Spartak

Karrera shtron darkën e lamtumirës, ish-kapiteni nuk ia fal përjashtimin

Sport Ekspres — Wed, 24 Oct 2018 19:09:03 +0000

Masimo Karrera u shkarkua nga puna si trajneri i Spartakut të Moskës, pas tri vitesh mjaft të suksesshme te skuadra me më shumë tifozë në Rusi, ku riktheu skuadrën te titulli kampion pas 15 vitesh mungesë në sezonin 2016/2017.

Ecuria e dobët e ndeshjeve të fundit bëri që drejtuesit të merrnin vendimin për ta shkarkuar, por Karrera është munduar të ndahet në mënyrën më të mirë me lojtarët e tij duke iu shtruar atyre një drekë, ku mungoi vetëm një person, kapiteni Denis Glushakov.

Një muaj më parë mesfushorit iu hoq shiriti i kapitenit dhe u dërgua të stërvitej me ekipin rezervë për shkak të një pëlqimi të një videoje në “Instagram”, ku një tifoz ofendonte teknikun italian. Glushakov u mundua të shfajësohej, duke thënë se i kishin vjedhur llogarinë, por kjo gjë nuk u besua nga askush.

Përdori kokainë, Eremenko rikthehet të luajë pas dy vitesh pezullim

Sport Ekspres — Sun, 07 Oct 2018 10:32:31 +0000

Në 6 tetor të vitit 2016, UEFA lajmëroi federatën holandeze për një pezullimin 2-vjeçar të mesfushorit Roman Eremenko. Arsyeja pas këtij dënimi ishte përdorimi i kokainës nga ana e futbollistit ruso-finlandez.

Shumë vetë menduan se fantazisti, që asokohe luante me CSKA-në dhe cilësohej si një ndër lojtarët më të mirë të kampionatit rus, i kishte larë duar me futbollin. Por, Eremenko nuk u dorëzua. Gjatë dy viteve të pezullimit 31-vjeçari është stërvitur rregullisht dhe gjatë verës klubi i Spartakut të Moskës ra dakord për t’i dhënë një kontratë.

Sot në minutën e 63-të në trasnfertën në Siberi ndaj Jenisej Kransnojarsk, Eremenko u rikthye të luajë një ndeshje zyrtare pas më shumë se 700 ditësh. Nw fund Spartaku fitoi me rezultatin 2-3 me një gol në limite Sigurisht nuk ka se si të jetë ai i mëparshmi, por klasi i tij mbetet i pakundërshtueshëm.

Leonardo shkon deri në Rusi, një holandez po e “çmend”

Sport Ekspres — Sat, 11 Aug 2018 17:17:34 +0000

Një ndër problemet më të mëdha të Milanit të sezonit të shkuar ka qenë krahu i majtë i sulmit, pozicion ku në shumicën e rasteve është përshtatur mesfushori turk Hakan Çalhanoglu, i cili edhe pse ka bërë një punë të kënaqshme, nuk dëshiron më të sakrifikojë në atë pozicion.

Për t’i gjetur një zgjidhje këtij problemi, drejtori i ri sportiv Leonardo po shikon në të gjithë ligat e evropiane për një lojtar të denjë për atë rol. Sipas “Sky Italia”, i preferuari i Leonardos për momentin është sulmuesi i Spartakut të Moskës, Kuinsi Promes.

Promes është një sulmues holandez, i cili prej katër sezonesh luan në Rusi, duke “shpërthyer” në gola. Në 112 aktivizime në kampionati rus, ai ka shënuar 58 gola, një mesatare kjo thuajse e barabartë me 1 gol në çdo dy ndeshje. Ecuria e mirë në Rusi i ka siguruar 26-vjeçarit dhe një vend titullari në përfaqësuesen e Holandës gjatë tri viteve të fundit.

Drejtuesit Spartakut të Moskës kërkon 25 milionë euro për kartonin e lojtarit dhe te Milani janë gatshëm ta plotësojnë këtë kërkesë të tyren, por me anë të një marrëveshje huazimi me detyrim blerje, lëvizje kjo që nuk do të rëndojë shumë në bilancet e skuadrës kuqezi.