“Në momentin që ne flasim klubi i futbollit Skënderbeut vazhdon të administrohet në trajtën e një shoqate. Klubi i futbollit është administruar nga presidenti dhe anëtarët e tjerë të asaj shoqate. Nga informacionet që unë kam nga presidenti i klubit, çështja është ankimuar në gjykatën federale të Zvicrës, pritet një vendimmarrje në qershorin e vitit të tjetër. Është një pozitë delikate pasi vendimi për dënimin e Skënderbeut është në fuqi”.

“Jam duke qëndruar në kontakt me presidentin për të parë se kush mund të jenë alternativat e përfaqësimit të qytetit të Korçës në futboll, në raport me kompeticionet e ndryshme, qofshin këto kombëtare ose ndërkombëtare”, tha Filo.

Kuasi Sibo u zyrtarizua si lojtari më i ri i skuadrës spanjolle Ibiza UD, ekip tek i cili i huazua nga skuadra e Uatford. 21-vjeçari u bë një emër i njohur për futbollin shqiptar kur u aktivizua te Skënderbeu sezonin e shkuar, ku ishte një ndër lojtarët më të mirë. Sibo luajti 13 ndeshje për “Ujqërit e Dëborës” në Superiore, ku shënoi një gol dhe asistoi një herë.

Pas kalimit të tij te skuadra spanjolle, “SportEkspres” siguroi një intervistë ekskluzive me ish-mesfushorin e Skënderbeut, i cili foli për skuadrën e tij të re në Spanjë, aventurën në Superiore dhe një rikthim të mundshëm në kampionatin shqiptar:

“Ambiciet e mia personale tek ekipi i ri Ibiza UD janë vetëm në interes të skuadrës. Dua që ekipi të progresojë sa më shumë dhe të synojmë ngjitjen në Segunda Division. U transferova këtu për të bërë mirë, për të ndihmuar skuadrën me kualitetet që unë kam. Shpresoj të përshtatem sa më shpejt me futbollin këtu dhe me ato që më kërkon trajneri. Ky huazim shpresoj të na shërbejë të dy palëve, pasi dhe unë dua të rritem sa më shumë dhe të arrij majat si futbollist”, u shpreh 21-vjeçari për aventurën e re spanjolle.

Ndërsa për futbollin shqiptar, Sibo foli vetëm me fjalë pozitive, duke thënë se kampionati ynë është shumë i fortë dhe që nuk merr respektin e duhur: “Futbolli shqiptar ka shumë cilësi, shumë njerëz jashtë Shqipërisë nuk e respektojnë futbollin në vendin tuaj. Por nga eksperienca ime, them me bindje se luhet një futboll shumë cilësor, i fortë fizikisht dhe i paparashikuar, çka i jep një bukuri dhe rivalitet më të madh. Unë personalisht kam fituar shumë nga futbolli shqiptar. Ka shumë skuadra të mira në Shqipëri, që kanë arritur të shkëlqejnë dhe në Europa League. Skënderbeu ka arritur grupet, ndërsa këtë vit kam ndjekur dhe Partizanin në Europë.

Një rikthim i mundshëm në Shqipëri? Për momentin jam në Spanjë, në një moment shumë të mirë të karrierës time. Kam ardhur këtu për t’u rritur dhe për të arritur nivele edhe më të larta. Futbolli shqiptar ka nivel të respektueshëm, por synoj që të arrij gjëra më të mëdha dhe për momentin nuk mund të them që do të rikthehem”, përfundoi ish-mesfushori i Skënderbeut.

21-vjeçari ka nënshkuar për Ibiza UD në La Liga 2 dhe pritet të ketë shumë minuta në këmbët e tij dhe të jetë një lojtar i rëndësishëm. Uatfordi ka monitoruar nga afër paraqitjet e Sibos me skuadrën e Skënderbeut, por ka vendosur ta huazojë sërish, pasi sipas tyre, ganezi nuk është ende gati.

Me skuadrën që militon në elitën e futbollit anglez, Sibo ka kontratë deri në verën e vitit 2022. Me ekipin e Skënderbeut, Sibo luajti 13 ndeshje, shënoi një gol përballë Tiranës dhe asistoi njëherë për shokët e skuadrës.

GazetaOlle raporton se Abazi do të transferohet në IPKO Superliga te skuadra e Prishtinës, skuadër që synon me doemos titullin kampion sezonin e ardhshëm. Ardhja e Abazit, do të ishte një përforcim shumë i rëndësishëm për ta.

26-vjeçari është prej pesë sezonesh pjesë e Skënderbeut, ku ka luajtur në total 138 ndeshje në të gjitha kompeticionet. Gjithashtu, Abazi ka gjetur dhe disa herë rrjetën me fanellën bardhekuqe (7 gola).

Sot, SportEkspres ka mësuar se tekniku Daja i është bashkuar grupit të lojtarëve të skuadrës së Skënderbeut në “WhatsApp”. Tashmë, një rikthim i trajnerit kryeqytetas te “Ujqërit e Dëborës”, duket edhe më i mundshëm.

Me ekipin e Skënderbeut, Daja ka qenë shumë i suksesshëm. Tekniku 52-vjeçar i ka drejtuar bardhekuqtë në 77 ndeshje, si dhe ka fituar kampionatin në sezonin 2017/18. Gjithashtu, Daja fitoi atë sezon dhe Kupën e Shqipërisë me Skënderbeun.

“Jam i mendimit se do të rrëzohen dy klube. Më të rrezikuarit janë Skënderbeu dhe Luftëtari. Këtë e them për shkak të gjobës prej 1 milionë eurosh dhe faktit që nuk ka sens financiar të mbash një klub në Superiore, pa pasur objektiv pjesëmarrjen në Europë. Me aq sa di, Tirana dhe Vllaznia i kanë tejkaluar problemet e tyre me borxhet ndaj tatimeve. Të dyja klubet kanë arritur një marrëveshje me drejtorinë e tatimeve. Këto kontrata me tatimet do të shqyrtohen nga komisioni i licencimit për t’u parë nëse janë të vlefshme ose jo”.

DINAMO – “Dinamo do të jetë një ekip shumë kompetitiv për sezonin e ardhshëm. Kanë kontaktuar lojtarë të cilësorë dhe së fundmi janë në bisedime me një trajner shumë të njohur”.

TJETËRSIMI I DINAMOS – “Njerëzit e ndërgjegjshëm e dinë çfarë është stema dhe historia e një klubi. Këto janë muhabete që unë refuzoj t’i dëgjoj. I bie që një klub me histori si Skënderbeu të zhduket dhe Dinamo klub i themeluar në vitin 1946 të zhduket nga historia. Këto klube kanë një emblemë. Pronari i Skënderbeut është bashkia Korçë, unë nuk e kuptoj pse nuk ka një prononcim nga kryebashkiaku për të sqaruar të ardhmen e klubit. Pse duhet të shkrihet një histori e tërë për shkak se klubi nuk shkon dot në Europë”.

BORXHET E KLUBEVE TË SUPERIORES – “Federata i është drejtuar shtetit me një paketë ligjesh, ku kërkon që shteti ta mirëkuptoj dhe të implementojë. Unë mendoj se pjesa më e rëndësishëm është amnistia që federata kërkon për borxhet. Në këtë mënyrë mund të fillojë formalizimi i futbollit. Në këtë moment do ishte një goditje shumë e madhe nëse do të largohen klube me emër që kanë borxhe të mëdha. Shteti duhet t’u falë këtyre klubeve borxhet ndaj tatimeve”.

Shumë pak skuadra në Superligë i besojnë produktit vendas dhe i japin mundësinë talenteve kuqezi që të aktivizohen në Superiore. Flamurtari po kalon një moment shumë të vështirë dhe ndoshta e shohin si detyrim të mos shpenzojnë, duke iu besuar produkteve të U-17 dhe U-19. Skuadra vlonjate është e vetmja që nuk ka asnjë të huaj në përbërje.

Edhe Vllaznia i ka besuar shumë futbollistëve shqiptarë, pasi ka vetëm një të huaj në ekip. Bëhet fjalë për lojtarin e transferuar sot, maqedonasin Gligorov. Luftëtari ka tre të huaj, ndërsa Laçi 5 të tillë.

Te Tirana kanë kontratë 6 futbollistë të huaj, ndërsa Bylisi, Skënderbeu dhe Kukësi kanë nga 8 futbollistë në ekip. Në krye, është Partizani, me plot 12 futbollistë që vijnë nga jashtë Shqipërisë.

“Mua nuk më duket ndonjë gjë e çuditshme, duke dëgjuar kinezërirat që ndodhin në këtë vend. Më parë u luajt njëherë me emrin, nga Dinamo ia bënë Olimpik, por pas një kohë u pa që nuk funksiononte pasi Dinamo ka një histori jo të vogël në futbollin shqiptar dhe një plejadë të madhe futbollistësh. Tani po përsëritet fenomeni duke u bërë një Dinamo e Korçës, që prek më duket e palogjikshme, pasi si e thotë populli: Guri i rëndë është në vendin e vetë”.

“Mua më duket se Dinamon po e bëjnë si parcelë eksperimentale. Uroj që vendimmarrja nga ky gjyqi i fundit të jetë pozitive për Skënderbeun, por kurrsesi s’duhet të jetë Dinamo ai shkopi i magjik, që shpëton ose jo Skënderbeun. Në rast se kërkojmë që futbolli në Korçë të mos fiket mund të ketë alternativa të tjera. Stema e Dinamos nuk mund të rrijë atje, është diçka që  nuk shkon. Mua më duket se ato do të bëjnë një hibrid me fanellën me ngjyrat e Skënderbeut dhe tutat blu të Dinamos”.

“Ujqërit” do të zbresin në fushë ditën e hënë. 29 korriku i sheh bardhekuqtë në fushën e blertë dhe përgatitjet do të vazhdojnë në resortin Tropikal në Durrës, që ka qenë baza e ekipit korçar në këto vite.

Skënderbeu është pa trajner për momentin, ndërsa ka lajmëruar largimin nga klubi edhe presidenti Takaj. E ardhmja e juglindorëve është në udhëkryq, por të hënën do të hidhet hapi i parë për nisjen e përgatitjeve të sezonit të ri.

“Skënderbeu është këtu. Do të jetë gjithmonë këtu. Edhe nëse krijohet një ekip tjetër që do përfaqësojë Korçën, ky stadium kjo histori do të qëndrojë e tillë e palëvizur derisa Skënderbeu të rikthehet sërish në elitën e futbollit dhe të diktojë sërish modelin e suksesit për shqiptaret. Por, që për momentin nuk mund të pranojmë të jemi thjesht fasada e kampionatit, ndërsa me një ekip tjetër do të vijojmë të mbushim me lavdi këtë qytet dhe të ecim në gjurmët e Skënderbeut”, theksoi Takaj gjatë takimit me tifozët korçarë.

Megjithatë, në fjalimin përmbyllës të këtij bashkëbisedimi me tifozët, Takaj premtoi se do të rikthejë Korçën në elitën e futbollit shqiptar, por me një ekip tjetër.

“Skënderbeu është këtu. Do të jetë gjithmonë këtu. Edhe nëse krijohet një ekip tjetër që do përfaqësojë Korçën, ky stadium kjo histori do të qëndrojë e tillë e palëvizur derisa Skënderbeu të rikthehet sërish në elitën e futbollit dhe të diktojë sërish modelin e suksesit për shqiptaret. Por, që për momentin nuk mund të pranojmë të jemi thjesht fasada e kampionatit, ndërsa me një ekip tjetër do të vijojmë të mbushim me lavdi këtë qytet dhe të ecim në gjurmët e Skënderbeut”, përfundoi Takaj.

Prej disa ditësh, në  medie të ndryshme, por dhe nga vetë punonjës klubesh është hedhur ideja që në rast përjashtimi të ekipeve të lartpërmendurave, vendi i tyre të plotësohet nga Dinamo dhe Besa e Kavajës, ekipe këto që u renditën në vendin e dytë në grupet respektive në edicionin e kaluar të Kategorisë së Parë.

Megjithatë, tani në lojë është futur dhe Kastrioti. Klubi krutan ka reaguar me anë të një komunikate në rrjetet sociale mbi çështjen në fjalë. Në komunikatë Kastrioti ka argumentuar se në rast përjashtimi të skuadrave të lartpërmendura, e drejta e qëndrimit në Superiore atyre si skuadra e nëntë në renditjen e Superiores. Klubi krutan përmend dhe një shembull konkret të ndodhru rishtazi në Itali me protagonistë klubet e Palermos dhe Venecias.

DEKLARATË E KLUBIT KASTRIOTI NË LIDHJE ME NDRYSHIMET E MUNDSHME NË SUPERIORE

Ditët e fundit ka nisur të qarkullojë lirisht ideja e përjashtimit nga kampionati të Skënderbeut (për shkak të dënimit nga UEFA) dhe të Luftëtarit (në kaos financiar). Përtej debatit se pse nuk është në një situatë me Luftëtarin edhe Flamurtari, apo a do ta presë FSHF Gjykatën Federale në Zvicër, ajo që bie në sy është se po flitet për dy klube të tjerë, Besa e Dinamo, që duhet të ngjiten në Superiore duke “fituar në tavolinë”. Ndërkaq, askush nuk e merr parasysh faktin që Superiorja kishte një renditje sezonin e fundit dhe në bazë të saj, nëse një klub përjashtohet, përfiton ai i rendituri poshtë saj, në rastin tonë Kastrioti. Askush nuk e di realisht se ku do bazohej kthimi i Dinamos dhe Besës në Superiore, por nëse shohim në gjithë botën, në raste të tilla përfitojnë ekipet e rëna nga kategoria. Një shembull? Para pak javësh Palermo falimentoi dhe u dënua me zbritje nga kategoria. Vendin e skuadrës siçiliane në Serinë B e mori Venezia, që ra nga Seria B pas humbjes në finale play-off kundër Salernitanas. A nuk është e njëjta situatë? Kastrioti është skuadra e vendit të nëntë dhe merr vendin e një prej ekipeve të dënuara, ndërsa më pas vendos FSHF për mënyrën si do përcaktohet ekipi që merr vendin e ekipit të dytë, sepse Kamza është dënuar me kohë. Edhe për kupat e Europës, kur doli Skënderbeu i dyti dhe kur u konfirmua që Flamurtari nuk shkonte dot në Europa League, skuadrat poshtë tyre në renditje përfitonin, jo Dinamo e Besa.

“Unë personalisht nuk prisja shumë nga ekipet shqiptare në këto kualifikuese. Duhet të themi se futbolli shqiptar është në një moment udhëkryqi. Klubet shqiptare duhet të sigurohen të kenë baza të sigurta për të ardhmen dhe jo të mbështeten në kala letre”, tha fillimisht Jupi.

Shembulli i Skënderbeut –  “Është një skuadër që u bë disa vite. U deshën 3, 4 vite që të fillojnë të luajnë një futbollit të një cilësie të mirë. Kjo gjë ka ndodhur me të gjitha ekipet, duhet pasur durim dhe një projekt serioz. Duhet t’i dimë limitet tona, por më vjen inat që ekipet shqiptare i mbivlerësuan kundërshtarët”.

SHKARKIMET  E TRAJNERËVE –“Kushdo president që shkarkon një trajner, duhet të kuptojë që ka shkarkuar zgjedhjen e vet. Ai duhet ta marrë këtë si gabim në zgjedhjen e tij. Unë nuk besoj se presidentët tanë janë kaq të paaftë dhe të paditur. Nuk mund të jetë i gjithi faji i trajnerit në një dështim, ose sikundër nuk është e gjithë merita e tij në një sukses”.

Sulmuesi është një nga lojtarët më të mirë në Superiore, por sezonin e shkuar u penalizua nga nëj dëmtim në shpatull. Megjithatë, u rikthye në javët e fundit të kampionatit dhe ishte shumë i rëndësishëm për ekipin korçar.

Dënimi nga CAS ka bërë që shumë lojtarë të “Ujqërve” të jenë në pikëpyetje për të ardhmen dhe një ndër ta është dhe Bregu. Vlonjati me shumë gjasa do të largohet dhe Kukësi ka nisur sulmin për firmën e tij.

“Kam folur shpesh për Skënderbeun dhe futbollin shqiptar. Ky është një futboll i korruptuar. Duke qenë të gjithë institucionet në Shqipëri janë të korruptuar, nuk ka mundësi që futbolli të jetë ndryshe”

“Skënderbeu është bërë viktimë e sistemit që ndërtoi vetë. Skënderbeu u ndërtua me qëllimin që do të bëheshin të paprekshëm, por ata nuk kuptuan se futbollit është një lojë që aq sa e dhunon, aq dhunohesh më vonë”.

“Sponsori i Skënderbeut foli si ata politikanët shqiptarë që i thonë popullit që ne jemi burra të mirë dhe shiko çfarë kemi bërë. Ata kanë kurajën të akuzojnë Dervishin. Dervishi për mendimin tim është një figurë që nuk ka qenë përlyer në afera korruptive”.

“Tani flasim për persona që flasin për historitë e Nastradinit. S’ka shqiptarë që nuk e din se çfarë ndodh me ndeshjet, shitjet e blerjet. Vetë sistemi i futbollit është i tillë. Unë Skënderbeun nuk e urrej, por unë urrej mënyrën se si mundohen të mbulojnë gjërat e të shiten si njerëz të pastër, sikur kanë zbritur nga qielli”.

“U dha një dënim i paprecedentë. Këtu nuk ka asnjë reagim nga Ministria e Sportit ose kryeministri. Është diçka e frikshme. Turp të kenë këto njerëz që në vend të reflektojnë e të marrin përgjegjësi, justifikohen. UEFA nuk të bie në qafë kot. Janë marrë njerëz të specializuar me këtë çështje. Shqiptarët menduan se ishin të shkathët po vjen një moment që laku ngushtohet”.

“Unë mendoj se është një lajm i mirë për futbollin shqiptar. Futbolli duhet të ndërtohet me projekte konkrete, duhet të punohet me të rinjtë dhe duhet kohë”, tha Vata.

“Kërcënimi ka qenë i orkestruar në mënyrë fantastike. Është bërë gjatë kohës që unë isha në zyrat e UEFA-s. Pikërisht në atë moment shkon një kërcënim për inspektorët e UEFA-s. Kjo na preu të gjitha marrëdhëniet që ne kishim me UEFA-n e na çoi drejt e në gjyq”.

“Ju jeni gazetarë, më kujtoni një rast ku kam kërcënuar ndokënd ose kam folur me tona të rënda. Më thoni një rast që i kam folur keq një presidenti ose një arbitri. E çuam këtë çështjen ne prokurorinë e Korçës dhe zbuluam se email kërcënues ishte nisur nga Tirana. Më pas aty ngeci procesi. Prokurorët na thanë vetëm që email ishte nisur nga një zyrë e panjohur në Tiranë”, thekson kreu i klubit korçar.

SPORTEKSPRES.COM mëson se drejtuesit e klubit verilindor janë pranë marrëveshjes me Blerim Krasniqin. Sulmuesi kavajas ka qenë pjesë e Skënderbeut gjatë dy sezoneve të shkuara, ndërsa më parë ka luajtur për Apoloninë dhe Besën e Kavajës.

23-vjeçari mbylli sezonin e kaluar me 6 gola në 23 ndeshje. Kontrata e Krasniqit me Skënderbeut zgjat edhe për dy sezonet e ardhshme, prandaj mbetet për t’u parë se si palët do ta zgjidhin këtë problematikë.

Me ardhjen e Krasniqit te Kukësi, verilindorët do të kenë tre alternativa me kavajasin që i bashkohet në këtë repart Vasil Shkurtajt dhe të riut Markovanbasten Çema.

REAGIMI – Pasi jemi njohur me përmbajtjen e buletinit mediatik të CAS, datë 12.07.2019, lidhur me ankimin e bërë nga KF Skënderbeu kundër vendimit të Komisionit të Apelit të UEFA-s, ndiejmë detyrimin ndaj sportdashësve dhe qytetarëve të Korçës për të qenë sa më transparent ne lidhje me hapat e mëtejshëm të cilat do të ndiqen për rivendosjen e të drejtave tona të dhunuara barbarisht nga sistemi i drejtësisë sportive.

Së pari, vendimi i CAS në formën e tij të plotë dhe integral nuk i është komunikuar ende KF Skënderbeut, veprim i cili nën dritën e ngjarjeve të ndodhura, nuk është më i dyshimtë. Kjo pasi i gjithë procesi ndaj klubit tonë ka qenë i paragjykuar, i njëanshëm dhe i paracaktuar që prej vitit 2016.

Nuk mundet të mos jetë i paragjykuar një proces ku KF Skënderbeu është dënuar në bazë të gjoja përceptimit publik të klubit dhe të personave lidhur me të, perceptim të cilin institucioni i UEFA-s, veçanërisht inspektorët e lidhur me çështjen kanë tentuar të krijojnë, përmes metodave dhe formave nga më të paskrupullta. Në lidhje me këtë, është e rastit të përmendet se ndaj inspektorëve të UEFA’s përgjegjës për hartimin e raporteve kundër klubit tonë, konkretisht Z. Dhont dhe Z. Lietard, aktualisht, ekzistojnë padi penale dhe civile për shpifje në organet kompetente Zvicerane.

Nuk mund të mos jetë i njëanshëm një proces i cili mbështetet mbi raporte të cilat nuk kane asnjë bazë të provuar shkencore dhe të cilat nuk kanë të bëjnë fare me analiza të mirëfillta sportive. Është e papranueshme që CAS të marrë si të mirëqena raportet e BFDS, sistem për të cilin askush nuk ka dijeni si funksionon, përfshirë edhe CAS-in.

Është e papranueshme që CAS të mos marrë në konsideratë raportet shkencore të ekspertëve të basteve sportive dhe të ekspertëve sportiv të KF Skënderbeut, të cilët në mënyrë metodike dhe shkencore kane hedhur poshtë çdo argument të ngritur nga UEFA.

Mbi të gjitha, është e papranueshme që të mos merren në konsiderate mbi 50 kundër-prova të paraqitura nga pala jonë, kur nga ana tjetër, e gjithë strategjia e inspektorëve të UEFA-s mbështetej mbi dëshmi personash anonim (as identiteti i tyre nuk na është bërë i ditur) ose personash të cilët kanë konflikt të hapur interesi në lidhje me procesin.

Nuk mund të mos jetë i paracaktuar një vendim për të cilin vendimmarrës janë njerëz me lidhje direkte ose indirekte me palën akuzuese. Në lidhje me këtë, KF Skënderbeu kishte bërë kërkesë për përjashtimin e kryetarit të trupës arbitrale, i cili, në mënyre të shprehur kundërshtonte kërkesën tonë, në një kohë kur detyrimi i tij deontologjik është tërheqja nga gjykimi i çështjes në rast të kërkimit të argumentuar të njërës prej palëve.

Është e qartë që emërimi i këtij personi ka qenë në funksion të mbrojtjes së interesave të inspektorëve të UEFA-s dhe personave të lidhur më këtë institucion. Në kushtet kur 2 nga 3 arbitrat e çështjes kanë qenë të mandatuar për të mbrojtur njërën palë, i vetmi konkluzion logjik është parapërcaktimi i rezultatit final.

Sot mund të themi me sigurinë e plotë se sistemi i drejtësisë sportive i ngritur dhe i mbrojtur me fanatizëm nga federatat ndërkombëtare është një fasade dhe mburojë e një sistemi të kalbur dhe të korruptuar që ekziston brenda institucioneve të qeverisjes sportive.

Në këto kushte, me vetëdijen që beteja ligjore në këtë sistem drejtësie është e kotë, bëjmë me dije se, pas konsultimit me përfaqesuesit tanë ligjore, brenda muajit Korrik 2019, KF Skënderbeu do të paraqesë rekurs pranë Gjykatës Federale Zvicerane kundër vendimit të CAS datë. 12.07.2019. Duke qenë të bindur mbi pafajësinë tonë, ruajmë besimin se e drejta do të vihet në vend.

Së fundmi, bëjmë me dije sportdashësit dhe mbështetësit tanë se KF Skënderbeu do të vazhdojë aktivitetin e tij më të njëjtin përkushtim, vizion dhe ambicie për të arritur rezultate edhe më të mira se ato të sezoneve të shkuara.

Në kampin korçar nga ana tjetër janë të zhgënjyer për vendimin e marrë. Prej muajsh e kishin “pompuar” ambientin me optimizëm, por në fund CAS ua hodhi poshtë kërkesën. Tashmë ka vetëm një rrugë, të shkojnë në Gjykatën Federale në Zvicër. Kjo është shkalla e fundit gjyqësore dhe te Skënderbeu po e mendojnë ta vazhdojnë betejën ligjore. Gjithsesi fillimisht duhet të marrin veten nga kjo goditje.

Klubi ende nuk ka dalë me një deklaratë, ku të qartësojë të ardhmen. Normalisht tifozët në Korçë janë të shqetësuar për situatën në klubin e tyre të zemrës. Futbollistët janë në ajër, ndërkohë që shumë klube dëshirojnë disa prej tyre. Sigurisht do të duhet të paguajnë për ata që janë nën kontrata. Skënderbeu i ardhshëm nuk dihet çfarë “fytyre” do të ketë dhe enigmat janë të shumta.

Në intervistën e dhënë për “RTSH Sport”, Vaso tha:“Ishte një vendim skandaloz dhe shokues që i bën keq jo vetëm futbollit shqiptar, por edhe vetë politikave të UEFA-s, pasi ka qenë në interesin e tyre të ketë ekipeve të vogla që arrijnë suksese të tilla në futboll”.

Ndërkohë Xhambazi e konsideroi një dënim fatal për klubin ku ka kontribuar për vite me radhë: “Mendoj që ky dënim është në radhë të parë për qytetin e Korçës. Ky qytet po krenohej me futbollin gjatë viteve të fundit. Skënderbeu ka qenë një skuadër me vlera që ka prodhuar shumë lojtarë. Është një dënim fatal për qytetin, por jo edhe për të gjithë Shqipërinë”.

“UEFA e mirëpret vendimin e KAS-it për çështjen “Skënderbeu”. Pranojmë vendimin e Këshillit të Arbitrazhit Sportiv për dënimin e KS Skënderbeut. Ky është një konfirmim i mëtejshëm i besueshmërisë së sistemit të zbulimit të mashtrimeve, në identifikimin e modeleve të basteve dhe fiksimit të rezultatit në ndeshjet europiane dhe vendase.

Me këtë vendim, KAS-i tregon dhe njëherë tjetër iniciativën dhe përpjekjen për të vendosur rregull dhe për të pastruar futbollin. UEFA BFDS, në bashkëpunim me Sportradar, kanë marrë informacionet e duhura në lidhje me këtë çështje dhe kanë vepruar me konfirmim absolut në lidhje me akuzën.

BFDS u krijuar në vitin 2009 për shkak të kërcënimit në rrije të manipulimit të ndeshjeve. Roli i saj është të nxjerrë në pah lëvizjet e parregulta të koefiçentëve, si para ndeshjes, ashtu dhe gjatë saj (LIVE). Ky ishte një hap tjetër në rrugën që kemi nisur për të eliminuar çdo kërcënim që vjen nga manipulimi i ndeshjeve”.

Seanca dëgjimorë është zhvilluar dhe vendimi final pritej të merrej muajin e shkuar. Kjo nuk ndodhi dhe klubi i Skënderbeut doli me një njoftim, duke bërë me dije se më 12 korrik do të merret vendimi nga CAS. Sot është dita.

Në klubin korçar prej kohësh shprehen optimistë se do ta fitojnë këtë çështje. Edhe më parë i njëjti optimizëm ka qenë, por vendimet e marra kanë qenë në disfavor të Skënderbeut. Dënimi i marrë është ekzemplar, pasi si provë e vetme për UEFA-n janë luhatjet e koeficienteve, të pikasura nga BFDS (Sistemi i Zbulimit të Mashtrimeve të Basteve).

Nëse CAS do të lërë në fuqi dënimin e UEFA-s, atëherë nis një erë e re e dënimeve të klubeve pa pasur nevojë për prova të mbledhura nga Prokuroritë. Shpenzimet e bëra për BFDS do bëheshin të vlefshme, ndryshe do të ishte një goditje e rëndë. CAS e ka në dorë.

Ironi Kiriat Shmona është destinacioni i nigerianit, i cili verën e shkuar u shit nga Skënderbeu te Gabala për shifrën e 350 mijë eurove. Sulmuesi ka rënë dakord për kontratën me izraelitët, që e presin t’i bashkohet skuadrës.

Korçarët një vit më parë kanë mbajtur edhe përqindje të kartonit të Xhejms, çka do të thotë se edhe ata do të përfitojnë miliona lekë nëse sulmuesi shitet. “Po, kemi mbajtur 20% të vlerës së kartoni të Xhejmsit, që do të thotë se në çdo rast shitjeje të këtij lojtari nga klubi azer, do të përfitojë edhe Skënderbeu”, deklaronte Gerhard Takaj për Sport Ekspres verën e shkuar.

Gjithsesi korçarët nuk mund të përfitojnë nga kjo lëvizje e bërë së fundmi, pasi Xhejms shkon te Ironi Kriat Shmona në formë huazimi. Izraelitët e kanë paguar shumën e 100 mijë eurove për ta marrë borxh.

Xhejms bëri një sezon shumë të mirë një vit më parë me Gabala, teksa arriti të shënonte 10 gola. Sulmuesi u përzgjodh në formacionin më të mirë të vitit në Azerbajxhan dhe për të ka pasur shumë oferta, mes tyre edhe nga Karabaku që nuk gjeti dot akordin me klubin e Xhejms.

24-vjeçari është një produkt i akademisë së Dinamos, ndërsa në tri sezonet e mëparshme  ka qenë pjesë e Skënderbeut. Në “CV”-në e portierit janë dhe tri vite në Qipro ku luajtii në dy ekipe. Kontrata e Teqes me kampionët e Superligës është e vlefshme për një sezon.

Vitija sezonin e fundit ka qenë pjesë e KEK-ut në IPKO Superliga e Kosovës. Skënderbeu e kishte futur në “qark” dhe tani mbrojtësi do të luajë Superiore sezonin e ardhshëm. Kampionët e Feronikelit gjithashtu kishin shfaqur interes për të, ashtu sikurse edhe Prishtina që e ka pasur në ekip.

I riu ka qenë pjesë e Kosovës U19 dhe ka luajtur rregullisht, ndërkohë që së fundmi ka provuar të debutojë edhe për Kosovën U21. Treguesit janë të qartë dhe kemi të bëjmë me një lojtar me të ardhme, që Skënderbeu synon ta shesë jashtë vendit, sikurse edhe ka bërë me të tjerë lojtarë më parë.

“Skuadrave tona u mungon eksperienca. Ndoshta kundërshtarët janë të dobët, por duhet ta dimë që këto skuadra marrin pjesë prej vitesh në Evropë. Ky është i vetmi avantazh ndaj ekipeve kosovare”, u shpreh Fakiç, i cili pret që edhe Prishtina të kualifikohet.

MERKATO E KORÇARËVE – Skënderbeu, sikurse ka bërë zakonisht, do kërkojë të afrojë lojtarë nga Kosova. Për Gazetaolle.com, Fakiç ka shtuar: “Skënderbeu ka pasur shumë futbollistë nga Kosova, të cilët jo rastësisht kanë qenë pjesë e jona”.

“Shumë emra nga Kosova, si Bernard Berisha, Liridon Latifi, Agim Zeka, Fidan Aliti, Enis Gavazaj e Suad Sahiti janë shitur në Evropë. Të gjithë janë prodhim i futbollit kosovar, prandaj jam i bindur që kualiteti nuk mungon. Gjithsesi duhet më shumë kohë dhe eksperiencë në garat ndërkombëtare”.

VENDIMI I KAS – “Siç e dini jemi në pritje të vendimit përfundimtar të KAS-it dhe çdo veprim do të bëhet pas tij. Sigurisht që rreth transferimeve kemi objektiva edhe në Kosovë, por nuk kisha dashur të tregoj emra për momentin. Ne do të vazhdojmë t’iu besojmë futbollistëve nga Kosova”.

“Shpresojmë te drejtësia, sigurisht që presim vendim pozitiv. Do të kthehemi më të fortë, pasi kaluam një periudhë të shëmtuar me shumë spekulime. Gjithsesi, ajo që nuk të vret, të bën më të fortë”, përfundon Fakiç deklaratën e tij.

Megjithatë drejtuesit e klubit korçar janë tepër optimistë dhe kanë filluar të veprojnë në merkato. Krahas marrëveshje të rinovimit me disa nga futbollistët aktualë, presidenti Ardian Takaj po punon për të afruar lojtarët më të dalluar të Superiores.

Sipas “RTSH Sport”, Skënderbeu ka arritur akordin me portierin Enea Koliqi. “Gardiani” pogradecar ka qenë një ndër portierët më të spikatur të Superiores gjatë viteve të fundit. 33-vjeçari ka pranuar ofertën e Takajt dhe zyrtarizimi pritet në ndodhë pas vendimit të “CAS”.

Porta ka qenë një ndër repartet më të problematike të Skënderbeut gjatë vitit të kaluar, por me ardhjen e Koliçit midis dy shtyllave të korçarëve do të vendoset një ndër më të dalluarit e këtij roli në Shqipëri.

Leonat Vitija quhet i riu dhe sezonit e fundit ka qenë pjesë e KEK-ut në IPKO Superliga e Kosovës. Skënderbeu e ka futur në “qark” dhe me shumë mundësi mbrojtësi do të zgjedhë të luajë në Superiore sezonin e ardhshëm.

Insporti.com raporton se nuk është vetëm Skënderbeu klubi që po e tenton futbollistin Vitija. Kampionët e Feronikelit gjithashtu kanë shfaqur interes për të, ashtu sikurse edhe Prishtina e drejtuar nga Mirel Josa.

Vitija ka qenë pjesë e Kosovës U19 dhe ka luajtur rregullisht, ndërkohë që së fundmi ka provuar të debutojë edhe për Kosovën U21. Treguesit janë të qartë dhe kemi të bëjmë me një lojtar me të ardhme, që Skënderbeu synon ta afrojë dhe më pas ta shesë jashtë vendit.

PARTIZANI –“Nuk ka dyshim që Partizani bëri një kampionat të mirë. Konkurrentët nuk arritën të jenë në nivelin e Partizanit, qoftë Kukësi, Teuta apo Skënderbeu. Partizani u organizua më mirë. Ishte pragmatist, nuk është se bëri ndonjë futboll të bukur, por arriti rezultatin. Çdo ekip ka marrë atë që ka dhënë në fushën e lojës, sipas përgatitjeve dhe shpenzimeve”.

SURPRIZA NË SUPERIORE – “Është  e vështirë të veçoj emra futbollistësh. Gjithsesi mund të flas për Luftëtarin e Gjirokastrën. Kanë shitur lojtarë dhe kanë vazhduar të bëjnë një futboll të bukur, duke mos rrezikuar mbijetesën”.

KUKËSI –“Kukësi nuk i ka munguar buxheti, por i ka munguar skuadra. Kishte një disavantazh që nuk luajti në shtëpi, kjo nuk është gjë e pakët. Gjithsesi përgjegjësia e parë i takonte presidenti Gjici, i cili duhet të krijonte një skuadër të bazuar në grup e jo individë”.

SKËNDERBEU –  “E filluan mirë, por më vonë u duk se nuk ishin të përgatitur për të përballuar 36 javë kampionat. S’kishin aq alternativa për të përballuar sezonin. Problemet juridike të klubit me UEFA-n janë problem i drejtuesve, s’besojnë se ndikuan te futbollistët”.

TEUTA – “Deri nga java e 10-të Teuta u duk si ekip pretendent për titullin, por më pas u duk se i mungoi grinta. Ndoshta për shpenzimet që u bënë mund të kishin merituar dhe më shumë se kaq”.

ARBITRAT –  “Me zhvillimin e shoqërisë zhvillohen edhe arbitrat. Ne bëjmë maksimumin për përgatitjet e tyre. Është e vërtetë që ka pasur kontestime, por ka pasur më pak se më parë. Fatmirësisht edhe ato gabime që janë bërë nuk kanë ndikuar shumë. Besojnë se meritojnë nota pozitive”.

DËNIMI I KAMZËS – “Në fakti ai ka qenë rasti më i keq dhe që është dënuar më shumë. Mendoj se ka ndikuar në eliminimin e rasteve të ngjashme në të gjithë nivelet e kampionatit shqiptar.

NDRYSHIME NË FORMUALAT E GARAVE –“Po diskutohet brenda sektorit të garës për të pasur kampionate që luftohen deri në fund. Kemi disa probleme në Kategorinë  e parë dhe të dytë, por edhe në kampionatet e moshave. Shumë skuadra dalin nga gara shpejt e fillojnë të mos impenjohen shumë. Po përpiqemi të gjejmë skema që i minimizojnë këto. Kemi disa propozime e variante. Besoj se do të dalim me një produkt që do t’i bëjë më të interesuara skuadrat në garë. Ajo që është më e rëndësishme është ajo që ndodh te futbolli i fëmijëve. U thuhet nga drejtuesit të tolerojnë ndeshje

REDUKTIM I NUMRIT TË SKUADRAVE NË KATEGORINË E PARË – “Për këtë kampionat nuk mundemi ta reduktojmë numrin, por në të ardhmen mund ta shqyrtojmë këtë mundësi për reduktimin e klubeve, çka do t’i shërbejë forcimit të garës”.

LICENCIMI –“Licencimi në Europë mbikëqyret nga UEFA. Ky komision Licencimi për garat e Europës ka një tutor, që në rast gabimesh ne mund të ndëshkohemi, siç na ndodhi dy vite më parë me licencimin e Tiranës. E njëjta gjë duhet bëhet me licencimin për garat në Shqipëri. Steka e kërkesave është rritur. Ne kemi vënë ato kritere licencimi që janë të realizueshme për klubet në Shqipëri. Ne kemi për detyrë që t’i këshillojmë e t’i kontrollojmë klubet, e ti ndihmojmë me ndihma financiare bashkë me pushtetin vendor”.

PAKETA LIGJORE – “Deri tani ndoshta për shkak të situatës politike në vend nuk kemi pasur ndonjë feedback. Prandaj nuk është respektua ai afat që u premtua. Ka vetëm një progres pas një takimi me ministren e arsimit për  ndryshimin e kodin penal, por kjo nuk është diçka që ndihmon në progres, megjithëse ndihmon në vendosjen e rregullave në ambientet e stadiumit. Me këtë paketë synojmë që ta kthejmë sportin në një industri masive. Nëpërmjet kësaj pakete tentojmë që klubet profesioniste të mos rrënojnë bizneset e presidentëve. Futbolli duhet të mbajë veten, ashtu siç ndodh në shumë degë të tjera të ekonomisë. Fakti është që politika asnjëherë nuk e ka parë sportin e futbollin si të tillë. I vetmi rast që s’mund ta fshehim është investimi në stadiumin e Shkodrës dhe Elbasanit”.

Në njëfarë mënyrë edhe shpresat që korçarët këtë sezon të luajnë në Europë janë sfumuar plotësisht. Me 11 korrik luhen takimet e para në Europa League dhe Laçi ka njohur rivalin pas heshjes së shortit një ditë më parë.

“CAS shtyn datën e vendimit. Të dashur tifozë dhe sportdashës të KF Skënderbeu, ju bëjmë me dije se palët në gjykim janë njoftuar sot nga Gjykata e Arbitrazhit Sportiv për shtyrjen e vendimit përfundimtar. KF Skënderbeu do të njihet me vendimin në datë 12 korrik. Me Respekt, KF Skënderbeu”, njofton klubi korçar.

Klubi i Kukësit ka zyrtarizuar gjithçka, teksa ka postuar fotot e lojtarit me fanellën e Kukësit. “Bruno Lulaj nënshkruan kontratë për dy vite me klubin tonë”, shkruhet në njoftimin e bërë nga ana e klubit verilindor. Sot Lulaj pritet të dalë në stërvitje.

Ndërkohë, mbrojtësi ka shkruar dhe në llogarinë e tij në Instagram, ku ka falenderuar Skënderbeun për pesë vitet e kaluara në Korçë dhe është shprehur i lumtur për sfidën e re që e pret te Kukësi.

 

Voir cette publication sur Instagram

 

Pershendetje miq, qe sot nuk jam me pjes e @kf_skenderbeu kam kaluar 5 vite te bukura ne qytetin dhe ne skuadren e Korces, me momente te mira por edhe me emocione te medha. Dua te falenderoj Presidentin Takaj,stafin teknik edhe te gjith lojtaret qe kemi bashkpunu kaq vite sebashku, ju uroj me te mirat. Me respekt, Bruno Lulaj!

Une publication partagée par Bruno Lulaj (@brunolulaj4_) le 18 Juin 2019 à 4 :00 PDT

 

Voir cette publication sur Instagram

 

Dua tju njoftoj qe jam zyrtarisht pjese e @fkkukesialbania nji cikel i ri per mu nis sot, do jap gjithmone maximumin tim qe te ndihmoj skuadren ne arritjen e objektivave! Para Kukesi! ??

Une publication partagée par Bruno Lulaj (@brunolulaj4_) le 18 Juin 2019 à 4 :12 PDT

“Duke marrë shkas nga lajmet e përhapura në lidhje me vendimin e CAS, klubi bën me dije se çdo lajm i publikuar në median e shkruar, vizive dhe online është i pavërtetë.

Në korrespodencën e fundit mes palëve, klubi është njoftuar se do të njihet me vendimin në datë 21 qershor. Ky është i vetmi informacion që disponon klubi në lidhje me çështjen. Çdo lloj lajmi tjetër është aludim…

Lutemi të prisni me qetësi datën 21 qershor dhe njoftimin zyrtar nga klubi në lidhje me vendimin. Me respekt, KF Skënderbeu”, shkruhen në njoftimin e fundit të klubit korçar. Duke qenë se CAS ende nuk ka dalë me një vendim, UEFA nuk e ka përfshirë Skënderbeun në shortin për kupat e Europës dhe do të jetë Laçi klubi që do e zëvendësojë.

POSTIMI I SKËNDERBEUT – “Një ikonë, legjendë… 2 pjesëmarrje në grupet e Europa League, një play-off në Champions League dhe 1 play-off në Europa League. 7 tituj kampion, 3 superkupa dhe një Kupë Shqipërie. 9 vite bardhekuq, lider brenda dhe jashtë fushë.

Fjalët janë të tepërta, nuk ka arsye për të reaguar, Orges Shehin nuk e lidh kontrata me Skënderbeun por 9 vite plot suksese, emocione dhe dashuri. Orges Shehi nuk mund të largohet me një intervistë nga Korça dhe padiskutim mbetet një aset dhe pjesë e pandarë e klubit…?”, shkruhet në postimin e klubit korçar.

Klubi kurbinas, në rrjetet sociale gjithashtu tregon se po përgatiten për shortin që do të hidhet me 18 qershor. Sikurse kuptohet, te Laçi e kanë të sigurt pjesëmarrjen në kupat e Europës dhe po mendojnë për përforcimet.

Një vit më parë ata arritën të kalojnë turin e parë, madje duke eliminuar Anorthosis Famagusta, dukshëm favorit në letër. Në turin e dytë u thyen nga Molde, që drejtohet nga trajneri aktual i Mançester Junajtid, Ole Gunar Solskjaer.

41-vjeçari ka dhënë një prononcim interesant për “RTSH Sport”, duke folur për vitin e parë si trajner. Nuk mungon as një kujtim i ndeshjeve më të bukura dhe pengjet e karrierës së gjatë e të lavdishme.

Vitet e kaluara në Korçë ishin më të bukurat. Qyteti juglindor dhe njerëzit atje zënë një vend të veçantë në zemrën e Shehit, një portieri të madh dhe një trajneri që ka gjithçka për t’u bërë i tillë.

TRAJNER APO LOJTAR – “Pas një viti si trajner, nëse do jepej mundësia të zgjidhja, do vendosja të isha lojtar. Kush i ka provuar të dyja më jep të drejtë në atë që po them. Si lojtar ke pozicionin tënd, stërvitesh rregullisht, nuk ke përgjegjësi për 30 vetë. Si trajneri duhet të programosh gjithçka, kurse si lojtar pushon një ditë pas ndeshjes. Si trajner duhet të nisësh të mendosh për gjithçka direkt”.

EKSPERIENCA NË KORÇË – “Atje kam kujtimet më të mira, kam fituar gjithçka. Nëntë vite nuk janë pak. Kam respektin maksimal për ata njerëz atje, jemi rritur bashkë. Në fillim nuk kishim as fushë, shkonim në Pogradec, kurse sot është një mrekulli. E përsëris, jemi rritur bashkë vit pas viti”.

NDESHJA MË EMOCIONUESE – “Ka shumë momente, e kam nisur që në vitin 1994 dhe janë shumë vite. Vitet e fundit, pasi luajtëm në nivele shumë të larta, në futbollin e madh, emocionet kanë qenë të shumta. Kualifikimi në grupet e e Europa League, të dyja herët, kanë qenë emocionuese”.

PENGU – “Kam luajtur shumë, kam sakrifikuar shumë, kam dhënë dhe kam marrë nga futbolli. Para 10 vitesh mund të qëndroja në Izrael, por u ktheva. Ai moment mund të jetë një peng, por nuk bëhem pishman. Episodi më i dhimbshëm ka qenë kur humbëm me Partizanin titullin kampion javën e fundit. Theva gishtin dhe luajta 83 minuta ashtu, më pas këputa ligamentin dhe u operova”.

PUNA SI TRAJNER – “Ishte eksperienca ime e parë. Kur m’u ofrua posti i trajnerit kam qëndruar një javë pa gjumë. Nuk dija nga ta nisja, duhet të flisja me miqtë dhe ish-trajnerët. E nisëm me vështirësi, ishte eksperiencë e bukur. Gjithë kohën je në tonus dhe ka shumë adrenalinë. Më ka shërbyer dhe më ka vlejtur shumë kjo eksperiencë”.

“Pranimi i ofertës? E kam thënë edhe herë tjetër që e kisha detyrim të rrija, ishin 8 vite. Kisha pak dilema, pasi po i hyja një bote të re. Ishte një vit tranzicioni, shumë lojtarë m’u larguan. Ikën Vila, Nimaga dhe Gavazaj, ndaj ulej cilësia. Shumë lojtarë luanin për herë të parë. Krahasimi me Skënderbeun e viteve të shkuara ka ndikuar tek ata. Më gjithë ndryshimet e bëra, them se kemi bërë mirë. Jam koshient që është diçka e re, si vit i parë kam për të përmirësuar. Një mik më tha se kam 30 vite e nuk di asgjë. Çdo ditë ka probleme të reja”.

“Ndeshjet e para? Superkupa ishte moment i rëndësishëm. Nuk kishim shumë kohë dhe donim ta fitonim atë trofe. Do të thotë shumë që ia dhamë një trofe Skënderbeut, sado simbolik që është. Menduam për atë ndeshje me Laçin dhe e fituam. Më pas menduam për Partizanin, e mundëm dhe nuk gëzova vetëm unë, por gjithë qyteti i Korçës”.

ARRITJA E MADHE – “Grupet e Europa League ishin arritja më e madhe. Unë doja ta lija sportin, por nuk më lanë, më mbajtën me zor, në mënyrë figurative. Isha protagonist dhe kjo ishte pika më e lartë e imja. Nuk e lashë sportin se nuk mundja. Ishte momenti që të nisja një rrugë të re. Diferenca me shokët më bënte të mos e ndjeja veten mirë brenda grupit. Unë isha 40 vjeç, të tjerët nga 17. Unë djalin e kam 15 vjeç. Nuk e kisha menduar që do luaja aq gjatë. Mendoja të luaja 10 sezone dhe e shija si arritje. Nga 10 u bënë 24”.

SAKRIFICAT – “Është e vështirë të jesh larg familjes, vitet ikin. Familja ka merita e suksesit. Ata e ndjenin mungesën time, por më kanë përkrahur. Duke e bërë diçka të tillë, them se është merita e tyre. Tani jemi bashkë dhe na ndihmon ajo ideja që nuk do ikja larg”.

LARGIMI – :Nuk do jem çdo ditë në Korçë, por futbollit nuk i dihet. Kam kaluar 9 vite, kam lënë shumë miq atje. Telefoni nuk ka pushuar. Më së shumti më kanë telefonuar nga Korça. Do më mungojë, por do mundohem të vazhdoj përpara. Ndarjet nuk janë të lehta, por kjo është jeta”.

“Largimi? Është zgjidhja ime dhe e familjes, sa kohë e deklaroj unë. Një nga shtysat është që Skënderbeun po e lë është fakti që është në moment të mirë, jo si vjet. Mund të bënim akoma më mirë, e renditëm të gjithë së bashku skuadrën në zonën Euro. Kam besim se Skënderbeu do e fitojë çështjen në KAS dhe do ketë vite të mirë në vazhdim”.

RAPORTI ME TAKAJN – “Marrëdhëniet me Takajn janë normale. Tani ka më pak telefonata. Ata janë miqtë e mi dhe do të vazhdojnë kontaktet. Normalisht nuk do të jenë të shumta. Unë e bëra detyrën si trajner, aty nuk më mbante kontrata. Ajo më përfundoi. Mediat këtë punë kanë, kanë informacione. Pa mediat nuk do ishim këtu, i përshëndes. Nuk më bezdisin fare. Ishte gjithçka në kuadrin e fjalëve”.

MIQTË MË TË MIRË – “Arapi ka qenë miku më i afërt, qëndrova 6 vite në shtëpi me të. Më pas rrija me Muzakën. Me ata që qëndroja në shtëpi rrinim më shumë. Arapin e kisha edhe nga Durrësi dhe me të kam kaluar më shumë kohë se me fëmijët e mi. Udhëtonim edhe drejt Durrësit së bashku”.

Huazimi i ka përfunduar mesfushorit, i cili ende nuk e di se ku do të luajë sezonin e ardhshëm. Sibo e vlerëson shumë mundësinë që i dha Skënderbeu dhe përçon edhe një mesazh: “Nëse më duan, le të më thonë”. Sigurisht ai do të vlerësojë ofertën dhe më pas do të vendosë së bashku me klubin dhe menaxherin e tij.

“Jam shumë i lumtur që isha pjesë e familjes së Skënderbeut. Ata më dhanë mundësinë të ekspozohem dhe e vlerësoj shumë shansin. Gjashtë muaj në Korçë ishin si shumë vite për mua. Më ka përfunduar kontrata me ta dhe tani do të kthehem pas te klubi që ka kartonin tim, Uotfordi. Të shohim se çfarë do të sjellë e ardhmja. Nëse Skënderbeu më do sërish, nuk mund të bëj gjë tjetër veçse të flas me klubin dhe menaxherin tim”, deklaron Sibo për SportEkspres.com.

Mesfushori e vlerëson shumë kampionatin shqiptar, sidomos për ritmin dhe konkurrencën e madhe që vjen prej diferencës së vogël mes ekipeve. “Ritmi është shumë i lartë dhe ka shumë konkurrencë në kampionat. Jam shumë i lumtur që kam provuar të luaj në një kampionat të tillë”, përfundon Sibo deklaratën e tij.

Daja nga ana tjetër ka folur dhe ka lënë të hapur mundësinë e një bashkëpunimi me bardhekuqtë: “Nuk e përjashtoj aspak mundësinë për të qenë pjesë e ekipit të Skënderbeut. Jam më se i lumtur për atë që kemi arritur së bashku me futbollistët dhe presidencën. Nuk e mohoj që vazhdoj të jem në kontakte me drejtuesit e Skënderbeut dhe në momentin e duhur mund të ketë edhe një finalizim”.

Trajneri kryeqytetas, ka vijuar me deklaratën e tij në RTSH Sport: “Unë jam i gatshëm për Skënderbeun, edhe pse ka shumë kërkesa nga ekipe të ndryshme. Për momentin më duhet të pushoj dhe më pas do të vendos. Gjithsesi të mos keqkuptohemi, nuk po pres aspak se cila do të jetë përgjigja e KAS. Uroj që Skënderbeun ta shoh në Europë që këtë sezon, pasi është vlerë e futbollit shqiptar.

Jam gati të punoj në çdo rrethanë me Skënderbeun, por e përsëris: një trajneri i duhet një motiv maksimal për të qenë vetvetja dhe kërkues në nivelin maksimal. Këto mua nuk më mungojnë dhe besoj se me Skënderbeun gjithçka është e realizueshme”.

“Mbyllëm një sezon të vështirë, një vit tranzicioni. Kam dhënë gjithçka atje dhe i falënderoj të gjithë në Korçë. Do flas në një konferencë për shtyp, do shkoj të takoj lojtarët. Kam nëntë vite atje dhe duhet t’i takoj të gjithë, duke nisur nga punëtori i fushës. Është një vendim që e kam marrë ditët e fundit, duke u konsultuar me familjen time”, tha Shehi mes të tjerash në emision.

Nën drejtimin e tij Skënderbeu e mbylli në vendin e katërt në kampionat, duke siguruar pjesëmarrjen në kupat e Europës. Gjithsesi garimi në Europë varet nga vendimi që CAS do të marrë në ditët e ardhshme, pasi dihet që korçarët janë të dënuar të mos marrin pjesë për 10 vite në kupat e Europës.

Vangjeli largohet nga Skënderbeu pas plor pesë vitesh. Anësori i djathtë edhe vjet ishte në dyshim nëse do të qëndronte te korçarët apo jo dhe në fund pranoi propozimin e presidentit Ardjan Takaj. Ai kishte oferta edhe nga Greqia.

Mbrojtësi,  në verën e vitit 2016 kaloi në Rumani tek Astra, por qëndroi pak kohë aty dhe u kthye në ekipin e vendlindjes për të qenë një nga liderët e skuadrës bardhëkuqe. Skënderbeu do të vuaj tashmë të gjejë një pasues për Vangjelin, i cili ka qenë një nga pikat më të forta të skuadrës korccare në vitet e fundit.

“Gjithë punën tonë e kemi drejtuar nga e ardhmja, duam kupat e Europës dhe të hiqet ai dënim absurd. Duke qenë se ne arritëm të sigurojmë një vend në Europë, presim të qetë vendimin KAS-it. Me datë 11 qershor, fillojmë fazën përgatitore, prandaj shpresoj që përgjigja e KAS-it të dalë para kësaj date.

Lojtarët që janë në kontratë do të qëndrojnë të gjithë, ndërsa lojtarët e huazuar do të rikthehen fillimisht te skuadrat e tyre, më pas do të shohim”, u shpreh Shehi.