Spartak Moskë

Skuadër e mbipopulluar, Dortmundi largon sulmuesin

Sport Ekspres — Sat, 27 Jul 2019 13:35:44 +0000

Borusia Dortmund është një skuadër e mbipopulluar. Gjermanët kanë afruar disa lojtarë, por akoma nuk kanë nisur me largimet nga “Signal Iduna Park”. I pari që nis “maratonën” e daljeve është Andre Shyrle. Sulmuesi nuk është bashkuar me ekipin në fazën pregatitore për shkak se po punon për të gjetur një destinacion të ri.

Mediet gjermane tregojnë se 28-vjeçari e ka përfunduar kërkimin e tij. Ai do të transferohet në Rusi te Spartaku i Moskës. Gjermani ka arritur marrëveshjen dhe në orët në vazhdim do të udhëtojë drejt Moskës për të zyrtarizuar marrëveshjen. Trajneri Favre ka 34 lojtarë në dispozicion. Kështu pritet të ketë edhe largime të tjera. Kagaua dhe Filips janë me një këmbë jashtë.

Derbi rus për sulmuesin e Interit, vijnë dy oferta

Sport Ekspres — Thu, 18 Jul 2019 08:51:35 +0000

Sulmuesi rumun George Pushkash ka tërhequr interesin e shumë klubeve nëpër Europë pas paraqitjeve të mirë në Europianin e 21-vjeçarëve, ku shënoi 4 gola në 4 takime. Futbollisti në pronësi të Interit pritet të largohet pas pesë vitesh si pjesë e ekipit zikaltër.

Në pesë vite tek Interi, Pushkash është aktivizuar në vetëm 6 ndeshje me skuadrën nga Milano, duke kaluar pjesën dërrmuese të kohës në huazim te ekipe te Serie B si Bari, Novara, Benevento dhe së fundmi Palermo.

Dy klubet të mbetura në garë për 23-vjeçarin janë CSKA-ja e Moskës dhe Spartaku i Moskës. Të dy ekipet ruse kanë paraqitur oferta në vlerën e 10 milionë eurove për kartonin e rumunit, shumë kjo që ka bindur drejtuesit e Interit, ndërsa tani i takon sulmuesit që të zgjedhë hapin e radhës të karrierës së tij.

Vizitë në Moskë për të ndjekur Spartakun, Terri ndryshon përsëri mendje?

Sport Ekspres — Tue, 02 Oct 2018 07:36:17 +0000

Xhon Terri është një lojtar i lirë, por akoma nuk e ka ndarë mendjen për të ardhmen e tij. 37-vjeçari vendosi të refuzonte një ofertë milionere të Spartakut të Moskës, ndërsa i është ofruar pankina e U23 të Çelsit.

Fundjavë impenjative për ish-kapitenin e “Bluve të Londrës”, i cili të premten ishte në Francë, duke ndjekur “Ryder Cup”, ndërsa të dielën ishte i pranishëm në Moskë. Ai përfitoi të shihte ndeshjen mes Spartakut të Moskës dhe Rostovit, ndërsa klubi rus e përshëndeti në rrjetet sociale.

Terri u pa të bënte disa foto me tifozë të Spartakut dhe kjo vizitë shton mundësitë e arritjes së një akordi mes tij dhe klubit. Pavarësisht se mbrojtësi refuzoi kontratën e Spartakut, ai theksoi që ka një raport shumë të mirë me drejtuesit rusë.

Gruaja dhe fëmijët ishin një nga shkaqet që ndikuan në refuzimin e ofertës së disa javëve më parë, ndërsa Terri mund të ketë ndryshuar mendje. Ai ka një ofertë dhe nga Aston Vila për të punuar si trajner dhe lojtar i ekipit, por 37-vjeçari është në dilemë dhe akoma nuk e ka përcaktuar të ardhmen e tij.

I sigurtë është fakti që Terri nuk ka udhëtuar tre orë me avion për të ndjekur thjesht një ndeshje të Spartakut të Moskës. Lojtari e ka shprehur gjithmonë dëshirën për të luajtur dhe një sezon dhe mesa duket ai dhe klubi rus kanë provuar dhe njëherë për të arritur akordin mes tyre.

??? ?? ???????! ???? ????? ??????? @otkritiearena! ?#????????????? #????????? pic.twitter.com/9viKv1Xz9V

— FC Spartak Moscow (@fcsm_official) September 30, 2018

Terri shtang Rusët, gruaja i bllokon transferimin

Sport Ekspres — Wed, 12 Sep 2018 18:10:36 +0000

Kalimi i Xhon Territ te skuadra e Spartakut të Moskës ishte thuajse një fakt i kryer. Ish-kapiteni i Çelsit kaloi testet mjekësore dhe kishte rënë dakord për një kontratë 1-vjeçare, ku do të përfitonte 1.7 milionë euro. Por, pas një konsultimi me familjen, transferimi ka dështuar.

Ka qenë vetë 37-vjeçari që ka shpjeguar arsyen pas kësaj ngjarje të papritur me anë të një postimi në rrjetet sociale.

“Pas mendimesh të konsiderueshme, kam vendosur të refuzoj ofertën e Spartakut të Moskës. Dua ta falënderoj klubin e Spartakut dhe i uroj atyre dhe tifozëve të skuadrës një sezon sa më të mbarë. Ata janë një klub shuam ambicioz që më kanë habitur me profesionalizmin e tyre. Por, pasi e shqyrtova këtë lëvizje me familjen time, vendosëm se kjo nuk ishte lëvizja e duhur për ne”, shkruhej në postimin e Territ.

https://www.instagram.com/p/BnofRuRhgEP/?utm_source=ig_web_copy_link