Sokol Kushta

Kushta: Partizanit i kanë “humbur” sulmuesit, eliminimi jo dramë!

Sport Ekspres — Thu, 04 Apr 2019 10:08:41 +0000

Luftëtari befasoi Partizanin, duke e eliminuar nga Kupa e Shqipërisë. Jo vetëm kaq, por e mundi në të dyja ndeshjet. Gjirokastritët e shfrytëzuan mjaft mirë momentin e të kuqve, ndërkohë që nuk e bën dramë eliminimin legjenda vlonjate Sokol Kushta.

Ish-sulmuesi i Partizanit dhe i Kombëtares deklaron për SportEkspres.com se të kuqve u kanë humbur sulmuesit. “Nuk e quaj ndonjë gjë të madhe eliminimin e Partizanit në Kupë. Në botën e futbollit ka skuadra të mëdha që luftojnë në të gjitha frontet për trofe dhe ndodh të eliminohen nga inferiorë. Në këtë rast, te Partizani mendoj se lojtarët e kanë marrë lehtë përballjen me Luftëtarin. Ata nuk janë kukulla, por brenda realitetit që jetojmë.

Kjo ‘gomë’ që bënë në Gjirokastër, mund t’i kishte ndodhur në kampionat”, theksoi Kushta. Më tej ai flet edhe për çështjen e titullit kampion dhe ka një porosi për drejtuesit. “Kështu siç po ndodh me golashënuesit te Partizani, ku mesfushorët kanë shënuar më shumë gola se sulmuesit, këta të fundit duken të humbur. Partizani nuk duhet ta diskutojë titullin. Madje duhet të mendojnë që tani për sulmin kur të përfaqësohen në Ligën e Kampioneve”, përfundoi Sokol Kushta.

AGRON KAJA

“Kur Uellsi lutesh për të fituar”, Kushta na kthen pas në kohë

Sport Ekspres — Tue, 20 Nov 2018 17:54:00 +0000

Shqipëri-Uells, 1-1. Po flasim për përballjen e 15 nëntorit të vitit 1995, kur kuqezinjtë luanin kundër përfaqësues nga Mbretëria e Bashkuar. Në fushë asokohe ishte edhe Sokol Kushta, legjenda e futbollit vlonjat.

Jo vetëm kaq, por ai edhe pat shënuar golin e parë të takimit me penallti. Realizonte që në minutën e pestë kapiteni i kombëtares, ndërkohë që Kushta e kujton kështu atë ndeshje:“Kur Uellsi lutesh me shumë forma të fituar”.

Nuk mungon edhe një koment i Edi Martinit, shkodranit të spikatur të sulmit: “Ty jo vetëm Uellsi vëlla, por edhe shumë ekipe të mëdha u mundonin të markonin në mënyra të tjera”. Replikat vijojnë, teksa vlonjate “ngacmon” sërish: “Ed, ishim mirë kur ishim keq”. Martini vetëm aprovon…

Nisin elozhet, Kushta: Kisha kohë që nuk shihja Flamurtar të tillë!

Sport Ekspres — Mon, 27 Aug 2018 11:12:44 +0000

Jo vetëm fitorja i ka kënaqur vlonjatët kundër Kukësit. Sokol Kushta, një nga legjendat e Flamurtarit, ka vetëm fjalë të mira për kuqezinjtë dhe veçon punën e bërë nga trajneri Ilir Daja. Ai analizon atë që ka parë në fushë fillimisht.

“Duke ndjekur ndeshjen, dje pashë një ndryshim total mentaliteti nga vitet e shkuara. Pashë një ekip të vendosur mirë në fushë, një ekip me dëshirë dhe që dinte çfarë kërkonte. Pash një ekip fizikisht , taktikisht të përgatitur përballë një kundërshtari të fortë, më të përgatitur për kampionat. Kukësi nuk qe dobët, por Flamurtari qe ai që nuk e la të shpaloste asnjë nga cilësitë e saj më të mira. Megjithëse një ekip i ndërtuar me vonesë, dha akoma pa marrë formën e plotë. Me la shije të mirë, kisha vite që nuk shikoja Flamurtarin të lozte me një takim, me krahë, krose, markime dhe gjuajtje”.

Kushta i jep meritat stafit teknik, ndërkohë që ka edhe një vërejtje që lidhet me fushën. “E gjithë kjo punë i përket stafit të ri dhe Dajës. Kjo nisje është një sfidë e bukur për të dhe duhet të vazhdoje kështu të marrë ato frute që kërkon ai. Një vërejtje për fushën: nuk i takon këtij investimi madhor ajo cilësi fushe, që ndikoi negativisht në cilësinë e lojës”, përfundon Kushta.