Trajneri italian tregohet i sinqertë duke shpjeguar se si filloi krisja midis tij dhe drejtuesve të klubit danez, të cilëve nuk u kursen një kritikë në fund, duke thënë se i krijuan përshtypjen e dorëzimit të parakohshëm.

“Niveli i futbollit në Danimarkë është i lartë, pavarësisht se çfarë mund të mendojnë njerëzit nga jashtë. Atje ka shumë skuadra me lojtarë të mirë. Në të shumtën e rasteve ka futboll cilësor. Këtë sezon pritej shumë prej nesh. Unë mendova se drejtuesit do të mbanin të pandryshuar boshtin e skuadrës, por nuk ndodhi kështu. Pati shumë ndryshime dhe këtu filluan pakënaqësitë e para. Në mars vendosa të largohesha. Mu krijua përshtypja se drejtuesit nuk donin që klubi të luftonte për mbijetesë”.

“Në Danimarkë kanë një sistem “play-out” me rregulla shumë të komplikuar, ku luhet njëkohësisht për mbijetesën, por edhe për Europa League. Në Itali ky format është i papërfytyrueshëm, ne kemi një strukturë kampionati tradicionale. Në Danimarkë janë të interesuar që të bëjnë sa më shumë interesante garën. Në Itali Juventusi po dominon prej tetë vitesh radhazi, këtu s’ka garë për vendin e parë, lufta deri në fund ka vetëm për mbijetesë dhe vendin e katërt, pjesa tjetër është formalitet”.

E ARDHMJA  – “Dëshira ime është që të vazhdoj të punoj jashtë Italisë. Dua një skuadër që ka dëshirë të përmirësohet vazhdimisht dhe që të jetë pjesë e një kampionati cilësor”.

LARGIMI I JUVENTUSIT DHE SARRI – “Do të jetë interesante ta shohim Sarrin te Juventusi. Them se kemi të bëjmë me një ndërrim epokash. Alegri ka pasur pikën e tij më të fortë pragmatizmin. Ai ndiqte shprehjen e Bonipertit: “Fitorja nuk është e rëndësishme, por është gjëja e vetme që vlen”. Tani pritet që të shohim një futboll të bukur, ndoshta kjo gjë do t’i bëjë mirë futbollit italian në tërësi”.

Trajneri italian e mbylli aventurën e tij në Danimarkë te Velje dhe një rikthim i tij te “Demat” shihet si mëse i mundshëm. Sormani bëri mrekullinë me Partizanin, pasi i dha kualifikimin në turin e tretë në Champions League, duke eliminuar Ferencvarosin.

Aventura e Sormanit te Partizani zgjati vetëm 3 muaj, por pas largimit të tij, presidenti Demi u shpreh se i ka ngelur peng ky “divorc”. Tashmë, Sormani ka kaluar në krye të listës për trajnerin e ri të “Demave”.

Mungesa e Ramadanit u ndje dhe Vejle u mund me rezultatin 3 – 1. Në përfundim të 90 minutave, trajneri Adolfo Sormani shpjegoi dhe arsyet e mungesës së Ramadanit.

“Ndjente lodhje, ishte i ngarkuar. Nga të dhënat që kishim, kuptuam se nuk po jepte më të mirën në ndeshjet e fundit dhe e gjykuam që t’i jepnim pushim për rimarrë veten”, tha Sormani.

Lodhja e Ramadanit mund të shpjegohet dhe nga fakti që 22-vjeçari ishte lojtari që kishte përshkruar më shumë kilometra në të gjithë kampionatin danez, fakt ky i nxjerrë nga një studim i bërë në muajin janar nga federata daneze.

Midtjiland barazoi rezultatin në minutën e 79’ dhe tetë minutash të tjera, miqtë e gjetën rrugën e rrjetës edhe dy herë të tjera. Një humbje që dhemb, sidomos po të marrësh parasysh faktin se në rast fitoreje, klubi i sapo ngjitur në Superligën daneze do kryesonte renditjen pas katër javësh kampionat.

Në qendër të mesfushës së Veljes vazhdon të jenë titullarë të padiskutueshëm dyshja shqiptare, Ramadani dhe Muçolli. Një sezon mbresëlënës mund t’i mundësojë dy të rinjve një trampolinë për një skuadër më të mirë në Danimarkë, dhe pse jo një trampolinë drejt një kampionati akoma më cilësor.

Skuadra e drejtuar nga ish-trajneri i Partizanit Sormani fitoi sot në fushën e Thistedit 2-0, në një kohë që i mjaftonte edhe një pikë për të fituar kampionatin.

Ramadani ishte në tribunë, për shkak pezullimi, por skuadra e tij e bëri në mënyrë perfekte detyrën, edhe pse pa një lojtar kyç si mesfushori i kombëtares shqiptare, i cili ka bërë zgjedhjen e duhur verën e shkuar, duke pranuar kalimin te klubi ambicioz i divizionit të dytë danez.

Tani Vejle mendon për Superligën dhe Ramadani nuk do të lejohet të largohet, pasi do të jetë lojtar kyç edhe sezonin e ardhshëm, natyrisht me Sormanin në drejtim.

Sormani e ka mbyllur prej kohësh marrëveshjen me Vejlen dhe këtë e zbulon vetë: “Kam parë shumë ndeshje të divizionit të dytë danez këtë pranverë, kam ndjekur nga afër Vejlen dhe ekipin B të saj, ndaj jam i bindur që Vejle ka një potencial të madh, që duhet shfrytëzuar në maksimum. Lojtarët që stërviten me mua e kuptojnë shpejt si do luajmë dhe çfarë detyrash kanë. Kjo krijon një ndjenjë sigurie për të gjithë dhe është e rëndësishme kur ke një skuadër me lojtarë me kombësi të ndryshme. Futbolli nuk është vetëm 90 minutat e ndeshjes, është mënyra si jeton, si e përgatit ndeshjen, duhet profesionalizëm total, ai t’i fiton ndeshjet. Shumë lojtarë të rinj do të bashkohen me ekipin e parë, sepse do të kem një vëmendje të veçantë për talentet”.

Te Vejle Sormani ka marrë me vete zëvendësin Xhovani Macela dhe përgatitësin atletik Mario Rotondale, por gjithashtu ka kërkuar me ngulm Ylber Ramadanin nga Partizani, çka shpjegon këtë transferim që fillimisht u duk i çuditshëm. Vejle ka plane ambicioze dhe kërkon me ngulm të kthehet në Superligën daneze, ndaj ka vendosur të investojë fuqishëm këtë verë dhe kjo ka bindur edhe Ramadanin, i cili ka biseduar me Sormanin para se të bindej për transferimin.