Slavia Prague

FOTO | “Kung fu” Olajinka, kështu nuk e keni parë asnjëherë!

Sport Ekspres — Fri, 26 Apr 2019 08:33:27 +0000

Peter Olajinka u transferua në Çeki në verë dhe është pranë titullit kampion me fanellën e Slavia Pragës. Sulmuesi 23-vjeçar një ditë më parë iu gëzua fitores në derbi me Spartën e Pragës, madje me rezultatin e thellë 3-0. Nigeriani ishte titullar në këtë ndeshje, por nuk mundi të shënonte dot gol.

Gjithsesi ai ka gjetur diçka për të veçuar nga përballja dhe është një foto gjatë një dyluftimi. Një lëvizje që do ta kishin zili edhe ata që merren me sportin e karatesë. Olajinka e ka postuar foton në “Instagram” dhe tregon qartazi kuptimin e derbit.

Gafa e “The Sun”, Gjimshitin e bëjnë lojtar të Slavia Pragës

Sport Ekspres — Thu, 18 Apr 2019 20:37:57 +0000

Slavia Pragës ka udhëtuar sot drejt Londrës për të luajtur ndeshjen e kthimit çerekfinale të Europa League kundër Çelsit. Tabloidi i njohur britanik, “The Sun”, publikoi para sfidës formacionet e mundshme të skuadrave, por aty ka bërë një gafë të madhe, e cila përfshin dhe mbrojtësin e kombëtares tonë kuqezi, Berat Gjimshiti.

Mbrojtësi ynë është ngatërruar me mbrojtësin e Slavia Pragës, Vladimir Kufal, një gafë e rëndë e një tablodi kaq prestigjioz. Menjëherë, mediat çeke, por dhe ato tjera europiane, nuk kanë ngurruar ta bëjnë publike këtë gafë të “The Sun”, që është kthyer në qendër të vëmendjes. Ndoshta Gjimshiti do të transferohet te Slavia Pragë? Mbetet për t’u parë…

Zbulohet shifra e çmendur, Slavia u “tremb” nga Gent për Olajinkën

Sport Ekspres — Thu, 19 Jul 2018 08:15:04 +0000

Piter Olajinka ka bërë një sezon super në Belgjikë me fanellën e Zulte Varegem. Sulmuesi nigerian ka arritur të shënojë 11 gola dhe të japë 15 asiste, çka e ka bërë atë ndër më të kërkuarit në merkato. Nga Franca, Gjermani, Çekia dhe Rusia ka pasur interesim, por ende nuk është vendosur se çfarë do të bëhet.

Slavia Praga ishte klubi që e bindi sulmuesin me ofertën e bërë dhe ishte gati të transferohej, por ka edhe një vit kontratë me Gent, që e ka blerë sulmuesin te Skënderbeu për rreth 1 milion euro. Ende nuk ka luajtur me këtë ekip një ndeshje zyrtare, gjë që mund ta bëjë këtë sezon, pasi është përfshirë në ekip.

Gjithsesi nuk duhet rrezikuar, pasi verën e ardhshme mund të largohet me parametro zero. Këtë verë bisedimet kanë qenë intensive dhe mediat belge kanë bërë me dije se me Slavia Pragën është diskutuar dhe oferta ka variuar nga 3 në 5 milionë euro.

Por çekët, që financohen nga një kompani kineze, kanë ndryshuar kurs në merkato dhe nuk po lëvizin më si më parë. Për Olajinkën duket se janë tërhequr dhe me plot të drejtë. Së fundmi bëhet me dije se Gent për kartonin e nigerianit kërkonte 8 milionë euro, një shifër mjaft e lartë. Nëse do bëhej realitet një lëvizje e tillë, atëherë edhe Skënderbeu do të përfitonte mbi 1 milion euro.