Përveç eleminimit dhe momentit jo të mirë, Spaletin e shqetësojnë edhe mungesat, të cilat janë të rëndësishme dhe me peshë. Ditën e sotme është zyrtarizuar lista e të grumbulluarve për ndeshjen dhe bie në sy që Mauro Ikardi nuk është përsëri pjesë e grupit.

Gjithashtu, ish-kapitenit i bashkangjiten edhe Raxha Naingolan, i cili nuk është rikuperuar ende nga dëmtimi, si dhe Zhoao Mario. Lajmi i vetëm i mirë është Marselo Brozoviç, i cili me shumë mundësi do të jetë në dispozicion të trajnerit. Gjithsesi, mungesa e tre lojtarëve të përmendur më lart, është diçka që e shqetëson jo pak trajnerin dhe Interin…

Ditën e sotme, trajneri  i ekipit, Luçiano Spaleti ka folur në kuadër të ndeshjes që Interi do të luajë ndaj Fiorentinës në transfertë. Numri një i stolit zikaltër, ka folur për disa tema, ku përveç ndeshjes dhe ekipit, diskutoi dhe mbi mungesat dhe sulmuesin e Fiorentinës, Luis Muriel.

NDESHJA –“Të gjitha ndeshjet janë një test, pasi ke mundësinë të marrësh të njëjtat pikë. Duhet gjithmonë të fitosh në fushë. Ekipi ka bërë mirë këtë periudhë, por siç e keni parë diferencat me ekipet e tjera është zvogëluar dhe na duhet të fitojmë.”

EKIPI – “Duhet të vijojmë të japim më të mirën në fushë. Perishiç dhe Naingolan janë dy nga më të mirët në ndeshjet e fundit, pa lënë pas dhe të tjerët. Kemi pasur një kalendar të ngjeshur dhe do të shohim nëse disa nga lojtarët që luajtën të enjten i kanë rikuperuar forcat dhe të vendosim për formacionin.”

MURIEL – “Muriel ka një shpejtësi, që ta bën shumë të vështirë markimin e tij, kështu që duhet të punojmë shumë. Nëse e lë një lojtar të tillë të veprojë një kundër një, është gati e pamundur për ta ndaluar. Na duhet bashkëpunim i madh në mbrojtje për të lënë sa më pak hapësira.

IKARDI – “Shpresoj që Ikardi dhe Keita të kthehen sa më shpejt të jetë e mundur. Nuk është mirë të thuhet për Interin që varet nga një lojtar, pasi në rast se diçka e tillë do të ishte e vërtetë atëherë nuk do ishim në këto nivele. Ka lojtarë të tjerë që mund të na ndihmojnë të bëjmë diferencën dhe na bëjnë të mundur të qëndrojmë në vendet e para të renditjes.

Ndeshja nisi në tatëpjetë për Interin, teksa pjesa e parë u mbyll në avantazhin e miqve. Ishte Santander, i cili në minutën e 32-të shënoi pas një goditje nga këndi. Një gol, që tronditi jo pak zikaltrit, të cilët në pjesën e dytë u munduan deri në fund, për të marrë diçka nga sfida.

Pavarësisht rasteve të krijuara në fraksionin e dytë, Interi nuk arriti të konkretizonte, teksa rast që mund të veçohet është goditja e Ranokias 3 minuta përpara fundit, por që Skorupsi e ndali në mënyrë fantastike. Bolonja i bëri në mënyrë perfekte detyrat mbrojtëse dhe mori një tre pikësh me mjaft vlera pas plot 5 muajsh pa fitore.

Gjithashtu, Spaleti shtoi se nuk ndihet mirë për faktin se nuk do ta ketë gati Naingolan në një sfidë mjaft të rëndësishme, si ajo ndaj Napolit. Njëkohësisht, ai pranoi dhe se Interi është i presidentin Zhang dhe vendimet merren nga ai.

“Më vjen keq që nuk e kam të gatshëm në ndeshjen ndaj Napolit, sepse është një lojtar i fortë, por rregullat në klub janë më të rëndësishme. Ne varemi dhe jemi Interi i Zhang dhe Interi i Zhang mori këtë vendim. Unë duhet të respektoj rregullat. Pas ndeshjes, Naingolan do të rikthehet të jetë pjesë e skuadrës dhe do të japë kontributin e tij”.

Lidhur me këtë çështje foli legjenda interiste, Havier Zaneti, i cili ka dhe një rol drejtuesi në klub. Ish-kapiteni, pranoi se Ikardi është mjaft i lumtur tek Interi dhe se rinovimi do të vijë herët apo vonë. Gjithashtu Zaneti foli për trajnerin Luçiano Spaleti, pozitat e të cilit janë vënë në pikëpyetje pas eleminimit nga Champions.

IKARDI – “Mauro është shumë i lumtur tek Inter, po ashtu dhe ne jemi me të. Rinovimi do të vijë në kohën e duhur, pasi të gjithë po e presim. Është shumë i rëndësishëm për ne, si brenda edhe jashtë fushe. Është kapiteni ynë edhe pika jonë e referimit”.

SPALETI – “Nuk e vlerësojmë punën e tij nga një humbje apo një fitore, është një trajner i mirë dhe një profesionist i jashtëzakonshëm, i cili vendos të gjithë pasionin e tij në punë. Jemi të lumtur me të dhe do të bëjmë një analizë në fund të sezonit. Ai ka nevojë të punojë i qetë. Objektivi ynë është që të jemi në çdo kompeticion protagonistë”.

NDESHJET E ARDHSHME – “Juventus dhe PSV janë ndeshje shumë të rëndësishme për sezonin, por çdo gjë duhet ta bëjmë hap pas hapi. Nëse e hedhim hapin e parë të saktë, kjo do të na ndihmojë të vazhdojmë në të njëjtën formë”.

KAMPIONATI – “Asgjë nuk ka mbaruar, kampionati nuk mbaron kur ti humb një ndeshje, duhet të kesh besim. Është një sezon i gjatë, mbaron kur nuk ke mundësi ta provosh diçka. Distanca është e madhe, por çdo gjë varet nga ne, në rast se do të mundohemi të rivalizojmë”.

KUNDËRSHTARI – “Juventusi çdo vit merr lojtarë që bëjnë diferencën. Kur isha te Roma, ata pas gjashtë muajve morën Pjaniç. Vitin e kaluar Kanselo ishte ndër më të mirët te ne dhe e mori Juventusi gjithashtu. Kujtojmë blerjen e Higuain nga Napoli. Këto janë detaje të rëndësishme në rritjen e një ekipi. Tani kanë Kristianon, i cili ka një mentalitet të jashtëzakonshëm. Është një ndeshje që do të testojmë karakterin dhe personalitetin tonë”.

PËRGATITJA E NDESHJES – “Duhet të bëjmë një ndeshje të mirë për 90 minuta. Duhet të krijojmë hapësira dhe t’u hapim sa më shumë probleme. Juventus ka fituar ndeshje dhe kur ka vuajtur, jo vetëm kur ka dominuar. Duhet të tregojmë guxim dhe personalitet”.

Numri një i stolit të Interit, foli pas takimit mjaft i revoltuar, pasi Roma kishte disa pretendime për një penallti të pa dhënë në pjesën e parë, pak momente përpara se Interi të shënonte.

“Duke parë që ju keni dëshirë të krijoni kaos në lidhje me arbitrimin, që në këndvështrimin tim ishte i drejtë, atëherë le të flasim. Penalltia që pretendon Roma, përpara se ne të shënonim golin e parë, nuk është ndonjë kontakt i madh, por është e qartë që duhet të rishikohet në VAR”.

Gjithashtu, Spaleti shtoi se dhe Interit iu mohua një penallti në fundin e takimit. Bëhet fjalë për kontaktin midis Manolas dhe Ikardi në minutën e 85-të, kur ndeshja ishte në shifrat 2-2.

“Në qoftë se flasim për këtë, le të flasim dhe për ndërhyrjen e Manolas ndaj Ikardit. Nuk është aspak shpatull, është një shtyrje e pastër. Ikardi po shkonte te topi dhe do të shënonte. Është një penallti e qartë”.

“Është një barazim i drejtë, midis dy skuadrave që luftuan deri në fund për fitoren. Xhanluka Roki arbitroi mirë, pavarësisht se kishte pretendime nga të dyja palët. Nuk mund t’i ndash si episode, as njërën as tjetrën, të dyja duhej të shiheshin në VAR”, përfundoi fjalët e tij tekniku zikaltër.

Pikërisht në ndeshjen e luajtur në mesjavë ndaj Totenhem, një nga lojtarët më të rëndësishëm të zikaltërve pësoi një dëmtim dhe tashmë nuk do të jetë i gatshëm trajnerin Spaleti në ndeshjen e nesërme. Bëhet fjalë për Raxha Naingolan, i cili do të rikthehej në kryeqytetin italian, por këtë herë si kundërshtar.
Një mungesë me mjaft peshë kjo për Interin, duke parë rëndësinë e ndeshjes. Gjithsesi, për zikaltrit ka dhe një lajm të mirë, ku Vërsaljko do të jetë i gatshëm për ekipin dhe e ka lënë pas dëmtimin që ka pasur.

NDESHJA E NESËRME – “Këtë javë nuk kemi menduar për Barcelonën apo për kampionatin. Kemi menduar vetëm për derbin, sepse është pikërisht dhe ndeshja, që do të na tregojë se sa vlejmë. Në këtë ndeshje është  thelbësore që mos pushtohemi nga stresi dhe të bëjmë gjëra të mëdha, të kemi intensitet, gjithashtu dhe të jemi të fortë në duelet një kundër një. Kjo ndeshje këtë gjë kërkon.”

DERBI – “Unë nuk kam frikë nga askush dhe kurrë nuk do të heq dorë nga kërkesa ndaj lojtarëve të mi për gjëra të mëdha. Ne kemi një etikë dhe një profesionalizëm që fshin çdo frikë. Kur dikush e bën punën e tij me ndjenjë dhe është i bindur në atë që bën, nuk ka vend për të pasur frikë. Pastaj ne duam ta luajmë hapur në këtë derbi sepse do të ketë shumë Interistë brenda stadiumit, të cilët do na motivojnë gjithë kohën. Nëse doni të jeni pjesë e historisë së Interit dhe jo vetëm të qëndroni atje gjatë kohëzgjatjes së kontratës, shkoni këtë nga kjo ndeshje. Kontratat bëjnë që ju të qëndroni këtu për vitet në të cilat jeni pjesë e marrëveshjes që keni firmosur, por nëse fitoni ju jeni në histori.”

EKIPI DHE GATUZO – “Me kalimin e javëve kam kuptuar se ekipi im ka rritur mentalitetin, lojën, karakterin dhe se ka ende për të përmirësuar. Ne jemi të plotë për ndeshjen dhe kam të gjithë lojtarët në dispozicion, kështu që unë jam në rregull. Më duhet ta përgëzoj Gatuzon për mënyrën se si luan ekipi i tij. Ai është një trajner i ri, të cilin e respektoj. Ai po tregon një mënyrë të re për të luajtur lojën e tij të ekipit. Në Itali ka shumë trajnerë të rinj të mirë.”

IKARDI-HIGUAIN – “Janë dy lojtarë që të lënë me gojë hapur për ndeshjet që ata luajnë. Një ka ndoshta disa karakteristika të ndryshme nga tjetri, por të dy janë themelore për zhvillimin e lojës së ekipeve të tyre. Më bëjnë që të qesh ata që thonë se Ikardi nuk është shumë teknik, gjithsesi nga pikëpamja ime është e lehtë të zgjedhësh. Sepse një është interist dhe unë zgjedh interistin. Nga Ikardi nuk duhet të kërkojmë asgjë, e lëmë sikur të ishte perfekt për ne. Ka gjëra që të gjithë njerëzit do të përpiqen t’i përmirësojnë. Më mirë le të jetë ashtu siç është, sepse më përshtatet dhe kështu”, përfundoi trajneri i Interit.