We're delighted to have agreed terms, in principle, with Swansea City for the transfer of Daniel James to #MUFC.

Further details will be revealed in due course.

— Manchester United (@ManUtd) June 7, 2019

Xhejms aktivizohet si sulmues krahu i djathtë, por gjatë sezonit të kaluar në Championship ai tregoi se është një lojtar që mund të përshtatet në çdo rol të repartit të sulmit.

21-vjeçari ka treguar se është i aftë të bëjë diferencën në Angli, ku shënoi 4 gola dhe regjistroi 7 asiste përgjatë sezonit të kaluar. Një vit më parë Xhejms ishte shumë pranë huazimit te Jovill Taun në divizionin e katërt, por i riu refuzoi këtë lëvizje për të treguar vlerat e tij në Championship, vendim ky që rezultoi mëse i goditur.

https://www.youtube.com/watch?v=bEO-WUPXk5g

Ashtu si një 20 vite më parë, “Djajtë e Kuq”, dolën sërish fitimtarë. Rastësia e solli që Ole Gunar Solskjaer të shënonte sërish, por kësaj radhe shënoi golin e parë të takimit. Pas norvegjezit radhën për të shënuar e morën Jork, Niki Bat dhe Luis Saha. Qershia mbi tortë ishte goli i fundit i takimti nga Dejvid Bekam, i cili vazhdon të tregojë klasin e tij.

Në bankinë nuk mungoi legjenda e gjallë Sir Aleks Ferguson, i cili duket se e ka marrë veten plotësisht nga operacioni i bërë në tru gjatë vitit të kaluar.

Mançester Junajtid 5-0 Bajern Mynih
Shënues: Solskjaer, Jork, Bat, Saha, Bekam

Gjithsesi, pjesa ku u përqendrua më së shumti luzitani, ishte padyshim periudha e tij te Mançester Junajtid, ku analizoi dhe sezonin aktual dhe ecurinë aktuale me Solskjaer.

Murinjo tha se Solskjaer është kthyer në një kukull, sepse ai kërkonte të ishte djali i mirë në atë mes. Deklaratë e fortë nga ish-trajneri i “Red Devils”, që njihet për karakterin e tij.

“Kur thashë në sezonin e dytë, kur Junajtid e mbylli Permier Ligën në vendin e dytë, që ishte sezon fantastik, e thashë sepse potenciali aq ishte. Kur ke një grup lojtarësh profesionistë, të cilët janë ambiciozë, punojnë fort dhe kanë talent, atëherë mund të kërkosh më shumë.

Kur je vetëm dhe nuk ke mbështetjen e askujt, ndërkohë që disa lojtarë janë gjithmonë kundër trajnerit, kush është djali i mirë këtu? Nuk dua të jem djali i mirë, sepse djali i mirë, pas tre muajsh, është kthyer në një kukull dhe kjo gjë nuk përfundoi mirë.”

“Është e qartë, ky sezon është për t’u harruar! Jemi në vend të gjashtë, diçka e papranueshme për një klub si Mançester Junajtid. Humbën 2-0 përballë Kardifit dhe tifozët qëndruan deri në fund për të na përshëndetur. Kjo gjë tregon shumë për këtë klub të madh.

Fajtorë mund të konsiderohen disa lojtarë, të cilët kanë bërë një sezon për t’u harruar. 7 ose 8 afrime nuk janë aspak të ekzagjëruara, pasi e thashë që vendi i gjashtë nuk i takon Junajtid. E nisim sezonin në korrik në kualifikueset e Europa League, deri atëherë do t’i kemi rregulluar të gjitha gjërat”, u shpreh mes të tjerash trajneri i Mançester Junajtid.

Sipas asaj që raporton portali britanik, Pol Pobga dhe David De Gea nuk do të jenë më pjesë e “Djajve” në sezonin e ardhshëm. Paratë që do të përfitohen nga largimi i këtyre dy lojtarëve, do t’i shtohen buxhetit prejt 330 milionë eurosh.

Mësohet se Solskjaer do të shpenzojë 100 milionë euro për një transferim të bujshëm, ndërsa me pjesën tjetër të parave, do të mundohet të përforcojë sa më shumë mbrojtjen dhe mesfushën, pasi në këto dy reparte, do të ketë shumë largime.

Valencia, Jang, Roho, Matiç, Pogba, De Gea, Herrera dhe Darmian janë vetëm disa nga emra që me shumë gjasa e kanë mbyllur aventurën e tyre në “Old Trafford”.

Trajneri i “Djajve të Kuq”, Ole Gunar Solskjaer, tha para gazetarëve se disa nga lojtarët e skuadrës së tij mund të ketë luajtur ndeshjen e fundit me të si trajner, fjali kjo që paralajmëron një revolucion në merkaton e verës.

“Nuk dua të flas për individë, por ka  shumë mundësi që kjo është hera e fundit që do të shikoni disa lojtarë të caktuar me fanellën e Mançester Junajtid”

“Jemi këtu jo pa arsye. Nuk kemi qenë aq të mirë sa për tu renditur në zonën e Champions-it. Europa League është vendi që na takon. Gjithsesi sot prisja të luanim më mirë. S’kishim përqendrim dhe besim. U çudita me mënyrën si luajti skuadra, në vend që luanim thjeshtë provonim gjërat më të vështira”, tha norvegjezi.

Sipas “Daily Mail”, trajneri Ole Gunar Solskjaer i është “përveshur” sulmuesit francez Antoni Marsial, i cili ka qenë një ndër lojtarët më zhgënjyes tek “gjiganti” anglez në këto javët e fundit.

Forma e dobët e francezit mbështet edhe nga statistikat ku ai është ndër  lojtarët që vrapojnë më pak te “djajtë  e kuq” duke regjistruar një mesatare prej 8.45 kilometrash të përshkruara në 90 minuta.

Në mënyrë ironike kjo sjellje e lojtarit vjen fill pas nënshkrimit të një kontrate të re afatgjatë nga e cila 23-vjeçari është kthyer në një ndër lojtarët më të paguar në ekip me një pagë 11 milionë paundësh në sezon.

Kompania që kontrollon klubin ka parë të zhduket 25% e vlerës së klubit, gjatë periudhës kur “Djajtë e kuq” janë fundosur edhe në fushë.

Në fund të gushtit të vitit të shkuar Man Utd kishte një vlerë rekord prej 4.27 miliardë dollarësh, ndërsa tani vlen vetëm 3.25 miliardë.

Vjeshtën e shkuar klubi u godit rëndë nga një rënie në Bursën e Nju Jorkut, por tregu amerikan është rritur sërish, duke shkuar në nivelet e gushtit, ndërsa vlera e Junajtid është zhytur keq, ashtu si rezultatet e ekipit.

Në 31 gusht të vitit të shkuar një aksion i Junajtid kushtonte 26.2 dollarë, ndërsa tani vetëm 19.5 dollarë, duke qenë në pikiatë, pas një rritjeje të shkurtër kur trajner u emërua Ole Gunar Solskjaer dhe rezultatet u përmirësuan ndjeshëm për disa javë.

Në verë Junajtid ka ndërmend të shpenzojë shifra të rëndësishme për të rindërtuar ekipin, por ndoshta diçka e tillë po i tremb investitorët, duke qenë se vlera e futbollistëve me emër mund të bjerë ndjeshëm nëse rezultatet nuk përmirësohen.

Ndërkaq, Junajtid do të humbiste rreth 80 milionë sterlina nëse nuk përfundon mes 4 skuadrave të kreut në Premier League këtë sezon, ndaj situata është e nderë dhe nuk është çudi që në verë të shitet edhe Paul Pogba, për të gjetur fonde shtesë për merkaton.

Trajneri norvegjez u shpreh se pa lojtarë të impenjuar e që vraponin, por në fund Solskjaer pranon me keqardhje që Siti është ekipi më i mirë dhe madje i komplementin duke thënë se ekipi i Guardiolës ka vendosur një standard.

“Skuadra reagoi, por në fund u mundëm nga një kundërshtari më i mirë se ne. Gjithsesi mora një reagim nga skuadra dhe lojtarët. Mund të vërehej qartazi se djemtë po punon fortë, por nuk ishte mjaftueshëm”.

“Ka një diferencë në cilësi. Për këtë arsye ata janë në këtyre dhe ne jemi këtu ku jemi. Ata kanë vendosur një standard. Jetojmë në Mançester dhe s’mund të na pëlqejë kjo gjë. Është në dorën tona që të zvogëlojmë hendekun e t’i kalojmë ata”.

“Sot nuk mund të them se ndonjë nga lojtarët nuk vrapoi. Duket qartë që kishte impenjim dhe përqendrim. Thjesht na duhet të punojmë sërish. Lojtarët e Sitit kanë shumë uri kur humbasin topin. E marrin mbrapsht me agresivitet dhe faulle”, përfundoi Solskjaer.

Në prag të derbit trajneri i Mançester Junajtid, Ole Gunar Solskjaer, ka lëshuar një deklaratë të çuditshme, duke ngacmuar rivalët e qytetit.

“Natyrisht do të ketë pasoja, do të bëj ndryshime në krahasim me ndeshjen ndaj Evertonit, ku plani ynë nuk funksionoi dhe kundërshtari na mposhti edhe në aspektin fizik. Duhet të bëjmë shumë kujdes, sepse Siti luan futboll agresiv dhe lojtarët e tyre ushtrojnë presion në mesfushën kundërshtare, duke shkaktuar shpesh faulle që aty, duke e ditur se në raste të tilla rrallë jepet kartoni i verdhë.

“Duhet të luajmë shpejt, pa e mbajtur gjatë topin, për të evituar kontaktin fizik”.

Solskjaer foli edhe për të ardhmen, duke konfirmuar se lojtarët kanë edhe pak kohë për të treguar se vlejnë: “Si lojtarë ata që kemi janë shumë cilësorë, por nëse nuk e tregojnë është e kotë. Në verë do të ketë ndryshime të mëdha, por natyrisht nuk ka mbaruar ende sezoni. Ndoshta do të më tregojnë se nuk na nevojitet spastrim”.

Tani, Nevill punon prej kohësh për kompaninë mediatike “Sky Sports”. Në një intervistë për bërë së fundmi, Nevill flet me trajnerin e “Djajve të Kuq” në prag të takimit të nesërm ndaj Mançester Siti.

Megjithëse situata është tepër e tensionuar, Solskjaer, tregon se është një njeri që nuk i kursen shakatë, duke “thumbuar” gjatë intervistës ish-kolegun e tij për eksperiencën katastrofike qe ai pati si trajneri i Valencias katër vite më parë, ku skuadra spanjoll rrezikoi rënien nga Primera Divizion.

“Sigurisht  që do të ketë pasoja. Kundër Sitit s’do të jetë e njëjta skuadër. Sigurisht një ndeshje e tillë bën që të ndryshosh mënyrën e të menduarit. Tani duhet një reagim, një përgjigje. Duhet që të provokosh një reagim, duhet që të frymëzosh një përgjigje nga lojtarët. Ti e di nuk është lehtë të menaxhosh një skuadër në disa raste (qesh)”.

https://twitter.com/utdxtra/status/1120740909409345538

Tekniku norvegjez vuri në dyshim impenjimin e disa lojtarëve dhe u shpreh i bindur se ai do të ketë një të ardhme te suksesshme te Mançester Junajtid, ndërsa disa nga lojtarët që ka në dispozicion s’do të jenë pjesë e këtij suksesi.

“Duke filluar nga minuta e parë gjithçka shkoi keq. Duhet të kërkojmë falje tifozëve, ata janë të vetmit persona që mund t’i veshin me fanellat e Mançester Junajtid me kokën lart,  ndërsa ne jo”.

“Paraqitja e skuadrës nuk ishte e denjë për emër si Mançester Junajtid. U kërkojmë falje të gjithë personave që kanë një lidhje me këtë klub. Kemi një shans perfekt për ta shlyer këtë që bëmë të mërkurën (derbi ndaj Mançester Sitit)”.

“Evertoni ishte më mirë se në të gjitha aspektet. Thjesht talenti s’ka për të mjaftuar punë, duhet të punojmë në shumë gjëra që të marrin rezultatet që ne dëshirojmë. Nëse je një lojtarë që dëshiron të luadh në këtë klub, duhet të kuptosh se sa vlerë ka kjo fanellë. Dua që skuadra ime të jetë skuadra që punon më fort në të gjithë kampionatin. Unë do të korr sukses këtu, dhe do të ketë lojtarë që s’do të jenë pjesë e asaj skuadre të suksesshme”.

https://twitter.com/utdxtra/status/1120000552602152960

Një nisje e pabesueshme, me fitore shumë të rëndësishme gjatë rrugë. Solskjaer e ngjiti Junajtid nga vendi i shtatë deri në vend të katërt, përmbysi humbjen 2-0 kundër PSG-së në Champions League. Por që pas ndeshjes kundër Arsenalit në kampionat disa javë më parë, e humbur 2-0, gjithçka mori për mbrapsht.

Nuk ndodhte që nga viti 1981 që Mançester Junajtid të humbiste pesë ndeshje radhazi, por me Solskjaer në krye, kjo gjë ndodhi. Humbja 4-0 kundër Evertonit plotësoi këtë rekord shumë negativ dhe Solskjaer ka ende shumë punë për të bërë tek “Djajtë e Kuq”.

Trajneri norvegjez tha se Barcelona është një klub disa nivele më lart se Junajtid, ndërsa vëmendja tani fokusohet e gjitha te kampionati ku vendi i katërt është një objektiv i vështirë për t’u realizuar.

“Më duhet të them se Mesi është maja e futbollit dhe sigurisht që ai bëri diferencën. Kur rezultati shkoi 2 – 0 gjithçka mori fund. Ai është i një niveli tjetër. Ai dhe Ronaldo janë lojtarët më të mirë të dekadës së fundit dhe këtë, të gjithë bien dakord për këtë gjë. Mesi sot tregoi kualitetin e tij.

“Na duhet të aspirojmë që të shkojmë në nivelin e Barcelonës. Mund ta arrijmë këtë, por kemi shumë punë për të bërë që ta rikthejmë Mançester Junajtid aty ku e meriton. Ata ishin disa nivele mbi ne në të dyja ndeshjet. Duam që të luajmë sërish në Champions vitin tjetër, kështu që duhet të përveshim mëngët këto javë në kampionat”, tha Solskjaer.

“Luajtëm ndaj një skuadre shumë të mirë. E dimë që duhej të mbronim shumë mirë pa top dhe kjo bën që të lodhesh shumë, duke mos qenë i qetë kur ke rastet e tua.

“Ka gjëra pozitive dhe negative. Mendoj se e nisëm keq, paksa nervozë. Nuk ushtruam presion pas golit dhe më pas na u desh pak kohë sa të gjenim ritmin e duhur. Në mesfushë lojtarët ishin të shkëlqyer, kishte momente që dukeshim si një skuadër e vërtetë, si Junajtid, dhe tifozët na mbështetën.

“Bëmë sa mundëm kundër Mesit, ia dolëm mbanë. Ndeshja ishte e ekuilibruar, mund të fitonim edhe ne. Megjithatë, ne nuk e goditëm portën kundërshtare dhe kjo më zhgënjen, pasi është thelbësore të kërkosh golin. Shkojmë në Barcelonë për të shënuar, përndryshe është e kotë“, deklaroi Solskjaer për BT Sport.

“Mund të ndjej tension dhe entuziazëm. Lojtarët duan të luajnë. Është një ndjesi me ndryshe se ajo me PSG-në. Kemi mësuar shumë nga dy ndeshjet me ata. Champions të befason me rezultate shumë të çuditshme. Vitin e kaluar Barcelona fitoi 4-1 ndaj Romës, por më pas u mundën 3-0. Gjithçka do të vendoset në ndeshjen e kthimit në “Camp Nou” nesër na duhet një rezultati i mirë, që kur të shkojmë në Spanjë të jemi më të qetë”.

POGBA – “Ai është lojtari që krijon për ne. Duhet të fitojmë topat dhe ai duhet të çojë ekipin përpara. Shpresoj ta bëjë mirë këtë detyrë. Ai është ndër lojtarët tanë më të mirë, nuk mund imagjinoj që të mos jetë pjesë Mançester Junajtid sezonin tjetër”.

“Kemi shanse të mira në kampionat. Nuk mund të them se fitimi i Champions-it është diçka më e lehtë se renditja në katër vendet e parë të tabelës në Premier Ligë.  Kemi shanse aty, nuk jemi larg katërshes së parë për momentin”.

Pas ndeshjes me madrilenët, Barçën e pret përballja me Mançester Junajtid për çerekfinalet e Champions League. Pikërisht, lidhur me këtë takim, Ole Gunar Solskjaer ka nisur të përgatitet dhe mbrëmjen e sotme, do të bëjë një “vizitë” në “Camp Nou”.

Trajneri norvegjez, do të përfitojë nga fundjava që Junajtid e ka pushim, për të qenë i ftuar special në Katalonjë dhe për të studiuar nga afër kundërshtarin që do të ketë në Champions.

Pesë lojtarëve të skuadrës angleze u mbaron kontrata në fund të këtij sezoni dhe situata duket shumë shanset për rinovim janë thuajse 0. Të pestë lojtarët e mëposhtëm do t’i shohim në klube të tjera sezonin e ardhshëm.

ANTONIO VALENCIA  –  Mosha 33 vjeç

Kapiteni i Junajtid do të largohet pas një dekade te skuadra e nga veriu i Anglisë. E ardhmja e ekuadorianit do të jetë përsëri në Angli, ku ofertat nga ekipe të mesit të tabelës nuk do t’i mungojnë.

Mateo Darmian –  Mosha 29 vjeç

Pesë sezonet e Darmian te Mançester Junajtid kanë qenë të shoqëruara me shumë ulje dhe ngritje. Italiani kurrë nuk arriti të jetë një lojtar stabël në formacionin e “djajve të kuq” dhe rinovimi i kontratës nuk ka sens për asnjë nga palët.

HUAN MATA –  Mosha 30 vjeç

Spanjolli është një nga lojtarët më të preferuar të akademisë, por është e qartë për të gjithë që Mata nuk është më i dikurshmi. Lojtari po shqyrton oferta nga vendlindja, por edhe ato nga kampionati kinez.

XHEJMS UILSON – Mosha 23 vjeç

Disa prej jush mund ta mbajnë mend sulmuesin Xhejms Uilson. Mëngjarashi ishte një ndër talentet më premtues të akademisë së Junajtid, por vitet e fundit ka qenë shumë i pafatë, duke pësuar dy dëmtime tepër të rënda në gju. Në Championship ka mjaft ekipe të interesuara për 23 vjeçarin, i cili në katër sezonet e fundit ka kaluar disa huazime në këtë kampionat.

ANDER HERRERA – Mosha 29 vjeç

Herrera bën përjashtim nga të gjithë personat e tjerë të listuar. Mesfushori spanjoll është në planet e klubit, por agjenti i tij po negocion një transferim me kosto 0 te PSG-ja. Ekipi francez i ka ofruar spanjollit një kontratë shumë herë më të mirë krahasuar me propozimet e Junajtid.

“Lajm i mrekullueshëm, ka bërë një punë të shkëlqyer dhe e meritonte një kontratë të re. Ai admirohet nga fansat dhe nga lojtarët e Junajtid. Ka bërë një punë fantastike deri më tani dhe shpresoj të vazhdojë me këto ritme. Fakti që Solskjaer do të jetë trajner i Junajtid, është diçka shumë e mirë për tifozët e vërtetë dhe për vetë klubin”, tha Bekam.

“Junajtid është një klub që ka shumë para, por qe duhen shpenzuar me shumë kujdes. Njeërëzit që me njohin, e dinë sesi unë jam dhe jam i bindur se do t’i shpenzoj ato para me shumë kujdes dhe me shumë arsyetim. Kam një plan me klubin, kemi filluar të studiojmë lojtarë që para shumë kohësh.

Di dhe kush do të qëndrojë këtu, kush do të largohet. Nuk do të harxhojmë para sa për të harxhuar para. Kemi disa probleme me kontratat e lojtarëve që skadojnë, por po punohet që të kemi sa më shumë rinovime”, tha Solskjaer.

Pas rezultateve të shkëlqyer, Mançester Junajtid nënshkroi përfundimisht me Solksjaer, duke paguar 7 milionë euro te skuadra e Moldes. Në kampionatet elitare të Europës, 7 milionë euro nuk bien në sy, por në Norvegji, gjërat janë ndryshe.

Sipas gazetarit të “SportInteligjence”, Nik Harris, me 7 milionë euro, një skuadër norvegjeze paguan rrogën e një lojtari për 106 vite. Po ashtu, 7 milionë euro është dyfishi i shumës që Molde ka përfituar nga shitja e lojtarit më të shtrenjtë (3.5 mln euro). Shuma që Junajtid ka paguar për Solskjaer është sa 2/3 e buxhetit të plotë sezonal të Moldes. Me këto para të arkëtuara, pritet që Molde të bëjë gjëra të mëdha në kampionatin norvegjez dhe jo vetëm.

Me Solskjaer në drejtim, Junajtid ka humbur vetëm 1 herë në 13 ndeshje kampionati, ndërsa në Champions League eliminoi bujshëm PSG, pas humbjes 2-0 në vajtje, në Old Trafford.

“Kjo ka qenë ëndrra ime më e madhe, ëndrra finale, ndoshta një ëndërr naive, por që e kam pasur gjithnjë në mendje”, tha 46-vjeçari pasditen e sotme.

The boss ?#OlesAtTheWheel ? #MUFC pic.twitter.com/PkUrixF5YG

— Manchester United (@ManUtd) March 28, 2019

Solskjaer ka luajtur për 11 sezone me Junajtid, duke shënuar golin që vlejti triumfin në fianlen e Champions League në 1999. Kur mori drejtimin e përkohshëm, në dhjetor, Solskjaer e gjeti Junajtid në vendin e gjashtë në kampionat, 11 pikë larg katërshes së kreut, ndërsa tani është vetëm 2 pikë pas Arsenalit, që mban vendin e katërt.

Ai u bë trajneri i parë i Junajtid që fiton 6 ndeshjet e para në kampionat, duke thyer një rekord që rezistonte prej kohës së Sër Met Basbit.

“Do jem vetvetja, si gjithnjë, e di si funksionon kjo punë. Dua trofe, por sfida më e madhe është përmirësimi i skuadrës. Ka pasur përmirësim në muajt e fundit, por ka ende shumë hapësira për të bërë më shumë”.

Lots of #MUFC players, past and present, are ???9??#OlesAtTheWheel ? pic.twitter.com/QIsmbNQEco

— Manchester United (@ManUtd) March 28, 2019

Junajtid nuk e fiton Premier Ligën prej vitit 2013, sezoni i fundit i Ferguson në stolin e Red Devils, ndaj Solskjaer kërkon durim.

“Presim të kthehemi te titulli, ku është mësuar Junajtid, që ka kaq shumë trofe. Nuk mund të presim shumë gjatë, por nuk mund të ndodhë brenda natës. E di që do të kemi sukses, por hapat duhen hedhur një nga një.

“Nuk ka rëndësi çfarë kam bërë si futbollist, tani është histori e re. Ka qenë fantastike të punoja me trajnerin më të mirë në botë, e mora në telefon Ferguson sapo u konfirmova në stol, por tani jam unë trajneri dhe kjo është arritje më e madhe për mua. Tani nis një punë edhe më e madhe, pres me padurim të punoj me këta djem, por edhe me ata që do të afrohen, sepse kemi synimin të përforcohemi”.

Në një intervistë për faqen zyrtare të klubit, Pogba ka folur sa i takon të ardhmës së teknikut norvegjez në krye të Junajtid, pasi momentalisht është në krye deri në fund të sezonit. Mesfushori pranoi se do të ishte diçka shumë pozitive për të dhe për klubin nëse Solskjaer qëndron, pasi e ka treguar se di të marrë rezultatet e duhura dhe të mbajë të lumtur një grup lojtarësh.

“Sigurisht që ne duam që ai të qëndrojë”, tha fillimisht Pogba. “Ole ka bërë shumë mirë që kur ka ardhur këtu dhe rezultatet e tregojnë këtë gjë. Ai di t’i mbajë lojtarët të lumtur dhe kur lojtarët janë të lumtur, puna e tij bëhet më e thjeshtë. Është një trajner shumë cilësr dhe shpresoj të qëndrojë këtu”, u shpreh Pogba.

Përballjet ndaj katalansve do të jenë më datë 10 dhe 16 prill. Gjithsesi lajmet e këqija kanë filluar të vijnë për Solskjaer edhe pse më shumë se tri javë larg këtyre sfidave.

Solskjaer do i duhet të bëjë planet për këto dy takime pa lojtarin më të paguar të ekipit, kiliani Aleksis Sançez. Sulmuesi ka pësuar një dëmtim në ligamentet e gjurit, që mendohej se do linte jashtë deri në fund të marsit, por analizat e mëtejshme kanë zbuluar se Sançez mund të humbasë dhe muajin prill.

Gjithsesi alternativat për norvegjezin nuk janë të paktë. Marsial dhe Rashford japin garanci për sulmin, ndërsa në stol janë dhe lojtarë si Lingard ose Huan Mata.

Kur i dorëzuan faqen e parë të gazetës britanike, “Evening Standard”, Solskjaer nuk u fokusua te shkrimi kryesor, ku i thureshin elozhe, por te një reklamë në fund të faqes së gazetës. Aty ishte një foto e tij, si imazh i një kompanie bastesh.

Kjo gjë nuk i ka pëlqyer aspak Solskjaerit, që drejtpërdrejt në televizion tha se ajo kompani do të ketë probleme të mëdha me të. Avokati i Solskjaer pranoi se kjo gjë është e paligjshme si në Angli, ashtu dhe në Norvegji dhe do të punohet në sqarimin e këtij problemi.

Rekorde, fitore të shumta, lojë e bukur dhe gola spektakolarë: Ky është Mançester Junajtid i Ole Gunar Solskjaer, të cilit me shumë gjasa do t’i besohet stoli me kohë të plotë. Kualifikimi përballë PSG-së ishte qershia mbi tortë për të besuarit e Solskjaer, që duken të rilindur në vitin 2019.

Për të siguruar firmën e Solskjaer, Junajtid tashmë nuk duhet të paguajë asgjë, pasi trajneri norvegjez është pa kontratë. Me shumë gjasa, Solskjaer do të jetë trajner i “Djajve të Kuq” edhe sezonin e ardhshëm.

Megjithtë, kur kanë kaluar muaj të tërë dhe ecuria nuk ndryshon, ritmi është i shkëlqyer dhe arrin të fitosh edhe në Paris, duke u bërë ekipi i parë në historinë e Champions League që përmbys humbje me 2 gola avantazh nga ndeshja e parë në shtëpi, atëherë Solskjaer është një magjistar.

Nxënësi i Aleks Ferguson diçka e ka mësuar dhe ashtu si në 1999, kur në shtesë mposhti Bajernin e Mynihut, sot fundosi PSG-në. Ishte një kryevepër e pamundur, sepse Junajtid ishte i sakatuar, me mungesa pa fund para ndeshjes dhe me dëmtime gjatë saj, aq sa në fund debutoi edhe një 17-vjeçar.

1- Paris are the first team in the history of the Champions League to be eliminated despite a 2-0 away win in the first leg. Unbelievable. #PSGMUN pic.twitter.com/H8CdFRQo20

— OptaJean (@OptaJean) March 6, 2019

Penalltia në shtesë ishte një dhuratë, këtë zor se e mohon ndonjë anglez, por nga ana tjetër kur ke qëndruar në lojë për 180 minuta, kundër çdo parashikimi, ndaj një rivali dukshëm superior, ndoshta edhe fati të ndihmon. Edhe gabimin e madh në formacion, duke hedhur në fushë Beili, i cili ishte krejtësisht jashtë loje, Solskjaer e korrigjoi që në pjesën e parë, duke e zëvendësuar qendërmbrojtësin me portugezin Dalot.

Nëntë fitore në po aq transferta që kur ka marrë drejtimin e Djajve të Kuq, Solskjaer është njeriu i rekordeve, magjistari i ftohtë që po ndez Mançesterin.

Norvegjezi ka rikthyer krenarinë në krahun e kuq të Mançesterit, me një fitore magjike në Paris, ndërsa pas ndeshjes u jep meritat djemve: “Nuk bëra ndonjë diskutim motivues, e bëri Ajaksi dje. Edhe ata kanë meritë në këtë përmbysje. Ky është Junajtid, i ka në gjak gjëra të tilla”.

Solskjaer ka arritur fitoren e nëntë rresht jashtë fushe: “Shpresa jonë ishte besimi te këta lojtarë. Donim një gol të shpejtë, por nuk e prisnim të pësonim 2 minuta më vonë. Reagimi ynë ishte fantastik, ditëm të vuanim deri në fund. 

“Penalltia? Ka gjithmonë dyshime. Jam eliminuar një herë nga Champions League duke humbur penallti në shtesë, me Molden, por jo këtë radhë. Normalisht penalltitë i gjuan Pol Pogba, por Markus është vetëm 21 vjeç dhe nuk ka frikë”.

“But it’s what we do. This is Manchester United.”

Në fjalën e tij, trajneri norvegjez tha: “Në takimin e parë, PSG-ja na ndëshkoi nga një goditje standarte dhe në vetëm 10 minuta, u duk se do të shënonin katër ose pesë gola. Ishte një ndeshje shumë e luftuar, por ata kanë kualitet të jashtëzakonshëm.

Mbape është një lojtar i madh, shumë cilësor dhe i shpejtë. Një rrezik për ne, por nuk do të jetë vetëm ai. Duhet të mbrohemi mirë dhe të shënojmë, pasi golat e ndryshojnë ndeshjen. Nuk kam asnjë presion nga klubi nëse eliminohemi. Shpresoj që të paktën të bëj një formacion të plotë, me lojtarët që janë në formë të mirë. Gjithsesi, do të presim deri nesër për të parë sesi Junajtid do të jetë”,- tha trajneri i “Djajve të Kuq”.

Edhe pse u rikthye në stërvitje gjatë ditës së sotme, Marsial nuk arriti ta përfundojë seancën stërvitore dhe Solskjaer u “godit” sërish me realitetin e hidhur, pasi francezi me shumë gjasa do të mungojë përballë PSG-së në ndeshjen e kthimit në “Parc de Prince”.

Vetë trajneri norvegjez pranoi se nuk është aspak i kënaqur me këtë fakt dhe se Marsial është një lojtar shumë i rëndësishëm. “Mendova se do të rikthehej, por sot në stërvitje nuk ia doli. Nuk kam ndërmend të rrezikoj me gjendjen e tij dhe mendoj se do të mungojë kundër PSG-së”.

Më pas, në ndeshjen ndaj Liverpulit, u dëmtuan Lingard përsëri, Huan Mata dhe Ander Herrera. Fundjavën që lamë pas, për t’i vënë kapakun momentit të pafat që po kalojnë “djajtë e kuq”, mendoi Aleksis Sançez, i cili la lojën i dëmtuar në minutën e 52-të.

Kur kanë kaluar disa ditë nga episodi, së fundmi është raportuar edhe koha që do t’i duhet kilianit për të marrë veten. Sipas mjekut të kombëtares së Kilit, Sançez do të qëndrojë jashtë fushave për 6-8 javë. Tjetër humbje e madhe për Solskjaer, i cili në prag ka ndeshjen e kthimit ndaj PSG.

Sikur të mos mjaftonte disavantazhi prej dy golash dhe fakti që luajnë në fushë kundërshtare, te Junajtid janë alarmuar dhe për dëmtimet e shumta. Plot 10 lojtarë nuk do të jenë në dispozicion të trajnerit Solskjaer.

Më i rëndësishmi është Pol Pogba, i cili e humbet këtë sfidë për shkak të kartonit të kuq të marrë në ndeshjen e parë. Mungesa të tjera të rëndësishme janë ato të Matiç, Herrerës, Lingard, Sançez, Mata, Marsial, Valencia, Xhons dhe Darmian.

“Atmosfera në dhomat e zhveshjes është e shkëlqyer. Kam parë në shumë raste ku rezultati nuk është në favorin tonë disa sjellje të lojtarëve, që më duhet të them janë të pabesueshme.

Mënyra si ata mbështesin njëri-tjetrin është inspiruese dhe më kujton Junajtidin e vjetër. Përmbysjet e rezultateve dhe besimi deri në sekondat e fundit është në ADN e këtij klubi të madh. Të përmbsysësh rezultatin ashtu siç ne bëmë përbalël Southempton ishte diçka unike.

Lukaku është një shënues i lindur, është githmonë gati për të sakrifikuar dhe për të ndihmuar skuadrën. Sançez pësoi një dëmtim, por nuk e di gjëndjen e tij.

Jemi vetëm tri pikë pas Totenhamit dhe kjo gjë është emocionuese. Kemi një sfidë të re përpara dhe kur askush nuk mendonte se Junajtid mund të renditej pas Liverpulit e Sitit, ne mund ta bëjmë këtë realitet”, përfundoi trajneri norvegjez.

Sipas “The Sun”, lojtari i parë që do të bëhet “kurban” nga norvegjezi është kapiteni i klubit Antonio Valencia. Futbollisti ekuadorian është pjesë e “djajve të kuq” që prej vitit 2009, por pas pak muajsh ai do të mbush 34 vjeç dhe Solskjaer mendon se ka ardhur koha për t’i hapur rrugë brezit të ri.

E ardhmja e Valencias me shumë gjasa do të jetë sërish në Angli. Sipas “Manchester Evening Neës”, për lojtarin nuk mungojnë ofertat nga ekipe të tjera që militojnë në Premier League, të cilët janë të gatshëm ta marrin 33-vjeçarin me kosto 0 gjatë muajve të verës.

Fillimisht faji u vu te Murinjo, pasi portugezi uli shumë nga yjet e skuadrës në stol, ndër to dhe Marsial   dhe Pogba. Megjithatë, në ndryshim nga dy francezët, situata e Fred nuk ka ndryshuar me shkarkimin e portugezit dhe zëvendësimin e tij me Ole Gunar Solskjaer.

Aktivizimi i fundit i Fred daton më datë 26 dhjetor dhe që prej asaj date braziliani nuk ka marrë qoftë dhe asnjë minutë duke qëndruar në stol për nëntë ndeshje radhazi.

Në takimin e fundjavës kundër Mançester Junajtid, Solskajer në mungesë të të dëmtuarit Nemanja Matiç vendosi t’ia besonte vendin e lënë bosh të riut Skot Mektominej. Situata bëhet akoma më e rëndë për Fred, pasi Solskjaer nuk e aktivizoi brazilianin pas dëmtimit të Hektor Herrerës, duke preferuar të aktivizonte të riun tjetër Andreas Pereira.

Gjithsesi, trajneri i Mançester Junajtid Ole Gunar Solskjaer nuk e ka humbur besimin te ylli i sulmit. Në daljen për shtyp para takimi të “FA Cup” kundër Çelsit, tekniku norvegjez përdori një analogji interesante për të shpjeguar formën e dobët të Sançez dhe besimin se ai do të rikthehet në formën e dikurshme.

“Situata me të është e tillë”. E keni parasysh shishet e mbushur me salcë keçap në fastfood. Në fillim salca mezi del, por më pas disa përpjekjesh dalja lirohet e gjitha. Ne po presim kur ai të shënojë, jam i sigurt që gjithçka do të shkojë mirë”, përfundoi Solskjaer.

Përveç faktit që tani kualifikimi për në Champions është bërë një “mision i pamundur” një pasojë tjetër e rëndë e përballjes ndaj francezëve ishin dhe dëmtimet e sulmuesve anësorë Antoni Marsial dhe Xheni Lingard.

Të dy lojtaret kryen zëvendësime të detyruara pas tërheqjeve muskulore. Ka qenë vetë trajneri i Mançester Junajtid, ai që ka zbuluar para medieve se të dy futbollistëve do t’u duhen dy ose tre javë për t’u rikthyer në stërvitje me pjesën tjetër të grupit.

Ole has an update on the fitness of @JesseLingard and @AnthonyMartial. #MUFC

— Manchester United (@ManUtd) February 15, 2019

Lingard e Marsial humbasin takimin e “FA Cup” ndaj Çelsit, përballjen kundër Liverpulit dhe Sauthemptonit në kampionat dhe me shumë gjasa dhe ndeshjen e kthimit ndaj PSG-së më datë 6 mars.

“Mund të them se ata na vunë me këmbë në tokë. Mund të shikosh se çfarë kualiteti kanë lojtarët e tyre, nga portieri deri te sulmuesit. Atje duhet të arrijmë dhe ne. Po shikojmë se si mund ta forcojmë skuadrën. Gjithsesi kemi shumë lojtarë të rinj që presim që të përmirësohen për sezonin që vjen. PSG-ja jo më kot është një ndër favoritët për të fituar Champions-in. Këtë ambicje kemi dhe ne si klub”.

“Në pjesën e parë ata nuk na shkaktuan probleme, por as ne atyre. Më pas ata u mbrojtën shumë mirë. U përpoqëm të luanim me harkime, por kishim një kundërshtar të një tjetër niveli nga ata që jemi përballur deri tani. Askush nuk mund të thotë se kemi mbaruar punë në Champions. Kemi një mal përpara, por malet ekzistojnë për tu ngjitur”.

ALEKSIS SANÇEZ – “Unë nuk mund të bëj asgjë për Aleksis Sançezin. Kur ai futet të lojë duhet të gjejë vetveten, pasi e dimë që tek ai ndodhet një lojtar që bën diferencën”, përfundoi Solskjaer.

Solskjaer – “Kur trajneri i ri erdhi në ekip, ai kishte shumë besim dhe vendosmëri. Kjo ishte një shtysë e madhe për ne. Po përpiqemi që t’ia kthejmë mbrapsht. Çdo gjë po shkon mirë për momentin. Ai na kërkuar të sulmojmë më shumë, të jemi më shumë vendimtarë e të bëjmë diferencën. Ne shpresojmë që të vazhdojmë të luajmë kështu dhe në nivelet më elitare. Jemi shumë të lumtur që e kemi këtu atë dhe dëshira jonë është që të vazhdojmë me të, por kjo nuk varet nga ne”.

PSG – “Ata kanë disa mungesa dhe kjo sigurisht që është në avantazhin tonë, por ata kanë shumë lojtarë të rinj që do t’u zënë vendin. Është e sigurt që do të jetë një ndeshje e madh, shpresoj që t’ia dalim të fitojmë”

POGBA – “Poli është Poli. Ai ka një talent të pamasë. Ai është një ndër lojtarët më të mirë në planet dhe po e tregon këtë ndeshje pas ndeshje. Besoj se do të bëjë akoma më mirë në ndeshjet në vazhdim dhe kjo do ta na ndihmojë shumë”, përfundoi Marsial.

“Nata ime e fundit në Champions ishte një fitorja 7 – 1 kundër Romës. Ndeshjen e parë e humbëm 2 – 1 në transfertë dhe trajneri Ferguson na tha se gjithçka do të shkonte të mirë. Të njëjtën gjë u kam thënë lojtarëve të mi. Dua që ata të futen me fushë të motivuar dhe me vetëbesim”.

PSG – “Ata kanë bërë një progres fantastik. Ata kanë disa prej lojtarëve më të mirë në botë. Futbollistë si bufon Bufon, Tiago Silva, Mbape Nejmar, këto emra mjaftojnë për të përshkruan se çfarë evolucioni kanë pësuar si klub”.

MUNGESAT E NEJMAR DHE MBAPE – “Çdo skuadër që nuk lojtarë si Nejmar dhe Kavani do ta ndjejë mungesën e tyre, por kjo gjë do t’u japë mundësi lojtarëve të rinj. Mund të them se kjo e bën akoma më të paparashikueshëm ndeshjen për ne”.

SISTEMI VAR  NË CHAMPIONS – “VAR-i është pjesë e futbollit tani. Lojtarët po mësohen me të. Është një gjë e mirë për rastet e pastra. Më pëlqejnë dhe debatet që shoqërojnë vendimet e VAR-it ditën e nesërme”.

SHPEJTËSIA E MBAPE – “Është diçka e mnirë që mund të shikojmë lojtarët kundërshtarë nëpërmjet pamjeve filmike, por kur je në stadium ke një këndvështrim shumë më ndryshe. Nëse shihni PSG-në në stadium do të kuptoni se Mbape është i shpejtë si rrufe ”.

KONKURRENCA MIDIS SANÇEZ DHE MBAPE – “Ata janë dy lojtarë cilësorë që luajnë në shumë pozicione. Nuk është një luftë midis të dyve, janë shokë skuadra dhe të gjithë po punojmë së bashku që të kalojnë në fazën çerekfinale. Ndihem mirë që jam trajneri i tyre”, përfundoi trajneri i Mançester Junajtid.