Sipas raportimeve të Bild, klubi bavarez do të testojë në vitin 2020 një sistem të ri të kontrollit të tifozëve, të quajtur Hexwave.

Hyrja në stadium do të monitorohet nga skaner, që do ju mundësojnë stjuartëve të kontrollojnë çdo qese apo çantë shpine. Tifozët do të kalojnë në skaner dhe do të zhduken radhët e gjata.

Ky sistem sigurie do të identifikojë menjëherë personat, të cilët kanë armë ose bomba me vete, duke rritur sigurinë e stadiumit të rekordmenëve gjermanë.

“Së pari do të doja t’i uroja mirëseardhjen presidentit të federatës së futbollit të Çekisë, z. Martin Malik. Ka qenë një ftesë e bërë nga ne që është pranuar me kënaqësi. Qëllimi ka qenë për të shkëmbyer eksperienca. Jemi federata lë të themi të mesme e të vogla që mund të kemi shumë gjëra për të shkëmbyer”.

STADIUMI GATI NË SHTATOR – “Objekti është shumë i madh. Është i bukur e komod. Është punuar në të gjitha drejtimet me mjete bashkëkohore. Brenda njerëzve që bëjnë stadiumin shumëkush e sheh gjysmë plot e gjysmë bosh përsa i përket afatit të shtatorit. Ne i kemi vënë objektiv kompanisë që duam të luajmë në shtator. E kemi shumë të domosdoshme këtë gjë. Në këtë mënyrë besojmë se mund të arrijmë një rezultat të mirë në praninë e më shumë e spektatorëve dhe me një atmosferë akoma dhe më të mirë. Kompania po bën të gjitha përpjekjet. Ka shumë skeptikë dhe shumë optimistë. Gjithsesi s’mund të jemi shumë të sigurt për shtatorin”.

Dominimi i vendasve u shpërblye dhe Champions Liga është një mundësi shumë më shumë se reale. Futbolli i Atalantës është ndër më të bukurit për t’u parë dhe të gjithë bëjnë sadopak tifozllëk për Gjimshitin dhe Berishën me shokë.

Sfida e djeshme ishte tepër emocionuese për ultrasit bergamaskë. Kjo ishte hera e fundit që ata mbështesnin ekipin dhe shijonin emocionet e një goli në stadiumin “Atleti Azzurri d’Italia”.

Me datë 6 maj do të nisë prishja e stadiumit aktual, ndërsa i riu, që do të quhet “Gewiss Arena”, do të përfundojë brenda dy vitesh.

Në fillim do të prishet sektori ku kanë qëndruar ultrasit. Këta të fundit kanë përfituar për të marrë të gjithë nga diçka. Pak a shumë si prishja e murit të Berlinit në vitin 1898. Dikush madje fillon e emocionohet kur tregon se në këto shkallë ka njohur dashurinë e jetës vite më parë.

Dy ndeshjet e fundit shtëpiake për këtë sezon (kundër Sasuolos dhe Xhenoas), Atalanta do i zhvillojë në stadiumin “Mapei” të Sasuolos, aty ku ka zhvilluar edhe ndeshjet e Ligës së Europës në dy sezonet e fundit.

Fillimisht u tha se stadiumi do të inaugurohej në ndeshjen e 11 qershorit ndaj Moldavisë, por po të shikojmë pamjet e tanishme të kantierit të stadiumit, nuk është nevoja të jesh një ekspert ndërtimi për të kuptuar se është e pamundur që punimet të përfundojnë në harkun e dy muajve.

Pak javë më parë vetë presidenti Duka e pranoi se do të ishte tepër e vështirë që punimet të përfundonin në muajin qershor dhe ndoshta inaugurimi i stadiumit do të shtyhet për në muajin shtator, më konkretisht më datë 10 shtator, kur presim Islandën në kuadër të kualifikuesve të “Euro 2020”.

“Sport Ekspres” mëson se shanset që stadiumi i ri të inaugurohet në shtator janë të pakta. Gjendja aktuale e punimeve nuk jep garanci për përfundimin e të gjithë projektit brenda pesë muajve dhe me shumë gjasa  inaugurimi i shumëpritur do të shtyhet për në muajin nëntor, ku në harkun e dy ditëve do të ndeshemi në Shqipëri me Andorrën e Francën.

Ndërhyrja në ‘San Siro’ është e komplikuar, pasi ekipet do të duhen të luajnë në një stadium tjetër për 2-3 vitet e ardhshme. Skaroni analizon çështjen, duke sjellë shembuj nga klube të tjera të mëdha.

Fitimit dhe arkëtimet janë thelbësore dhe në këtë pikë klubi i “Djallit” është shumë mbrapa. Milani numëron rreth 400 milionë tifozë nëpër botë dhe rikthimi në Champions është tepër i rëndësishëm për ekipin, kubin dhe gjithë tifozët e kuqezinjve.

STADIUMI – “Për të fituar në futboll nevojiten lojtarë të mirë, të cilët kushtojnë dhe kanë rroga të shtrenjta, por duhet të kujdesemi edhe për FPF (fair-play financiar). Milani ka arkëtuar sezonin e kaluar 203 milionë euro, të njëjtën shumë me 15 vite më parë. Rritja e të ardhurave është thelbësore, sepse Reali dhe Junajtid kanë arritur shifrën 1 miliardë euro fitime. Ja pse insistoj që ne duhet të bëjmë të njëjtin rrugëtim që kanë bërë skuadrat e tjera kohë më parë. Është e domosdoshme që të kemi një stadium modern ku nuk shkohet vetëm për të parë ndeshjen, por që qëndron i hapur gjatë gjithë javës, qëndron gjithmonë plot dhe që mund të vizitohet edhe kur nuk ka ndeshje. Në ‘Santiago Bernabeu’ ka 7 restorante që qëndrojnë hapur çdo moment.”

DILEMA – “Interi dhe Milani janë aleatë në këtë projekt, sepse të kesh një stadium të përbashkët është më ekonomike. Projekti ynë parashikon një stadium modern dhe efiçent. Kemi konsulentët më të mirë në botë dhe kemi vizituar të gjithë stadiumet e botës në 6 muajt e fundit. Na frenon fakti që punimet e mëdha në një stadium ku luhen dy ndeshje në javë të luajnë mendsh. Nëse nisin punimet do të na duhet të luajmë në transfertë për 2-3 vite. Nuk e di se ku, por diçka e tillë do të ishte e pashmangshme. Kjo është dilema. Nuk e përjashtoj as largimin tonë nga ‘San Siro’. Duam të bëjmë një gjë të mirë. Nëse çështja është ideologjike dhe nuk mund të prekemi, atëherë do të largohemi nga ky stadium.”

TIFOZËT – “Ekipet e mëdha kanë stadiume të bukura. Shikoni Bajernin e Mynihut. Në Itali vetëm Juventusi ka një stadium të tillë, nga i cili arkëton 500 milionë euro në vit, ndërsa ne 203… Stadiumi është thelbësor, sepse tërheq sponsorë. Champions apo titulli? Fitimi i titullit më tundon, por dua të bëj një vëzhgim ekonomik. Në Champions ka të ardhura më të larta, krahasuar me fitimin e kampionatit. Milani është akoma skuadra italiane me më shumë tifozë në botë. Nëse nuk rikthehemi në atë kompeticion, tifozët tanë plaken, ndërsa të rinjtë nuk na shohin si një skuadër të madhe. Duam t’i ‘ushqejmë’ 400 milionë tifozët që kemi nëpër botë.”

“Ka nisur procedura e dorëzimit të dokumentacionit. Mbetet relacioni teknik, që përmbyllet nga kolaudimi i punimeve të kryera, çka është një pjesë teknike. Më pas, Bashkia Shkodër pret që të marrë në dorëzim stadiumin”.

“Ne presim që në hapësirat e tjera, të destinuara për t’u përdorur, t’i vëmë në dispozicion për ekipet e shumsportëshit të Vllaznisë, të cilat i ushtrojnë aktivitetin e tyre në pallatin e sportit dhe kanë domosdoshmëri edhe hapësira të tjera, për t’u vënë në shërbim dhe Loro Boriçi mund t’ua japë”, tha kryebashkiakja.

Kosto e stadiumit të ri pritet t’i kalojë 5 milionë Eurot, shumë kjo që do të ndahet në mënyrë ta barabartë mes FSHF-së dhe qeverisë shqiptare. Impianti i ri do të ketë një kapacitet prej 6500 vendesh dhe do të plotësojë të gjitha kriteret e licencimit të vendosura nga UEFA për një stadium të kategorisë “Elite 3”.

Aktualisht stadiumi është në fazën e projektimit, ndërsa punimet priten të fillojnë gjatë vitit të ardhshëm me një kohëzgjatje prej 9 muajsh, ccka do të thotë se Kukësi mund të rikthehet të luajë në shtëpi gjatë sezonit 2019/2020.

E projektuar nga një studio italiane, sikurse tregohet në videon e publikuar në vitin 2015. Por deri më sot asnjë gjurmë e bërë. Madje në Kavajë as tribuna përkarshi e stadiumit aktual nuk hapet për shkak të amortizimit që kanë pësuar shkallët.

Sivjet Besa po lufton në Superiore dhe nëse e arrin këtë objektiv, të paktën në stadiumin “Besa” do të ketë ndërhyrje për ta përmirësuar gjendjen e tij. Në fakt është mëkat që një qytet si Kavaja mos të ketë një stadium model, duke ditur traditën e hershme në futboll të asaj zone.

DEKLARATA E RAMËS – “Patjetër që do të kishte qenë mirë që Kukësi të kishte stadiumin e vet kur doli kampion apo që skuadra e Kukësit të mos jetë e detyruar të shkojë e të luajë në Elbasan ndeshjet ndërkombëtare, apo të shkojë e të luajë aty ku luan me çantë në krahë sikur janë skuadra refugjatësh brenda Shqipërisë.

Mirëpo gjërat bëhen kur jepet mundësia, tani e kemi mundësinë të ndërtojmë stadiumin e ri të Kukësit dhe do ta ndërtojmë. Kemi përcaktuar financimin, do bëjmë stadium model, stadium të standardeve që kërkon UEFA, në mënyrë që jo vetëm të keni atë që ju takon të gjithë sportdashësve të Kukësit, jo vetëm të ketë atë që i takon këtij qyteti por edhe kur ju takon të luani në aktivitete ndërkombëtare të luani këtu në Kukës.

Stadiumi nuk është thjesht për sportdashësit, por është për komunitetin dhe ekonominë, sepse vetëm nga lëvizja që krijohet, pasi po diskutonim dhe me presidentin e klubit të Kukësit, aeroporti sjell 300 mijë kafe në vit më shumë, simbolikisht tregon se çfarë lëvizje dhe ekonomie qarkullon në aeroport.

Po kështu lëviz ekonominë, edhe me sportin, aq më tepër kur qyteti ka një skuadër që i mbron ngjyrat e komunitetit, ku kjo krijon edhe një lidhje, pasi bota investon në këtë lloj sporti me të drejtë. Tifozëria dhe publiku e vlerësojnë këtë investim madhor që i jep mbështetje futbollit dhe rikthen tifozërinë në stadium. Presidenti i Futboll Klub Kukësit, Safet Gjici ka kohë që këmbëngul për ndërtimin e këtij stadiumi pasi ekipi i Kukësit këtë sezon futbollistik po luan jashtë fushës së saj”, është shprehur kryeministri Rama, sipas asaj që shkruhet në faqen zyrtare të klubit verilindor.

Bëhet fjalë për një ekip gjysmë-profesionist që militon në kategorinë e katër gjermane. Stadiumi i qytezës së vogël në veri të Gjermanisë, ka vetëm 2500 vende, sa 1/24 e “Allianz Arena”-s, normalisht vende bosh nuk do të ketë, pasi zor se Drohtersenit mund t’i vijë shansi që lë luajë sërish me kampionët e Gjermanisë.

Trajneri i bavarezëve Niko Kovaç, deklaroi se ai nuk do bënte lëshime, pavarësisht diferencës kolosale të kualitetit midis skuadrave. Mos u çudisni sikur 90-minutëshi të përfundojë në një goleadë dyshifrore. Ndeshja fillon në orën 15:30.

Fillimisht stadiumi i ri pritej të kushtonte rreth 500 milionë €. Me kalimin e kohës kjo shifër filloi të ngrihej pak e nga pak, ndërsa tani ekspertët e llogarisin koston përfundimtare të stadiumit në një vlerë prej 1 miliard €. Shifër kjo që pritet të ndikojë për shumë vite në politikën e merkatos të klubit londinez, madje shenjat e para po duken, “Gjelat” u bënë klubi i parë në historinë e Premier Ligës që nuk kryen qoftë edhe një blerje gjatë kësaj vere.

Problematik tjetër ësthë dhe vonesa e punimeve, që i ka detyruar të lidhin një kontratë të re qiraje për “Wembley”-in, por edhe aty ka një kleçkë. Më datë 28 tetor Totenhemi pret Sitin, megjithatë po në atë datë “Wembley” është i prenotuar nga “NFL” për një ndeshje të futbolli amerikan, ndërsa stadiumi i ri ka pak gjasa të jetë gati. Sikur të mos mjaftonte kjo federata angleze nuk lejon përdorimin e tre stadiumeve në një sezon, pra kemi të bëjmë edhe me një “ngërç ligjor”, përveç se atij logjistik.

Së fundmi, del në dritë një tjetër lajm. TIRANA MUND TË KETË NJË TJETËR STADIUM ME KULLË! Kreu i këshilltarëve të PD në Bashkinë e Tiranës Kreshnik Çollaku, përmes një postimi në profilin e tij në “Facebook” ka njoftuar se shumë shpejt do të bëhet dhe prezantimi për projektin e ri. Sipas tij,bëhet fjalë për stadiumin “Selman Stërmasi”, ose siç i referohet z. Çollaku stadiumit “Dinamo”.

“Një Kullë e Re në Tiranë !!!

Shumë shpejt Tirana do të ketë një kullë tjetër me stadium.

Bashkia dhe Rilindja ia kanë vënë syrin stadiumit “Dinamo”.

Do ta shembin dhe do të ndërtojnë një kullë me stadium përreth.

Grupi i punës ,’konfidencialisht’,ka filluar punë”, thuhet mes të tjerash në postimin e anëtarit të partisë Demokratike.

Mbetet për t’u parë nëse bëhet fjalë për një projekt konkret apo jo. kujtojmë që për ndërtimin e kullës në arenën kombëtare ka pasur shumë reagime të forta.

Që prej shpalljes së pavarësisë në vitin 1991, përfaqësuesja kroate i luan ndeshjet si pritës në stadiumin Maksimir  të Zabrebit, një impiant ky që sot nuk i shkon përshtat edhe vetë klubit të Dinamos së Zagrebit e jo më kombëtares kroate.

Ditën e sotme kryetari i bashkisë së Zagrebit Milan Bandiç, prezantoi projektin e shumëpritur të stadiumit të ri. “Nuk do të jetë një si stadiumet që kemi parë në Rusi, pasi nuk e kemi luksin të shpenzojmë 400-500 milionë € si Putin, por do të jetë një stadium i bukur me 35.000 vende dhe kosto totale prej 120 milionë eurosh, që do të financohet në pjesën 70% nga fondet e bashkisë, pjesa tjetër nga shteti dhe federata e futbollit”.

Gjergji Stefa

Tirana gjatë këtyre viteve mund të ketë bërë shumë gabime – në fakt ka bërë – por ka edhe gjëra të mira që tanimë kanë nisur të japin frytet e veta. Stadiumi “Selman Stërmasi” po tregon që ka qenë një investim që ia ka vlejtur , pasi është kthyer në një burim të ardhurash për klubin bardheblu. Veç ndeshjeve të Tiranës, aty janë zhvilluar edhe aktivitete të ndryshme, ndërkohë që kanë luajtur edhe Partizani, Korabi dhe shumë ndeshje të Kombëtareve të moshave, si për meshkujt, ashtu edhe për femrat. Gjithashtu edhe Kombëtarja e madhe është stërvitur aty dhe të gjitha këto përkthehen në të ardhura.

TË ARDHURAT NGA NDESHJET

Veç shitjes së biletave nga ndeshjet e tyre, bardheblutë kanë përfituar financiarisht edhe nga Partizani, që ka derdhur në klubin e Tiranës 60 milionë lekë për ndeshjet e zhvilluara sezonin e fundit. Miliona të tjera u kanë kaluar nga Korabi që luajti disa ndeshje në “Selman Stërmasi”, ndërkohë që 80 milionë lekë Tirana i ka përfituar nga Federata Shqiptare e Futbollit nga ndeshjet që kanë zhvilluar kombëtaret e moshave. Duke u shtuar këtyre edhe 100 milionët e biletave apo miliona të tjera nga reklamat në stadium, janë rreth 300 milionë të ardhura, një shifër goxha e mirë, sidomos për një Tiranë që sportivisht prej disa vitesh nuk është ajo që janë mësuar ta shohin tifozët e tyre, madje sezoni i fundit ishte pika më e ulët në historinë e klubit bardheblu, pasi për herë të parë u rrëzuan nga Superiorja.

KONGRESET

“Selman Stërmasi” nuk është thjesht një stadium, aty ku ka edhe biznese, prej të cilave arkëtohen nga klubi të ardhura, ashtu siç mund të bëhen edhe aktivitet të ndryshme. I fundit do të zhvillohet pas disa ditësh, nga data 21-23 korrik. Është një kongres i Dëshmitarëve të Jehovait dhe Tirana do të përfitojë financiarisht. Presidenti Halili ka pranuar kërkesën dhe ka hapur dyert e stadiumit, duke vënë në jetë idenë e tij se klubi është biznes dhe duhen arkëtuar sa më shumë para. Nëse kjo ndodh të gjithë e kanë të qartë se edhe mundësitë për të regjistruar suksese sportive, ato që u interesojnë tifozëve, janë shumë më të mëdha.

PLANI I KONCERTEVE

Kudo në botë stadiumet kthehet në skena të mëdha për artistë të shquar dhe nëse kjo ndodh edhe me “Selman Stërmasin” askush nuk do e paragjykojë. Ka ndodhur edhe më parë – në vitin 2001 grupi i famshëm Scorpions zhvilloi një koncert në këtë stadium – dhe me gjasa do të ndodhë sërish, pasi po planifikohet që edhe koncerte të Bashkisë Tiranë të zhvillohen aty. Sigurisht kundrejt pagesës dhe kjo është edhe një dashamirësi e institucionit për t’i çuar klubit edhe disa të ardhura të tjera. E ardhmja sa duket do t’i shtojë të ardhurat në klub dhe kjo është rruga e duhur.