Sokol Haxhia

Haxhia me mision në Rumani, dy klube pas Vajushit

Sport Ekspres — Thu, 13 Dec 2018 16:24:10 +0000

Armando Vajushi ka mbetur pa ekip, por menaxheri i tij po punon që sa më parë të sistemojë shkodranin. Anësori e mbylli sezonin e fundit tek Avelino, teksa klubi italian e kishte marrë në huazim nga Pro Verçeli. Gjatë kësaj vere palët ndërprenë bashkëpunimin dhe ish-lojtari i Vllaznisë është ende i lirë.

Një kalim në Rumani është opsion për Vajushin. Menaxheri Sokol Haxhia ka qenë i pranishëm në takimet Dinamo-Kluzh, Botoshani- Poli Iashi dhe Astra-Botoshani. Gjatë verës emri i tij u lakua për një kalim te Kluzhi, por asgjë nuk u konkretizua.

“Prosport.ro” liston si mundësi edhe dy klube të tjera, Dinamon e Bukureshtit dhe Botoshanin. Haxhia nuk ka udhëtuar rastësisht drejt Rumanisë dhe vetë Vajushi pret lajme të mira prej menaxherit të tij. Dëshira e shkodranit është të vijojë të luajë jashtë vendit, pasi është vetëm 27 vjeç.

Menaxheri i tij zbarkon në Rumani, Vajushin e do skuadra kryesuese

Sport Ekspres — Thu, 25 Oct 2018 12:30:12 +0000

Armando Vajushi zgjidhi gjatë kësaj vere kontratën me Pro Verçelin dhe është lojtar i lirë. Në ditët e fundit të merkatos ai nuk gjeti ekip, ndërkohë që së fundmi ka lajme që lidhen me të ardhmen e tij. Sipas “Tuttomercatoweb.com”, Kluzh është i interesuar për anësorin shkodran.

Para disa ditësh, menaxheri i Vajushit, Sokol Haxhia ka qenë i pranishëm në një ndeshje të kryesuesve të kampionatit rumun. Ai ka ndjekur në fakt disa ndeshje, ndërkohë që sa duket ka qenë për punë dhe jo për “shëtitje”.

Vajushi është i lirë dhe normalisht që është i hapur ndaj ofertave. Shkodrani, tashmë 26 vjeç, pasi u largua nga Vllaznia provoi një eksperiencë në Bullgari me Liteks Loveç. Më pas u transferua anë Itali, ku veshi fanellën e Kievos (nuk ka luajtur asnjë ndeshje), Livornos, Pro Verçelit dhe Avelinos.