlonjatët. Partizani mund të largohet edhe nga Kupa e Shqipërisë dhe aty gjithçka mund të quhet e katranosur, pasi humbin objektivin kryesor të sezonit. Një humbje tjetër me Kamzën do të sillte ngritjen e flamurit të bardhë dhe shpalljen e objektivit të ri në kampionat: luftën për mbijetesë.
Rezultatet e skuadrës janë skandaloze, por “CV-së” së Starovës i bashkëngjiten edhe problemet që pati trajneri me Trashin dhe Filin. Sherri mes trajnerit dhe lojtarëve nuk është aspak normale. E në fund, si “qershia mbi tortë”, mund të konsiderojmë sjelljen e tij antisportive kundër zyrtarëve të ndeshjes. Rasti i dytë për këtë sezon, herën e parë në Kukës kundër kampionëve që u ndëshkua me dy ndeshje pezullim, ndërsa para pak ditësh kundër Flamurtarit që u dënua me 8 takime.
Me Kukësin fituan dhe sjellja e 62-vjeçarit u cilësua si e duhura, pasi motivoi skuadrën, ndërsa e dyta u dënua. Drejtuesit e klubit duhen të tregohen më të qartë jo “herë mish, e herë peshk”.
Kamza ka në dorë fatet e Starovës, pasi nëse humbet brenda me kamzalinjtë, presidenti Demi nuk duhet t’i tregojë drejtimin e aeroportit, por derën e klubit.

Tani plas bomba e radhës: sulmuesi Realdo Fili është zënë keq me Starovën, duke shkuar deri te kontakti fizik, ka zbuluar Sport Ekspres.

Gjithçka ndodhi dje, pas stërvitjes, kur drejtori Antonelo Preiti i komunikoi Filit se nuk ishte me ne planet e klubit. Asnjë paralajmërim, nga titullar në Vlorë në të panevojshëm, pak ditë para mbylljes së merkatos!

I tërbuar, Fili shkoi te Starova duke i thënë se ishte plani i tij për ta larguar, me gjithë ata lojtarë të afruar në rolin e Filit, ndërsa pati shkëmbime ofendimeve, deri te kontakti fizik dhe thuhet se Fili ka shkuar deri aty sa e ka kapur për fyti trajnerin (detajet në gazetën e sotme).

Situatë skandaloze, Fili e ka mbyllur shumë keq me Partizanin dhe Starova kalon një tjetër situatë mjaft të rëndë. Ndodh vetëm të Partizani, këto kohëra!

Protagonist absolut Enea Jorgji, natyrisht, i cili edhe në momentin e penalltisë hezitoi dhe duket se mori një sinjalizim nga ndihmësit e vet.

Megjithatë, ra në sy reagimi jashtë normave i Sulejman Starovës, i cili fillimisht debatoi ashpër me arbitrin e katërt, duke e prekur edhe me duar, ndërsa më pas iu vërsul Jorgjit, duke e kapur për krahu dhe duke e shtyrë fort.

Në një vend tjetër, një gjest i tillë do të kushtonte shumë shtrenjtë, por edhe këtu te ne, ku njihemi për tolerime e lëshime, Starova do ta pësojë shtrenjtë.

Ka precedentin e Kukësit, ku u pezullua dy ndeshje, ndërsa këtë radhë e teproi dhe pritet një masë ndëshkimore shumë më e rëndë.

Gjithsesi, pas ndeshjes në Supersport Starova deklaroi se pezullimi i tij nuk ka asnjë rëndësi, sepse Partizani ka staf të kompletuar, me disa trajnerë.

“Gjyqtari nga Elbasani, Jorgji, gjynahet që ka pasur me Vlorën i lau sot. l Luajtëm ndeshje gati perfekte, patëm rastet tona, nuk mbaj mend ndonjë rast të Vlorës, përveç një rasti. Dha një penallti që vetëm ai mund ta japë, sepse më parë mund ta ndalte lojën për një faull për ne.

“Penalltia? Nuk është penallti ajo, çfarë penalltie është!

Reagimi im? E kush po pyet për pezullimin, ka plot trajnerë Partizani! Ai është problemi i fundit, së pari ne na shqetëson humbja me atë penallti inekzistente.

“Sulmi me Bardhin? Nuk është momenti si do të luaj unë në sulm, por për ndeshjen e sotme. Duhet të flasim a luajtëm mirë apo jo, a meritonim humbjen apo jo, për të tjerat ka kohë të flasim. Ne kemi bërë merkato në janar, pa shpenzuar si disa klube të tjera. Më vjen keq për lojtarët, të cilët i falënderoj, edhe pse u mundën nga vendimet e arbitrit, na ka lodhur futbolli shqiptar. Mund të jepej penallti për ne dhe fitonim, ndërsa ai shpik një penallti. Ai i ka rënë në qafë Vlorës në të shkuarën dhe ndoshta i ktheu borxhin Vlorës, ose hëngri presionin, e di ai.

“Ne nuk shkuam për një pikë, donim rezultat pozitiv, duke e kërkuar fitoren, por edhe pika nuk ishte rezultat negativ. Nëse jepej një penallti për ne, fitonim. Flamurtari ka investuar shumë, por edhe ne kemi investuar. Do na kthehet edhe Çani, besoj se do të jemi më mirë në të ardhmen.

“Penalltia e pretenduar nga Partizani? Lojtari ynë futet në zonë, mbrojtësi e shtyn lehtësisht me krah dhe fut edhe këmbën. Penallti e qartë për mua, nuk e di si e shihni ju.

“Lojtarë të futur në zonë kur u gjuajt penalltia? Kush po pyet për këtë, këto ndodhin gjithmonë. Unë e kam pretendimin për një faull për ne dhe mbaronte loja. Penalltitë e pretenduara nga Flamurtari gjatë ndeshjes? Nuk është asnjëra, nuk jepen ato penallti, mësoni rregulloret, nuk ka prekje të qëllimshme dhe as rrezik goli”.

Merkato – “Nuk patëm mundësi ta kompletonim skuadrën gjatë minifazës në Turqi, por ditët e fundit janë afruar disa lojtarë dhe shpresoj të ecim mirë. Lojtarët që keni parë, edhe pse ndonjë është ende në provë, janë kandidatë për të qenë pjesë e ekipit dhe presim dokumentacionin për disa prej tyre”.

Flamurtari – “E ka nisur si gjithmonë, me financa të fuqishme, por këtë vit po ecën mirë edhe në fushë. Ne e nisëm keq, por tani jemi vetëm 4 pikë larg vendit të dytë dhe treguam që edhe me një organikë të vogël kemi mundësi të shkojmë lart. Flamurtarin e njohim të gjithë, presidenti i Flamurtarit ka bërë sërish ndërhyrje në merkato dhe kemi përballë një ekip me synime madhore. Megjithatë, ne shkojmë për rezultat pozitiv, si për këtë ndeshje, si për kupën”.

Largimet – “Nuk mendoj se jemi dobësuar, nuk ekziston kjo ide. Lojtarët e afruar janë vlerë e shtuar e ekipit, shansi është vetëm për mirë, për më keq nuk ka shans”.

Trashi – “Trashi ka bërë autokritikë para skuadrës, shleu gabimin për thyerje disipline dhe kthehet pjesë e skuadrës. Janë dukuri që ndodhin në çdo skuadër, në gjithë botën, ndaj që sot Trashi është pjeë e skuadrës”.

Malota, Vila dhe Krasniqi, arsye largimi? – “Pse, kur largojnë Milani a Juventusi ndonjë lojtar, u jepet ndonjë shpjegim më shumë gazetarëve? Ai është kapitull i mbyllur, atyre lojtarëve u uroj suksese dhe Partizani flet vetëm ata që ka në dispozicion”.

Sfida me Duron – “Pse duhet të jetë sfidë personale? Nuk ka lidhje, nuk ka pse të ketë përplasje mes nesh. Trajneri matet me rezultate dhe renditja shihet në fund të vitit, shihen paraqitjet, objektivat e arritur, kështu maten sfidat mes trajnerëve. A do ta takoj? Ç’është ky kuriozitet? Ka disa rregulla në futboll, mysafiri pritet nga vendasi, nuk shkon mysafiri t’i japë dorën pritësit”.

Çani – “Është një lojtar që ka vuajtur personalisht, ashtu si gjithë skuadra, sepse ishte një lojtar nga i cili pritej shumë dhe nuk ka pasur mundësi të aktivizohej. Ai ka pasur një ndërhyrje të vogël, jo e lidhur me dëmtimin e vjetër. Në fund të javës do të bashkohet me skuadrën, për të marrë ngarkesë të plotë. Shpresojmë ta kemi në maksimum për vazhdimin e sezonit”.

Partizani, a rrezikon si Tirana e vjetshme? – “Po ta dini historinë e Tiranës, nuk do ma bënit këtë pyetje. Fali gjashtë pikë, i dhuroi, pastaj u braktis nga tifozët dhe u gjet një terren për ta sulmuar edhe me gjykimet. Motivet pse ra ishin të shumta. Kishte skuadër që nuk mund të binte nga kategoria. Arsyet e tjera bënë që të shkonte në atë pikë. Nuk ka lidhje me ne. po përpiqem t’iu argumentoj se duke llogaritur që janë larguar lojtarë që ishin në tribunë, nuk kanë luajtur fare, jemi detyruar të futemi sërish në merkato. Tani po garantohet konkurrenca, edhe pse është një periudhë e shkurtër të bëjmë të pamundurën”.

Objektivi i Partizanit – “Partizani është legjendë, ka objektiv të detyruar titullin kampion dhe trofetë, si dhe prezantimin dinjitoz në kupat e Europës”.

E vërteta sipas Trashit është ndryshe. Nuk ka pasur hedhje fanelle, ka pasur debat, por ofendimet i ka nisur Starova, që sipas mesfushorit ka mllefe të vjetra me të. Për newsport.al Trashi tregon versionin e tij të ngjarjes.

“Profesor Starova për të justifikuar veten ka shpikur shumë fjalë që s’janë të vërteta. Në radhë të parë unë s’i jam drejtuar me tone të larta atij, po e kundërta. Jam ulur në pankinë shumë i qetë dhe i kam folur tamam. “Profesor pse s’më le dhe pak të merrja pak përgatitje?” Se më ka zëvendësuar në minutën e 60-të dhe jo 75-të siç thotë ai. Në atë moment ai më është kthyer me tone të ashpra, që do të thotë se mezi ka pritur një debat me mua. Profesor Starova mos të bëjë tani si shenjtor. Kur Partizani s’ka kontingjentin e duhur të lojtarëve dhe shprehet që unë si trajner s’i kam thënë të largohet nga ekipi. Ai është shprehur shumë qartë dhe aty kanë qenë shumë lojtarë dhe stafi bashkë për të vërtetuar gjithçka që ai ka thënë kundrejt meje.

“Ma qëroni nga hoteli, nuk dua ta shoh më në ekip”. Pasi ka thënë kështu, unë jam çuar dhe i kam thënë: “Profesor, qëndroi besnik fjalëve që po thua. Nëse je burrë thuaja edhe presidentit në sy tim, që nuk e dua më Trashin. Edhe ai e ka pranuar duke më thënë “OK”.

Më pas i dhashë dorën, ai më refuzoi. “Mos ma jep as dorën tha”, edhe unë vazhdova drejt dhomave të zhveshjeve. Teksa po largohesha ai nuk e la me kaq, por vazhdoi të më ofendonte nga fjalë më të ndyrat. Më ka ulur dhe më ka fëlliqur në sy të shokëve e stafit.

Iu ktheva në atë moment dhe hoqa bluzën. Ia lashë te pankina. Absolutisht nuk e kam hedhur. E hoqa dhe i thashë: “Për këto fjalë që më the, unë dhe ti e kemi mbyllur”.

Dua t’i drejtohem profesor Starovës duke i thënë që mos të justifikojë veten te tifozët e te presidenca. Mos të shfajësohet ndaj publikut me arsyen se Trashi ka hedhur fanellën, se ka shumë njerëz aty që e vërtetojnë këtë gjë. Ofendimet e Starovës kundrejt meje janë një mllef i mbledhur prej kohësh. Më në fund ia arriti qëllimit, ta nxirrte atë mllef. Është shumë e thjeshtë, kur nuk e do një lojtar, pse nuk i thua presidentit: “Nuk e dua në ekip Trashin, s’më shërben për asgjë”, dhe unë shoh karrierën time.

Gjithsesi, unë personalisht e quaj të mbyllur me Starovën. Nuk tërhiqem aspak pas, çfarëdo lloje mase të merret kundër meje. Edhe një gjobë, unë absolutisht nuk e pranoj, sepse jam me të drejtë dhe s’lejoj njeri ta mohojë këtë gjë. Kur kam qenë gabim, kam qenë unë ai që i kam kërkuar falje profesorit. Por, tani jo më! Është totalisht gabim. Më ka ofenduar shumë rëndë”.

“Ishte vendim i klubit, për të ndërtuar një cikël i ri. Ato hapa fals që bëmë vjet në përzgjedhjen e lojtarëve, që ishin të shumtë, e vështirësuan situatën dhe po mendohet për një cikël të ri që t’i durojë kohës dhe të jetë skuadra gjithmonë me objektivat e përhershëm, fitime trofesh e përfaqësim në Europë. Ishte një dëm që iu bë dhe do kohë të rregullohet, por me këtë pjesëmarrje të të gjithë pjesëtarëve të klubit, për të sjellë jo sasi, por cilësi, kemi shumë mundësi ta realizojmë”.

Afrimet: “Janë larguar lojtarë, po bëjmë rindërtim, që të arrijmë objektivat që kemi. Kemi marrë tre lojtarë në tre reparte dhe presim që të vijnë tre të tjerë. Kjo është periudhë e vështirë, në janar. Kjo është arsyeja që jemi pak të vonuar, por më mirë të vonuar se sa të nxituar si në fazën e parë. Merkaton e bëjnë drejtori i përgjithshëm, drejtori sportiv, të gjitha strukturat”.

E megjithatë, në këtë moment të jesh tifoz i Partizanit është e sikletshme. Klubi më i madh i Superiores është i fundit në renditje, skuadra duket krejt e çoroditur, ndërsa “formacioni” jashtë fushe është i frikshëm: Gaz Demi ka disa vite që e ka kthyer Partizanin në pretendent madhor për titull dhe Luçiano Moxhi dirigjon veprimtarinë sportive për të hedhur hapin e madh drejt trofeut të ëndërruar. Po atëherë, çfarë nuk shkon?

Ish-trajneri/këshilltari Sulejman Starova priti gjatë, por dje shpërtheu: “Fajin e ka Luçiano Moxhi, ai i ka sjellë një grup mediokër lojtarësh dhe një trajner të paaftë”.

Te Partizani nuk e merr vesh më i pari të dytin: “Po a nuk ishte Federata armiku? A nuk ishin Kukësi e Skënderbeu rivalët?”.

Nga Kukësi, ku fitoi dje, presidenti korçar Ardjan Takaj u tregua më i butë se Starova: “Unë e shoh edhe Partizanin si rival, kampionati sapo ka filluar”. Diplomaci, dakord, por pak diplomaci duhet edhe brenda “llojit”, apo jo? Sepse pastaj te Partizani u turren gazetave: “Na sulmoni pa të drejtë”. Nëse sulmon vetë i pari një si Starova, i cili punon ende për Partizanin, çfarë dreqin u kërkoni gazetave? Pyetje pa përgjigje.

Po tifozët? Si anije pa timonier, në mes të oqeanit: disa shajnë Moxhin, disa trajnerin, disa e kanë me skuadrën që nuk lidh dot dy pasime e disa me… Starovën! Ky i fundit, si zakonisht, nuk i bën dakord asnjëherë njerëzit, sepse shumë tifozë e kanë kritikuar ashpër pse flet kështu kundër klubit ku bën pjesë, por disa të tjerë, me gjysmë zëri, kanë pranuar: “Nuk e ka keq Sula, po na marrin në qafë këta revolucionarët e Partizanit!”.

Faqja “KS Partizani” e akuzon Starovën për hipokrizi, mungesë sinqeriteti e koherence, duke rreshtuar ndryshimet e qëndrimeve të Starovës në periudha afatshkurtra. Ndoshta nuk përfaqëson gjithë tifozët, por është një zë i një pjese të tifozerisë së zhgënjyer nga e shkuara e afërt. E megjithatë, edhe e tashmja i ka mërzitur të gjithë dhe dashje pa dashje, Starova ka të drejtë, të paktën në një fakt shumë kokëfortë: revolucion në një skuadër që ka dy vite që i shkon pranë titullit, duke afruar lojtarë normalë/mediokër, është vendim shumë i gabuar i një klubi që refuzon në mënyrë kokëfortë të imitojë (e hidhur të thuhet) Skënderbeun, duke vazhduar me një projekt e një trajner për të paktën 2-3 vite.

Flitet shumë se tashmë te Partizani është vendosur disiplinë, por ç’do të thotë kjo, duke e krahasuar me sezonet e fundit? “Lojtarët mund ta ankohen nga unë se i kam torturuar dhe i kam mbajtur gjithë kohën në grumbullim, këto gjëra i kam dëgjuar dhe në fund të fundit i kam bërë vetë, por këto të tjerat janë përralla, nuk i kisha dëgjuar ndonjëherë, u befasova”.

Nuk mund të anashkalohet titulli i sezonit të fundit, pasi Starova këmbëngul se i takonte partizanit, por Ernest Gjoka i është përgjigjur se përderisa Partizani nuk e mundi në 4 përballje direkte Kukësin, është e kotë të ankohet. Tani Starova vazhdon betejën verbale: “I kam ftuar edhe në tryezë të rrumbullakët, bashkë me Dajën. E kam thënë dhe stërthënë se kampionatin na e vodhën vjet, kam shpjeguar arsyet, kishim kundër kreun e Federatës. Jemini është zhdukur se dha një penalti për ne për një ndeshje të dominuar në Gjirokastër. I kam thënë të gjitha në detaje, me gjithë respektin, kjo është përgjigja edhe për Nestin”.

“Starova do të dalë me mua në pension”, – shprehej presidenti Gaz Demi, për një prej njerëzve më të besuar të tij Sulejman Starovën. Numri një i klubit e ka mbajtur fjalën, pasi zyrtarisht ish-trajneri vazhdon të jetë pjesë e të kuqve edhe pas largimit nga pozicionin i trajnerit. Starova dha dorëheqjen pas eliminim nga Europa League, një vendim që ishte marrë para pjesëmarrjes në Europë. Megjithatë, nëse gjërat shkonin mirë dhe Partizani bënte surprizën, ku i dihej, Starova mund të mbetej në stol. Asnjë nga këto nuk ndodhi, por krejtësisht e kundërta, Partizani u eliminua në mënyrën më të keqe të mundshme dhe tifozët i dolën kundër trajnerit duke i kërkuar dorëheqjen. Numri një i stolit e bëri duke u tërhequr përsëri në prapaskenë, në rolin e këshilltarit. E gjitha kjo për shkak të marrëdhënieve të mira me presidentit Demi.

Në kampin e kuq po ndodh një revolucion i madh dhe Demi e ka ndarë mendjen për t’i besuar gjithçka Moxhit dhe “grupit” të tij. Përgjegjësitë i merr përsipër ai, sukseset dhe dështimet. Për momentin diçka tjetër ka tërhequr vëmendjen në klubin e kuq, marrëdhënia e Demit me Starovën. Burime të sigurta pranë klubit të kuq tregojnë për “Sport Ekspres” se që pas largimit mes tyre janë ftohur marrëdhëniet, madje flitet për një largim të Starovës nga klubi.

MARRËDHËNIA – Demi e ka emëruar Starovën si këshilltar, por në kuadër të kësaj detyre, takimet e tyre dhe komunikimet kanë munguar. Kjo gjë ka rënë edhe në sytë e anëtarëve të tjerë të klubit. Presidenti e ka ndarë mendjen për t’i besuar gjithçka Moxhit dhe nuk do që të ketë ndërhyrje, apo “luftë të brendshme” në klub. Duke u nisur nga eksperiencat e mëparshme, numri një i klubit nuk dëshiron që te të kuqtë të ketë probleme të brendshme. Zërat e fundit që kanë dalë nga klubi i kuq flasin për një krisje të fortë mes Demit dhe Starovës. Madje me shumë mundësi, ky i fundit mund të jetë larguar fare nga klubi i Partizanit. Në kushtet që flasim është një lëvizje e papritur në kampin e kuq, por me Moxhin në drejtim ka logjikë.

MUNDËSIA – Burime të sigurta brenda klubit të kuq flasin me siguri për prishjen e marrëdhënieve mes Demit dhe Starovës, madje guxojnë të shkojnë deri aty sa flasin për një largim të Starovës nga klubi i kuq. Ky është një detaj i vështirë të besohet, por mbetet të shihet se çfarë do të ndodhë. Padyshim që një largim i tillë do të ishte i bujshëm, por edhe nëse Starova qëndron te Partizani, ndikimi që do të ketë do të jetë shumë i vogël.

E mori Partizanin në një moment krize, ashtu si edhe në të shkuarën, por Sulejman Starova e çoi deri në fund misionin sezonal, duke vazhduar edhe në kupat e Europës. Asnjëherë nuk diskutoi e nuk kërkoi ndonjë kontratë a pagë të madhe, pasi me Gaz Demin nuk e lidh thjesht marrëdhënia president-trajner. Megjithatë, Starova është për rekord, ndoshta të pashoq në gjithë botën: paguhej më pak se një pjesë e stafit të tij!

Në botë, duke parë edhe nivelet e shpenzimeve marramendëse për futbollistët, ka shpesh trajnerë të mëdhenj që futen në konflikt me drejtuesit e vet, ose vendosin kushte para se të firmosin për një klub: Paga duhet të jetë e tillë që asnjë futbollist të mos paguhet më shumë se trajneri. Një përjashtim tek-tuk, për ndonjë Ronaldo, Mesi a Ibrahimoviç, edhe bëhet, por jo për lojtarë dosido. Këtë parim e ka ndjekur gjithnjë Zhoze Murinjo, për shembull. Nuk ka pranuar kurrë të punojë në një skuadër ku gjysma e lojtarëve të paguhen më shumë se ai dhe ta shohin nga lart poshtë. Këtë problem nuk e kishte realisht Starova, marrëveshja e tij me Demin e bënte të plotfuqishëm te Partizani, aq sa mund të largohej e kthehej në stol kur të dëshironte, mund të vendoste edhe nëse trajneri i ri i pëlqente apo jo si emër.

Megjithatë, 1700 euro në muaj duken pak, shumë pak, krahasuar me 2000 eurot e ndihmësit të tij Dalipi. Nëse mendoni se Dalipi merr shumë, atëherë shihni Mario Kapeçen, që merr 3000 euro. Po përgatitësit atletikë, Xhanoti më parë dhe Korrado Sakone këtë sezon? 3500 euro në muaj! Rast unikal…

Gaz Demi nuk flet shpesh, edhe pse për tifozët një intervistë e tij vlen sa 100 deklarata të të tjerëve te Partizani. Bosi i kuq ka qëndruar tepër i heshtur pas përfundimit të kampionatit, nuk ka komentuar as dënimin e Skënderbeut, që iu hoq titulli, duke mos treguar ndonjë entuziazëm as pas lajmit se titulli i vjetshëm mund t’i kalojë Partizanit, sipas logjikës dhe precedentëve. Largimi i Starovës nuk e ka kapur të papërgatitur, fundja terreni ishte përgatitur me kohë dhe Starovën aty, në klub dhe në krah të tij do ta ketë. Megjithatë, tifozët do të dëshironin shumë që të fliste Demi dhe askush tjetër, në këtë moment aspak pozitiv.

MOXHI – Ish-drejtuesi i famshëm i Juventusit, ose siç thirret nga të gjithë, “Big Luciano”, dje mbushi 80 vjeç. Fillimi i pleqërisë? Duke gjykuar nga energjia që ai përhap dhe nga entuziazmi që ka për të qëndruar në botën e futbollit, përtej dënimit të përjetshëm në Itali, është e sigurt që Moxhi tashmë do të marrë frenat e Partizanit. Ish-drejtori Genc Tomorri e tha qartë para disa ditësh, kur dha dorëheqjen: Po iki, vendin tim tashmë e ka marrë Luçiano Moxhi. Një deklaratë plot helm, që fsheh, por edhe zbulon, shumë gjëra. Te Partizani shumë gjëra do të ndryshojnë dhe uji është trazuar. Pas Tomorrit, iku edhe Starova, edhe pse ky i fundit mbetet këshilltar, por realisht frerët i merr Moxhi. Para disa ditësh edhe vetë Starova deklaronte, jo pa nervozizëm: Unë jam këshilltar i Demit, jam mbi çdo drejtor te Partizani. Nëse nuk e ka pasur për Moxhin, nuk dihet për kë, sepse zor se e ka pasur me Edmond Haxhinë dhe Genc Tomorrin. Moxhi do të sjellë nga Italia edhe Antonelo Preitin, i cili praktikisht do të jetë drejtori i Partizanit, në pamundësi që Moxhi të jetë aktiv gjithë kohën në Tiranë, për arsye të ndryshme. Po Edmond Haxhia? Flitet që do të qëndrojë, por të shohim në ditët në vazhdim.

TRAJNERI I RI, MOLLË SHERRI – Te Partizani ka kohë që pritet trajner i ri, por nuk dihet arsyeja e vonesës pa fund, ashtu si nuk dihet pse nuk është shfaqur në horizont asnjë përforcim madhor nga Italia, siç ishte premtuar. Me siguri përforcimet do të vijnë në javët e ardhshme, pas emërimit të trajnerit të ri, por këtu ka pikëpyetje. Nga një anë, është përfolur emri i serbit Mlladen Milinkoviç, autor i një sezoni të mrekullueshëm në Gjirokastër, tashmë i lirë. Milinkoviç nuk flet vetë, nuk bisedon me askënd, sepse ka përfaqësues, të cilët kanë biseduar me drejtues të Partizanit, por deri tani gjithçka ka mbetur pezullim. Nga njëra anë, Starova rrëfeu para disa ditësh se nuk ka ndonjë simpati të veçantë për serbin, duke sulmuar gjithë trajnerët e huaj në përgjithësi, që sipas tij mbivlerësohen, në çdo drejtim, ndoshta duke iu referuar, pse jo, edhe çështjes së pagave. Nga ana tjetër, vetë Milinkoviç dëshiron të punojë i qetë, pa ndërhyrje dhe të ketë të drejtën të vendosë për çdo lojtar që afrohet në ekip. Si në njërin rast, ashtu edhe në tjetrin, diçka nuk shkon dhe Milinkoviç zor se do të vishet i kuq, por nëse kjo ndodh, atëherë do të duket si një tjetër “goditje” për Starovën, pas deklaratës së tij se nuk ia ka këshilluar marrjen e Milinkoviçit Demit.

LOJTARËT – Organika aktuale ka nevojë urgjente për përforcime, sidomos në mesfushë e sulm. Duhet një organizator i nivelit të lartë dhe mbi të gjitha duhen sulmues, për të ndihmuar Sukajn. Shkodrani shënoi ndaj Botevit dhe tregoi që i mjafton të jetë mirë fizikisht, për të bërë gjëra të bukura, por duhet zëvendësuar Ekuban. Është provuar Basrak, një sulmues nga Lega Pro, ditët e fundit ka dalë në skenë emri i Kinelatos, një sulmues shumë cilësor, sezonin e fundit 13 gola te Komo. Nëse vjen ky i fundit, Partizani gjen gola me shumicë në teori, por tashmë Moxhi duhet të tregojë që “nuk e ka ndërruar qimen”. Nëse Moxhi bën “Moxhin”, Partizani dhe tifozët mund të qëndrojnë të qetë. Përndryshe, nga tetori a nëntori Starova është gat të kthehet në stol…

Deklaratë që ndoshta është thënë pa ndonjë prapamendim, por ndoshta nxjerr zbuluar edhe klubin, ose ndonjë drejtues, si Luçiano Moxhi. Partizani kishte ekip për titull, humbi gjysmën e formacionit, afroi vetëm Kotobellin e Prognin, afrime që nuk i bëri Moxhi. Premtimet e italianit nuk po duken, ndoshta situata te Partizani ka precipituar me kohë dhe nesër e tutje do të shohim zhvillime interesante.

Gjithsesi, Starova nuk lëviz nga “istikami”, kur e pyesin për të ardhmen: “Jam trajneri prej dy vitesh, jam edhe krahu i djathtë i presidentit, këshilltari i tij. Do të mbaroj karrierën në këtë klub, me presidentin vendosim për gjithçka”.

Dita e djeshme ishte dita e analizës për ndeshjen e humbur ndaj Botevit. Trajneri Sulejman Starova së bashku me stafin e tij ka mbledhur të gjithë futbollistët në rezidencën e përhershme hotel “Vila Park” dhe kanë rishikuar momentet e golave dhe episodet kryesore të sfidës ndaj bullgarëve. Fjalët kanë qenë të tepërta, pasi edhe vetë tekniku i të kuqve ndryshe nga herët e tjera është treguar i ftohtë dhe nuk ka folur me tone të ngritura. Burime pranë “Sport Ekspres” bëjnë me dije se Starova e ka pranuar para lojtarëve faktin se ekipi i tij nuk ishte në ditën më të mirë dhe i mungojnë shumë gjëra. Ai nuk ka kërkuar që në sfidën e kthimit futbollistët e tij të mos jenë aq të mefshtë dhe të kenë më shumë energji.

FJALËT E STAROVËS – Tekniku i kua ka folur qetë me ekipin e tij në momentet që ka analizuar humbjen e madhe. “Ndeshja ndaj Botevit ishte shumë e dobët dhe e interpretuar keq nga ana jonë. Shënuam dhe nuk arritëm të administronim rezultatin. Jemi goditur dy herë nga goditjet nga larg, në thuajse në të njëjtin pozicion. Përveç golave, u goditëm edhe në një moment tjetër kur Nedelev gaboi. E pranoj se na mungojnë shumë gjëra, por duhet të jemi më të vëmendshëm”, – ka thënë ndër të tjera Starova. Një tjetër aspekt që trajneri i të kuqve është ndalur ka qenë edhe goli i tretë i pësuar pas një gabimi trashanik. “Pësuam golin e tretë dhe ishte një mungesë përqendrimi e Atandës. Nuk duhet të bëjmë gabime të tilla. Në Bullgari duhet të jemi më të kujdesshëm dhe të eliminojmë gabimet e kësaj ndeshjeje. Të paktën gabimet tona trashanike”, – u shpreh Starova në analizën ndaj futbollistëve.

LARGIMI – Ikja nga pankina e “demave” është thuajse e sigurt, por në analizën e djeshme, Starova nuk ka folur për asnjë moment me futbollistët e tij për këtë gjë. Ai vazhdon punën normalisht duke trajnuar ekipin.