Smalling

Mesi pësoi dëmtim horror, Valverde: Sikur ta kishte goditur treni!

Sport Ekspres — Fri, 12 Apr 2019 21:40:33 +0000

Leo Mesi përfundoi me disa çarje dhe enjtje në një përplasje më Kris Smolling gjatë ndeshjes në Champions që Barça e fitoi 1-0. Mbrojtësi i Junajtid goditi në fytyrë sulmuesin e ekipit katalanas, duke i shkaktuar gjakderdhje dhe probleme me frymëmarrjen. Rreth kësaj ka foluar Ernesto Valverde.

Trajneri i blaugranave është shprehur i pakënaqur me pakujdesinë e Smolling në atë duel. Ai është shprehur se goditja ndaj Leos ishte shumë e fortë dhe me shumë mundësi ai do të pushojë nesër ndaj Hueskas.

“Ka mundësi që Mesi të pushojë. Goditja ishte e fortë sikur ta kishte goditur një tren”, u shpreh Valverde në konferncën për shtyp para ndeshjes së nesërme në La Liga. Kujtojmë që pas takimit Smolling dhe argjentinasi janë takuar dhe kanë sqaruar gjithçka.

Në lidhje me problemet e Suarez pas ndeshjes kundër “djajve të kuq”, Valverde shprehet se ai është mirë dhe gati për të luajtur. Për dënimin për tetë ndeshje për Diego Kosta pas incidenteve me gjyqtarin në përballjen ndaj katalanasve ai u shpreh i çuditur. Valverde tha se e parashikonte katër dhe jo tetë ndeshje.

Smolling nuk e di sa doli ndeshja: E zeruam Barcelonën!

Sport Ekspres — Wed, 10 Apr 2019 21:22:20 +0000

Mbrojtësi i Mançester Junajtid Kris Smolling do të mbahet mend më së shumti për faktin se gjakosi Lionel Mesin në Old Trafford, por pas humbjes 1-0 ndaj Barcelonës duket se për 29-vjeçarin është sukses i madh fakti që humbja ishte aq e ngushtë, në shtëpi.

Për BT Sport, pas ndeshjes Smolling tha: “Ushtruam presion lart dhe ua vështirësuam gjërat. Mëkat që nuk shënuam, sepse mendoj se krijuam disa raste të mira.

“Patëm një moment në pjesën e parë kur po vuanim dhe na kapi nervozizmi, por pas pushimit dominuam.

“E gjithë skuadra, e zeruam Barcelonën. Mendoj se David de Gea nuk kreu asnjë pritje tjetër. E dinim që duhej të gjenim intensitetin që Barça nuk është mësuar.

“Ishte një betejë e bukur, më vjen keq për kartonin tim të verdhë për faullin ndaj Luis Suarez, sepse nga gjithë ndërhyrjet që kreva, ishte më e buta“.

Smolling: U përballëm me Ronaldon e Mbapenë, ma sillni Mesin!

Sport Ekspres — Wed, 10 Apr 2019 12:32:50 +0000

Mesi do të përballet sonte me Kris Smolling për çerekfinalet e Champions League dhe mbrojtësi është gati, gjë që e ka shprehur edhe për mediat. Ai mendon se do e shijojë përballjen kundër tij dhe u shpreh tekstualisht: “Ma sillni atë”. Kjo deklaratë është bërë virale në rrjetet sociale, me komentuesit që e shohin të pamundur që Smolling të ndalojë Mesin dhe nuk i kursejnë shakatë kundrejt mbrojtësit.

“Mendoj se përballja me argjentinasin është diçka për t’u shijuar. Këtë sezon kemi pasur fatin të përballemi me Mbapenë dhe Kristiano Ronaldon. Ndeshjet kundër lojtarëve të tillë janë për t’u shijuar në maksimum. Kështu që unë them ma sillni Mesin”, u shpreh ai .

Leo Mesi po bën një sezon të shkëlqyer deri tani, ku në 40 ndeshje e ka dërguar 43 herë topin në rrjetë. Një deklaratë e guximshme kjo e Smolling, i cili duket se i ka hapur punë vetes. Shpresojmë që fjalët e tij të mos shkojnë në veshin e argjentinasit.

Smolling ndryshon modelin e flokëve, Murinjo ia thotë troç

Sport Ekspres — Sun, 16 Sep 2018 20:47:07 +0000

Kris Smolling ishte një ndër protagonistët e fitores së Mançester Junajtid në transfertën ndaj Uotfordit, ku shënoi dhe golin e dytë të takimit. Por, përveç golit, qendërmbrojtësi anglez ra në sy dhe për modelin e ri të flokëve, që u bë objekt tallje në rrjetet sociale.

Ndër personat që kanë ngelur të habitur nga “look”-u i ri i Smolling bën pjesë dhe trajneri i “Djajve të Kuq”, që nuk ngurroi të bënte një batutë për lojtarin e tij pas ndeshjes ndaj Uotfordit, ku Smolling sapo kishte shënuar.

”Ai luajti shumë mirë. E vetmja gjë që nuk më pëlqen nga pëlqen nga Krisi tani është modeli i tij i flokëve”, tha Murinjo me shaka në daljen për shtyp pas takimit.

RIO FERDINAND – Një tjetër shaka drejt Smolling ka ardhur dhe nga ish-kapiteni i Junajtid Rio Ferdinand, i cili tha: Çdokush ka të drejtë t’i mbajë flokët si të dojë. Unë kam pasur shumë modele të këqija flokësh gjatë karrierës sime, po shikoj që dhe ai po ndjek hapat e mi.