Disenjatori i arbitrave në FSHF, Sokol Jareci, ka zbuluar gjithçka: “Do fillojmë zyrtarisht nesër aplikimin në FIFA. Kemi një “video-call” me zyrtarët e IFAB, të cilët para pak ditësh na sollën përmes e-mailit kërkesat që ne duhet të plotësojmë për VAR-in. Edhe ne tashmë do të jemi pjesë e VAR-it. Besoj se nga 2021, 2022 do të fillojë aplikimi i VAR-it në kampionatin shqiptar”.

Futja e VAR në Superiore ka problematikat e veta dhe Jareci shton: Është një procedurë që shkon një vit deri në një vit e gjysmë, pasi aty futet trajnimi i stafit, i infrastrukturës, i personave dhe kompanisë që do të merret me transmetimin. Pra është një procedurë që zgjat 1 vit e gjysmë”.

Nisur nga stadiumet ku luhen ndeshjet e Superiores, është e pamundur të aplikohet sistemi VAR kudo. “Për momentin mund të jemi me një ndeshje, sikurse jemi me sistemin me 6 arbitra. VAR-i këkron infrastrukturë. Mund të jenë Arena Kombëtare, Shkodra dhe Elbasani, pra mund të jemi me një ndeshje në javë me VAR”, u shpreh Jareci në emisionin “Pressing” në ABC News.

Në vendin tonë aplikimi i sistemit VAR duket i largët, edhe pse në stadiumet më të mira në vend, “Arena Kombëtare”, “Loro Boriçi” dhe “Elbasan Arena” po programohet që të plotësohen kushtet që VAR të implementohet. Aspekti financiar është një tjetër problem, si për klubet, ashtu edhe për transmetuesin e kampionatit. Diçka e tillë rrit ndjeshëm shpenzimet dhe mbetet për t’u parë se çfarë do të ndodhë.

Sokol Jareci, disenjatori i arbitrave, ka folur në lidhje me futjen e VAR-it në Superiore. Gjithsesi, aplikimi parashikohet të bëhet vetëm për ndeshje të caktuara. Sigurisht që kjo nuk është normale, pasi lë vend për diskutime.

“Ne jemi në diskutim me UEFA-n dhe FIFA-n, kemi një projekt strategjik si të gjithë federatat e tjera. Implementimi mund të ndodhë në vitet 2021-2022 dhe për shkak të infrastrukturës nuk do të jetë në të gjithë stadiumet. Me “VAR” do të gjykohen ndeshje të caktuara për shkak se edhe kompania që do të transmetojë kampionatin nuk e mbulon dot”, është shprehur Jareci për “Report TV”.

Ndalesa e radhës ka qenë në klubin e Kukësit dhe Sokol Jareci ka bërë shpjegimet e nevojshme. Ish-arbitri i njohur mban postin e shefit të sektorit të arbitrimit dhe është ndalur më shumë në rastet e dyshimta të prekjeve me dorë.

Ai u ka shpjeguar djemve të Cungut rregullat e lojës dhe përveç rasteve të dyshimta të prekjeve me dorë, Jareci është ndalur dhe në faullet e kryera, rastet e kartonëve të kuq dhe ndryshimin midis atyre brenda dhe jashtë zonës së 16-metrave.

Trajnimet do të vazhdojnë dhe në klubet e tjera dhe gjithçka bëhet me qëllimin për të patur një qartësi më të plotë për rastet e dyshimta dhe të veçanta, ndërsa Jareci e shpjegon më saktë në prononcimin e tij.

“Duke marrë në konsideratë se pjesa e dytë e këtij edicioni futbollistik do të jetë më e ngarkuar dhe vështirësia vjen në rritje, si për skuadrat që pretendojnë titullin kampion si edhe ekipet që zbresin një kategori më poshtë, filluam këtë seri trajnimesh. Janë ndeshje me vështirësi ku kërkohet interpretim sa më i saktë nga ana e arbitrave dhe sigurisht me këto rregulla të lojës duhet të njihen futbollistët dhe stafet përkatëse. Mjaft të diskutueshme në futbollin e sotëm janë rastet e prekjeve të topit me dorë, ku futbollistëve i prezantuam kriteret se kur një prekje me dorë duhet të ndëshkohet dhe kur nuk konsiderohet shkelje. Kriteret sesi ndëshkohen faullat e ndryshëm vecanërisht ato me KK brënda dhe jashtë zonës së penalltisë, ishin një pikë tjetër e seminarit”, sqaron Sokol Jareci.

Sot janë përcaktuar edhe listat e zyrtarëve të ndeshjeve, ndërkohë që Sokol Jareci do të jetë Dizenjatori i ri i Arbitrave. Xhemal Mustadanagiç tashmë do të jetë drejtor teknik i kombëtareve.

VENDIMET E KOMITETIT EKZEKUTIV
1. U miratuan listat e Arbitrave, Asistentëve, Vëzhguesve dhe Delegatëve për sezonin 2018-2019.
2. Z. Sokol Jareci emërohet në pozicionin e Kryetarit të Komisionit të Dizenjimit pranë FSHF-së.
3. Z. Xhemal Mustedanagiç emërohet në pozicionin e Drejtorit Teknik pranë FSHF-së.
4. Në lidhje me propozimin e klubeve për numrin e futbollistëve të huaj në fushë, KE vendosi që: Komisioni i garave të hartojë një raport të zgjeruar dhe të argumentuar për ndryshimin e numrit të lojtarëve të huaj që aktivizohen në kampionatin kombëtar.