Sulmi ndaj Hamitit, reagon ish-arbitri i njohur: Shtazarake, të gjithë jemi goditur

Sport Ekspres — Sun, 03 Mar 2019 20:53:03 +0000

Dhuna ndaj arbitrit lezhjan Eldorian Hamiti në përfundim të ndeshjes Kamza – Laçi ka tronditur të gjithë opinion sportiv në Shqipëri.

Ish-arbitri i njohur Sokol Çekaj ka reaguar nëpërmjet një postimi në “Facebook” në lidhje sulmin që iu bë arbitrit. Në postimin e tij Çekaj sensibilizohet me mikun e tij dhe cilëson arbitrimin e tij si të paanshëm në çdo moment, ndërsa sjelljen e agresorëve ish-gjyqtari e përshkon me një fjalë: Shtazareke.

Postimi i Çekajt – E papranueshme, shtazarake ajo që ndodhi sot ne përfundim të ndeshjes Kamza-Laçi. Shumë persona do mendojnë që po flas si tifoz meqë unë jam nga Laçi, por jo të jeni të sigurt se po flas si një person që ka shumë vite në arbitrimin Shqiptar dhe po flas pa asnjë tifozllëk.

E kam ndjekur ndeshjen nga minuta e parë deri në minutën e fundit dhe nuk pashë në asnjë moment një dashje nga gjyqtari Hamiti për të mbajtur krahun e njërës skuadër apo të tjetrës skuadër. Dha një penallti neto, penallti në kohën e saktë të shtesës që nuk e përligj atë dhunë të bërë.

Miku im, kolegu im Leli, siç te thërras unë, mos u mërzit, se turpi është i atyre që të goditën jo i joti. Ti je një djalë i mirë, shok i mirë dhe një arbitër shumë i mirë. Të gjithë jemi me ty sot, të gjithë jemi goditur nga pak. Shërim të shpejtë Leli…

VIDEO | Rasti i Trashit penallti? Ish-arbitri përgëzon Hamitin

Sport Ekspres — Sat, 01 Dec 2018 15:45:07 +0000

Eldorian Hamiti ishte përzgjedhur për të gjykuar Partizani-Tirana dhë në pjesën e parë pati një rast ku lojtarët e “demave” protestuan për penallti. Lorenc Trashi ishte ai që përfundoi në tokë pas një sparkate të Toni Mauexhe.

Për kryesorin e takimit kishim të bënim me simulim dhe për këtë Trashi u ndëshkua me karton të verdhë. Mbrojtësi i majtë në pushim të ndeshjes u shpreh në “Supersport” kështu: “Të them të drejtën m’u duk penallti. Duke biseduar me gjyqtarin ma bëri të ditur se ishte simulim”.

ÇEKAJ – Një koment për rastin në fjalë e ka bërë edhe ish-gjyqtari, Sokol Çekaj. Ky i fundit mendon se Hamiti ka vepruar drejt dhe ka argumentuar se pse. “Për të sqaruar këtë rast të vështirë për arbitrin në ndeshjen Partizani-Tirana, mendoj që arbitri Hamiti ka vepruar drejt, kur ndëshkoi me simulim lojtarin e Partizanit”, shkruan Çekaj në llogarinë e tij në “Facebook”.

Më tej ai bën edhe analizën e asaj që ndodhi në aksion: “Duket qartë në pamjet filmike që lojtari i Partizanit fillon rrëzimin, sapo sheh që kundërshtari i afrohet, për të marrë penallti. Mbasi ka filluar simulimin, kemi në rënie e sipër kontaktin me mbrojtësin”.