Stadiumi i ri

Fundi i një epoke, Milani dhe Interi marrin vendimin për stadiumin

Sport Ekspres — Mon, 24 Jun 2019 11:52:46 +0000

Stadiumi “San Siro” do të shembet. Një prej tempujve më të rëndësishëm të futbollit italian dhe atij europian, i njohur ndryshe edhe si “La Scala”, nuk do të jetë më. Milani dhe Interi kanë rënë dakord dhe e kanë konfirmuar diçka të tillë.

Dy klubet e Milanos kanë rënë dakord për ndërtimin e stadiumit të ri, që do të kushtojë 700 milionë euro dhe do të jetë gati në vitin 2022.

Marrëveshja mes palëve është arritur dhe tifozët e “djallit” dhe ata zikaltër do të kenë mundësinë të ndjekin ekipet e tyre të zemrës në një stadium bashkëkohor dhe tepër modern.

VIDEO | Abrashi me stadium të ri, Fraiburgu prezanton projektin modern

Sport Ekspres — Fri, 18 Jan 2019 12:56:28 +0000

Klubi i Fraiburgut është gati të investojë në stadiumin e ri. Klubi gjerman, pjesë e së cilit është dhe Amir Abrashi, mesfushori i kombëtares kuqezi, ka prezantuar në faqen zyrtare të klubit në rrjetet sociale pamjet e stadiumit të ri.

Punimet kanë nisur dhe klubi shpreson që stadiumi i ri të jetë gati në vitin 2020. Pamjet e ofruar tregojnë një stadium modern dhe shumë të bukur. Komentet e tifozëve janë pozitive dhe ata po e presin me padurim përfundimin e punimeve.

Fraiburgu renditet në vendin e 11-të në kampionat me 21 pikë të grumbulluara, ndërsa nesër do të udhëtojë drejt Frankfurtit për t’u ndeshur me Ajntrahtit vendas.

Çudia: më shumë shpenzime për punëtorët e stadiumit, sesa për lojtarët!

Sport Ekspres — Wed, 12 Sep 2018 12:31:19 +0000

Totenhemi ka vendosur të përshpejtojë punimet e stadiumit të ri dhe diçka e tillë po i kushton shumë klubit anglez. Siç citon “The Sun”, shpenzimet për punonjësit e stadiumit kanë prekur shifrën e 7 milionë dollarëve në javë, më shumë se të gjithë pagat e lojtarëve dhe stafit të klubit.

Drejtuesit e Totenhem janë detyruar të thërrasin punëtorë shtesë për përfundimin e stadiumit, që ka prekur shifrën e 1.5 miliardë dollarëve në total. Gjatë muajit gusht, që përkoi me kulmin e punimeve, ishin 3800 njerëz që punonin për stadiumin gjatë 24 orëve të ndarë me dy turne. Disa elektricistë u thirrën për të riparuar sistemet e sigurisë dhe mendohet që ata janë paguar me 733 dollarë në ditë.

Sipas llogarive punëtorët janë paguar me nga 1832 dollarë në javë dhe duke llogaritur faktin që janë 3800 punëtorë në total, atëherë, shifra e shpenzuar vetëm në muajin gusht arrin në shifrën e 7 milionë dollarëve në javë. Një shifër që tejkalon shpenzimet prej 4.5 milionë dollarësh në javë për Herri Kejn dhe shokët e tij të ekipit.

Vonesa e punimeve i kushtoi Totenhemit luajtjen e tre ndeshjeve në “Wembley” dhe akoma nuk ka një datë fikse, kur stadiumi i ri prej 62 mijë vendesh do të jetë gati.

Liga angleze e futbollit nuk i lejon një klubi të luajë në më shumë se një stadium ndeshjet pritëse, përveç disa rrethanave të jashtëzakonshme. Ata duhet të vendosin nëse Totenhemi mund të vazhdojë të luajë përkohësisht në “Wembley”, ose do të detyrojnë klubin të përdorë stadiumin për gjithë sezonin.