Sokol Mziu

Besa nis merkaton, zyrtarizohen dy “goditjet” e para

Sport Ekspres — Sat, 29 Dec 2018 10:38:11 +0000

Besa e lëshoi kreun e grupit B në fund, por gara me Bylisin pritet të jetë e hapur deri në fund. Kavajasit për këtë po tentojnë të bëjnë edhe përforcime të rëndësishme dhe sot janë zyrtarizuar edhe lëvizjet e para.

Efijong Ejoh është afrimi i parë për skuadrën e drejtuar nga Gentian Begeja. Sot nigeriani ka qenë në Kavajë dhe ka nënshkruar kontratën me verdhezinjtë. Futbollisti 22-vjeçar, autor i gjashtë golave me Turbinën, pritet të zbresë në fushë me ekipin e ri në ditët e para të janarit.

Në të shkruarën Ejoh ka qenë pjesë e Dinamos, klubi i parë shqiptar për të. Më pas për gjashtë muaj ishte pjesë e Laçit në Superiore. Prej janarit të shkuar iu bashkua Turbinës, ku spikati dhe Besa u bind t’i ofronte një kontratë.

Veç Ejoh, një tjetër lojtarë me eksperiencë në të Parën dhe në Superiore ka nënshkruar me Besën. Bëhet fjalë për mesfushorin Sokol Mziu, i cili këtë sezon e nisi me Kastriotin. Në të shkuarën ai ëshët aktivizuar edhe me Kukësin, Tërbunin, Mamurrasin e Korabin.

Kastrioti njeh vetëm largime, zyrtarizohen tre të radhës

Sport Ekspres — Wed, 26 Dec 2018 13:36:24 +0000

Kastrioti njeh veç largime. Krutanët kanë zyrtarizuar edhe tre largime të tjera ditën e sotme dhe kështu në mënyrë zyrtare numri i lojtarëve që nuk do të jenë pjesë e kësaj skuadre për pjesën e dytë të sezonit shkon në nëntë.

Kështu, ish-kapiteni Vilson Lila dhe mesfushorët Xhynejt Çutra dhe Sokol Mziu do të duhet të kërkojnë skuadra të tjera në vijim. Klubi krutan ka dalë me njoftim dhe i falënderon ata për kontributin e dhënë.

“Ka përfunduar me konsensus marrëveshja mes Kastriotit dhe futbollistëve, Sokol Mziu, Xhynejt Çutra dhe Vilson Lila. Klubi i falënderon për kontributin e dhënë me fanellën e Kastriotit dhe ju uron suksese në karrierë”, shkruhet në deklaratën e klubit krutan.

https://www.instagram.com/p/Br2h6zSldju/?utm_source=ig_web_copy_link

“Heroi” Mziu paralajmëron edhe Skënderbeun

Sport Ekspres — Mon, 20 Aug 2018 17:54:17 +0000

Sokol Mziu njihet si një lojtar që ngjit ekipet në Superiore dhe ia ka dalë të rikthehet në elitë me Kastriotin këtë herë. Nisja e kampionatit ishte perfekte për krutanët, që triumfuan 0-1 në Gjirokastër kundër Luftëtarit. Mziu ishte autori i golit trepikësh, teksa realizoi me penallti.

“Ishte e përcaktuar se kush do e gjuante nga trajneri. Normal ka emocione ai që gjuan, pasi ka fatet e ekipit, djersën e gjithë çunave. Fatmirësisht shkoi gjithçka mirë. Normal që goli më çliroi, u përpoqëm të ruanim rezultatin dhe ia arritëm”, thotë fillimisht Mziu për mediat.

Sa i takon vështirësitë së takimit me Luftëtarin, mesfushori shprehet: “Çdo fushë është e vështirë në Superiore. Arritëm të merrnim tre pikë, ishte diçka shumë e mirë, një fillim i mbarë. Të shohim ndeshjen e radhës tani”.

Ndeshja e radhës luhet kundër Skënderbeut: “Ndeshja e parë ishte e mirë, por gjithçka ka vend për përmirësim. Do punojmë ditë pas dite që të përmirësohemi. Skënderbeu? Normal që është ndeshje e vështirë, luajmë përballë ekipit kampion në fuqi. Gjithsesi në do bëjmë lojën tonë dhe do të futemi në fushë për të marrë pikë. Pastaj ia lëmë fushës. Gol sërish? Në radhë të parë do bëjmë detyrat. Mund të shënoj dhe normal që do dëshiroja. Mobilizimi është tek i gjithë ekip. Dëshira është e madhe, por do shihet gjithçka gjatë 90 minutave”.