Zhvendosemi në Grupin B, ku në takimin e zhvilluar në Sarandë midis Butrintit dhe Tepelenës ka pasur momente tensioni. Një karton i kuq për një goditje në grusht ka sjellë që të mos flitej më për futboll. Pamjet e siguruara nga “A2CNN”, tregojnë momentin e konfliktit midis futbollistëve të të dyja skuadrave. Gjithsesi më pas situata u qetësua dhe ndeshja përfundoi me fitoren 2 – 1 të ekipit sarandjot.

KATEGORIA E DYTË- JAVA 24

E shtunë, më 4 maj 2019, ora 17:00

Grupi A

Kukësi B-Ada 2-3

Shënues: Domi 3’, Peposhi 25’ / Përndrecaj 16’, Koçeku 60’, Gokaj 63’ 

Sopoti-Klosi 3-1

Shënues: Çota 19’, Toçka 62’, Vreto 72’ / Pengili 86’

Grupi B

Përmeti-Gramozi 3-1

Shënues: Merto 11’, Lamaj 22’, 29’ / Gjoni 57’

Butrinti-Tepelena 2-1

Shënues: Dhrami 13’ (pen.), Llojaj 86’/ Kalemi 26’

“Sopoti në këtë sezon u ndërtua me elementë shumë cilësorë, të cilët mund të luajnë në Superiore e Kategorinë e Parë. Fati e disa gabime rrugës na penalizuan në synimin tonë. Golat që unë kam shënuar nuk i kanë dhënë skuadrës atë që synuam, por gjithsesi i kanë shërbyer. Me Spartakun mendoj se ishte edhe një sfidë rivalësh”, u shpreh Çota për SportEkspres.com.

Ndërkohë, sulmuesi librazhdas në karrierën e tij i ka provuar të tria kategoritë, pasi ka luajtur në Superiore me Teutën, Tiranën e Dinamon. Edhe te Sopoti ai nuk ndjehet si inferior. “Jam profesionist dhe këtu në Librazhd kam respektuar vendlindjen, pasi e ndjej se kam ende mundësi të jap kontribut në fushën e lojës. Me Sopotin, rruga ime do të mbyllet kur skuadra të ngjitet në elitë dhe do punojmë që koha të jetë sa më e shpejtë”.

AGRON KAJA

VENDIMET E DISIPLINËS
-KF “Sopoti”, për hedhje të sendeve të forta në fushë duke shkaktuar ndërprerje të përkohshme të lojës, në bazë të Nenit 66/3/b të KDS, dënohet me 4 (katër) ndeshje pa spektator ne stadiumin përkatës.
-Rrëzimi i kërkesës së KF “Sopoti”, si të pa bazuar në Kodin e Disiplinës Sportive dhe Rregulloret e tjera të FSHF-së.

-KF “Albpetrol”, në bazë të Nenit 13 të KDS, paralajmërohet se në rast përsëritje të shkeljeve disiplinore, do të jetë subjekt i ndëshkimeve që parashikon Kodi i Disiplinës Sportive dhe rregulloret e tjera të FSHF.
-Lojtari i KF “Termi” U-19, Besford Doci, për dhunë ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktiviteti.

-Lojtari KF “Kukësi” U-19, Jakup Ademaj, për provokim të publikut, në bazë të Nenit 53 të KDS, dënohet me 2 (dy) ndeshje pezullim nga aktiviteti.
-Lojtari i KF “Kastrioti” U-19, Sirjano Vogli, për dhunë ndaj zyrtarit të ndeshjes, në bazë të Nenit 49/1/b të KDS, dënohet me 12 (dymbëdhjetë) muaj pezullim nga aktiviteti.

-Shpalljen e mos kompetencës për trajtimin e kërkesës së “Flamurtari” FC, në bazë të Nenit 37 dhe 75 të KDS.
-Rrëzimi i kërkesës së KF “Erzeni”, si të pa bazuar në Kodin e Disiplinës Sportive dhe Rregulloret e tjera të FSHF-së.

-Rrëzimi i kërkesës së KF “Memaliaj”, si të pa bazuar në Kodin e Disiplinës Sportive dhe Rregulloret e tjera të FSHF-së.
-Rrëzimi i kërkesës së lojtari Aleksandër Beqiri i KF “Tepelena”, si të pa bazuar në Kodin e Disiplinës Sportive dhe Rregulloret e tjera të FSHF-së.

Por sot, për SportEkspres.com, trajneri Klajdi Kënga i Sopotit deklaroi se nuk kishte asnjë arsye që loja të ndërpritej, dhe këtë ai e quan si një çudi shqiptare. Mes të tjerave në deklarimin e tij, trajneri Kënga theksoi se gjithçka prej tyre ishte në kujfijtë e një lufte sportive, pasi sipas tij në një test të tillë lojtarët duhet të tregojnë vlerat, duke qenë njëherësh edhe në prag të rinisjes së kampionatit.

“Ne kemi qenë në kufijtë e një lufte sportive ndaj Turbinës, sepse e kishim vlerësuar maksimalisht ndeshjen. Protestuam tek arbitrat për penalltinë që ata dhanë në fundin e pjesës së parë në favor të Turbinës, dhe çudia shqiptare u pa kur prisnim rifillimin e pjesës së dytë. Pritëm të riniste loja por drejtuesit e Turbinës nuk e nxorrën skuadrën në fushë, ndërsa arbitrat na thanë se këta (Turbina) nuk e vazhdojnë ndeshjen. Çudi shqiptare”, ishte kjo deklarata e trajnerit të Sopotit për miqësoren e luajtur vetëm 45 minuta.

Kategoria e parë rinis më 2 shkurt me ndeshjet e javës së 15-të e Turbina që renditet e fundit në Grupin B pret në fushën e saj Tomorin. Ndërsa Kategoria e Dytë rinis me javën e 12-të më 17 shkurt dhe Sopoti i vendit të 5-të në Grupin A do të luajë me Tiranën B, e cila renditet në vendin e fundit në këtë grup.

AGRON KAJA

Çdo javë prej asaj që realisht është kategoria e tretë e futbollit shqiptar vijnë lajme të çuditshme, nga rrahje masive arbitrash e deri te dënime qesharake që më pas falen si pa kuptuar e pa vënë re.

Këtë javë çudia vjen nga Librazhdi, sepse në ndeshjen Sopoti-Gramshi është dhënë një penallti që i kalon kufijtë e komikes.

Një futbollist i Sopotit rrëzohet në zonë pa e prekur askush dhe arbitri jep 11-metërsh, që më pas e humbet Mirel Çota.

Ishte minuta e 28-të dhe Gramshi kryesonte 1-0, ndërsa më pas sfida përfundoi 1-1, duel rivalësh direktë për ngjitje në Kategorinë e Parë.

Për fat, Gramshi i soll mirë dhe protestat ishin normale, sepse në një fushë tjetër Ditmar Jubica do e kishte pisk. Meqë ra fjala, po ky arbitër gjykoi edhe Klosi-Sopoti javën paraardhëse (!), në 2 dhjetor, dhe në minutën e 32-të i dha një penallti Sopotit, që kaloi në avantazh me Çotën. Te Klosi betohen që penalltia ishte inekzistente dhe se arbitri u pa qartë që po ndihmonte Sopotin. Me siguri janë thashetheme…

Kështu, në Grupin A, katër skuadrat kryesuese kanë ndeshje sa të lehta, aq edhe delikate. Tërbuni kryesues viziton Vllazninë B, një derbi deri sezonin e shkuar, pasi te Tërbuni luanin shumë shkodranë.

Luzi që është i dyti në renditje pret në fushën e tij Spartakun, një ndeshje që kuotohet fitore e vendasve, ndërsa Sopoti i vendit të 2-të pret Gramshin e vendit të 3-të, një “derbi” për vendin e dytë. Tirana B që renditet në vendet e fundit, është mysafire te Partizani B, ndeshje nga e cila bardheblutë numër 2 mund të përcaktojnë shumë për vazhdimësinë.

Në Grupin B, tre kryesueset: Shkumbini, Devolli e Maliqi luajnë në fushën e tyre. Por të treja kanë ndryshim në sfida, pasi peqinasit presin Albpetrolin, skuadër që pretendon kreun, ndërsa Devolli pret Gramozin dhe Maliqi pret Butrintin. Në fundin e renditjes, Naftëtari i fundit pret Termin e Tiranës, ndërsa në Përmet, Tepelena  udhëtuese mund të sjellë befasinë e javës. Skuadrat e mesit të renditjes, këtë javë i zgjidhin mes tyre “konfliktet” për renditjen.

POSTIMI I PLOTË I FEDERATËS

“Një tjetër investim i Federatës Shqiptare te Futbollit në fushat e blerta! Sot është zhvilluar inaugurimi i fushës së futbollit të klubit Sopoti, një investim i FSHF, me një vlerë rreth 60 mijë euro. Ky investim pason mbështetjen që Federata Shqiptare e Futbollit mundëson për klubet shqiptare për të siguruar infrastrukturen sportive adekuate.

Në këtë mënyre, sigurohet një stadium i rinovuar tërësisht dhe një hapësirë e re e zhvillimit social dhe ekonomik të qytetit të Librazhdit. Ky investim modern do të jetë në dispozicion të ekipit të Sopotit, ekipeve zinxhir si edhe kombëtareve rajonale për moshat e reja që FSHF organizon, një kontribut për të zhvilluar me tej dhe kultivimin e pasionit për futbollin tek brezat e rinj”.

Kanë ardhur stolat plastike, që do të kompletojnë shkallët dhe do t’i japin një pamje të bukur stadiumit. Gjithashtu, do të vendosen portat, si dhe pankinat e reja. Pasi të bëhen të gjitha këto, stadiumi i Sopotit do të jetë gati, për sezonin e ri futbollistik 2018-2019.

Pas pesë vitesh mungesë, skuadra e Sopotit do të rikthehet të luajë në qytetin e vet dhe pikërisht në stadiumin që do të ketë një pamje mjaft të bukur.

Mariglen Miraka

Parametrat e fushës janë 105m gjatësi me 65m gjerësi, hapësirë anësore secila anë nga 3,5 metra.

Fushës i janë bërë drenazhimet e reja, nga ku i është montuar edhe një impiant i ri vaditës.

Ka përfunduar edhe rrethimi i ri i gjithë terrenit sportiv dhe tribunës kryesore.

Janë rikonstruktuar nga e para dhomat e zhveshjeve te futbolliste e dhe arbitrave, ku janë kthyer në ambiente bashkëkohore.

Me sa duket, më në fund peripecitë e Librazhdit dhe Sopotit do të marrin fund, sepse për sezonin e ardhshëm skuadra do të kthehet të luajë në shtëpi dhe tifozët do të kenë një stadium modern për të ndjekur ndeshjet e djemve të vet. Urojmë që të përfundojë gjithçka me seriozitet maksimal, për të ndërtuar diçka afatgjatë.

Në Librazhd stadiumi ka vite që është braktisur, edhe pse aty më parë është luajtur edhe për Superioren, por largimi nga Librazhdi ka qenë edhe një zgjedhje e drejtuesve të shkuar, që preferonin ta kishin skuadrën në Tiranë, për stërvitje e ndeshje.

Tani Sopoti ka rënë në Kategorinë e Dytë, skuadra është shpërbërë dhe rindërtimi do të jetë shumë i vështirë, aq më shumë që nuk do të luhet as në Librazhd.

Do të bëhen ndryshime të mëdha dhe pritet që të vendosen edhe stola plastikë, ardhur prej kohësh nga Elbasani, pas prishjes së stadiumit “Ruzhdi Bizhuta”.

Ndërkaq, në Librazh tashmë kanë edhe një trajner të ri, ish-futbollistin e Sopotit Klajdi Kënga, i tërhequr para kohe nga futbolli i luajtur.

25-vjeçari Kënga, pas emërimit në krye të skuadrës së Sopotit, tregon synimet që ka për ta rikthyer në të Parën, por edhe nuk ngurron që të falënderoj drejtuesit më të lartë të klubit: “Jam i lumtur që më besohet një detyrë e rëndësishme. Unë jam librazhdas, kam luajtur për Sopotin dhe dua që ta shoh sa më lartë këtë ekip në vazhdim. Ky ekip nuk e ka merituar që të binte nga kategoria, por tashmë jemi përpara një fakti dhe duhet që të gjithë së bashku ta rikthejmë ekipin në Kategorinë e Parë. Do të jetë e vështirë, por me ndihmën e klubit, jam i bindur që do t’ia dalim. Aq më tepër që edhe do të luajmë në stadiumin tonë që po rikonstruktohet dhe kjo është shumë pozitive”.

Mariglen Miraka

TRAJNERI – Pas rënies në Kategorinë e Dytë dhe largimit te trajnerit Bekim Kuli, krerët e klubit librazhdas po mendojnë për teknikun e ri. Ata i kanë propozuar Kryetarit të Bashkisë së Librazhdit, Kastriot Gurra, që është dhe presidenti i ekipit një ish-lojtarë të Sopotit. Bëhet fjalë për trajnerin e U-17, Klajdi Kënga, i cili ka bërë një punë mjaftë të mirë me moshat e qytetit të Librazhdit. Kështu që Kënga është favoriti kryesor aktualisht që të drejtojë Sopotin në sezonin e ri 2017-2018. Pritet që financuesi i vetëm i skuadrës që është bashkiaku Gurra, të vendosë timonierin e ri me perspektivë Klajdi Kënga. Ky i fundit ka dhënë kontribute të për vite me radhë tek librazhdasit, kështu që do t’i jepet një shans duke i besuar ekipin e Sopotit.

Mariglen Miraka