Derbi ndihet nga lojtarët dhe presim të bëhet një ndeshje e bukur. Nuk dua të flasim për sherre mes tifozëve apo në tribunë, por të flasim për futboll. Shoh armiqësi tani, nuk dua të krijohet ajo lloj klime. Po e meritoi të fitojë, pse të mos shpallet atë ditë Partizani kampion. Te Partizani nuk u intereson të bejrë Tirana, pasi derbi sjell të ardhura. Është edhe biznes”.

Sa i takon ndeshjes që Tirana fitoi me Skënderbeun, Bulku tha: “Skënderbeu nuk e pati shumë mendjen, pasi i kanë sytë edhe nga KAS. Mema bën zëvendësime shumë herët. Nuk duhet kaluar në aventurë. Tirana fitoi me fat. Arbitri ka thënë shyqyr që u bë gol te rasti i penalltisë”.

“Laçi dhe Kastrioti kanë të njëjtin grup, nuk kanë ndonjë dallim. Kanë lojtarë të rinj dhe të përzgjedhur. Më vjen mirë që ka të rinj që tregojnë veten. Laçi ndihmoi veten fillimisht, pastaj ndihmoi edhe Tiranën”.

“Kukësi është në garë për titullin. Gjici po bëhet president i vjetër në futbollin shqiptar dhe është i suksesshëm. Në janar ai mori dy më të mirët lojtarë të kampionatit shqiptar, pak a shumë siç bënte El Sajed dikur tek Tirana. Por përshtatja në janar do pak kohë. Unë mendoj se Kukësin e vërtetë do ta shihni nga tani e tutje”, shprehet Bulku.

Nëse për verilindorët ka fjalë të mirë, situata e Skënderbeut është e pashpresë. Të paktën kështu mendon ish-mesfushori, i cili ka deklaruar: “Skënderbeun unë do ta quaja një dorëzim pa kushte. Ishte klubi për t’u patur zili në këto vite duke bërë një paraqitje fantastike në Europë, por gjendja ku ndodhet sot realisht është një kambanë alarmi edhe për ekipet e tjera të superiores”.

Në lidhje me korçarët, në një linjë me të është edhe Saimir Patushi. “Skënderbeu ishte një klub me të cilin u krenuam në Europë. Ndërtuan diçka goxha të mirë, por me dënimin e mundshëm, mendoj se cikli i tyre ka mbaruar. Nuk besoj se do të kenë mundësi të ringrihem më”.

Matjani, ka folur edhe për Kukësin: “Kam biseduar personalisht me presidentin Gjici. Kukësi ka një strategji të gabuar. Nuk mund të marrësh 15 lojtarë dhe të heqësh 10 të tjerë, merkato pas merkato. Presidenti shpenzon shumë, por nuk i jep kohë ekipit që të stabilizohet dhe të harmonizohet. Me pak fjalë, Kukësi është një rrëmujë totale”

Bulku ka dhënë një intervistë për “ABC Neës” dhe flet për Partizanin kryesues, Kukësin që e ndjek dhe sigurisht për Tiranën. “Unë mendoj që Partizani i këtij viti është shumë i matur dhe shumë racional. Ashtu siç e ndërtoi skuadrën në verë pa bujë me ato lojtarë që kishte, me afrimin e trajnerit Gega kishte njëlloj finese, që nuk merren me mediat por me veten e vet. Rezultatet janë minimale, por ato e kanë të qartë qëllimin: duan të shkojnë patjetër drejt titullit kampion”, thotë fillimisht Bulku.

Më tej ai analizon edhe ekipin e Cungut: “Kukësi ka afruar dy lojtarët më të mirë të Superligës, por ato duan kohë që të përshtaten me ekipin dhe të japin më të mirën dhe koha nuk pret. Partizani ka zgjedhur strategjinë e duhur”.

TIRANA – “Ngërçin psikologjik që ishte karshi rezultateve Tirana po e superon. E nisi keq, pasi pati projekt me një trajner tjetër. Unë mendoj se nuk ka qenë asnjëherë e rrezikuar. Në çdo shtëpi ka probleme dhe halle dhe drejtuesi mban përgjegjësinë. Atëherë Tirana boshtin e kishte të qëndrueshëm për 3-4 vjet”.

Sokol Bulku është pjesë e futbollit bardheblu, dhe vetëm 17 vjeç ka qenë kur veshi fanelën e Tiranës, duke qëndruar 9 sezone resht e duke fituar 7 tituj kampion. Në karrierën e tij ai ka luajtur edhe me “Armikun” e Tiranës, Partizanin, madje në tre sezone, duke e mbyllur karrierën në një moshe të re, vetëm 30 vjeç. Sot ai është pjesë e trajningut në ekipet e moshave pranë Akademisë së Futbollit që drejtohet nga Alban Bushi.

INTERVISTOI: AGRON KAJA

Në 17 javë kampionat, si e përshkruani situatën e Tiranës?
-Është një situatë në dukje e vështirë, e cila ndodh në çdo skuadër të madhe sikundër është edhe Tirana në futbollin shqiptar. Unë nuk e mendoj situatë negative dhe pas zgjidhje, madje do të thoja se në gjysmën e dytë të këtij sezoni do të shohim një Tiranë më ndryshe.

Në pritshmëritë tuaja, mendohej që Tirana të renditej në vendet e fundit në tabelë që diskutojnë mbijetesën në Superiore?
-Në këndvështrimin tim, Tirana jo vetëm që nuk mendohej të ishte në këtë renditje, por pritej të ishte një nga kryesueset e Superiores në këto 17 javë. E tillë është ndërtuar, por gjatë kësaj periudhe ka një problem, sepse përshtatja e lojtarëve në skuadër është e dobët.

Veç kësaj dukurie, ju çfarë mendoni se nuk është bërë mirë te Tirana në këtë gjysmë të parë të sezonit?
-Unë i qëndroj bindjes sime se, gjatë merkatos Tirana nuk ka marrë futbollistë të nivelit që kërkon kjo skuadër. Mangësi ka, se flet vetë renditja, por mendoj se edhe fati ka qenë kundër skuadrës, e për këtë le të kujtojmë disa ndeshje ku loja e saj ka qenë në nivele të mira.

Në gjykimin tuaj, ku duhet përmirësuar Tirana në gjysmën e dytë të këtij sezoni?
-Përmirësimi më i domosdoshëm është përbërja. Gjatë merkatos së dimrit mendoj se i duhet të afrojë elementë cilësorë, edhe pse do ta ketë të vështirë që në këtë periudhë të gjejë lojtarë të lirë të nivelit të lartë. Nëse e nis prej këtej punën, ndryshimi do të jetë pozitiv.

Në cilët reparte mendoni se Tirana duhet të plotësohet gjatë merkatos së dimrit?
-Kryesisht në repartin e mbrojtjes, që në 17 javët e luajtura ka bërë shumë gabime në pësimin e golave. Repartet e tjera duken si më të plotësuara dhe duke i qëndruar mendimit se kjo merkato është e vështirë në gjetjen e elementëve cilësorë, duhet qëndruar vetëm te mbrojtja.

Të premten Tirana pret Flamurtarin, e shikoni një ndeshje të vështirë për tu fituar?
-E mendoj një ndeshje të hapur për të tria rezultatet, jo vetëm se ndeshen mes tyre dy nga skuadrat më të mëdha. Flamurtari vjen në Tiranë me një gjendje psikologjike më të lartë, por nëse Tirana do të luajë si në pjesën e dytë me Laçin, do të jetë më pranë fitores.

Po në takimet e tjera të javës së 17-të, ku mendoni se do të kemi ndonjë surprizë të këtij fundviti?
-Të gjitha janë ndeshje të vështira, duke përjashtuar vetëm sfidën e ditës së dielë Kukësi-Kastrioti, në të cilën kuksianët janë favoritë absolutë. Në ndeshjet e tjera parashikimet janë të vështira, por do dëshiroja që si java e fundit e këtij viti kalendarik, të luhej futboll i mirë.