standard liege

Talenti i kombëtares ndërron skuadër, firmos me gjigantin holandez

Sport Ekspres — Thu, 06 Jun 2019 19:31:13 +0000

Lindon Selahi nuk do të jetë më pjesë e Standartit të Liezhit në kampionatin belg. Mesfushori i lindur në Belgjikë që nga sezoni i ardhshëm do të luajë me holandezët e Tuentes. Ata janë një klub me një histori të madhe në “Eredivise”, por që po përjetojnë një periudhë të errët.
Ky vit ishte shumë i vuajtur, pasi iu desh të luanin në kategorinë e ulët holandeze. Makthi mori fund, pasi ata siguruan një biletë për në elitën e futbollit vendas për sezonin që vjen. Kështu Selahi do të ketë mundësinë të aktivizohet në një kampionat më të fortë dhe prestigjoz. Kjo lëvizje mund të quhet një ngjitje në karrierën e 20-vjeçarit.

Selahi është i pajisur me pasaportë shqiptare dhe ka pranuar të veshë ngjyrat kuqezi. Talenti regjistron pesë ndeshje me grupmoshat e U-17 dhe dy të tjera me kombëtaren U-21. Ai është produkt i Standardit, klub ku ka hedhur hapat e para të karrierës. Në një prononcim të shkurtër djaloshi duket i lumtur për transferimin në Holandë.

“Tuente është një klub i madh me një histori të pasur dhe që të jep mundësinë të luash në një stadium të madh. Jam i lumtur që janë kthyer në nivelet më të larta. E ardhmja ime është këtu dhe do të jap më të mirën time për të kënaqur klubin dhe tifozët”, u shpreh Selahi.

VIDEO | Autogol qesharak, një “interist” e dreqos në Belgjikë

Sport Ekspres — Wed, 10 Apr 2019 14:19:12 +0000

Qendërmbrojtësi belg Zino Vanheusden ka realizuar një ndër autogolat më qesharak që mund të keni parë ndonjëherë.

Rasti në fjalë ndodhi në takimin e kësaj fundjave ku skuadra e tij, Standard Liezh luajti në transfertë ndaj kampionëve në fuqi të Klub Bryzh. 19-vjeçari i huazuar nga Interi zhbllokoi takimin me autogolin e tij që po bën xhiron e botës.

Një koordinim i gabuar i këmbëve bëri që Vanheusden të rrëshqiste gjatë momentit që po tentonte të largonte një top të rrezikshëm nga zona e tij. Për ta bërë akoma më të keqe atë natë ishte dhe rezultati i përgjishëm i ndeshjes, një turpërim 4 – 0.

Talenti që nuk shpërtheu kurrë, Haliloviç “shtegton” në Belgjikë

Sport Ekspres — Thu, 31 Jan 2019 23:11:53 +0000

Alen Haliloviç është largimi më i fundit i skuadrës së Milanit. Talenti kroat është huazuar në kampionatin belg te skuadra belge e Standard Liezh. Në marrëveshjen e arritur mes palëve ka një opsion për blerjen e kartonit të lojtarit.

#WelcomeAlen ?? pic.twitter.com/aDSv9H7AZo

— Standard de Liège (@Standard_RSCL) January 31, 2019

Haliloviç ishtë ndër blerjet e fundit të ish-drejtorit sportiv të Milanit, Masimiliano Mirabeli. Megjithatë, mëngjarashi rezultoi një bast i humbur, pasi në pesë muaj te “djalli” u aktivizua në vetëm në tri ndeshje.

Haliloviç mbush së shpejti 23 vjeç dhe emërtimi talent, ndoshta është i pavend, dhe të mendosh që pesë vite më parë shumë vetë e konsideronin si pasuesin e Mesit te Barcelona, skuadër ku aktivizua vetëm tek ekipi rezervë, pa provuar asnjëherë qoftë shijen e stolit në La Liga.