Një lajm i bujshëm është përhapur në lidhje me kapitenin dhe Argjentinën. “Fox Sports” raporton se në drejtim të Federatës Argjentinase të Futbollit ka ardhur një ftesë krejtësisht e veçantë.

UEFA ka ftuar dy herë fituesit e Botërorit për të marrë pjesë në Ligën e ardhshme të Kombeve. Diçka e tillë do të bënte të mundur luajtjen e kombëtares latine në Europë dhe zgjatjen e karrierës së Mesit me ekipin “albiceleste”.

Pavarësisht skualifikimit, “pleshti” do të zbriste në fushë lirisht në duelet e Ligës së Kombeve, ndërsa kombëtarja argjentinase do të pësonte një farë evropianizimi.

Nejmar nuk u përmbajt pas ndeshjes dhe goditi me grusht një tifoz. Një veprim i tillë nuk do të mbetet pa pasoja. Braziliani do të dënohet të paktën 5 ndeshje pezullim.

“Kur godet një futbollist, trajner, arbitër, një anëtar të statik teknik apo anëtar të publikut dënohesh me 5 javë pa patur mundësi apelimi”, shkruhet në rregulloren e kampionatit francez.

Por kaq nuk mjafton. Kur personi i sulmuar pëson dëmtime fizike, atëherë dënimi mund të shkojë deri në 8 javë. Sulmuesi do i shlyejë 5 ndeshje që kanë mbetur sivjet dhe tre të tjera sezonin e ri.

Duke llogaritur faktin që Nejmar është dënuar me tre ndeshje edhe në Champions (ofendoi arbitrin pas eliminimit nga Junajtid), atëherë ai mund të kthehet në tetor. Diçka e tillë përkthehet më shumë pushime, për të cilat çdokush, por sidomos lojtarët brazilianë mezi presin t’i kenë.