Pritet një interesim shumë i lartë i sportdashësve nga dy qytetet fqinje, por ballafaqimin e këtij edicioni e bën akoma më shumë interesant fakti se për të parën herë në historinë e ballafaqimeve midis këtyre dy skuadrave, pozitat në tabelë janë të atilla sa që Naftëtari renditet në vendin e fundit dhe Skrapari pozicionohet më mirë dhe larg rrezikut të mbijetesës.

Akoma më shumë interesante e bën këtë derbi edhe fakti se në skuadrën e Skraparit aktivizohen plot shtatë futbollistë që janë aktivizuar më parë me Naftëtarin dhe që gjatë verës së kaluar janë konsideruar si të pavlefshëm nga ana e teknikut aktual të kuçovarëve Barjam Fraholli.

Duket se mjafton ky fakt, që të dielën e ardhshme të ndizet atmosfera në stadiumin e Kuçovës, ku në mbështetje të futbollistëve kuçovarë të Skraparit pritet të jenë edhe dhjetëra sportdashës vendas, të cilët e kanë kundërshtuar me forcë dhe publikisht teknikun Fraholli për largimin e S. Gegës, Kajos, Koroveshit, Pepës, Kopaçes, etj.

Kaq mjafton që derbi i prefekturës të ndizet ende pa u luajtur në fushë, ku përballë njëri-tjetrit do të vendosen trajneri Fraholli dhe futbollistët e njohur kuçovarë të Skraparit, që duan hakmarrje.

Edi Spahiu

Për këtë arsye, pritet që në kampionatin e ardhshëm të ketë edhe një rivalitet dyfish më të madh midis dy skuadrave të njohura të qarkut Berat. Më konkretisht, janë gjashtë futbollistë që janë shpallur si të padëshirueshëm nga ana e teknikut Fraholli te Naftëtari dhe që kanë gjetur “strehë” tek skuadra e Skraparit.

Janë emra të njohur të futbollit kuçovar si ikonat  e kësaj skuadre Sajmir Gega, Enea Kajo, që kanë mbajtur dhe shiritin e kapitenit tek Naftëtari, apo Lisjan Hadaj, Azis Pepa, Klajdi Pepa e Xhaferr Kajo, si dhe priten edhe dy-tre futbollistë të tjerë, që me kalimin zyrtar tek Skrapari, pritet që të ndezin akoma më shumë rivalitetin midis dy skuadrave rivale të së njëjtit qark.

“Mund të them vetëm një fjalë ndaj stafit teknik kuçovar dhe vetë teknikut Fraholli: ‘do të pendohet për këtë lëvizje të gabuar dhe do të hakmerremi ndaj tij në fushën e blertë, duke mbrojtur ngjyrat dhe interesat e Skraparit’, është shprehur qendërmbrojtësi i njohur Enea Kajo.

Ditën e enjte Skrapari, me përforcimet më të fundit, do të zhvillojë miqësoren e tij të parë, ndaj skuadrës së Urës Vajgurore, Osumit.

Edi Spahiu 

Caka  nuk ka lënë mënjanë edhe mënyrën se si ka anashkaluar me dashje, edhe pse prej më shumë se 11 sezone me radhë investon me qindra milionë lekë për skuadrën e Skraparit. Në një prononcim për Sport Ekspres biznesmeni i mirënjohur është shprehur: ” Kam 11 vite që investoj miliona lekë për skuadrën e Skraparit, të cilën për katër sezone e kam mbajtur në Kategorinë e Parë dhe së fundi e shpëtova edhe nga rënia nga kategoria e dytë, duke e marrë me vetëm katër pikë dhe e çova në vendin e shtatë. Mirëpo jam telefonuar së fundi nga drejtuesi i klubit Genci Lamce që më kërkon të investoj sërish dhe këtë ta bëj në emër të dashurisë për skuadrën e qytetit tim.

“Në të vërtetë janë me qindra milionë lekë që kam hedhur në futbollin çorovodas këto 11 vite dhe këtë radhë është kulmi i hipokrizisë për ata që më kërkojnë sërish ndihmë. Sepse unë vërtet nuk kursehem për Skraparin dhe gjithë qyteti më është mirënjohës, por s’mund të duroj akoma qëndrimin fyes dhe aspak dinjitoz të kryebashkiakut të Çorovodës Nesim Spahiu, i cili s’do t’ia dijë fare për futbollin edhe pse e ka detyrim ligjor, sepse është përfaqësuesi i një qyteti që si argëtim ka vetëm futbollin. Akoma më keq, ai as denjon të më marrë në telefon apo të më takojë ndonjëherë, për të më thënë një herë të vetme një FALEMINDERIT të cilën të paktën moralisht e ka për detyrë, dhe në këto kushte kur ai nuk denjon as të bëjë një veprim të tillë, unë nuk mund të investoj më si më parë”, ka përfunduar biznesmeni i mirënjohur Hysen Caka.

Edi Spahiu

Edi Spahiu