Son Heung-Min

Fati i buzëqesh Ajaksit, e gjen Totenhemin pa dy goleadorët

Sport Ekspres — Wed, 17 Apr 2019 22:15:09 +0000

Heung-Min Son ishte padyshim heroi i Totenhemit në ndeshjen e së mërkurës ndaj Mançester Sitit. Futbollisti korean bëri që të harrohej mungesa e të dëmtuarit Herri Kejn, duke mposhtur në dy raste portierin Ederson.

Në një intervistë për të shkurtër për mediet pas takimit, 26-vjeçari u shpreh: “Kurrë nuk kam parë diçka të tillë. Ishte një ndeshje e vështirë dhe e çmendur. Jam shumë krenar për të gjithë ekipin. Një çmenduri e vërtetë. Luftuam për 90 minuta duke treguar karakter dhe shpirt luftarak”.

Fatkeqësisht për Poçetinon dhe Totenhemin, një karton i verdhë i marrë gjatë kësaj ndeshjeje i ka kushtuar rëndë koreanit, i cili humbet në takimin e parë gjysmëfinalist ndaj Ajaksit, që do të zhvillohet pas dy javësh më datë 30 prill në Londër.

“Paratë asgjë para jetës së njeriut”, Son tregon zemrën e madhe me gjestin e fundit

Sport Ekspres — Tue, 16 Apr 2019 10:23:56 +0000

Fantastik në fushën e lojës dhe jasht saj. Hung-Min Son, ylli i Totenhem dhe i kombëtares së Koresë së Jugut njihet si një person shumë atdhetar dhe emocional. Kujtojmë lotët e tij në Botërorin e Rusisë për eliminimin e Koresë së Jugut, që nuk është se vinte me pretendime në atë event. Së fundmi ylli i Totenhemit ka bërë një gjest shumë human për viktimat e një zjarri masiv të rënë në vendin e tij. Plot 135 shtëpi janë shkrumbuar nga flakët dhe mijëra forca shpëtimi janë aktivizuar për të neutralizuar situatën.

Sulmuesi ka dhuruar plot 100 mijë paund si shenjë ngushëllimi për të prekurit nga kjo fatkeqësi. Ai shprehet se paraja nuk është asgjë para njerëzve që largohen nga kjo jetë. “Mendoj se paratë nuk janë aq të rëndësishmë. E ndjej si detyrim të bëj diçka në këtë situatë”, është shprehur 26 vjeçari, që po zhvillon një sezon ëndrrash me “Spurs” këtë sezon.

VIDEO | Ka një hero korean, llogariteni dhe Totenhemin për titull!

Sport Ekspres — Sat, 02 Feb 2019 14:23:03 +0000

Pasi fituan kundër Uotfordit në mesjavë, duke kthyer rezultatin me anë të dy golave të shënuar nga Son Heung-Min dhe Lorente në dhjetë minutat e fundit të ndeshjes, Totenhemi siguroi një tjetër trepikësh të rëndësishëm.

Pa Herri Kejn dhe Dele Alin të dëmtuar, ekipi i Poçetinos u bazua përsëri te koreano-jugori për të mposhtur Njukasëllin. Son gjeti golin e fitores shtatë minuta përpara fundit të ndeshjes dhe të dhjetin personal në kampionat gjatë këtij sezoni.

26-vjeçari mori një top nga Lorente, dribloi me anë të një lëvizje të bukur dy mbrojtës dhe gjeti rrjetën i ndihmuar dhe nga një pasiguri e portierit të Njukasëllit.

Kjo fitore e ngjit Totenhemin në vendin e dytë me 57 pikë dhe për momentin Liverpuli kryesues (luan të hënën përballë Uest Hemit në transfertë) është vetëm 4 pikë larg. “Qymyrxhinjtë” mbeten në vendin e 14-të me 24 pikë dhe rikthehen te humbja pas dy fitoreve rresht në kampionat.

Totenhemi – Njukasëll 1-0
(Son Heung-Min 83′)