spanjolli

Dortmundi për titull, firmos dhe me talentin e Barçës

Sport Ekspres — Wed, 19 Jun 2019 18:58:05 +0000

Dortmundi duket se nuk di të ndalet në këtë merkato. Pasi siguroi firmën e Julian Brand, Niku Shulc, Thorgan Hazard dhe Mats Humels, verdhezinjtë kanë gjetur akordin dhe me futbollistin e dalë nga akademia e Barcelonës, Mateu Morej.

Mbrojtësi i djathtë, i lindur në vitin 2000, kaloi disa sezone në “La Masia”, por nuk iu sigurua një vend në ekipin A, çka bëri që 19-vjeçari të mos rinovojë dhe të studiojë ofertat. Dortmundi ka kontaktuar me agjentin e tij dhe parimisht, është arritur një marrëveshje, me Morej që do të nënshkruajë një kontratë 5-vjeçare në “Signal Iduna Park”.

Mateu Morej me fanellen e Spanje U19

Mes Arsenalit dhe Barcelonës, njihuni me dështimin e sezonit

Sport Ekspres — Tue, 21 May 2019 21:28:39 +0000

Ky sezon në futboll, nxorri në skenë shumë talente premtues, zbuloi shumë lojtarë cilësorë dhe na bëri të njiheshim me shumë futbollistë që sot vlejnë miliona euro. Por përveç zbulimeve të bukura, ka dhe nga ata lojtarë që kanë dështuar dhe duan ta harrojnë sa më shpejt këtë sezon.

Një nga këta, është Denis Suarez. Mesfushori spanjoll e nisi sezonin 2018-19 te skuadra e Barcelonës dhe të luash për këtë klub të madh, duhet të jesh një lojtar cilësor, apo jo? Suarez është një futbollist me aftësi të mira, por asnjëherë nuk arriti të bindi trajnerin Valverde, i cili i besoi vetëm 17 minuta në La Liga.

Në janar, Suarez vendosi t’i bashkohej skuadrës së Arsenalit në formë huazimi, me shpresën që do të gjente minuta dhe do të rikthehej të ishte i rëndësishëm, por dhe te “Topçinjtë” e Londrës ishte një dështim. Edhe pse Emeri është një admirues i Suarezit, nuk i besoi më shumë se 67 minuta në Premier League.

Në total këtë sezon, 25-vjeçari spanjoll ka luajtur vetëm 84 minuta, nuk ka krijuar asnjë rast të rrezikshëm për gol, nuk ka goditur asnjëherë kuadratin dhe ka realizuar me sukses vetëm 4 driblime. Një sezon aspak i mirë për të.

Çfarë lajmi për milanistët, ylli i skuadrës pranë rinovimit

Sport Ekspres — Mon, 11 Feb 2019 20:39:32 +0000

Skuadra e Milanit duket në një periudhë shumë të mirë dhe përveç afrimeve me bujë, bordi drejtues po punon edhe në rinovimin e yjeve të skuadrës. Emri më i rëndësishëm i Milanit është padiskutim spanjolli Suso, për të cilin ka interes nga shumë skuadra të mëdha të Europës.

Si pasojë, drejtuesit kuqezinj kanë nisur tratativat për rinovimin e kontratës. Suso, 25-vjeç, vlerësohet plot 50 milionë euro sipas “Transfermarkt.com” dhe është padiskutim një nga asetet më të shtrenjta te “Djalli”.

Rinovimi i tij mund të jetë një blerje më vete për Milanin. Spanjolli i është bashkuar Milanit nga Liverpuli në vitin 2015 dhe ka bërë paraqitje të shkëlqyera për kuqezinjtë. Suso është dhe “beniamini” i tifozerisë së Milanit dhe nëse 25-vjeçari rinovon, do të jetë një lajm shumë i mirë për ta.

Milan-Genoa serie A

FOTO | “Jemi zotër të fatit tonë!”, Suso merr për dore Milanin

Sport Ekspres — Sat, 02 Feb 2019 21:59:57 +0000

Po bëhen disa sezone tashmë që spanjolli Suso është lojtari më i mirë te Milani dhe mesfushori konsiderohet si lideri i skuadrës. Këtë gjë e ka treguar shpesh me paraqitjet e tij në fushë, por dhe jashtë saj, ku në shumë raste mundohet t’i japë zemër shokëve të tij dhe të bashkojë tifozët.

Nesër, Milani do të luajë në transfertë përballë Romës dhe kuqezinjtë vijnë me moral të lartë pasi mposhtën Napolin. Kjo është një sfidë shumë e rëndësishme për “djallin” dhe Suso është munduar të rrisë edhe me tepër optimizmin te shokët e tij.

“Jemi zotër të fatit tonë!”, ka shkruar Suso në Instagram, ku ka bashkëngjitur dhe një foto të skuadrës së tij duke festuar. Në rast se Milani arrin të triumfojë edhe në Romë, do të konfirmojë sezonin pozitiv që po kalon deri më tani.

View this post on Instagram

?? Proprietari del nostro destino. #RomaMilan ??? #ChampionsLeague. Vamos @acmilan #comeunannofa #Suso ? # ?? Propietarios de nuestro destino. #RomavsMilan #championsleague @acmilan #comohaceunaño

A post shared by Suso (@suso) on Feb 2, 2019 at 5:36am PST

Rënia e Benitez | Dikur fliste për finale “Champions”-i, tani…

Sport Ekspres — Fri, 18 Jan 2019 20:30:14 +0000

Trajneri spanjoll i Njukasëll, Rafael Benitez ka qenë një nga më të kërkuarit dhe më të admiruarit në fillim të viteve 2000 dhe arritjet e tij me Liverpulin kanë qenë të pabesueshme. Të gjithë e mbajmë mend atë finale të “Champions League” në vitin 2005, ku të kuqtë përmbysën “mbretërit e Evropës”, Milanin, ndeshje që edhe sot konsiderohet si më e bukura në historinë e Ligës së Kampionëve.

Benitez gjatë kohës kur ishte trajner i Interit

Drejtimin e Liverpulit e kishte Benitez dhe pas asaj nate në Stamboll, të gjithë presidentët e klubeve elitare evropiane e donin në skuadër. E kështu ndodhi, Benitez mori drejtimin e Interit në vitin 2010, por këtu filloi rënia e tij. Pas dështimit te zikaltërit, u bë trajner i përkohshëm te Çelsi (2012-13) dhe trajner i Napolit (2013-15), por nuk arriti të përsërisë sukseset e Liverpulit.

Benitez kur u prezantua te Çelsi

Të gjithë u befasuan kur Benitez mori drejtimin e Realit të Madridit në fillim të sezonit 2015-16, por kishte dhe nga ata që besonin se 58-vjeçari do të rikthehej më në fund në elitën e trajnerëve. Nuk ndodhi kështu…

Benitez kur u prezantua te Real Madrid

Pas një viti të mbushur plot polemika, Benitez u largua nga Reali dhe karriera e tij preku fundin. Ekipi i vetëm që i besoi ishte Njukasëll Junajtid, në verën e vitit 2016, asaj kohë militonte në Championship.

Edhe pse e riktheu skuadrën bardhezi në Premier Ligë, Benitez nuk ka bërë ndonjë punë të jashtëzakonshme me skuadrën nga “Tuneside”. Është për të ardhur keq që një trajner që fliste për finale të “Champions League”, tani flet për një duel mbijetesë në Premier Ligë me Kardif Sitin. Ndoshta, bëri një gabim të madh kur u largua nga skuadre e kuqe e Liverpulit…

VERONIK ISTREFAJ